Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Deadline yangu mwakani, ndoa lazima nifunge

Discussion in 'Mahusiano, mapenzi, urafiki' started by Ms Judith, Jan 27, 2011.

  1. Ms Judith

    Ms Judith JF-Expert Member

    #1
    Jan 27, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    1.
    Kila niwapo salani, naomba mola nichunge,
    Nipatetinga ndoani, upendo wako nipunge,
    Niishi kama peponi, dunia isinizonge,
    Dedilaini mwakani, ndoa lazima nifunge

    2.
    Butege aliuliza, kwa vipi ningali misi,
    Hoja yake kakuza, wangu huu si halisi,
    Hata bila kuuliza, yeye kajipa makisi,
    Dedilaini mwakani, ndoa lazima nifunge.

    3.
    Kweli wengi nimeepa, wachumba pia washenga,
    Walokuwa na za epa, wote walipigwa chenga,
    Walonukia vikwapa, kwa wao huo mpunga,
    Dedilaini mwakani, ndoa lazima nifunge

    4.
    Walianza praimari, nikiwa bado kichanga,
    Enzi zile sekondari, wengi walijiunga,
    Chuo hakika hatari, kama vya hari vimbunga,
    Dedilaini mwakani, ndoa lazima nifunge

    5.
    Kutunza bikira kazi, katika hii dunia,
    Wengi waruka wazazi, kwa zao mbaya tabia,
    Ya siri sasa ya wazi, wapi bikira tunzia,
    Dedilaini mwakani, ndoa lazima nifunge

    6.
    Namshukuru Manani, himeni yangu salama,
    Hadi huko mwakani, haitotiwa alama,
    Wala siweki sokoni, yake wangu kujinoma,
    Dedilaini mwakani, ndoa lazima nifunge

    7.
    Maisha yetu mabinti, kweli yataka hesabu,
    Ili kupata pointi, liwe sahihi jawabu,
    Ukihaha nazo senti, tachacha kama ulabu,
    Dedilaini mwakani, ndoa lazima nifunge

    8.
    Miaka inapopaa, nawe wapaswa jipanga,
    Ni nani wa kukufaa, lazima kichwa kugonga,
    Japo awe msambaa, tabibu au mchunga,
    Dedilaini mwakani, ndoa lazima nifunge

    9.
    Mimi yangu tayari, ndoa ni hapo mwakani,
    mlio nayo mahari, sasa leteni ukweni,
    hima leteni habari, ya ndoa ilo makini,
    Dedilaini mwakani, ndoa lazima nifunge

    10.
    Nawaaga mabachala, nao wenye masitazi,
    wapweke na makapela, usingo hakika kazi,
    hata ukiwa na hela, hazikwishi jinamizi
    Dedilaini mwakani, ndoa lazima nifunge
     
  2. TANMO

    TANMO JF-Expert Member

    #2
    Jan 27, 2011
    Joined: Apr 12, 2008
    Messages: 8,767
    Likes Received: 70
    Trophy Points: 145
    :clap2:
     
  3. Ms Judith

    Ms Judith JF-Expert Member

    #3
    Jan 27, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    mmh, sijakuelewa hapo. weka kamstari japo kamoja nawe ujaribu vina na mizani basi. hahah.

    mzima lakini, ulipotea sana na nilikumiss
     
  4. TANMO

    TANMO JF-Expert Member

    #4
    Jan 27, 2011
    Joined: Apr 12, 2008
    Messages: 8,767
    Likes Received: 70
    Trophy Points: 145
    Mimi mzima ndugu, hapo kwenye kuweka vina na mizani usiwe na wasi wasi,, ndo namalizia ubeti wa mwisho halafu nitamtuma mshenga aje kughani kwenu,,, ila natumaini na yeye hutamkwepa kama ulivyotanabaisha kwenye ubeti wa tatu.....

    Tulimisiana kwa kweli:tea:
     
  5. Zipuwawa

    Zipuwawa JF-Expert Member

    #5
    Jan 28, 2011
    Joined: Nov 28, 2010
    Messages: 2,956
    Likes Received: 6
    Trophy Points: 135
    Mungu Akubariki malengo yatimie nikapata Muda nirtaweka mashairi kukusaidia
     
  6. klorokwini

    klorokwini JF-Expert Member

    #6
    Jan 28, 2011
    Joined: Dec 2, 2009
    Messages: 8,711
    Likes Received: 20
    Trophy Points: 135
    hodi hodi naingia, naomba nipokeeni
    miss nakusalimia, bibie u hali gani?
    waanza kufurahia, ndoa ya hapo mwakani
    mchumba hatujamjua,usitufiche jamani

    mbona umejiamini , kwenye lako shairi
    ni lazima mwakani, hakuna hili na hili
    muowaji ni nani ?, umeificha kauli
    hapa kuna siri gani?, taja ubavu wa pili

    yupo hapa jeiefu?, suala najiuliza
    ni upi wake wasifu?, shule ameshamaliza?
    macho yake ni kipofu? au ana makengeza?
    utatujuza halafu? , maelezo yako giza

    kama haujampata, mbona umejiamini?
    kwa makeke mejikita,lazima iwe mwakani
    kama unamtafuta , usiweke dedilaini
    yasije yakakukuta, ukakimbia jamvini

    naomba ufafanuzi, nipate kukuelewa
    nisije nikakuuzi , mke wa mtarajiwa
    pengine ni mwanafunzi, shairi sijaelewa
    kipenzi wangu laazizi , naomba fafanuliwa

    na kama ni siri yako, usihofu endelea
    harusi sio maziko , dua tunakuombea
    ufurahi na mwenzako, kama ushajipatia
    au kesho aje kwako, kama wajitafutia
     
  7. Desidii

    Desidii JF-Expert Member

    #7
    Jan 28, 2011
    Joined: Oct 2, 2007
    Messages: 1,212
    Likes Received: 3
    Trophy Points: 135
    Miss Judith kumbe nawe umooo eehhh haya kila la kheri dear
     
  8. Maria Roza

    Maria Roza JF-Expert Member

    #8
    Jan 28, 2011
    Joined: Apr 1, 2009
    Messages: 6,750
    Likes Received: 26
    Trophy Points: 145
    Kutunza penzi ni kazi katika hii dunia
     
  9. Chapa Nalo Jr

    Chapa Nalo Jr JF-Expert Member

    #9
    Jan 28, 2011
    Joined: Dec 8, 2010
    Messages: 5,064
    Likes Received: 1,413
    Trophy Points: 280
    Kama hilo shairi umejiimbia wewe basi mimi na mke wangu tunakutakia ndoa njema. Lakini ubeti wa kwanza kwamba uishi hapa duniani kama peponi sidhani, kumbuka hapa duniani hata Yesu alijaribiwa.

    Kila la kheri twakutakia, mchango wetu elfu thelathini (isiwe ndoa ya kifahari please)
     
  10. BAK

    BAK JF-Expert Member

    #10
    Jan 28, 2011
    Joined: Feb 11, 2007
    Messages: 50,076
    Likes Received: 9,784
    Trophy Points: 280
    Kila la heri Judy. Kwa michango yako hapa jamvini miye nakuona ni mtu makini sana hivyo huyo atakayebahatika kukuoa atapata mke mwema na ndoa yenu itadumu kwa miaka mingi.






     
  11. Katavi

    Katavi Platinum Member

    #11
    Jan 28, 2011
    Joined: Aug 31, 2009
    Messages: 37,631
    Likes Received: 2,814
    Trophy Points: 280
    Kila la heri.
     
  12. The Finest

    The Finest JF-Expert Member

    #12
    Jan 28, 2011
    Joined: Jul 14, 2010
    Messages: 21,711
    Likes Received: 33
    Trophy Points: 145
    All the best :clap2:
     
  13. The Son of Man

    The Son of Man JF-Expert Member

    #13
    Jan 28, 2011
    Joined: Feb 9, 2010
    Messages: 10,960
    Likes Received: 360
    Trophy Points: 180
    Hongera mama kwa uamuzi wa maana!
     
  14. Mwanamayu

    Mwanamayu JF-Expert Member

    #14
    Jan 28, 2011
    Joined: May 7, 2010
    Messages: 5,763
    Likes Received: 463
    Trophy Points: 180
    Hivi hii si ingeenda kule kwenye forum ya burudani? Au ungetoa single. Halafu wewe ni Miss Judith na yule mwimbaji wa ubongo wa flavour (JeyD) ni Judith Wambura, ndio huyo huyo au tofauti?
     
  15. funzadume

    funzadume JF-Expert Member

    #15
    Jan 28, 2011
    Joined: Jan 28, 2010
    Messages: 5,018
    Likes Received: 339
    Trophy Points: 180
    muweke Muumba Mbele, kwa unayojipangia
    Akupe baraka tele, mwenza kukupatia
    sali na omba milele, utakacho kitamea
    Nakutakia lakheri, Katika yako mipango

    Miss uwe misezi, dada uitwe mama
    upate watoto shazi, maisha yawe mema
    Upate mme mlezi, shida zenu kuzizima
    Nakutakia lakheri, Katika yako mipango

    funzadume mwana wa washawasha
     
  16. Ms Judith

    Ms Judith JF-Expert Member

    #16
    Jan 28, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    Asante klorokwini, mistari yako makini,
    Karibu sana ukweni, sote tutakuthamini,
    Kama hujawa ndoani, nawe wafaa kundini,
    Beti ya tisa makini, bado ni mchakatoni,

    Beti ya tisa I wazi, mchumba bado kupata,
    japo kumpata kazi, kwalo siwezi kudata,
    Mwakani hilo ni wazi, lazima nitakamata
    Beti ya tisa makini, bado ni mchakatoni,

    Walojitokeza kenda, watatu walizimia,
    Vitendo wakavitenda, subira kuazimia,
    Mie nikubali tenda, mlango wafungulia
    Beti ya tisa makini, bado ni mchakatoni,

    Kauli sikuitoa, nani wa kumkubali,
    Masomo yalizingia, ratiba ikawa kali,
    Muda kusubiria, hadi ifaapo hali,
    Beti ya tisa makini, bado ni mchakatoni,

    Jiamini sina budi, japo bado kumpata,
    Sina walau ahadi, nachanga vyema karata,
    Taweka hata miadi, moja lazima tanata
    Beti ya tisa makini, bado ni mchakatoni,
     
  17. Ms Judith

    Ms Judith JF-Expert Member

    #17
    Jan 28, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    asante funzadume, kwa hizo zako Baraka,
    mwema mwana wa kiume, najua hilo hakila,
    wanena kama mtume, kwa yote uloandika,
    Mola anipapo mume, duazo tazikumbuka,

    Misi kuwa misezi, hilo jema hakika,
    dada geuka mzazi, hizo za mola Baraka,
    yakiwa mema malezi, shukuru kwazo fanaka,
    Mola anipapo mume, duazo tazikumbuka,
     
  18. Ms Judith

    Ms Judith JF-Expert Member

    #18
    Jan 28, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    haha....

    wako siwezimkwepa, hilo liko hadharani,
    nafasi hiyo takupa, kama ukija makini,
    mkono sitakutupa, takutia maanani,
    kama waweza kulipa, jongea sasa ukweni
     
  19. bacha

    bacha JF-Expert Member

    #19
    Jan 28, 2011
    Joined: Aug 19, 2010
    Messages: 4,339
    Likes Received: 3
    Trophy Points: 135
    Miss Judith, all the best my dear!!!,
    lakini italeta raha zaidi,
    ukimpata mume anaejua kughani vilevile!!!!!
     
  20. Ms Judith

    Ms Judith JF-Expert Member

    #20
    Jan 28, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    karibu mbona wasita, na muda waulilia,
    hata pasipo vitita, vya muda utawezea,
    shairi nalo lapita, wengi wanalimendea,
    beti zipake mafuta, zing'are kusaidia
     
Loading...