Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Deni Lipa Duniani

Discussion in 'Habari na Hoja mchanganyiko' started by bagwell, Sep 19, 2012.

  1. b

    bagwell Senior Member

    #1
    Sep 19, 2012
    Joined: Sep 19, 2012
    Messages: 113
    Likes Received: 0
    Trophy Points: 0
    Salaam bila kiasi, na zivuke mipakani,
    Ninawaomba nafasi, niseme yalo moyoni,
    Kukopa kweli "harusi", "matanga" kulipa deni,
    Deni lipa duniani, akhera husamehewi.

    Akhera husamehewi, deni lipa duniani,
    Usijifanye kiziwi, ndugu sikia maoni,
    Usiseme siambiwi, leo liwe sikioni,
    Deni lipa duniani, akhera husamehewi.

    Kulipa fanya haraka, bado upo maishani,
    Huwezi kuliepuka, ukifika kaburini,
    Bora wasia kuweka, warithi walipe deni,
    Deni lipa duniani, akhera husamehewi.

    Kama kulipa huwezi, ukaombe samahani,
    Mwenye deni hapotezi, haki yake kwa Manani,
    Usijifanye mjuzi, majuto huja mwishoni,
    Deni lipa duniani, akhera husamehewi.

    Upo katika hatari, ni kamba hio shingoni,
    Usijifanye hodari, kwa kukwepa mitaani,
    Usifanye ujeuri, umekopa kwa hisani,
    Deni lipa duniani, akhera husamehewi.

    Sema nae kwa vizuri, akuonee imani,
    Akisamehe tayari, umetoka hatarini,
    Yeye huko kwa Kahari, atalipwa kwa yakini,
    Deni lipa duniani, akhera husamehewi.

    Kwa Mola wako akhera, ufike mahakamani,
    Thawabu watakupora, itapungua mizani,
    Utajitia hasara, usiingie peponi,
    Deni lipa duniani, akhera husamehewi.


    Na kama huna thawabu, utakua matatani,
    Madhambi ya huyo babu, utayabeba kichwani,
    Ya nini yote adhabu, mwisho wake ni motoni,
    Deni lipa duniani, akhera husamehewi.

    Haliswalii jeneza, Mtume wa Rahmani,
    Kwanza anawauliza, ana deni nambieni ?
    Ukweli wakitangaza, ndipo anapoamini,
    Deni lipa duniani, akhera husamehewi.

    Wako wapi wa zamani, wamekufa wahisani,
    Wakati huu jamani, atakulipia nani ?
    Watakubwaga shimoni, hapo tena huwaoni,
    Deni lipa duniani, akhera husamehewi.

    Kukopa mali hatari, bora ufe masikini,
    Akhera uwe tajiri, huna deni asilani,
    Hivyo tujitahadhari, tuwe mbali na madeni,
    Deni lipa duniani, akhera husamehewi.

    Tuombe Mungu sitara, Atusitiri nchini,
    Deni kweli ni izara, akhera na ardhini,
    Samahani kuwakera, nawaaga kwaherini,
    Deni lipa duniani, akhera husamehewi.

    Wapo viongozi wengi tuanowadai kwa kweli hasamehewi mtu hapa....wewe kiongozi unaesoma shairi hili madeni mangapo tunakudai sisi wananchi wako?
     
  2. POMPO

    POMPO JF-Expert Member

    #2
    Sep 19, 2012
    Joined: Mar 12, 2011
    Messages: 6,694
    Likes Received: 8
    Trophy Points: 135
    Karibu JF...
     
Loading...