Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dk Hoseah adaiwa kufichua siri za JK

Discussion in 'Jukwaa la Siasa' started by Mallaba, Dec 21, 2010.

  1. Mallaba

    Mallaba JF-Expert Member

    #1
    Dec 21, 2010
    Joined: Jan 30, 2008
    Messages: 2,561
    Likes Received: 0
    Trophy Points: 133
    MKURUGENZI Mkuu wa Taasisi ya Kuzuia na Kupambana na Rushwa (Takukuru), Dk Edward Hoseah, anadaiwa kufichua siri za Rais Jakaya Kikwete kwamba kiongozi huyo wa nchi asingependa vigogo serikalini kufikishwa mahakamani kwa tuhuma za rushwa.
    [​IMG] Dk Hoseah

    Kadhalika, mkuu huyo wa Takukuru anadaiwa kushindwa kuwafikisha mahakamani vigogo waliohusika na kashfa ya rada kwa sababu anahofia usalama wake, gazeti la The Guardian la Uingereza liliripoti juzi.

    Mbali na hofu hiyo, gazeti hilo pia lilieleza juzi kuwa Dk Hoseah alipewa maelekezo maalumu na Rais Kikwete kutoshughulikia kesi za rushwa zinazowahusu vigogo katika serikali yake na hasa marais waliomtangulia. The Guardian lilitoa taarifa hiyo likiunukuu mtandao wa habari wa WikiLeaks uliojizolea umaarufu duniani kwa kutoa habari za kiuchunguzi hasa baada ya mwasisi wake, Julian Paul Assange, kutiwa matatani.

    Kwa mujibu wa habari hiyo, Dk Hoseah, alisema hayo Julai 14 mwaka 2007, alipokuwa akizungumza na mwanadiplomasia wa Marekani, Purnell Delly jijini Dar es Salaam. Alisema uchunguzi wa kashfa ya rada ni hatari kwake kwa kuwa vigogo nchini, hawaguswi kwa tuhuma na kwamba “tayari alikuwa ameanza kupata vitisho”.

    Akizungumza kwa huzuni na kusononeka, Dk Hoseah alidai kuwa kwa ari na utashi alionao katika vita dhidi ya ufisadi, angeweza kuwafungulia mashtaka watuhumiwa wa ufisadi, lakini ameshindwa kwa kuwa kesi hiyo inawagusa vigogo kadhaa, wakiwamo marais na waziri mkuu mstaafu na ndani ya Jeshi la Wananchi wa Tanzania (JWTZ). "Biashara hiyo chafu iliwahusisha maafisa kuanzia ngazi ya Wizara ya Ulinzi na afisa mmoja au wawili wa ngazi za juu ndani ya jeshi, The Guardian lilieleza likinukuu vinasa sauti vya ubalozi huo.

    Dk Hoseah alitumia mkutano huo kueleza mafanikio ya Tanzania katika mapambano dhidi ya rushwa na kueleza kuwa matumaini yake ya awali kusimamia mkakati huo, yamevunjwa moyo. "Alituambia waziwazi (rais) kwamba tuhakikishe kesi inayomhusu rais au waziri mkuu na viongozi waliomtangulia, tusiziguse na ziwekwe chini ya meza," lilieleza gazeti hilo katika taarifa yake.

    Katiba ya Jamhuri ya Muungano wa Tanzania na sheria zake ndogondogo, mtu yeyote aliyewahi kuwa rais wa nchi hawezi kufikishwa mahakamani kwa tuhuma zozote zinazomkabili.

    Lakini, wadau kadhaa wa masuala ya siasa, sheria, haki za binadamu na utawala bora wamekuwa wakiendesha harakati za kudai katiba mpya ambayo pamoja na mambo mingine, wametaka iondoe kinga ya rais ya kutoshitakiwa mahakamani hata mara baada ya kustaafu kwenye nafasi hiyo.
    “Kuna taarifa za ufisadi ndani ya Beki Kuu ya Tanzania (BoT). Pia Visiwani Zanzibar kuna mambo mengi yanayohusiana na rushwa na ufisadi,"alinukuliwa Dk Hoseah ambaye alieleza kuwa anaamini “maisha yake yatakuwa hatarini” iwapo atathubutu kuendesha uchunguzi huo.

    Taarifa hizo kutoka kumbukumbu za vinasa sauti vya ubalozi wa Marekani nchini, zimeeleza kuwa katika mazungumzo hayo, Dk Hoseah alikuwa anarudia na kusisitiza kuhusu usalama wake, akisema anaamini maisha yake yapo hatarini kwa sababu alishapokea ujumbe wa vitisho kupitia simu yake ya mkononi na barua. "Amesema (Dk Hoseah) amekuwa akikumbushwa mara kwa mara kwamba katika vita hiyo ya ufisadi, anapigana na matajiri na wenye nguvu katika vita dhidi ya ufisadi,”gazeti The Guardian lilimnukuu Delly, afisa huyo wa Marekani aliyekuwa akizungumza na Dk Hoseah.
    Imeelezwa katika taarifa hiyo kuwa sababu kubwa ya Dk Hoseah kujaribu kutia mguu kwenye sakata la rada ni taarifa ya uchunguzi wa Taasisi ya Kuchunguza Ufisadi ya Uingereza (SFO), ambayo ilieleza kinagaubaga kuhusu kesi hiyo. Delly alisema, Hoseah amekuwa akionywa katika vitisho hivyo kwamba anaweza akaiona chungu nchi yake ikiwa ataendelea na mapambano hayo.

    "Alisema (Dk Hoseah), ukihudhuria mikutano ya ndani na vigogo wa serikali, wanataka wakuone ukijihisi kwamba wao ndio wamekuweka katika cheo chako, lakini ukiwa mbishi wa kushikilia misimamo yako tu, basi uko katika hatari,” gazeti hili lilimnukuu Delly. Awali akizungumza na gazeti hili, Dk Hoseah alikiri kupata vitisho vinavyohatarisha maisha yake kutokana na mapambano yake dhidi ya rushwa, lakini akasema hajaiona habari hiyo iliyonukuu mazungumzo yake na mwanadiplomasia huyo wa Marekani.

    Hata hivyo, mtendaji huyo wa Takukuru alisema ni kawaida yake kukutana na mabalozi wa nchi mbalimbali kila mwaka na kujadiliana nao mambo mengi kuhusu Tanzania. Alisema mabalozi ni wadau wakubwa katika bajeti ya Tanzania na hivyo huwa wanakutana kila mwaka kujadili mambo mbalimbali ya kuhusu kusaidia bajeti ya serikali. “Mimi huwa nakutana na mabalozi wa nchi mbalimbali kwa sababu wao ni wadau katika mradi wa ‘government budget support’ (Mpango wa kusaidia bajeti ya serikali), hivyo hilo sio tatizo,” alisema Dk Hoseah.

    “Msimamo wangu ni kwamba mapambao dhidi ya ufisadi ni endelevu hadi hapo tutakapofanikiwa kumaliza tatizo hili,” alisema Dk Hosea na kukiri: “Vitisho vipo vingi tu, kutoka kwa watu wanaotuhumiwa, lakini si hata ninyi waandishi mnamwagiwa ‘tindikali’ katika mapambano yenu, hivyohivyo hata mimi napata vitisho.” Alisisitiza kuwa pamoja na vitisho hivyo, hawezi kurudi nyuma katika mapambano ya rushwa na ufisadi.
    “I’m Tanzanian I will die in Tanzania, it is my country’ (mimi ni Mtanzania, nitakufa Tanzania, ni nchi yangu), siwezi kuhama nchi kwa vitisho vya watu wachache wanaotuhumiwa kwa ufisadi na rushwa,” alisisitiza Dk Hoseah. “Hilo la kwamba nafikiria kuhama nchi wametia chumvi si unajua magazeti? Sijafikiria kuhama nchi licha ya vitisho, mimi naona ni changamoto na jambo la kawaida katika mapambano,” aliongeza Dk Hoseah.

    Kuhusu Rais Kikwete kukwamisha mapambano ya ufisadi kama alivyonukuliwa na gazeti hilo la The Guardian, Dk Hoseah alipiga chenga kulijibu badala yake akaeleza: “Ili umpeleke mtu mahakamani si lazima umtuhumu na kumfanyia uchunguzi? Lakini pia lazima tujenge utamaduni wa kuwaheshimu viongozi wetu.” Lakini baadaye saa 9:30 alasiri jana,Takukuru ilituma taarifa iliyoeleza kuwa Dk Hoseah ameshangazwa na Ofisa wa Ubalozi wa Marekani kumnukuu vibaya huku akisema hajui ana lengo gani.

    Katika taarifa hiyo, Dk Hoseah alikiri kukutana na ofisa huyo wa Ubalozi wa Marekani ofisini kwake Julai mwaka 2007, lakini, akasema ripoti ya mazungumzo yao aliyoipeleka nchini kwake imechakachuliwa. “Kwa mfano haikutokea katika mazungumzo yetu kusema kwamba Rais Jakaya Kikwete hakutaka kuruhusu sheria kuchukua mkondo wake, kuwashitaki vigogo wote wanaotuhumiwa kwa ufisadi kama ilivyodaiwa na Ubalozi wa Marekani,” ilisema taarifa hiyo iliyotolewa na idara ya mahusiano ya Takukuru.
    “Nilichosema ni kwamba Rais hayuko tayari kuruhusu kushitakiwa kwa vigogo wa serikali au mtu mwengine yeyote kwa tuhuma za uvumi au kwa ushahidi dhaifu, kwa sababu kufanya hivyo, serikali itakuwa hatarini kwa kulipa gharama kubwa ya fidia ikiwa mtuhumiwa huyo atashinda kesi mahakamani,” ilisema taarifa hiyo na kuongeza.

    Kuhusu hofu ya maisha yangu, nakumbuka niliulizwa na Ubalozi wa Marekani kwamba je, naogopea maisha yangu au la, nikiwa Mkuu wa Takukuru? Na jibu langu lilikuwa rahisi kwamba ‘bila ya shaka’ unapopambana na wakubwa na matajiri kama hao wanaotuhumiwa unapaswa kuwa makini na maisha yako. Lakini hata siku moja sikusema kwamba napanga kuhama nchi kwa sababu maisha yangu yapo hatarini.

    Ni mshangao kuona kwa mara nyengine ofisa wa Ubalozi wa Marekani ananinukuu mimi vibaya au nje ya mada na sielewi kabisa lengo lao lilikuwa nini.” Alsema rekodi yake, akiwa Mkuu wa Takukuru iko wazi kabisa wakati wowote anapokuwa na ushahidi wa kutosha dhidi ya mtuhumiwa yeyote wa ufisadi hawaogopi lolote isipokuwa ni kumburuza mahakamani bila ya kujali cheo chake.

    Naye Mkurugezi wa Mawasiliano ya Rais, Salva Rweyemamu, hakupatikana jana kuzungumzia suala hilo kutokana na simu yake kuita bila kupokelewa muda wote. Kwa upande wa msaidizi wake, Premi Kibanga aligoma kuzungumzia suala hilo kwa kile alichoeleza kuwa hajaisoma habari hiyo iliyochapishwa na gazeti la The Guardian la Uingereza.
    “Mimi sijaiona wala kuisoma habari hiyo, hivyo siwezi kuzungumzia kitu ambacho sijakiona. Sina uhakika kwamba Dk Hoseah amesema hayo, pengine umemuelewa vibaya,” alisema Kibanga. Juhudi za kumpata Balozi wa Marekani nchini Tanzania, Alphonso Lenhardt, kuzungumzia suala hilo hazikufanikiwa baada ya simu yake ya mkononi kutokuwa hewani kila ilipopigwa.
     
  2. Matonange

    Matonange Member

    #2
    Dec 21, 2010
    Joined: Nov 11, 2010
    Messages: 62
    Likes Received: 0
    Trophy Points: 0
    Kama ana uchungu na nchi yake na wanambanabana ajiuzulu.
     
  3. chobu

    chobu JF-Expert Member

    #3
    Dec 21, 2010
    Joined: Nov 5, 2010
    Messages: 277
    Likes Received: 3
    Trophy Points: 35
    Mtu muungwana mambo yakiwa magumu anaachia ngazi!!!!!!!!!!!!mbona yeye bado kang'ang'ania hatudanganyiki!!!!!!!!!!!!
     
  4. MartinDavid

    MartinDavid JF-Expert Member

    #4
    Dec 21, 2010
    Joined: May 22, 2009
    Messages: 853
    Likes Received: 18
    Trophy Points: 35
    Jk ni fisadi mkubwa sana... Ila iko siku he will pay for all the wrong doings!!

    Hosea can't take them to court because all are his friends

    but 2015 we be his last and he will be and example of fair judgement and sent to prison as the first president in africa.
     
  5. n

    ngwendu JF-Expert Member

    #5
    Dec 21, 2010
    Joined: Jun 7, 2010
    Messages: 1,968
    Likes Received: 5
    Trophy Points: 0
    Mkapa ameiba na hajapay itakuwa JK ambaye hata ushahidi huna. Poor thinking and extrimist.
     
  6. Mungi

    Mungi JF Gold Member

    #6
    Dec 21, 2010
    Joined: Sep 23, 2010
    Messages: 16,944
    Likes Received: 352
    Trophy Points: 180


    Huwezi amini pamoja na Heshima zote, yeye ndiye Supervisor wa miradi ya katibu mkuu kiongozi maeneo ya Mbezi Beach.
    FISADI mkubwa sana huyu haaminiki. habari yenyewe imekaa kiaina imekosa ladha.
     
  7. U

    Uwezo Tunao JF-Expert Member

    #7
    Dec 21, 2010
    Joined: Nov 14, 2010
    Messages: 6,948
    Likes Received: 8
    Trophy Points: 0
    Huyu Ndugu Hosea namfahamu fika na vile vile uwezo wake wa kazi si wa kuchezewa. Tatizo chombo anachokiongoza hakipo huru kama Tume ya CCM ya Uchaguzi iliotudhihaki. Gari likiwa bovu hata aje dereva mzoefu kiasi gani ni sharti chombo kirekebishwe kwanza.

    Hayo yote yalionukuliwa na gazeti la Uingereza ni ya kweli na vilevile ARI na UTASHI aliyonayo huyu baba kama isingalikua ni KUFUNGWA MIKONO YAKE NA RAIS KIKWETE mpaka sasa MAFISADI wengi wangekua wakichungulia nje kwenye tundu dogo tu wakiwa kule Ukonga Maximum Prison.
     
  8. l

    limited JF-Expert Member

    #8
    Dec 21, 2010
    Joined: Feb 18, 2009
    Messages: 296
    Likes Received: 3
    Trophy Points: 35
    Pamoja na kansa ya uongozi wa CCM watu wataendelea kukichagua,au watu wanaweza wakachoka na kusema potelea mbali wakachagua chama KINGINE....JK NYERERE


    ITS TRUE MALLABA NA ITATOKEA TU KWA MAELEZO YA WIKLEAKS INATIA KICHEFUCHEFU KUNIAMBIA ET TANZANIA TUNA SEREKALI WHAT A SHAME!!!!!
     
  9. MartinDavid

    MartinDavid JF-Expert Member

    #9
    Dec 21, 2010
    Joined: May 22, 2009
    Messages: 853
    Likes Received: 18
    Trophy Points: 35
    Okey i love that senario very much..

    lets see if Jk will remove him from his post...
     
Loading...