Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dar yang’ara darasa la saba

Discussion in 'Jukwaa la Elimu (Education Forum)' started by BAK, Dec 22, 2008.

  1. BAK

    BAK JF-Expert Member

    #1
    Dec 22, 2008
    Joined: Feb 11, 2007
    Messages: 50,044
    Likes Received: 9,731
    Trophy Points: 280
    Dar yang’ara darasa la saba
    Maulid Ahmed
    Daily News; Monday,December 22, 2008 @21:15

    Mkoa wa Shinyanga umeshika nafasi ya mwisho katika mtihani wa darasa la saba huku Mkoa wa Dar es Salaam ukiongoza kwa kufanya vizuri. Katika matokeo hayo, asilimia 80.73 ya wanafunzi 433,260 waliofaulu darasa la saba wamechaguliwa kuingia kidato cha kwanza katika shule za serikali, wakiwamo wasichana 188,460 sawa na asilimia 82.13 na wavulana 244,800 sawa na asilimia 79.69 waliofaulu.

    Hata hivyo, ufaulu wa masomo ya Hisabati na Kiingereza uko chini. Akitangaza matokeo hayo kwa waandishi wa habari Dar es Salaam jana, Waziri wa Elimu na Mafunzo ya Ufundi, Profesa Jumanne Maghembe alisema kati ya wanafunzi wote 1,017,967 sawa na asilimia 97.51 ya walioandikishwa, walifanya mtihani huo na wanafunzi 536,672 sawa na asilimia 52.73 wamefaulu.

    Katika matokeo hayo ambayo yataanza kutangazwa na kila mkoa leo, wavulana walifanya vizuri zaidi ambapo walikuwa 307,196 sawa na asilimia 59.75 huku wasichana waliofaulu ni 229,476 sawa na asilimia 45.55. Aliitaja mikoa iliyofanya vibaya na kiwango cha ufaulu kwa asilimia kwenye mabano ni Shinyanga (34), Lind i(40.7), Mara (42.6) na Tabora (43.2). Kwa mikoa iliyofanya vizuri ni Dar es Salaam (73.9), Arusha (69.2), Iringa (64.1) na Kagera 63.5.

    Kwa upande wa wanafunzi waliobainika kufanya udanganyifu, alisema “watahiniwa 102 wamefutiwa mitihani wakiwamo wasichana 41 na wavulana 61.” Akifafanua juu ya ufaulu wa masomo ya Hisabati na Kiingereza ambayo kwa miaka miwili mfululizo umekuwa wa chini, Profesa Maghembe alisema Hisabati ni asilimia 18.07 huku Kiingereza ni asilimia 31.5.

    “Matokeo ya Kiingereza ni sawa na mwaka jana na Hisabati mwaka jana ni asilimia 18.72, tumeweka mikakati ya kuboresha masomo hayo ikiwamo vyuo vyote vya ualimu kutoa nyenzo kwa wanafunzi wa ualimu kuweza kufundisha masomo hayo, kuwapa mafunzo walimu waliopo na tunatoa wito kwa wanafunzi wasiyaogope masomo haya,” alifafanua Waziri huyo.

    Ufaulu wa masomo mengine na kiwango katika asilimia ni Kiswahili (73.4), Sayansi (68.24) na Maarifa (61.03). Waziri Maghembe alisema kati ya wanafunzi 346 wenye ulemavu waliofanya mtihani huo, wanafunzi 221 sawa na asilimia 64 ya watahiniwa wamefaulu na wote wamechaguliwa kuingia kidato cha kwanza.

    Wanafunzi wa darasa la saba walifanya mtihani wa kumaliza elimu ya msingi Septemba 10 na 11 ambapo wanafunzi 1,017,967 kati ya wanafunzi 1,043,969 walioandikishwa walifanya mtihani huo wakiwamo wasichana 515,179 na wavulana 528,790.

    Wakati huohuo, Waziri Maghembe amesema katika kipindi cha miezi mitatu ijayo, Idara ya Sekondari itahamishwa kutoka Wizara ya Elimu na Mafunzo ya Ufundi kwenda Tawala za Mikoa na Serikali za Mitaa (Tamisemi). Alisema mchakato unaendelea na tayari maofisa Elimu wa Wilaya wameshateuliwa na majalada yote ya sekondari yameshapelekwa Tamisemi.
     
  2. epigenetics

    epigenetics JF-Expert Member

    #2
    Dec 23, 2008
    Joined: May 25, 2008
    Messages: 248
    Likes Received: 13
    Trophy Points: 35
    Je, kuna mkakati wa kuwa'tap hao wanafunzi waliofeli 65% wa Shinyanga kwenye any productive sector? Or are they doomed to never acquire any supported productive skills.
     
  3. C

    Choveki JF-Expert Member

    #3
    Dec 23, 2008
    Joined: Apr 16, 2006
    Messages: 448
    Likes Received: 8
    Trophy Points: 35
    Nionavyo mimi miaka zaidi ya 45 baada ya uhuru na bado tunashindwa kuwapatia vijana wetu wote elime ya sekondari ni uzembe wa hali ya juu sana! La ajabu ni kuwa badala ya kujaribu kubalisha huo utaratibu ili tuweze kuwapatia vijana wetu wote elimu inayolingana na dunia ya sasa, viongozi wetu wote bado wanang'ang'ania hayo maneno ya kufaulu na kufeli darasa la saba. Je, kama mwana JF mwenzetu alivyochangia hapo juu hao wanaoishia darasa la saba waende wapi?, ama bado ile tabia ya kusema inabidi waende kijijini kulima bado twaiendeleza? jembe bila hata elimu ya awali kuna kitakacho vunwa kweli?
     
  4. M

    Mkandara Verified User

    #4
    Dec 25, 2008
    Joined: Mar 3, 2006
    Messages: 15,419
    Likes Received: 76
    Trophy Points: 145
    Choveki,
    Mkuu bado kuna hili moja kubwa zaidi kuliko yote.. Tanzania kufaulu mtihani haina maana umechaguliwa kwenda moja kwa moja shule ya sekondari...
    Nimesoma mahala kwamba huko Mbeya kuna wanafunzi (walioshinda) watakosa kuingia shule ya sekondari kutokana na uchache wa madarasa na mchezo huu umekuwepo toka tumepata Uhuru..Kwa hiyo hapo asilimia 52 itapungua na kushuka chini zaidi.
     
  5. Mpita Njia

    Mpita Njia JF-Expert Member

    #5
    Dec 25, 2008
    Joined: Mar 3, 2008
    Messages: 7,014
    Likes Received: 17
    Trophy Points: 135
    Tunacheza makida... kuna maana gani mtoto anafaulu halafu anakosa nafasi ya kuendelea sekondari. Inashangaza sana kwamba kati ya sekta ambazo serikali inaniipiga upatu kuwa imefanye vizuri ni elimu!!!!
     
  6. K

    Katambi New Member

    #6
    Oct 16, 2009
    Joined: Apr 28, 2009
    Messages: 2
    Likes Received: 0
    Trophy Points: 0
    yes, can i get the statistcs on primary school perfomance for the year 2007 or 2008?
     
  7. Kaitaba

    Kaitaba JF-Expert Member

    #7
    Oct 16, 2009
    Joined: Jun 30, 2009
    Messages: 928
    Likes Received: 7
    Trophy Points: 0
    Mbona kwenye mtandao wa NECTA sioni haya matokeo?
     
  8. Kaitaba

    Kaitaba JF-Expert Member

    #8
    Oct 16, 2009
    Joined: Jun 30, 2009
    Messages: 928
    Likes Received: 7
    Trophy Points: 0
     
  9. Kimey

    Kimey JF-Expert Member

    #9
    Oct 16, 2009
    Joined: Mar 25, 2009
    Messages: 4,119
    Likes Received: 5
    Trophy Points: 135
    Umesoma imepostiwa lini au unalalmika tuu?
     
  10. carmel

    carmel JF-Expert Member

    #10
    Oct 16, 2009
    Joined: Aug 24, 2009
    Messages: 2,842
    Likes Received: 3
    Trophy Points: 0
    Jamani mmenishtua nilidhani matokeo yashatoka ya mwaka huu lol
     
Loading...