Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Changamoto kwenye mfumo cloud

Discussion in 'Tech, Gadgets & Science Forum' started by Shy, Dec 19, 2010.

  1. Shy

    Shy JF-Expert Member

    #1
    Dec 19, 2010
    Joined: Nov 2, 2006
    Messages: 4,238
    Likes Received: 17
    Trophy Points: 0
    Miaka michache iliyopita watu wengi waliokuwa wanatumia teknohama kwenye shuguli zao za kila siku
    walikuwa na tatizo sugu la kuhifadhi taarifa na nyaraka zao mbalimbali
    wanazofanyia kazi wakati huo watu wengi walikuwa wananunua vifaa vyenye nafasi
    kubwa kwa ajili ya kuhifadhi taarifa hizo na mengineyo .





    Ushahidi uliowazi ni jinsi kampuni Fulani ilivyokuwa inahaha kuongeza ukubwa wa HDD na kila
    mfanyakazi kwenye kampuni hiyo kununuliwa flashdisk yake au chombo chake cha
    kuhifadhia mali zake ili aweze kuwa nazo popote anapoenda kwenye shuguli mbalimbali
    .





    Lakini kukawa na tatizo lingine pia kwamba mfanyakazi anaweza
    kuwa yuko mtwara na komputa yake ikaharibika au hicho kifaa cha kuhifadhia
    taarifa zake kikaharibika au kuibiwa au hata vyote kifaa hicho , komputa na
    mengine yote yakaibiwa au kuharibika tu kampuni inakuwa imepata pigo la
    kiutendaji .





    Huo ni mfano mdogo wa jinsi watu na kampuni zilivyokuwa na
    hofu sana na taarifa zao wakati huo .





    Hofu hii kwa sasa imepungua kwa kiasi kikubwa au kama sio
    kuisha kabisa lakini ujio wa tovuti kama wikileaks pia umeleta hofu kwa
    teknologia zingine za kuhifadhi taarifa au kushirikiana taarifa na wengine
    wanaofanya kazi kwa vikundi .





    Kuja kwa mifumo mbalimbali ya mawasiliano kwa njia ya Mtandao
    Maarufu kama CLOUD kumebadilisha kwa kiasi kikubwa hofu na mashaka mengi ambayo
    watu wengi waliokuwa nayo wakati huo ambapo kila mtu alipenda kununua kifaa
    chake kwa ajili ya kuhifadhia taarifa .





    Hofu ya hufadhi na kutumia taarifa imepungua kwa kiasi
    kikubwa sana kwa sababu kwenye mfumo wa CLOUD unaweza kuhifadhi taarifa na
    mambo yako mengine kwa njia ya mtandao na kuweza kuchukuwa taarifa hizo ukiwa
    sehemu nyingine yoyote duniani yenye huduma ya mtandao na hata unaweza kumpa
    ruhusa mwingine aliyopo popote duniani kuangalia au kufanyia kazi taarifa hizo
    kutoka popote duniani .





    Kampuni kubwa ya masuala ya teknohama duniani iliyowekeza
    kwenye mfumo wa CLOUD kwa kiasi kikubwa ni IBM mbayo ina Vituo vya kuhifadhia
    Taarifa ( DATA CENTRES ) sehemu kadhaa duniani na inatoa huduma za kuhifadhi
    taarifa kwa kampuni nyingine kubwa kama mabenki , mashirika ya umma na taasisi
    zingine za umoja wa kimataifa .





    Kampuni lingine ni GOOGLE ambalo lina programu nyingi
    zinazotumika kwenye mfumo huu kama GOOGLE DOCS , Microsoft Nao wana programu
    kadhaa ambazo ziko kwenye mfumo huu .





    Kwa kutumia programu hizo kuna watu sasa hivi wanaweza
    kufungulia barua pepe za maofusini kwao toka popote duniani kujibu na kufanya
    shuguli zingine kwa ruhusa tu .





    FAIDA ZA CLOUD.


    1 – Faida yake kuu ni kwamba kampuni ni ndogo na kubwa
    zinazotumia teknohama zinaweza kutumia aina moja ya program na vitu vingine kwa
    faida bila ya kuwa na miundombinu ya ziada kama ikiwepo basi ni ya gharama
    ndogo sana .





    2 – Mtu mmoja anaweza kutembelea Sehemu za kuhifadhia taarifa
    ( DATA CENTRES ) nyingi kwa wakati mmoja duniani kwa mguso mchache wa Kipanya
    chache cha komputa na kutokea popote .





    3 – Pia kampuni au watu wanaweza kuongeza vitu na mengine
    mengi bila ya kulipiga gharama za ziada lakini hii inategemeana na aina ya
    huduma ambayo inatolewa kwa wakati Fulani .





    4 – Mfumo huu uko salama na masuala ya uchafuzi wa mazingira
    kwa sababu si vitu vingi vinatumika lakini hakujawa na utafiti zaidi wa adhari
    zake za kiafya kwa watumiaji wa huduma hizi .





    Kwa siku za mbeleni mfumo wa CLOUD utakuruhusu kununua
    komputa ndogo , bei nafuu na monitor yako , hautohitaji vitu kama CDROM Au Hard
    Disk Lakini utatakiwa kuwa Umeunganishwa na mtandao tu kuweza kufanya shuguli
    zako za kila siku .





    Pamoja na mazuri hayo niliyoyataja hapo juu pia kuna athari
    zake kwa baadhi ya vitu endapo mfumo huu utafanikiwa kupenya na kutumika kwa
    wingi zaidi duniani .





    ATHARI ZA CLOUD


    1 – Kunaweza Kuwa na ongezeko la Gharama za kusafirisha
    Taarifa kwa njia ya mtandao kutokana na ukubwa wa taarifa hizo .





    2 – Kwenye mfumo huu ni kampuni zingine ndio zinahifadhi
    taarifa zako yaani zinazotoa huduma za kuhifadhi taarifa zako kwahiyo hautokuwa
    na uwezo wa kutembelea komputa hizo au program zake kinachokuhusu wewe ni
    taarifa zako tu .





    3 – Inaweza kuwa
    vigumu kuhamisha taarifa nyingi na kubwa kwa wakati mmoja endapo tatizo
    limetokea sehemu Fulani labda Mtandao ukiwa taratibu na matatizo mengine mengi
    .





    4 – Taarifa zinazohifadhiwa zinaweza kuwa si salama sana na
    zinaweza kupotea kwa njia nyingine au kutembelewa na wahalifu popote walipo
    duniani tofauti na vile unavyohifadhi kwenye flashdisk yako .





    5 – Programu zinazotumika kwenye mfumo wa CLOUD hazina vitu
    vingi kama zilivyo programu zingine za kufanyia kazi zinazoingizwa kwenye
    komputa za kawaida .





    CHANGAMOTO MPYA ZA CLOUD


    Sheria za mitandao ( cyberlaw ) za nchi nyingi haziendI
    sambasamba na mfumo wa CLOUD lakini wananchi wake na mashirika yake labda
    yanatumia mfumo huu kuna haja sasa ya kwa nchi nyingi kutambua rasmi mfumo huu
    na kuweza kutengeneza sheria za mitandao zinazoendana na mfumo huu .





    Suala la mwisho ni leseni kwa program zinazotumika kwenye
    mfumo huu , mfano zamani hata sasa hivi unaweza kuuziwa leseni kwa ajili ya
    komputa moja au kumi na leseni hiyo ikawa ni kwa ajili ya nchi za asia tu
    lakini ukija kwenye mfumo huu leseni ya program inaweza kutumika na mtu popote
    duniani na ndio shida inaanzia hapo .





    Hayo ni mambo machache kuhusu mfumo wa CLOUD naamini serikali
    yetu imeshaona hii pamoja na wataalamu kadhaa ma masuala ya teknohama kusoma na
    kufanyia utafiti tuone nchi yetu inaweza kufaidika vipi na mfumo huu kwa siku
    zijazo kutokana na gharama zake .





    Jambo la msingi la kuzingatia ni kwamba faida zake na athari
    zinaweza kutofautiana kutegemeana na kampuni zinazotoa huduma hizo na sehemu
    ambayo mtu Fulani yupo .





    YONA FARES MARO


    Sunday, December 19, 2010


    www.ictpub.blogspot.com
     
  2. G

    Gad ONEYA JF-Expert Member

    #2
    Dec 19, 2010
    Joined: Oct 26, 2010
    Messages: 2,641
    Likes Received: 3
    Trophy Points: 135
    Too long to conceive!
     
  3. Mtego wa Noti

    Mtego wa Noti JF-Expert Member

    #3
    Dec 19, 2010
    Joined: Nov 27, 2010
    Messages: 2,168
    Likes Received: 5
    Trophy Points: 135
    Many thanks for this important info. the first time I heard about cloud was tis year, september at a workshop in Bagamoyo...thanks dude.
     
Loading...