Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ditopile- The saint or a sinner?

Discussion in 'Habari na Hoja mchanganyiko' started by Asha Abdala, Apr 27, 2008.

  1. A

    Asha Abdala JF-Expert Member

    #1
    Apr 27, 2008
    Joined: Mar 21, 2007
    Messages: 1,135
    Likes Received: 2
    Trophy Points: 0
    Ditopile- The saint or a sinner?

    Unajua hapa watu wengi wamekataa tusimjadili Ditopile eti kwa kuwa tayari ameshakufa. Lakini watu hao hao wanaokataza Ditopile asijadiliwe, wanamjadili Hayati Mwalimu Nyerere kwa undani wote kama vile si marehemu. Sasa nashauri Hayati Ditopile naye ajadiliwe- Is he the saint or the sinner? Tuanzie na makala ya Karugendo

    Dito nilimpenda, nikamchukia, nikampenda baada ya kufa


    NIUNGAME wazi kwamba sikubahatika kukutana na marehemu Ukiwaona Ditopile Mzuzuri wakati wa maisha yake.
    Nilimfahamu kupitia kwenye vyombo vya habari.Zamani nikiwa shuleni, nilikuwa nikivutiwa na jina lake refu: Ukiwaona (Usiwaulize) Ramadhani Mwishehe Ditopile wa Mzuzuri.
    Nilihisi hakuwa mtu wa kawaida, maana wanafunzi niliosoma nao, waliokuwa na majina marefu na ambayo hayakuwa ya kawaida, walikuwa ni watu wa aina nyingine.Wenye akili sana, wenye uvumbuzi na vipaji vingine kama ucheshi, kupatana na kila mtu nakadhalika.
    Hivyo nilihisi kuwa Ditopile, ni mtu wa aina hiyo. Pamoja na kuvutiwa na jina lake, haikutosha kumpenda!Nilimpenda Ditopile wakati serikali ya awamu ya nne ilipoingia madarakani.
    Kuna mtu mwenye heshima zake alininong’oneza kwamba ndani ya serikali ya awamu ya nne, mtu pekee mwenye ubavu wa kuwashambulia na kuwakemea “mafisadi” wazi wazi bila kificho na woga ni Ditopile.
    Hakujali cheo cha mtu, kama mtu ni fisadi, alimwambia waziwazi. Na kwamba mtu huyu, yaani Ditopile, si fisadi!
    Ni kati ya watoto wa Mwalimu Nyerere waliobaki waaminifu kwa mawazo ya Mwalimu na wazalendo wa nchi hii.
    Kwamba Ditopile hakujilimbikizia mali. Na kwamba kule kupangiwa kuwa Mkuu wa Mkoa wa Tabora, zilikuwa njama za mafisadi kuhakikisha anakaa mbali na Rais Jakaya Kikwete, ili asiweze kumpatia habari za haraka za wanaoiba fedha za Serikali.
    Sifa hizi zilinifanya nimpende Ditopile. Kama sote tunavyojua mafisadi wengi wamefichua makucha yao wakati wa Serikali ya awamu ya nne.
    Na mbaya zaidi wengi wao walikuwa wamemzunguka na kumpamba Rais Jakaya Kikwete, kwa kisingizio cha “Wanamtandao” – hivyo mtu wa kuwakemea na kuwakumbusha wajibu wao kwa Watanzania ni mtu wa kupendwa kwa namna yoyote ile.
    Hivyo nilimpenda sana Ditopile baada ya kufahamu msimamo wake na mapenzi yake kwa taifa letu.Nimeandika makala hii yenye kichwa cha habari nilimpenda Dito, nikamchukia na kumpenda tena baada ya kufa kwa sababu ya kutokuwa fisadi, kuwa tayari kuwashambuliwa mafisadi, ile ya kuwa mzalendo na kuzipenda kupindukia fikra za Mwalimu, haijaandikwa!
    Yanatajwa mengine mengi, lakini hili linafunikwa, labda ni kwa vile tumejenga utamaduni wa kuupenda ufisadi na kuwasifia mafisadi wenye “vijisenti” vyao kwamba wao ndio wanaume, wao ndio waliofanikiwa kimaishani, wao ndio wenye akili.
    Kuna watu waliosikitika kwamba Dito, amekufa maskini!
    Maana yake alikuwa mjinga, kuacha kutumia nafasi ya uongozi wake serikalini kuiba! Hata watu waliomfahamu zaidi, wale waliokuwa na bahati ya kukutana naye, hawakuiandika sifa hii ya kutokuwa fisadi, sifa hii ya kuwashambulia na kuwakemea mafisadi.
    Nimeliona pengo hili na kwa vile ninakiamini kwa asilimia mia moja chanzo cha habari hii, nimeona ni bora nizibe pengo. Tutakuwa hatumtendei haki Dito tusipotaja sifa yake ya kufa bila “vijisenti”!
    Lakini labda nielezee ni kwa nini nilimchukia mzalendo huyu. Nilimchukia sana pale aliposababisha kifo cha kijana Hassan Mbonde, dreva wa daladala.
    Nilishangaa sana mtu anayechukia mafisadi, mtu anayependa fikra za Mwalimu Nyerere, mwenye kutetea haki za wanyonge, anaweza vipi kufanya kitendo kama hicho. Kukatisha maisha ya kijana mdogo (33), kijana aliyekuwa na matumaini ya kuishi, kijana mwenye familia na watoto wa kulea?
    Nilimchukia kupindukia! Nikachukia zaidi pale kesi yake ilipobadilishwa na kufanywa ionekane ni kuua bila kukusudia. Nikachukia zaidi na zaidi pale alipotolewa rumande wakati watu wengine wenye kesi kama hizo wanasota miaka, kabla ya kesi zao kusikilizwa.
    Niliona hakuna haki katika nchi hii, niliona ni mtindo wa kulindana! Kuna jamaa yangu anayeishi Zanzibar alinitumia SMS ya kifo cha Dito, nikamjibu “ngoja atangulie, akakutane na kijana aliyekatisha maisha yake, maana kule hakuna cheo wala kujuana”, akanijibu “Acha roho mbaya”.
    Kusema kweli, nilimchukia sana Dito kwa kitendo kile na jinsi alivyoshughulikiwa baada ya kitendo hicho.
    Nikampenda tena Dito baada ya kifo chake. Kwa nini? Tanzia ya kwanza niliyoisoma juu ya Dito ni ile iliyoandikwa na Happiness Kabatazi, 'Tanzania Daima', Jumanne, Aprili 22.
    Binti huyu ninamheshimu sana anavyoandika. Huyu ni mpambanaji, mwanaharakati wa kutetea haki za binadamu. Nikashangaa sana, alivyoandika “Namlilia Ditopile”. Nikashangaa alivyompamba, pamoja na kufahamu kitendo cha kukatisha maisha ya kijana Hassan Mbonde dereva wa daladala.
    Nikakwazika kwa mwanaharakati wa haki za binadamu kumlilia muuaji. Tanzia ya pili niliyoisoma ni ile ya Aristariko Konga. Huyu naye ni mpambanaji mwingine, naye kwenye 'Raia Mwema' ya Aprili 23 aliandika hivi: “ Ditopile Mzuzuri alikuwa kama muarobaini wa mazingira ya hasira, chuki, visasi na simanzi.
    ”Nikaendelea kushangaa zaidi muarobaini wa mazingira ya hasira, chuki, visasi na simanzi, gari lake ligongwe, atoe bastola? Tanzia ya tatu ni ile ya Maggid Mjengwa, kwenye 'Raia Mwema' ya Aprili 23, huyu naye ni mwanaharakati wa kutupwa, ila naye anamlilia Dito kwa aina yake.
    Tanzia ya nne ni ile ya Jabir Idrisa katika 'MwanaHALISI' ya Jumatano Aprili 23, huyu pamoja na kumlilia Dito, anatoa ushuhuda wa watu wengine waliomfahamu Ditopile kama vile Price Bagenda aliyemkariri akisema: “Mchumi huyu ni mtu wa mizaha sana; sikumuona kujenga chuki na mtu hata siku moja.
    Ikitokea amekukasirisha atatafuta kila njia mpatane haraka iwezekanavyo. Kila tulipokutana alizungumza mambo makubwa ya nchi, hali ya siasa na mwelekeo wa taifa…alionyesha moyo huu tangu akiwa kijana wa TANU na CCM.” Na hii ya Bagenda ikavuruga mawazo yangu, inawezekana vipi mtu asiyejua kujenga chuki na mtu, gari lake ligongwe atoe bastola?
    Tanzia hizi kutoka kwa watu ninaowaheshimu na kuwaamini, zilinichanganya mawazo. Kwa vile msiba huu umetokea nikiwa Dar, niliamua kujitupa mitaani na kusaka habari zaidi juu ya Dito.Inashangaza sana!
    Kumbe Dito hakuwa mgovi, hakuwa na majivuno wala dharau kwa watu wa kawaida. Watu wengi nilioongea nao, wanasema walishtushwa sana na tukio la Dito, kumfyatulia risasi yule kijana Hassan Mbonde, dereva wa Daladala.
    Hawakumbuki kumwona Dito akiwa na hasira kiasi hicho katika maisha yake. Wengi wanaamini alirogwa na mafisadi!
    Alitupiwa juju, akili yake ikabadilika! Wenye imani hizi za kurogwa wanalishikia hili bango na wanamtaja kabisa mlengwa! Maana, kuna habari za mitaani kwamba Dito, alipowekwa gerezani, kuna mafisadi walifanya sherehe. Na walikuwa wakifanya kila njama ili aendelee kubaki ndani.
    Nimeelezwa mengi juu ya Dito hadi hasira yangu ikayeyuka. Kumbe huyu ni kati ya watu wachache hapa Tanzania waliotumia muda wao wote, nguvu zao na akili zao kulitumika taifa letu? Ni kati viongozi ambao hawakujilimbikizia mali? Ni kati ya viongozi ambao hawakuficha fedha nchi za nje.
    Huwezi kuwa una fedha nchi za nje ukahangaika maporini kufanya biashara ya Asali. Ditopile amekufa akiwa anafanya biashara ya Asali.Wengi tulifikiri alifanya kitendo kile cha kumfyatulia Hassan Mbonde risasi kwa kiburi cha kuwa karibu na Rais Jakaya Kikwete na kwamba labda hakujuta kwa kitendo hicho.
    Lakini ukweli nilioupata kwa watu waliokaribu naye ni kwamba kitendo hicho kilimtesa sana na hakukikubali wala kukipokea rohoni mwake hadi siku ya kufa kwake.Hakuamini kama yeye ndiye aliyetenda kitendo hicho.
    Ilimtesa sana! Ule mtindo wa kuvaa kofia aina ya pama mahakamani zilikuwa ni mbinu za kutokubali kitendo kile. Amekufa akiwa na maneno “Hujafa, hujaumbika” midomoni mwake.
    Mungu amlaze mahali pema peponi, kwa vile yeye ndiye mwenye kupima, tumwachie yote! Ipo siku atawafichua wabaya wa Marehemu Ukiwaona (Usiwaulize) Ramadhani Mwishehe Ditopile wa Mzuzuri.
     
  2. Mpita Njia

    Mpita Njia JF-Expert Member

    #2
    Apr 27, 2008
    Joined: Mar 3, 2008
    Messages: 7,014
    Likes Received: 17
    Trophy Points: 135
    wanajua yeye na mungu wake
     
  3. Ab-Titchaz

    Ab-Titchaz Content Manager Staff Member

    #3
    Apr 27, 2008
    Joined: Jan 30, 2008
    Messages: 14,702
    Likes Received: 15
    Trophy Points: 0
    Nadhani ni bibilia isemayo..."All men have sinned and come short
    of the Glory of God"...sasa unaanzia wapi to think of a mortal
    man as a saint?
     
  4. Halisi

    Halisi JF-Expert Member

    #4
    Apr 27, 2008
    Joined: Jan 16, 2007
    Messages: 2,810
    Likes Received: 66
    Trophy Points: 145
    Nashawishika kukubaliana na wewe Bi. Asha... kwanza mimi binafsi, nimeumia sana na kifo cha Ditopile... Nilikua mmoja wa watu wachache sana waliofika hadi gerezani kuzungumza naye kwa muda mrefu. Nilibeba hazina kubwa ambayo iko siku nitaianika. Ditto, alikua mwiba wa mafisadi, kwa namna ambayo sitoiweka bayana kwa sasa, ila kwa wanaomjua watakubaliana nami. Ditto aliundiwa njama za kuondolewa nchini ili asiweze kuendeleza, "umbea" wake dhidi ya Mafisadi... Nilishangaa sana baadhi yao eti walilia pale msibani....ama kweli, "hujafa hujaumbika."

    Ditto kwa nafasi yake, hivi sasa angekua na "Vijisenti" lakini amekufa FUKARA... maisha yake ni ya kawaida na kwa hulka ya WATANZANIA WENGI watasema "hakua mjanja" maana Wajannja ni kina Chenge na Mkapa, "waliowahi" ,lakini si kina Ditto na Samson Luhigo, ambaye kuna jamaa humu aliyesema, "amechoka". Tumjadili Ditto, kama mfano wa kuigwa wa wapambanaji na si kumsimanga mapungufu yake machache, ambayo hayatatusaidia sana katika hizi zama za "MAPAMBANO YA UKOMBOZI WA UHURU WA KWELI WA MTANZANIA" ambayo yamepamba kasi, bila ya WENGI KUJUA SIRI YA MAPAMBANO YANAYOSHIKA KASI
     
  5. TANMO

    TANMO JF-Expert Member

    #5
    Apr 27, 2008
    Joined: Apr 12, 2008
    Messages: 8,762
    Likes Received: 62
    Trophy Points: 145
    Naamini yote yanayosemwa juu ya Bro. Dito ipo siku ukweli utaonekana na ndipo tutakapoweza kujua tumweke katika kundi lipi analostahili kuwa.
     
  6. Alai

    Alai Member

    #6
    Apr 27, 2008
    Joined: May 10, 2007
    Messages: 71
    Likes Received: 0
    Trophy Points: 0
    Dito alikuwa kiongozi mmoja muhimu sana kwa mtanzania wa kawaida. Ndio alikuwa na hasira lakini jamaa aalipenda sana kupigania haki ya mtanzania wa kawaida. Nimesikitika sana vile nimesikia kwamba ndugu Ditto ametuwacha
     
  7. Sokomoko

    Sokomoko JF-Expert Member

    #7
    Apr 27, 2008
    Joined: Mar 29, 2008
    Messages: 1,909
    Likes Received: 7
    Trophy Points: 0
    Wasiomjua Bro Ditto watamsema kwa ubaya na kumhukumu pale alipo au ila Ditto ni mtu wa watu na siku alipofariki hata maiti yake kabla ya kufika nyumbani kwake ndio siku niliyojua kweli Ditto ni mtu wa watu. Alianguka kisasa kutokana na aliyoyapata na ninaweza kusema ile ndio ingefaa iitwe ajali ya kisiasa. Aliandika mwenyewe barau ya kujiuzuli hii ilikuwa ni kuonyesha uungwana wake! kwani mkushuhudia wengine wamefika eapoti wakaambiwa wajiuzulu wakakataa then after few days ikabidi wajiuzulu. Ditto he is not a saint coz he is a Muslim Ditto ni mtu wa watu na Mungu atamhukumu sisi hatuna uwezo huo.

    Mungu ampunguzie adhabu ya kaburi na amlaze mahali anapostahili. ( ameen )
     
  8. Dua

    Dua JF-Expert Member

    #8
    Apr 27, 2008
    Joined: Nov 14, 2006
    Messages: 2,483
    Likes Received: 15
    Trophy Points: 135
    A thug, a killer does not value human life.
     
  9. Sokomoko

    Sokomoko JF-Expert Member

    #9
    Apr 27, 2008
    Joined: Mar 29, 2008
    Messages: 1,909
    Likes Received: 7
    Trophy Points: 0
    NAMLILIA DITOPILE
    Na Happiness Katabazi

    ILIKUWA juzi saa 4:39, asubuhi, nikiwa nimeketi sebuleni na kunywa chai nyumbani kwetu Sinza ‘C', nilipokea simu kutoka kwa mfanyakazi mwenzangu ambaye ni mchora katuni aitwaye, Said Michael ‘Wakudata' akiniambia rafiki yako, Brother Ditopile, amefariki dunia.

    Nilishtuka na ghafla mapigo ya moyo yalianza kwenda mbio huku mikono ikitetemeka na kusababisha simu yangu ya kiganjani kuanguka kwenye zulia.

    Kwakuwa hapo sebuleni nilikuwa nimekaa na mama yangu mzazi na kaka zangu, mama yangu alishtuka, akanikaribia na kuniuliza kulikoni? Ndipo nilipomweleza kwamba nimepokea simu inayosema rafiki yangu Ukiwaona Ditopile Mzuzuri (60) amefariki dunia.

    Kwakuwa mama yangu naye alikuwa akimfahamu Ditopile, alishikwa butwaa. Kwakuwa siku hizi taarifa za kuzushiana vifo zimekuwa za kawaida ndani ya taifa hili, sikutaka kuziamini moja kwa moja taarifa hizo, niliamua kuokota chini ile simu yangu na kuanza kupiga kupitia namba zake (Ditopile) zote nne, ambazo nilizitumia kuwasiliana naye mara kwa mara.
    Nilipokuwa napiga simu kwenye line zote hizo, line zote zilikuwa hazipatikani.

    Ndipo nilipochukua uamuzi wa kumpigia simu aliyekuwa Katibu Mkuu wa timu ya Ashanti, Arafat Said, kwa kuwa marehemu alikuwa ni mlezi wa timu hiyo, kumuuliza kuhusu tukio hilo, naye alinithibitishia ni kweli. Nikabaki nimejiinamia kwa simanzi kutwa nzima na kuishia kumwombea kwa Mungu.

    Mara ya mwisho kuwasiliana na Ditopile ilikuwa ni Ijumaa saa mbili usiku ya wiki iliyopita.
    Alinipigia akaanza kwa kunitania kwamba muda si mrefu nitakuwa mkwe wake kwa mtoto wake wa kiume aitwaye Ramadhani, ambaye yupo masomoni Uingereza.

    Nikamjibu kwa kumtania kwamba sitakuwa tayari kuwa na baba mkwe ambaye ni chakaramu kama yeye, akajibu kwamba hiyo ndiyo tabia yake tangu mdogo, hivyo hawezi kuibadili ukubwani na kwamba yeye ataongoza msafara wa wazee wa Pwani kwenda kwa mzee Katabazi kumchumbia paparazzi (yaani mimi), ili familia yake iwe na mwandishi wa habari, kwani waandishi wa habari ambao enzi za uhai wake alipenda kuwaita paparazzi, walimuandika sana kwa mabaya yake na mazuri yake.

    Baada ya kunieleza hayo, nilimweleza kwamba kuna mtoto wako aitwaye Ramadhani Mzuzuri, mapema wiki iliyopita alitembelea blog yangu na kuniachia ujumbe wa kupongeza kazi zangu, nami nilimuliza Ramadhani kwakutumia e- mail kwamba Ditopile ni baba yake na kama ni baba yake basi mimi rafiki yake.

    Nilivyomweleza hivyo Ditopile, akaniambia hiyo ni sababu moja wapo iliyosababisha anipigie simu siku hiyo na akanieleza kweli yule ni mtoto wake.

    Baada ya kumaliza hadithi hiyo akaniomba nimsaidie kufahamu kesi yake imepangwa lini na kwa jaji yupi.

    Nilimwambia kuwa nipe sekunde chache nitoe kitabu changu cha kumbukumbu ili niweze kukutajia tarehe, nikamweleza kwamba kesi yake itatajwa kwa mara ya kwanza Aprili 24 mwaka huu, mbele ya Jaji Njegafibili Mwaikugile.

    Alishukuru na kuniambia: "Eh siku hiyo mapaparazzi wenzio wamejiandaaje kuja kunipiga picha?"

    Nilimjibu huku tupo timamu na kwamba siku hiyo tutahakikisha tunazingira pembe zote za Mahakama Kuu bila yeye kujua ili kuhakikisha tunaipata sura yake.

    Akacheka sana, akasema mapaparazzi mna taabu kweli.Namlilia rafiki yangu Ditopile kwani tangu atoke jela nimekuwa nikiwasiliana naye mara kwa mara kwa simu.

    Ila mara ya mwisho kuonana naye ana kwa ana na kuzungumza naye kwa takriban saa mbili ilikuwa ni Desemba 9, 2006 ndani ya Gereza la Keko alipokuwa amewekwa rumande.

    Kama inavyofahamika, waandishi wa habari huwa hawaruhusiwi kuingia magerezani, lakini mzee Ditopile alimtuma mtu anipigie simu niende kumuona gerezani, ila nikifika pale gerezani nijitambulishe kwa jina bandia la Koku Katabazi, nimetokea mkoani Kagera na kwamba nivalie mavazi ya gauni kubwa na kitambaa kichwani ili maofisa magereza wa gereza hilo wasinitambue.

    Kweli nilifanya hivyo na kabla ya kufikia sehemu ya kujiandikisha kwenye daftari la wageni, nilinunua maji chupa makubwa na mkate na tayari kusubiri niitwe jina la kuingia kumuona Ditopile.

    Nilivyoitwa jina hilo, nilishtukia nadakwa kiaina na ndugu na jamaa wa mzee Ditopile na wakanieleza nisiwe na wasiwasi watanipeleka gerezani anapolazwa.

    Kweli ilipofika zamu yangu, niliingizwa ndani ya gereza huku nikiambatana na ndugu yake mmoja ambaye ni mtu mzima kiumri, nikapandishwa sehemu ya kuzungumzia wageni ambapo ni hatua tano kutoka chumba alichokuwa akilala yeye na wenzake maarufu kwa jina la ‘Sick Bay'.

    Baada ya kufika na kuketi kwenye kiti, Ditopile alitoka chumbani akaja kuzungumza nami, nilishindwa kujizuia nilibubujikwa machozi. Akaniita jina langu akisema na ujanja wako wote unalia?

    Nilimjibu kuwa jela si kuzuri, hasa anapopelekwa mtu unayemfahamu.Akanijibu kwamba yote ni mipango ya Mungu na tumuachie Mungu.

    Nilianza kumuuliza maswali ya hapa na pale kwamba ni kweli alikuwa amemuua yule dereva wa daladala, Hassan Mbonde (33), alisema ni kweli Novemba 4 mwaka 2006, alimuua kwa kumpiga risasi, ila hakuwa amekusudia kufanya tukio hilo, kwani dereva wa daladala aliligonga gari lake na alipowaambia kwanini waliligonga, dereva huyo alimtukana kwa kumuonyesha ishara ya kidole cha katikati.

    "Happiness, kwakweli kwa utu uzima niliokuwa nao, wadhifa niliokuwa nao kweli mtu dereva alinigonga na nilipomhoji alinitusi kwa kutumia kidole cha katikati ya mkono wa kulia…kwakweli niligadhabika sana nikajikuta nachomoa silaha na kumfyatulia, licha ya kwamba halikuwa lengo langu.

    "Siwezi kukana kwamba sikumuua yule dereva, ila nilimfyatulia risasi kutokana na hayo aliyonifanyia, ila naomba Mungu na ninaendelea kumuomba Mungu anisameheme, kwani hata vitabu vya Mungu vinakataza binadamu kutoana roho…hivyo tuiachie mahakama ndiyo itaamua," alisema Ditopile.

    Baada ya kumaliza mazungumzo yetu siku hiyo ambayo taifa likikuwa likisherehekea uhuru wake, nilimuaga kwamba nakwenda, akanisii nisimtupe kwa sababu yupo jela, niwe napita kumjulia hali na kumpatia taarifa mbalimbali, nikamkubalia.

    Baada ya kuondoka gerezani hapo, kilichofuata, alikuwa akiletwa kwa nyakati tofauti katika Mahakama ya Kisutu na hatimaye Mahakama Kuu ambapo ndipo kituo changu cha kufanyia kazi.

    Machi 9, mwaka jana, viwanja vya Mahakama Kuu viligeuka kuwa uwanja wa mapambano kabla na baada ya aliyekuwa Mkuu wa Mkoa wa Tabora, Ukiwaona Ditopile Mzuzuri, kufikishwa mahakamani hapo na kutolewa kwa dhamana.

    Mapambano hayo yalifanywa na watu wanaosadikiwa kuwa ni ndugu wa mshitakiwa Ditopile dhidi ya waandishi wa habari waliokuwa wakifuatilia mwenendo wake. Nami nilikuwa mmoja wao.

    Machi 10, 2007 ambayo ilikuwa siku ya Jumamosi asububi, nikiwa na Mwadhiri Mwandamizi wa Sheria na Katiba wa Chuo Kikuu cha Dar es Salaam, Dk. Sengondo Mvungi, nilipokea simu ikisema: "Sura yangu mnaitakia nini au mmetumwa na waganga wenu muichukue mkaniroge?"
    Nikamuuliza aliyenipigia alikuwa nani, akanijibu kuwa: " Ni mimi mzee wako Ditopile." Nilicheka.

    Nikacheka sana, ila nikamweleza wazi kabisa kwamba sikufurahishwa na vurugu zilizofanywa na ndugu zake, kwani zilikuwa zikizuia waandishi wasifanye kazi yao, pia lionyesha kuwa familia yake ina watu wa namna gani. Akasema tumsamehe, na nilipomhoji ni kwanini anavaa kofia kubwa ‘pama', alisema anaivaa kwa makusudi ili wapiga picha wasiipate sura yake kwa urahisi.

    Akaniambia kuwa: "Wewe ni mwandishi gani umeingia gerezani kuniona ukashindwa kupiga picha mazingira ya Gereza la Keko?"

    Nikamjibu kuwa nisingeruhusiwa. Akaniambia pamoja na sheria kukataza yeye alitumia mbinu zake za kijeshi na alifanikiwa kupiga picha mazingira ya gereza hilo na jinsi mahabusu wanavyolala na wala hajawahi kukamatwa na askari magereza na picha hizo amezihifadhi nyumbani kwake.

    Kwa wale wanaomfahamu marehemu, lazima watakubaliana nami kwamba Ditopile alikuwa ni mtoto wa mjini, mwenye kupenda masihara na mzaa, muwazi na mwongeaji kupita kiasi, na mara nyingi nilipokuwa nikionana naye au kuzungumza naye alikuwa akiniasa nipende kusali, kuishi vizuri na watu na alinisisitiza nijiendeleze kielimu, kwani elimu ndiyo mkombozi katika ulimwengu wa sasa.

    Pia aliniasa kufanya kazi kwa bidii na kwamba ujumbe huo niusambaze hata kwa vijana wenzagu.
    Aliniambia kuwa wakati akisoma chuo kikuu wakati wa likizo alikuwa na ubao wa kuuza mboga na matunda katika Soko la Ilala, hivyo alikuwa akifanya biashara hiyo.

    Pia aliwahi kuuza magazeti ya Daily News katika mitaa ya Masaki na Oysterbay. Na alisema kazi hizo zilikuwa zinamsaidia kuongeza kipato.

    Baada ya kuniambia kwamba aliwai kufanya kazi hizo, nilimwangalia usoni nikajikuta naangua kicheo kwa sauti ndani ya ofisi yake ya mkuu wa Mkoa wa Pwani.

    Akauliza: "Unacheka hizo kazi?" Akaniambia mwanangu hadi leo hii mnatuaona tunateuliwa kushika nyadhifa mbalimbali, mkae mkijua tumetoka mbali."

    Hatukuishia hapo, tuliendelea kuwasiliana kwa simu na hata Januari 6 mwaka huu, baada ya yeye kusikia kwenye vyombo vya habari kwamba waandishi wa habari, Saed Kubenea na Ndimara Tegambwage, wamemwagiwa tindikali, alinipigia simu akasema yupo mkoani Lindi, akasema amesikitishwa na tukio hilo na kwakuwa haishi utani aliniambia wakati umefika sasa mapaparazzi tuanze kuvaa ‘pama' kama yeye ili watakapotumwagia tindikali isituingie machoni.

    "Mapaparazzi anzeni kuvaa pama kama mimi ili mkimwagiwa tindikali isiwaingie machoni au wasilianeni na mimi niwaonyeshe duka niliponunua pama langu," alisema.
    Niliishia kucheka.

    Ndugu msomaji mapema mwaka huu, baadhi ya vyombo vya habari viliripoti kwamba Ditopile alikuwa akiuza asali, na kweli hadi anafariki dunia alikuwa akifanya biashara hiyo, ambayo aliwahi kunieleza kwamba inamuingizia kipato kizuri.

    Baada ya taarifa hizo kutangazwa, alinipigia simu akiniambia kwamba: "Waandishi hamna dogo, mimi kuuza asali imekuwa nongwa?" Akaniambia mbona Mwenyekiti wenu wa Chama cha Wamiliki wa Vyombo vya Habari (MOAT), Reginald Mengi, anauza soda za Coca Cola amuandiki? Mbona bosi wako Freeman Mbowe anauza pombe kwenye ukumbi wake wa Billicanas auandiki? Nilishindwa kumjibu kwani nilicheka sana, akaniambia usicheke.

    Katika viongozi wa CCM hakika naweza kusema kiongozi ambaye nilikuwa naye karibu kikazi na aliyekuwa akinipa ushauri mbalimbali alikuwa ni Ditopile, alinichukulia kama mwanawe, hakika Ditopile nakulilia.

    Hakuwa na majivuno kama walivyo viongozi wengine, hata wakati alipokuwa Mkuu wa Mkoa wa Pwani nilipokuwa nikipata nafasi, nilikuwa nikipita kumsalimia ofisini kwake.

    Ni Ditopile huyu huyu, siku moja kabla ya aliyekuwa Waziri wa Mambo ya Nje na Ushirikiano wa Kimataifa katika utawala wa Awamu ya Tatu, Jakaya Kikwete, kwenda kujitangaza rasmi kugombea urais katika ofisi za Makao Makuu ya CCM Mkoa wa Pwani, Kibaha, alinipigia simu saa tatu usiku akiniambia: "Wewe si unataka ‘scoop'" (habari moto), akaniambia kesho saa mbili asubuhi panda gari kisha shuka stendi ya mabasi Kibaha.

    Nilipomuuliza kuna habari gani mbona hataki kuniambia, akaniambia Nimwaini yeye na kwamba kesho yake nifike bila kukosa.

    Kwakuwa nilikuwa nikimuamini na kumheshimu, kesho yake ambayo ilikuwa ni siku ya Jumapili, nilifanya hivyo nikapanda gari la kwenda Kibaha pale Ubungo, na kabla ya gari kuondoka Ubungo, alinipigia simu akiniuliza nilikuwa nimefika wapi, nikamweleza ndiyo tunaondoka Ubungo, akasema sawa.

    Lile gari lilipofika stendi ya Kibaha, ghafla nilipokea simu nyingine kutoka kwake akiniuliza nilikuwa nimefika wapi, nikamwambia nimefika stendi ya Kibaha, ilikuwa saa 3 asubuhi.
    Akaniambia nikodishe teksi nimwambie dereva anipeleke CCM Mkoa wa Pwani, nilifanya hivyo.

    Nilipoanza kuingia ile njia ya vumbi kuelekea kwenye ofisi hizo, nikaona kumepambwa bendera za CCM. Nikamuuliza yule dereva kulikoni? Akaniambia kuwa hata yeye alikuwa anashangaa.
    Nilipofika kwenye ofisi hizo za CCM saa nne asubuhi nikakuta wafuasi na viongozi wa CCM wametanda huku viti vikiwa vimepangwa na nikabahatika kumkuta mpiga picha wa TvT, sasa TBC, Chris, nikamuuliza kulikoni? Akaniambia Kikwete siku hiyo anakuja kujitangaza rasmi kwamba atagombea urais.

    Aidha, baada ya dakika chache, Ditopile akaniambia: "Umekwishafika?" Nikamjibu, ndiyo.
    Akasema: "Eh umekuta nini au umesikia nini?" nikamwambia nimeambiwa kwamba muda mfupi ujao Kikwete atatangaza rasmi azima yake ya kugombea urais, akasema ni kweli na akaniambia hiyo ndiyo ‘surprise' yake kwangu na kamwe sitakuja kumsahau kwani tukio lile lilikuwa ni la kihistoria. Ni kweli sitamsahau.

    Wana CCM walitutangazia kwamba Kikwete angefika pale saa tano kujitangaza lakini alifika saa saba na nusu mchana. Na ilipofika saa sita Ditopile na alinitafuta na kunitambulisha kwa mkewe aitwaye Tabia, kasha tulisalimiana.

    Nakumbuka enzi za uwahi wake aliwahi kuniambia kwamba alikuwa
    akisumbuliwa na ugonjwa wa kisukari akawa anasema anafuata masharti yote ya daktari.

    Na alikuwa aishi utani, nakumbuka kuna siku nikiwa ofisini kwake Pwani nilimkuta anakunywa chai na mkate wa kumimina nikamuuliza kulikoni na mikate ya kumimina asubuhi, akasema ni miongoni mwa kitafunio anachokipenda.

    Nasema tukio hili sitalisahau kwakuwa lilihudhuriwa na wahariri na waandishi wa habari waandamizi kutoka kwenye vyombo vya habari Dar es Salaam na walianza kufika eneo hilo saa tano hadi saa saba.

    Baadhi ya wahariri walionikuta hapo walishikwa butwaa na kuniambia wewe umepataje taarifa hizo, nikawaambia kwa njia zangu hasa ukizingatia kipindi hicho nilikuwa bado mwandishi mchanga sana na hata nilivyoandika habari ya tukio lile nakumbuka habari ile nilinyimwa ‘by line' na mhariri wangu bila sababu za msingi.

    Nakulilia Ditopile ambaye haupo tena nasi duniani, ila mazuri uliyoachia tutayafuata na kuyatekeleza kwa vitendo.

    Hata hivyo Ditopile kama walivyo binadamu wengine alikuwa na upungufu na udhaifu na mabaya yake, hatutayafuata.

    Mwanasiasa wa siku nyingi Ditopile amefikwa na mauti Jumapili iliyopita.Alifikwa na mauti katika Hoteli ya Hilux ya mjini Morogoro.

    Nimemfahamu Ditopile kwa miaka sita sasa na hadi sasa kuna baadhi ya watu ukiwaeleza kwamba Ditopile ana elimu ya chuo kikuu wanakukatalia kutokana mzaha wake.

    Ni Ditolipe ndiye mwasisi wa msemo wa ‘halo halo'. Ambaye amekuwa akisema yeye si mtu wa kuja, bali yeye ni mzaliwa wa jiji hili na amezaliwa wodi ya ‘Makuti' enzi hizo ilikuwa ndani ya Hospitali ya sasa Taifa ya Muhimbili.

    Ditopile aliitimu shahada ya kwanza katika Chuo Kikuu cha Dar es Salaam, mwaka 1973, aliajiriwa na Chama cha TANU kama Katibu Msaidizi, Makao Makuu.
    Na kutokana na utendaji wake mwaka 1980 alikwishafikia cheo cha Katibu Msaidizi Mkuu Daraja la Kwanza.

    Machi 1983, aliteuliwa kuwa Katibu wa Wilaya wa CCM katika wilaya za Serengerema na Tabora mjini. Nyota yake ilianza kung'ara, na mwaka 1982 alichaguliwa kuwa mjumbe wa Halmashauri Kuu ya CCM .

    Mwaka 1996 hadi 1997, aliteuliwa kuwa Naibu Katibu Mkuu wa CCM Bara.
    Ditopile alikuwa ni miongoni mwa vijana sita waliokuwa wameamua kujiunga na utumishi wa Chama cha Tanganyika African National Union (TANU) mara baada ya kuhitimu masomo ya chuo kikuu mwaka 1973.

    Baada ya kujiunga na utumishi wa TANU , Ditopile alijiunga na Chuo cha Itikadi na Propaganda Kivukoni, wakati ule kikiitwa Chuo cha Chama.

    Baada ya kumaliza mafunzo ya Itikadi na Propaganda, alirudi makao makuu ya chama, na hapo alipewa jukumu la kuanzisha maktaba ya CCM ambayo hadi leo ni ya chama tawala.

    Pia alikuwa ni mtumishi mwaminifu wa Jeshi la Ulinzi la Wananchi wa Tanzania (JWTZ).
    Wakati wa utumishi wake alikwenda katika Chuo cha Maofisa Monduli, alikochukua mafunzo ya uafisa wa jeshi.

    Pamoja na nyadhifa hizo , Ditopile aliwai kuwa mbunge wa Jimbo la Ilala katika miaka ya 1980. Aliteuliwa kuwa Naibu Waziri wa Ulinzi na Naibu Waziri wa Mawasiliano.

    Pia alipata kuwa mkuu wa Mkoa wa Pwani, Kigoma, Lindi, Dar es Salaam na Tabora.
    Ditopile alizaliwa Machi 7, mwaka 1948 katika Wilaya ya Ilala, mkoani Dar es Salaam. Alisoma Shule ya Msingi Mchikichini, Dar es Salaam kati ya mwaka 1956 na 1959.

    Mwaka 1960 hadi 1963, alisoma Shule ya Kati Magomeni, Dar es Salaam.
    Kati ya mwaka 1964 hadi 1967, alisoma Shule ya Sekondari ya Aga Khan, ambayo kwa sasa inajulikana kama Tambaza.

    Mwaka 1968 hadi 1969, alihitimu Kidato cha Sita katika Shule ya Sekondari Tanga.
    Julai 1970, alijiunga Chuo Kikuu cha Dar es Salaam na kuhitimu mwaka 1973.
    Lakini makala hii haita kamilika kama sitaandika kwamba marehemu Ditopile alikuwa ni rafiki wa karibu wa familia ya Rais Kikwete.

    Na hakuna ubishi kwamba katika uhai wake marehemu alikuwa ni miongoni mwa watu waliopigana kufa na kupona ili Kikwete ateuliwe na CCM kupeperusha bendera ya chama hicho katika kinyang'anyiro cha urais na katika uchaguzi mkuu wa mwaka 2005.
    Na kweli hilo walifanikiwa.

    Lakini naweza kusema bahati haikuwa upande wake, kwani ndani ya miaka miwili na miezi minne, tangu kijana wake Kikwete ashike kiti cha urais, Ditopile alikumbwa na kesi ya kuua bila kukusudia, na kusababisha kuandika barua ya kujiuzulu wadhifa wa mkuu wa moka.
    Pia katika kipindi hicho kifupi cha utawala wa kijana wake, Ditopile amekumbwa na mauti. Hivyo hakuweza kufaidi matunda ya utawala wa kijana wake.
    Ditopile anatarajiwa kuzikwa leo katika shamba lake lilipo Kinyerezi, Dar es Salaam.
    Ditopile sisi tulikupenda, lakini Bwana amekupenda zaidi.
    Mungu ailaze roho yako mahala pema peponi. Amina.
    Nakulilia Ditopile.

    0755 312859
    katabazihappy@yahoo.com:[url]www.katabazihappy.blogspot.com[/url]

    Chanzo:Gazeti la Tanzania Daima la Jumanne.April 22,2008
    Mwisho
     
  10. K

    Kakalende JF-Expert Member

    #10
    Jun 4, 2008
    Joined: Dec 1, 2006
    Messages: 3,260
    Likes Received: 19
    Trophy Points: 135
    [​IMG]

     
  11. NaimaOmari

    NaimaOmari JF-Expert Member

    #11
    Jun 4, 2008
    Joined: Sep 25, 2007
    Messages: 807
    Likes Received: 14
    Trophy Points: 0
    Binaadamu ndivyo walivyo ukifanya baya moja tu basi ufuta mema yote.

    Ama kweli kabla hujafa hujaumbika ... hatujui mwisho wetu utakuwaje ... Mungu atupe sote wana JF mwisho mwema, tuache sifa njema hapa duniani na akhera tupokee na kama kuna mawasiliano huko ... tuendeleze JF yetu ... ameen

    Tumuache apumzike ...
     
  12. Msanii

    Msanii JF-Expert Member

    #12
    Jun 4, 2008
    Joined: Jul 4, 2007
    Messages: 6,223
    Likes Received: 62
    Trophy Points: 145
    Je ubabe unaoshahibiana na wa zombe hakuwa nao huy mtu???
    Nakumbuka miaka fulani hapo awali alishawahi kufumaniwa akadai kuwa sifa ya mwanaume kufumaniwa ni moja wapo....

    Amekufa bila ya kuhukumiwa. enewei Mungu atamhukumu kama sie tunaongojea hukumu pia
     
  13. H

    Haika JF-Expert Member

    #13
    Jun 6, 2008
    Joined: Mar 3, 2008
    Messages: 2,241
    Likes Received: 20
    Trophy Points: 135
    Dito was just like you and me, like any man who decided to stand where his mouth is.
    He has left a legacy, not like some of us will ever do, although some would decide to ignore it.
    He did things. He led his people.
    He had his sins, which is the same like all of us, some of our sins are much bigger that the one he did which is conspicuous.
    He at least had a concious, he realised that he did wrong, which is rare.
     
Loading...