Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dereva wa pikipiki, abiria wake wawili wauawa kwa gari

Discussion in 'Habari na Hoja mchanganyiko' started by kilimasera, Feb 17, 2010.

  1. kilimasera

    kilimasera JF-Expert Member

    #1
    Feb 17, 2010
    Joined: Dec 2, 2009
    Messages: 3,072
    Likes Received: 9
    Trophy Points: 135
    Watu watatu wamekufa na mwingine kujeruhiwa baada ya kugongwa na gari wakiwa wamebebwa kwenye pikipiki mkoani Pwani.

    Kamanda wa Polisi mkoani Pwani, Absalom Mwakyoma, alisema ajali hiyo ilitokea juzi saa 9:00 alasiri baada ya gari hiyo kuigonga pikipiki ilikuwa imebeba watu wanne eneo la Changa, barabara ya Msata wilaya ya Bagamoyo.

    Kamanda Mwakyoma alisema pikipiki hiyo yenye namba za usajili T 132 BDV aina ya Sanlg ikiendeshwa na Ally Ramadhani (26), ilikuwa ikitokea Msata kuelekea Bagamoyo.

    Alisema pikipiki hiyo iligongwa na gari aina ya Prado yenye namba za usajili T 470 AVH likiendeshwa na raia wa Uingereza, Nevile Bissett (44), mfanyakazi wa kampuni ya NITS kitengo cha kontena, jijini Dar es Salaam.

    Kamanda Mwakyoma aliwataja waliokufa katika ajali hiyo kuwa ni Emile Msagama (26), mfanyabiashara wa Kwa Mathias mjini Kibaha mtu mmoja aliyetambuliwa kwa jiana moja la Kulwa (26), mkazi wa Maili Moja, Kibaha na dereva wa pikipiki hiyo, Ally Ramadhani (26).

    Aidha, alisema katika ajali hiyo, abiria mmoja kati ya wanne waliopanda pikipiki hiyo, Dingo Rakika (26), mkazi wa Fukayose, Bagamoyo alijeruhiwa vibaya na kulazwa katika hosptali maalum ya Tumbi kwa matibabu zaidi.

    Kamanda alisema miili ya marehemu hao imehifadhiwa katika chumba cha kuhifadhia maiti cha hosptali hiyo kwa ajili ya kusubiri ndugu kwa mazishi.

    Wakati huo huo, watu wawili ambao majina yao hayakuweza kufahamika mara moja, wamekufa baada ya gari walilokuwa wakisafiria kuligonga gari lingine ambalo lilikuwa limesimama pembeni mwa barabara baada ya kuharibika.

    Kamanda Mwakyoma alisema tukio hilo lilitokea Februari 15, mwaka huu saa 4:30 usiku eneo la Mlandizi wilayani Kibaha barabara kuu ya Dar es Salaam -Morogoro.

    Alisema ajali hiyo ilihusisha gari namba T347 AXY aina ya Mitsubish Fuso na kuwa dereva hakujulikana jina lake mara moja na kuwa likuwa likitoka Dar es Salaam kuelekea Morogoro na kwamba liligonga lori lingine aina ya Scania lenye namba za usajili T 368 AJG lililokuwa limeharibika na kuegeshwa kando kando ya barabara.

    Alisema madereva wawili wote wa magari hayo walikimbia baada ya ajali hiyo na wanatafutwa na polisi na kuwa, Seif Walii (24), ambaye ni fundi wa magari, alijeruhiwa vibaya katika ajali hiyo.

    Kamanda Mwakyoma alisema chanzo cha ajali hiyo ni uzembe wa dereva wa gari lililoharibika kwa kutoweka alama za kuonyesha kuwa ni bovu.
     
  2. lm317

    lm317 JF-Expert Member

    #2
    Feb 18, 2010
    Joined: Nov 2, 2009
    Messages: 452
    Likes Received: 0
    Trophy Points: 0
    Jamani pikipiki nazo ziwekewe Gavana!
     
  3. Bujibuji

    Bujibuji JF-Expert Member

    #3
    Feb 18, 2010
    Joined: Feb 4, 2009
    Messages: 26,975
    Likes Received: 5,092
    Trophy Points: 280
    Hii mambo ya pikipiki kubeba mishikaki ipigwe marufuku kabisa.
    Polisi wanaangalia tu jinsi sheria za usalama barabarani zikivunjwa na uhai wa wananchi ukihatarishwa bila ya kuchukua hatua zozote.
    Serikali i haramishe matumizi ya pikipiki kama chombo cha biashara cha kusafirisha abiria.
     
  4. Kimbweka

    Kimbweka JF-Expert Member

    #4
    Feb 18, 2010
    Joined: Jul 16, 2009
    Messages: 8,610
    Likes Received: 31
    Trophy Points: 145
    Pikipiki inabeba watu 4 duh hii balaaaaaa
     
  5. Baba_Enock

    Baba_Enock JF-Expert Member

    #5
    Feb 18, 2010
    Joined: Aug 21, 2008
    Messages: 6,724
    Likes Received: 61
    Trophy Points: 145
    Mkuu,

    Those pikipiki na Bajaj are the new KILLING MACHINES on Dar es Salaam Roads!

    Madereva wa hizi pikipiki na Bajaj ni kama wehu vile - wanasahau kuwa chombo wanachoendesha (ni 1/2 Tyre less ya Gari) equilbrium yake inategemea MZIGO zaidi wanaendesha kama vile ni Corolla Limited!

     
  6. The Son of Man

    The Son of Man JF-Expert Member

    #6
    Feb 18, 2010
    Joined: Feb 9, 2010
    Messages: 10,934
    Likes Received: 343
    Trophy Points: 180
    Jamani tutapona kweli?
     
  7. Masikini_Jeuri

    Masikini_Jeuri JF-Expert Member

    #7
    Feb 18, 2010
    Joined: Jan 19, 2010
    Messages: 6,819
    Likes Received: 339
    Trophy Points: 180
    Tutaponaje na wenye dhamana kwa uchu wa vijisent wameruhusu PIKIPIKI zibebe abiria; sasa sijui hii iliandikwa strictly 4 pasenjaz?
     
Loading...