Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dereva amlipua risasi mwenzake wakigombea abiria

Discussion in 'Jukwaa la Siasa' started by MegaPyne, Nov 27, 2007.

  1. Na Daniel Mjema, Moshi
    MFANYABIASHARA wa mabasi yanayofanya safari kati ya Moshi na Kilema, anashikiliwa na polisi kwa tuhuma za kumpiga risasi, dereva wa basi la Flora Coach kwa madai ya ugomvi wa kugombea abiria.

    Kamanda wa Polisi Mkoa wa Kilimanjaro, Lucas Ng'hoboko jana aliliambia Mwananchi kuwa, mfanyabiashara huyo ametiwa mbaroni tangu amjeruhi kwa kumpifa risasi mguuni dereva huyo, Rodgers Lyimo, jumamosi iliyopita.

    Tukio hilo lilitokea majira ya saa 11: 30 jioni katika maeneo ya Kilema Wilaya ya Moshi Vijijini baada ya basi la mfanyabiashara huyo na lile linaloendeshwa Rodgers aina ya Toyota DCM kufika mwisho wa safari.

    " Ni kweli tunaye huyo mfanyabiashara tangu Jumamosi, walizozana na huyo dereva basi
    akaamua kuchukua bastola yake na kumpiga risasi ya mguu�tunaendelea kumhoji, " alisema Ng'hoboko.

    Akizungumza na Mwananchi kwa simu kutoka katika Hospitali ya Kilema alikolazwa kwa matibabu, Rodgers alidai kuwa, chanzo cha tukio hilo ni kitendo cha abiria kuteremka kwenye basi la mfanyabiashara huyo na kuingia katika basi analoendesha.

    Dereva huyo alidai kuwa, Ijumaa iliyopita majira ya 10:30 jioni, wakiwa katika stendi kuu ya mabasi Moshi, abiria waliingia katika basi lake na kuliacha lile la mfanyabiashara ambalo lilikuwa limepanga foleni mbele yake.

    Alisema malalamiko yao, yalifikishwa kwa Meneja wa kituo hicho na kuwasuluhisha kwa
    kumuagiza dereva huyo kuwasihi abiria watelemke na kupanda kwenye basi lililokuwa mbele.

    " Abiria waliteremka lakini wengi hawakwenda kupanda hilo basi wakasubiri la kwangu
    kwa hiyo tukajikuta tumepata abiria mapema na kumpita njiani akiwa bado anatafuta
    abiria kitendo ambacho naamini hakikumfurahisha, " alidai.

    Dereva huyo, alidai Jumamosi baada ya kumaliza safar,i alimkuta mfanyabiashara huyo katika baa moja iliyopo Kilema na kumsalimia, lakini alikataa kuitikia, akisema alikuwa akimtafuta kwa siku nyingi.

    Alidai baadae mfanyabiashara huyo, alimfuata na kumnyang'anya kofia kisha kumpiga
    dereva huyo kwa ubao mgongoni na kuanguka na kwamba wakati akiwa katika harakati za kujitetea alimsukuma mfanyabiashara huyo na kuanguka.

    "Niliamua kuondoka na kurudi mahali nilipoegesha basi, lakini akanifuata na kuchomoa bastola huku akisema lazima anivunje mguu ili nisimkoroge tena katika kupakia
    abiria, "alidai.

    Dereva huyo aliongeza kuwa, baada ya kuchomoa bastola, baadhi ya wananchi waliojitokeza kuamua ugomvi lakini walikimbia ndipo mfanyabiashara huyo alimpiga risasi na kutiwa mbaroni baada ya tukio hilo kuripotiwa polisi.
     
  2. M

    MzalendoHalisi JF-Expert Member

    #2
    Nov 27, 2007
    Joined: Jun 24, 2007
    Messages: 3,842
    Likes Received: 91
    Trophy Points: 145
    Hii kwenye nyepesi,

    Wachagga kwa kitu pesa -hakuna matani ati!
     
  3. w

    watu wewe Member

    #3
    Nov 28, 2007
    Joined: May 20, 2006
    Messages: 39
    Likes Received: 0
    Trophy Points: 0
    Sasa hapa tunakwenda pabaya; huyu bwana should be put away for a very looooong time!
     
  4. Kiungani

    Kiungani JF-Expert Member

    #4
    Nov 28, 2007
    Joined: Feb 2, 2007
    Messages: 274
    Likes Received: 3
    Trophy Points: 35
    WHY? (siyo kwamba namtetea lakini na wala simjui)

    Mbona Ditto alifanya worse than that na akakaa ndani for only 3 months na sasa anapeta na magari ya Govt of TZ?

    Samaki huoza kuanzia kichwani .............
     
  5. F

    FundiwaKuketi Member

    #5
    Nov 28, 2007
    Joined: Nov 12, 2007
    Messages: 10
    Likes Received: 0
    Trophy Points: 0
    Kama Bro. Ditto alifanya hivyo na sasa yuko mtaani kwa nini sio sisi wengine.
     
  6. D

    Dotori JF-Expert Member

    #6
    Nov 28, 2007
    Joined: Nov 3, 2007
    Messages: 547
    Likes Received: 3
    Trophy Points: 0
    Tumeshaanza kuwa Johannesburg ambako ugomvi wa ruti na abiria umalizika kwa risasi. Stori hii inaonyesha kuwa silaha zimetapakaa sana TZ na kuwa any Tom, Dick and Harry anaweza kuwa nayo bila proper scrutiny.
     
  7. J

    Jamco_Za JF-Expert Member

    #7
    Nov 28, 2007
    Joined: Jul 14, 2007
    Messages: 1,310
    Likes Received: 13
    Trophy Points: 135
    Thats right hamna haja ya kuozea jera perhaps watapinda sheria kidogo kwa huyu ikiwa ni mara ya kwanza kwa mlalahoi Tanzania
     
  8. K

    Kufakunoga Member

    #8
    Nov 28, 2007
    Joined: Sep 24, 2007
    Messages: 32
    Likes Received: 0
    Trophy Points: 13
    nilitaka kujua je hiyo silaha anaimiliki kihalali?nafikiri kuwepo na sheria maalum kwamba kabla mtu hajamilikishwa silaha,akapimwe akili kama hana kasoro,kwani ukiangalia issue kama hii ni kasoro ya akili.
     
Loading...