Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

DCI Manumba katika kashfa; Adaiwa kumkingia kifua mbunge asikamatwe

Discussion in 'Jukwaa la Siasa' started by nngu007, Jul 3, 2011.

  1. nngu007

    nngu007 JF-Expert Member

    #1
    Jul 3, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    *Adaiwa kumkingia kifua mbunge asikamatwe

    Na Kulwa Karedia

    MKURUGENZI wa Upelelezi wa Makosa ya Jinai nchini (DCI), Robert Manumba, amedaiwa kumkingia kifua Mbunge wa Busega, Dk. Titus Kamani (CCM) asikamatwe.
    Uamuzi wa kukamatwa umekuja baada ya mbunge huyo kuhusishwa na njama za kutaka kumuua aliyekuwa mbunge wa jimbo hilo, Dk. Raphael Chegeni.

    Habari zinadai kuwa, DCI Manumba amekuwa akimkingia kifua mbunge huyo, licha ya Jeshi la Polisi kutangaza azma ya kumkamata kwa nguvu kutokana na ukaidi wa kutotii amri ya jeshi hilo.

    Kwa mujibu wa chanzo hicho cha habari, DCI Manumba amekuwa akimkingia kifua mbunge huyo kwa kuwa wanatoka wilaya moja ya Magu, mkoani Mwanza.

    Taarifa hizo ziliendelea kudai kuwa, tayari Dk. Kamani alikwisha jisalimisha polisi mkoani Mwanza mwishoni mwa wiki kwa mahojiano zaidi.

    Akizungumza na MTANZANIA Jumapili, Manumba alikanusha shutuma hizo na kueleza kuwa tangu mbunge huyo ahusishwe na sakata hilo, hajawahi kumkingia kifua kwa namna yoyote.

    "Kwanza nikwambie ukweli, suala hilo ndilo kwanza nalisikia kwako, sielewi kinachoendelea… kama kuna mambo Dk. Kamani amefanya taratibu zote za kisheria zitafuatwa.

    "Sijawahi hata siku moja kumkingia kifua, kesi yao naamini inashughulikiwa kwa mujibu wa sheria za nchi, sasa iweje mimi nijiingize kwenye kitu ambacho sihusiki?" alihoji DCI Manumba.

    DCI Manumba alisema yeye hapaswi kuzungumzia kwa undani suala hilo kwa kuwa si msemaji wa polisi na kwamba anayefaa kuhojiwa ni Kamanda wa Polisi Mkoa wa Mwanza, Saimon Sirro.

    "Sasa hayo mengine unayosema mimi si msemaji, nakuomba umtafute RPC Sirro yeye ndiye anayeweza kuzungumzia zaidi suala hilo kwa kuwa limetokea kwake," alisema.

    DCI Manumba alikiri kutoka eneo moja na mbunge huyo, ingawa alisema hiyo si sababu ya kumkingia kifua. "Ni kweli huyu ni mbunge wangu na mimi ni mpiga kura wake, lakini hii si sababu ya kufanya nizuie polisi wasifanye kazi yao, hakuna mtu aliye juu ya sheria, hatutoki kijiji kimoja…narudia mimi ni mpiga kura wake, …nawashauri wale wote wanaohusishwa na tukio hili, waendelee na mambo yao, mimi sihusiki hata chembe katika hili," alisema DCI Manumba.
    Alisema upelelezi ndiyo njia pekee itakayomkomboa mbunge huyo kama ana hatia au la.

    "Unajua hatufanyi kazi kwa kukurupuka, upelelezi unaoendelea ndiyo njia pekee itakayoamua kama nani ana kesi ya kujibu, tungoje tuone," alisema.

    Mapema wiki hii, Kamanda wa Polisi Mkoa wa Mwanza, Simon Sirro, aliwaambia waandishi wa habari kuwa mbunge huyo alijisalimisha na kutoa maelezo yake kuhusiana na tuhuma zinazomkabili.

    Alisema mbunge huyo alifika na kuhojiwa mwishoni mwa wiki na baada ya hapo aliachiwa, huku polisi wakiendelea na upepelezi zaidi kabla ya kumpandisha kizimbani.

    Habari zinasema mbunge huyo, alijisalimisha kituo cha polisi Juni 25, mwaka huu na kuhojiwa usiku kabla ya kuondoka kuelekea Dodoma kuendelea na vikao vya Bunge. Akiwa mkoani Shinyanga, gari lake liligonga mtu na kuua papo hapo.

    Mei 31, mwaka huu, inaelezwa kuwa Jeshi la Polisi mkoani Mwanza, liliandika barua Ofisi ya Bunge kutaka Dk. Kamani aende Mwanza kwa ajili ya mahojiano dhidi ya tuhuma zinazomkabili.

    Barua hiyo yenye namba MZR/CID/SCR/105/2011/4 ilitumwa kwa Katibu wa Bunge, Dk. Thomas Kashilila ikimtaka Dk. Kamani kwenda kujibu kesi yenye namba ya usajili MW/IR/2607/2011-MR-CC.28/2011.

    Dk. Kamani atakuwa mshitakiwa wa tano iwapo atafikishwa mahakamani, baada ya watu wanne ambao ni Dismas Zacharia Ndaki, Erasto Kazimili Kombe, Queen Joseph Bogohe na Ellen Joseph Bogohe, ambaye ni Mjumbe wa Kamati ya Siasa ya CCM Mkoa wa Mwanza.
     
  2. nngu007

    nngu007 JF-Expert Member

    #2
    Jul 3, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Kama Mshitakiwa Angekuwa wa Chadema; Ndege ya Jeshi Ingekuwa Tayari Kumpeleka Mahakamani Mwanza

    Majaji, Wanajeshi na Polisi hawatakiwi kuwa ni chombo cha Chama Tawala; Hii inaonyesha njinsi gani Mizizi ya CCM imeota kila mahali hata sehemu zisizotakiwa ...
     
  3. FaizaFoxy

    FaizaFoxy JF-Expert Member

    #3
    Jul 3, 2011
    Joined: Apr 13, 2011
    Messages: 50,463
    Likes Received: 9,202
    Trophy Points: 280
    Huoni kuwa ni sifa hiyo ya kuwa VIP? au wewe ulitaka kiongozi wa upinzani bungeni apelekwe na karandinga?
     
  4. Chasha Poultry Farm

    Chasha Poultry Farm Verified User

    #4
    Jul 3, 2011
    Joined: Jun 4, 2011
    Messages: 5,083
    Likes Received: 231
    Trophy Points: 160
    ccm ina miliki kila kitu katika nchi hii. Na kama ni vita itaanzishwa na ccm. Majeshi yote ya nchii hii ni ccm.

    Jeshi la polisi kwa nini lisiongeze mlingoti wa pili kwenye ofisi zao na kupeperusha bendera ya ccm?
     
  5. nngu007

    nngu007 JF-Expert Member

    #5
    Jul 3, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    LOL, Yeah Karandinga Mpaka Arusha just like any other Tanzanian
     
  6. Kiranga

    Kiranga JF-Expert Member

    #6
    Jul 3, 2011
    Joined: Jan 29, 2009
    Messages: 34,583
    Likes Received: 5,634
    Trophy Points: 280
    Hivi DCI akiamua kweli kumkingia mtu kifua kuna sheria inayomkataza Tanzania?
     
  7. Chasha Poultry Farm

    Chasha Poultry Farm Verified User

    #7
    Jul 3, 2011
    Joined: Jun 4, 2011
    Messages: 5,083
    Likes Received: 231
    Trophy Points: 160
    yule yuko juu ya sheria. hamna wa kumuuliza.
     
  8. Kigogo

    Kigogo JF-Expert Member

    #8
    Jul 3, 2011
    Joined: Dec 14, 2007
    Messages: 19,245
    Likes Received: 35
    Trophy Points: 145
    kama wewe ulivo VIP kwa kuvaa mibaibui
     
  9. Arafat

    Arafat JF-Expert Member

    #9
    Jul 3, 2011
    Joined: Nov 17, 2009
    Messages: 2,582
    Likes Received: 25
    Trophy Points: 0
    Eti Upelelezi! Polisi wa Tanzania wana upelelezi gani? uongo mkubwa sana huu!

    Hamkingii kifuwa bwana ndio kazi yake, we unadhani aliupata DCI kwa qualifications? hizo ndizo sababu zilizomfanya aupate na wengine waukose kwahiyo anafanya kazi yake kama alivyotumwa na aliyemteuwa, ndio maana US vyeo kama hivyo wanapitishwa na Senate na CV zao zinatolewa kwa Umma kuhakiki na kutowa taarifa kama wanamashaka na mtu anayependekezwa siyo Rais anateuwa tu bila wananchni kujuwa kafurahishwa na nini katika uteuzi husika.
     
  10. Gagurito

    Gagurito JF-Expert Member

    #10
    Jul 4, 2011
    Joined: Feb 11, 2011
    Messages: 5,618
    Likes Received: 17
    Trophy Points: 135
    yule mbunge aliebaka? duh!
     
  11. K

    Kahinda JF-Expert Member

    #11
    Jul 4, 2011
    Joined: Feb 5, 2009
    Messages: 816
    Likes Received: 88
    Trophy Points: 45
    You must be so stupid FF, could you please stop your nonsense. inatia kinyaa kusoma kitu unacho andika humu jamvini.
    sina kawaida ya kutumia maneno makali kwa mwana jamvi mwenzangu, lakini inapofikia wehu wa jinsi hii inabidi kusema ukweli.
    ushabiki wako ni wa kipumbavu na utakufikisha mahala ambapo akili yako itadumaa na utakuwa pumbavu kweli kweli kama ulikuwa unafanya mambo kwa mzaha.
     
Loading...