Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CUF wambebesha msalaba Msekwa

Discussion in 'Jukwaa la Siasa' started by nngu007, Sep 21, 2011.

  1. nngu007

    nngu007 JF-Expert Member

    #1
    Sep 21, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145

    Na Peter Mwenda, Igunga

    CHAMA cha Wananchi (CUF) kimemtupia lawama Makamu Mwenyekiti wa CCM (bara), Bw. Pius Msekwa kuwa endapo damu itamwagika katika uchaguzi mkdogo wa
    Jimbo la Igunga ndiye atakuwa amesababisha.

    Meneja Kampeni wa chama hicho Jimbo la Igunga, Bw. Antony Kayange akimnadi mgombea ubunge wa jimbo hilo, Bw. Leopold Mahona katika kijiji cha Ncheli, Kata Sungwizi, alisema kitendo cha Bw. Msekwa kutangaza kuwa CCM itashinda katika jimbo hilo anataka damu imwagike.

    Bw. Mayange alisema CCM haina chake kwa sababu imekuwa ikitaka
    wananchi wa Igunga wachague mbunge wa chama hicho lakini akichaguliwa haonekani tena mpaka uchaguzi mwingine uje, huku akiacha wananchi wakiendelea kuteseka kwa shida zilizokithiri.

    Bw. Pius Msekwa alikaririwa akitamba kwenye vyombo vya habari kuwa pamoja ya matukio ya hapa na pale yanayofanywa na vyama vya upinzani, bado CCM itashinda katika uchaguzi wa mbunge utakaofanyika Oktoba 2, mwaka huu.

    Kampeni za chama hicho zilizofanyika juzi katika Tarafa ya Simbo
    alikozaliwa na kusoma Bw. Mahona, watu waliohudhuria kumsikiliza walimtaka asiige tabia za wabunge waliopita wa CCM pindi wanapochaguliwa hukimbilia Dar es Salaam wao wakibaki yatima na hawana sehemu ya kupeleka matatizo yao.

    “Nimedhamiria kuokoa maisha ya ndugu zangu wa Igunga, ndiyo maana mwaka jana nilibaki peke yangu nikiomba kura zenu kwa baiskeli. Kati ya wagombea 13 waliochukua fomu za Ubunge nikapambana na mbunge aliyejiuzulu CCM hivi karibuni, Bw. Rostam Aziz na nikashinda vishawishi vyake vya kutaka nijitoe nikang’angana hadi mwisho nikashika nafasi ya pili nikipata kura 11,000,” alisema Bw. Mahona.

    Kampeni za CUF zilitarajiwa kuendelea jana katika vijiji 96 vya Jimbo la Igunga ambalo wananchi wake wanakabiliwa na uhaba mkubwa wa maji ya safi ya kunywa na kunywesha mifugo yao.

    “Huyu Pius Msekwa anatangaza CCM itachukua jimbo hili yaani wasukuma na wanyamwezi wote hatuwezi kudanganywa kama walivyozoea kufanya wanavyotaka,” alisema Bw. Mahona.

    Mikakati ya kampeni

    Akizungumzian kampeni za uchaguzi wa Igunga, Naibu katibu Mkuu wa CUF (Bara), Bw. Julius Mtatiro alisema wamejipanga vizuri na kuongeza timu kufikia 6 na kufanya mikutano 36 kwa siku katika kata 26 za Igunga.

    Alisema baada wabunge sita wa Zanzibar kuwasili wengine 10 wanatarajia kuwasili leo, wengine 15 Alhamisi, na Ijumaa
    wataongezeka watano na baadhi ya wajumbe wa Baraza la Wawakilishi.

    Bw. Mtatiro alisema timu hiyo inaongeza mikutano kufikia 45 kwa siku na kutamba kuwa chama chake kiko tayari kupiga kampeni ya chini kwa chini, juu kwa juu na miguu kwa miguu.

    Alisema vyama vingine vikileta helkopta moja, CUF nayo inafanya hivyo hivyo, vikileta tatu na hata kumi nacho kitafanya hivyo mpaka jimbo hilo libaki kwa chama hicho.
     
  2. Kelvin X

    Kelvin X JF-Expert Member

    #2
    Sep 21, 2011
    Joined: Jun 28, 2011
    Messages: 350
    Likes Received: 149
    Trophy Points: 60
    si propaganda za siasa kusema mgombea wetu lazima ashinde lakini kutokana na historia inaweza kutufundisha kwamba amepre empty matokeo yaliyo chakachuliwa either way
     
  3. Bishop Hiluka

    Bishop Hiluka Verified User

    #3
    Sep 21, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    Si vibaya ku-fantasize (kuota ndoto za mchana),
    inasaidia kupunguza maumivu na mihemko...
     
  4. MwanaCBE

    MwanaCBE JF-Expert Member

    #4
    Sep 21, 2011
    Joined: Sep 23, 2009
    Messages: 1,614
    Likes Received: 415
    Trophy Points: 180
    Mbona CUF wanajaza wabunge wa taifa la zanzibar huko. Kwani ni ruksa kupeleka mamluki wa nchi tofauti katika huo uchaguzi???
     
  5. t

    thinka JF-Expert Member

    #5
    Sep 21, 2011
    Joined: Aug 1, 2011
    Messages: 334
    Likes Received: 7
    Trophy Points: 35
    wabunge ni wa tanzania sio wanzanziba kwa hyo angalia unachokisema kwanza umamluki umetoka wap.au umeshndwa kutofautisha kat ya tanganyika na tanzania ndugu
     
Loading...