Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA yashinda rufaa Sumbawanga Mjini

Discussion in 'Jukwaa la Siasa' started by Magesi, Oct 8, 2012.

  1. M

    Magesi JF-Expert Member

    #1
    Oct 8, 2012
    Joined: Jul 10, 2012
    Messages: 2,590
    Likes Received: 1
    Trophy Points: 0
    Chama cha CHADEMA kimeshinda rufaa iliyokatwa na aliyekua mbunge wa SUMBAWANGA MJINI BW. AESH HILALY BAADA YA RUFAA HYO KUTUPWA NA MAHAKA LEO.

    Update 1:
    By Ngambili Ngenja 18:05
    Yesterday Ndugu zanguni naomba niwasilishe rasmi ninalojua kuhusiana na suala hili la Sumbawanga.

    Kwanza naomba kukiri kuwa mimi nafahamiana kwa Karibu na Mwl. Yamsebo na jambo hili la Rufaa linafahamika vyema kwa wanaharakati wote wanaitakia mema nchi yetu.

    Wiki jana wanaharakati na wanachadema wa Sumbawanga walimchangia Mwl pesa kwa ajili ya safari yake ya Dar ili kwenda kusikiliza
    hukumu hiyo ambayo ilipangwa kutolewa leo. Mnamo mida ya saa 4:15 asubuhi Mwl. Yamsebo mwenyewe alipiga simu akiwa ndo anatoka mahakamani na kutupa taarifa hii nzuri kuwa Mahakama imetupilia mbali rufaa na ushindi ni wetu.

    Habari hii si uzushi na mwenye hofu afuatilie zaidi kwa bidii zake kwani hata vyombo vyetu vya habari mpaka sasa hawana wanalojua husiana na hili.

    Update 2:

    CCM yaanguka tena

    • SASA UCHAGUZI MDOGO WANUKIA SUMBAWANGA

    na Happiness Mnale | Tanzania Daima

    KWA mara nyingine tena, Chama cha Mapinduzi (CCM), kimegonga mwamba baada ya Mahakama ya Rufaa Tanzania, kuitupilia mbali
    rufaa ya aliyekuwa Mbunge wake wa Sumbawanga Mjini, Aeshi Hilaly, aliyevuliwa ubunge na Mahakama Kuu Kanda ya Sumbawanga Aprili 30, mwaka huu.

    Uamuzi wa kuitupilia mbali rufaa hiyo, umetolewa na jopo la majaji watatu, Januari Msoffe, Edward Rutakangwa na Engela Kileo, baada ya kubaini kasoro za kisheria.

    Hilaly alivuliwa ubunge na aliyekuwa Jaji Mfawidhi wa Mahakama Kuu Kanda ya Sumbawanga, Bethuel Mmila, kutokana na kesi iliyofunguliwa na aliyekuwa mgombea ubunge kupitia CHADEMA, Nobert Yamsebo.

    Hata hivyo, Mei 28 mwaka huu, Hilaly alikata rufaa namba 55 ya mwaka 2012, dhidi ya Yamsebo, Mwanasheria Mkuu wa Serikali (AG), Justus Kalama na Vitus Kapufi, akipinga uamuzi wa Mahakama Kuu.

    Rufaa hiyo imebainika kuwa na dosari kadhaa ambazo zimeishawishi Mahakama ya Rufaa Tanzania chini ya jopo la majaji hao kuitupilia mbali jana katika uamuzi uliotolewa jijini Dar es Salaam.

    Dosari hiyo ni kutokuwepo kwa mwenendo wa maombi ya mlalamikaji katika kesi ya msingi ya kuomba mahakama impangie kiwango cha fedha ambacho alipaswa kulipa kama amana ya kufungua kesi hiyo kwa mujibu wa Kifungu cha 111 (3) cha Sheria ya Uchaguzi ya mwaka 2010.

    Katika uamuzi wake uliosomwa na Naibu Msajili wa Mahakama ya Rufani, Zahra Maruma, mahakama hiyo ilirejea kifungu cha 111 (3) cha Sheria hiyo ya Uchaguzi.

    Kwa mujibu wa kifungu hicho, Mahakama ilisema kwamba mtu anayefungua kesi ya uchaguzi, ni lazima awasilishe maombi ili mahakama impangie kiwango cha amana anachopaswa kulipa ndani ya siku 14 tangu kufungua kesi na kwamba ndani ya siku 14
    nyingine tangu siku ya maombi hayo, mahakama hiyo iwe imeshapanga kiwango hicho.

    Majaji hao waliongeza kuwa, ni muhimu kwa sababu kuu mbili, moja ni kuipa nafasi mahakama kuona kama maombi yaliwasilishwa ndani ya muda baada ya kesi kufunguliwa na pili kuona kama maombi hayo yaliamuliwa ndani ya muda tangu kuwasilishwa.

    Kwamba kwa mujibu wa Kanuni ya 96 (1) na (3) za Kanuni za Mahakama ya Rufani, si jukumu la upande katika kesi kuamua kuwa nyaraka fulani ni muhimu au si muhimu katika rufaa, kama wakili wa Hilaly, Rweyongeza alivyodai.

    Mbali ya kanuni hiyo, Mahakama hiyo pia ilirejea katika uamuzi wake katika rufaa namba 8 ya mwaka 2008, Fedha Fund Limited na wenzake wawili, dhdi ya George T.Varghese, pamoja na tafsiri ya Kanuni ya 85 (3) ya Kanuni za Mahakama ya Rufani ya Kenya za mwaka 1979.

    "Kutokana na sababu hizo tulizokwisha kuzieleza hapo juu, tunarudia kusema kwamba kumbukumbu zinazohusiana na mwenendo wa maombi ya kupangiwa kiwango cha kulipa kama amana ni nyaraka muhimu katika rufaa.

    Kutokuwepo kwa nyaraka hizo, rufaa haina nguvu chini ya Kanuni ya 96 (1) (k) ya Kanuni za Mahakama ya Rufani, hivyo rufaa
    inatupiliwa mbali," lilisema jopo hilo.

    Hata hivyo, mahakama hiyo ilisema kuwa haiwezi kuamua upande wa warufani ulipe gharama za rufaa hiyo kwa kuwa kasoro zilizosababisha kutupiliwa mbali kwa rufaa hiyo ziliibuliwa na mahakama yenyewe.

    Julai 3, 2012, AG na Kalama, nao walikata rufaa namba 65 ya mwaka 2012 dhidi ya Yamsebo wakipinga uamuzi wa Mahakama Kuu Kanda ya Sumbawanga.

    Kutokana na rufaa hizo dhidi yake, Yamsebo kupitia kwa Wakili wake Victor Mkumbe, aliweka pingamizi la awali (PO) pamoja na mambo mengine akidai kuwa Hilaly hakuwa amelipia ada ya kufungua rufaa hiyo ya Sh 2000.

    Hata hivyo, siku ambayo Mahakama ya Rufani ilipanga kusikiliza rufaa hiyo, iliamua kuziunganisha rufaa hizo mbili, ambapo Hilaly aliunganishwa na AG pamoja na Kalama wakawa waomba rufaa dhidi ya Yamsebo.

    Kabla ya kuanza kusikiliza pingamizi la Yamsebo dhidi yarufaa ya Hilaly, mahakama hiyo ilibaini kutokuwepo kwa mwenendo huo wa maombi ya Yamsebo kupangiwa gharama za kufungulia kesi hiyo ya msingi.

    Kutokana na kasoro hiyo, mahakama ilihoji na kutaka maoni ya mawakili wa pande zote kuhusiana na kasoro hizo.

    Wakili wa Serikali Mwandamizi, Mwema Punzi alijibu kuwa wao walimwandikia barua Msajili wa Mahakama ya Rufani Kanda ya Sumbawanga kumuomba mwenendo wa kesi hiyo pamoja na vielelezo vingine na kwamba walipopewa, mwenendo wa maombi ya gharama za kesi haukuwemo.

    Wakili wa Yamsebo, Mkumbe, alidai kuwa kutokana na kutokuwepo kwa mwenendo huo, kunaifanya rufaa hiyo iwe batili, na akaiomba mahakama hiyo iitupilie mbali.

    Hata hivyo Wakili wa Hilaly, Richard Rweyongeza, alidai kuwa kukosekana kwa mwenendo huo hakuwezi kuifanya rufaa hiyo iwe ni batili, badala yake aliiomba mahakama hiyo itumie mamlaka yake chini ya Kanuni ya 2 ya Kanuni za Mahakama ya Rufani, ili iweze kuendelea.

    Wakili Rweyongeza aliongeza kwamba hata ikibainika kuwa hizo gharama za kufunulia kesi hazikulipwa, anayeathirika ni mjibu rufaa, hoja ambayo iliungwa mkono na Wakili wa Serikali, Punzi.

    Katika kesi hiyo ya msingi namba 01 ya mwaka 2010, Yamsebo alikuwa akipinga ushindi wa Hilaly, akidai kuwa kulikuwa na ukiukwaji wa Katiba na Sheria ya Uchaguzi na hivyo kusababisha uchaguzi huo kutofanyika kwa haki na uhuru.

    Pia, alikuwa akimtuhumu Hilaly na wafuasi wake kutoa rushwa kwa wapiga kura mbalimbali ili wamchague.

    Tuhuma nyingine alikuwa akizieleka kwa Msimamizi wa Uchaguzi kuwa alibadilisha baadhi ya vituo vya kupigia kura kupelekwa mbali zaidi kati ya kilomita tano hadi nane, jambo ambalo ilichangia kuathiri matokeo ya uchaguzi huo.

    Katika uamuzi wake, Mahakama Kuu ilikubaliana na baadhi ya hoja zilizotolewa na mlalamikaji na hatimaye kutengua ushindi wa Hilaly.

    Akisoma hukumu hiyo, Jaji Mfawidhi Betwell Mmila, alisema kuwa baada ya kupitia hoja zote, anashawishika kusema kuwa uchaguzi katika jimbo hilo ulikuwa si wa haki na huru.

    Jaji Mmila alieleza kuridhika kuwa kulikwepo na mazingira ya rushwa na kutokuwapo kwa mazingira huru katika kampeni kwa baadhi ya maeneo.

    Katika uchaguzi huo, Hilaly alitangazwa kuwa mshindi kwa kupata kura 17,328, huku Yamsebo akipata kura 17,132.

    Kwa uamuzi huo, Tume ya Taifa ya Uchaguzi (NEC), itapaswa kuitisha upya uchaguzi ndani ya siku 90 ikiwa Hilaly hatakata tena rufaa kupinga uamuzi huo wa jopo la majaji hao.
     
  2. mgomba101

    mgomba101 JF-Expert Member

    #2
    Oct 8, 2012
    Joined: Oct 21, 2011
    Messages: 1,771
    Likes Received: 37
    Trophy Points: 145
    Magamba kwishney! Viva CDM! 2015 kiama chao. M4C hakuna kulala.
     
  3. k

    kwamagombe Senior Member

    #3
    Oct 8, 2012
    Joined: Aug 25, 2009
    Messages: 154
    Likes Received: 2
    Trophy Points: 0
    Hongereni sana, sasa ni muda muafaka wa kujipanga kwa ajili ya uchaguzi
     
  4. Mwana Mpotevu

    Mwana Mpotevu Platinum Member

    #4
    Oct 8, 2012
    Joined: Sep 7, 2011
    Messages: 3,268
    Likes Received: 86
    Trophy Points: 145
    Imekatwa lini hiyo rufaa na majaji wepi waliokuwa wakiisikiliza?
     
  5. Filipo

    Filipo JF-Expert Member

    #5
    Oct 8, 2012
    Joined: Jan 6, 2011
    Messages: 9,314
    Likes Received: 156
    Trophy Points: 160
    Mkuu, tupatie source na habari kamili!
     
  6. M

    Mutakyamirwa JF-Expert Member

    #6
    Oct 8, 2012
    Joined: Jan 24, 2011
    Messages: 4,851
    Likes Received: 304
    Trophy Points: 180
    Mhnnn...wasije tanguliza matokeo haya kupima furaha zenu na ya Arusha yakawa tofauti hata kama L anastahili kushinda.
     
  7. M

    Magesi JF-Expert Member

    #7
    Oct 8, 2012
    Joined: Jul 10, 2012
    Messages: 2,590
    Likes Received: 1
    Trophy Points: 0
    source ni mimi mwenyewe rufaa imetupwa na mahakama
     
  8. POMPO

    POMPO JF-Expert Member

    #8
    Oct 8, 2012
    Joined: Mar 12, 2011
    Messages: 6,694
    Likes Received: 8
    Trophy Points: 135
    Safi sana haki ilikuwa mechezewa na kucheleweshwa... twende kwa Uchaguzi magamba muone shughuli yake Viva CHADEMA!!
     
  9. B

    Bhavick JF-Expert Member

    #9
    Oct 8, 2012
    Joined: Sep 21, 2011
    Messages: 314
    Likes Received: 0
    Trophy Points: 0
    Hata mimi nina wasiwasi kama wewe!hii inaweza kuwa changa la macho!
     
  10. Kigarama

    Kigarama JF-Expert Member

    #10
    Oct 8, 2012
    Joined: Apr 23, 2007
    Messages: 2,476
    Likes Received: 8
    Trophy Points: 0
    Kwenye maamuzi haya Mahakama INAAMINIKA au bado inatumiwa na MAGAMBA??
     
  11. W

    WildCard JF-Expert Member

    #11
    Oct 8, 2012
    Joined: Apr 22, 2008
    Messages: 7,451
    Likes Received: 25
    Trophy Points: 145
    AH! Kodi zetu ziendelee kuteketea tu huku wanetu wakiendelea kukaa sakafuni!
     
  12. J

    JICHO MTANZANIA New Member

    #12
    Oct 8, 2012
    Joined: Sep 9, 2012
    Messages: 4
    Likes Received: 0
    Trophy Points: 0
    haya sasa uchaguziii huo rushwaaa adui wa haki, haki imecheleweshwa kwa rushwa sasawamekiona.
     
  13. n

    ndomyana JF-Expert Member

    #13
    Oct 8, 2012
    Joined: Jan 24, 2012
    Messages: 4,673
    Likes Received: 7
    Trophy Points: 135
    na huku jk akiendelea kuzurula hovyo ulaya na amerika, na kuvutwa na mikokoteni
     
  14. Crucifix

    Crucifix JF-Expert Member

    #14
    Oct 8, 2012
    Joined: Feb 20, 2011
    Messages: 1,618
    Likes Received: 25
    Trophy Points: 135
    wewe ni nani na ni mahakama gani imetoa uamuzi, lini na mahali gani, jaji aliyesoma ni nani akishirikiana na nani.....

    hivi ndivyo habari inapaswa kuwa ama sivyo ondoa c.rap na uuupupu wako humu
     
  15. Jaluo_Nyeupe

    Jaluo_Nyeupe JF-Expert Member

    #15
    Oct 8, 2012
    Joined: Dec 21, 2010
    Messages: 2,140
    Likes Received: 266
    Trophy Points: 180
    Nimeongea na mtu aliyeko mahakamani, ni kweli Yamsebo ameshinda.
     
  16. K

    Kibagata JF-Expert Member

    #16
    Oct 8, 2012
    Joined: Apr 1, 2012
    Messages: 771
    Likes Received: 22
    Trophy Points: 35
    Ndo mchezo wao cku hizi. wanatanguliza kuwafrahisha then wanaumiza zaidi Arusha ili kuweka balance lkn dhamira yao imetimia kwa Lema Arusha. tuwe makini na utangulizi huu wa sumbawanga.
     
  17. Tuko

    Tuko JF Bronze Member

    #17
    Oct 8, 2012
    Joined: Jul 29, 2010
    Messages: 11,182
    Likes Received: 347
    Trophy Points: 180
    Kama ni kweli basi kuna maeneo mengine humu nchini ni mbali na Tanzania!!!
     
  18. dudus

    dudus JF-Expert Member

    #18
    Oct 8, 2012
    Joined: Feb 28, 2011
    Messages: 5,635
    Likes Received: 1,517
    Trophy Points: 280
    Mkuu kwani tangu lini Mahakama ya Tanzania iliacha kuaminika?
     
  19. LiverpoolFC

    LiverpoolFC JF-Expert Member

    #19
    Oct 8, 2012
    Joined: Apr 12, 2011
    Messages: 10,956
    Likes Received: 78
    Trophy Points: 145
    Hbr hii ni njema! Ila haina source kamili!

    Magesi!
    Hebu funguka kwa kina!
     
  20. Mungi

    Mungi JF Gold Member

    #20
    Oct 8, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180

    Magesi hizo ni tetesi ama? Lini hiyo rufaa imekatwa? Kama umepotoshwa na magamba usitupotoshe na sisi tupe source ya habari yako!
     
    Last edited by a moderator: Jan 4, 2016
Loading...