Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dk Magufuli awawashia moto Tanroads

Discussion in 'Habari na Hoja mchanganyiko' started by Rutashubanyuma, Dec 12, 2010.

  1. Rutashubanyuma

    Rutashubanyuma JF-Expert Member

    #1
    Dec 12, 2010
    Joined: Sep 24, 2010
    Messages: 61,342
    Likes Received: 477
    Trophy Points: 180
    Dk Magufuli awawashia moto Tanroads Saturday, 11 December 2010 20:59

    Habel Chidawali, Dodoma

    WAZIRI wa Ujenzi Dk John Magufuli amewashukia watendaji wa wizara yake na Wakala wa Barabara Tanzania (Tanroads) na kuwataka waepuke rushwa wanayoikwapua kupitia ujenzi wa barabara za lami.

    Dk Magufuli amewataka watumishi hao kuongeza umakini katika utendaji wao wa kazi kabla hajamfukuza mmoja baada ya mwingine na kuwaacha watumishi wazalendo, wanaoguswa na umaskini wa mtanzania.

    Dk Magufuli alisema hayo alipokuwa anakutana na viongozi wa serikali mkoani Dodoma ambako pia alieleza kuwa, kama aliweza kumfukuza kazi Meneja Mkuu wa Tanroad hivi karibuni, Ephrem Mrema hataona shida kuwatimua watumishi wa chini wasiokuwa waadilifu.

    Waziri Magufuli ambaye wakati wa utawala wa awamu ya tatu, alikuwa waziri wa ujenzi kabla ya kuhamishiwa wizara nyingine, amewaeleza watendaji hao kuwa ameanzisha mkakati maalumu kuisafisha wizara ya Ujenzi ambayo kwa muda mrefu, imeonekana kuwa kinara wa ufisadi katika kupitisha zabuni za ujenzi wa barabara.

    Alisema ikilinganishwa na nchi zingine barani Afrika, Tanzania ndiyo yenye gharama za juu za ujenzi wa barabara. Hii inachangia maskini wa nchi na watu wake.

    "Sitaki tena kusikia eti kilometa moja ya barabara inajengwa kwa Sh1.2 bilioni. Huu ni wizi mkubwa. Watu wanapanga bei za juu kisha wanazifuata fedha hizo kwa wajenzi na kuzichukua. Nasema hiki kitengo nitakufa nacho," alisisitiza Magufuli.

    Akitolea mfano wa nchi kadhaa duniani na bila kutaja angependa gharama za ujenzi ziwe kiasi gani, Dk Magufuli alisema hakuna sababu ya kutumia fedha nyingi kiasi hicho, kujenga barabara wakati nchi ni maskini.

    Dk Magufuli alieleza mikakati yake katika kipindi cha uongozi wake kuwa ni kufanya kazi na watu wenye weledi na ambao ni wazalendo, wanaoipenda nchi yao na kuionea huruma siku zote katika kubana matumizi ya fedha za walipa kodi.

    "Mnaniangalia tu, naomba sana mniombee kwa kuwa nimeanza kazi hii kwa nguvu zote na tayari nimeshamtuma Naibu Waziri wangu kutembelea mikoa ya Iringa, Mbeya na Rukwa wakati mimi naanza na mikoa hii ya Dodoma na Morogoro lazima tukimbie," alisema.
    Katika hatua nyingine Dk Magufuli alizungumzia tabia ya watu kujenga katika maeneo ya akiba ya barabara akisema kuwa sio sahihi kwani ni hatari kwao kuwa wakibomolewa, hawatalipwa chochote.

    Alitolea mfano wa barabara ya Dar es Salaam- Mlandizi ambayo upanuzi wake ulihusisha kubomoa zaidi ya nyumba 3,000, lakini waliolipwa ni nyumba saba tu na hivyo akasema wale wote waliojenga nyumba zao katika maeneo ya akiba ya barabara wajiondoe mapema wenyewe.

    Dk Magufuli ambaye ni Mbunge wa Chato, mkoani Kagera alimwagiza Mkuu wa Mkoa wa Dodoma kuwakamata na kuwaweka rumande matajiri wote waliojenga nyumba zao katika maeneo barabara bila ya kujali fedha zao na nafasi zao kitaifa.

    Alimtaka Mkuu huyo wa mkoa kutowaogopa watu hao kama alivyofanya yeye wilayani Chato ambako aliwabomolea nyumba na wananchi wa Jimbo hilo, bado wakampitisha bila kupingwa kuwa mbunge wao.
     
  2. BONGOLALA

    BONGOLALA JF-Expert Member

    #2
    Dec 12, 2010
    Joined: Sep 14, 2009
    Messages: 13,024
    Likes Received: 1,322
    Trophy Points: 280
    he s a man of actions!bravo MAGUFULI!
     
  3. Gama

    Gama JF-Expert Member

    #3
    Dec 12, 2010
    Joined: Jan 9, 2010
    Messages: 6,898
    Likes Received: 265
    Trophy Points: 180
    Yeye na msaidizi wake ni - the right tool for the right job
     
  4. Quinty

    Quinty JF-Expert Member

    #4
    Dec 12, 2010
    Joined: Mar 25, 2010
    Messages: 463
    Likes Received: 0
    Trophy Points: 0
    Inatakiwa viongozi wengine wachukue mfano na wachape kazi
     
  5. Mallaba

    Mallaba JF-Expert Member

    #5
    Dec 12, 2010
    Joined: Jan 30, 2008
    Messages: 2,561
    Likes Received: 0
    Trophy Points: 133
    he is the real patriotic and brave politicians in his life
     
Loading...