Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA yamweka hatarini Kikwete

Discussion in 'JF Chit-Chat' started by never, May 13, 2011.

  1. n

    never JF-Expert Member

    #1
    May 13, 2011
    Joined: Apr 4, 2011
    Messages: 233
    Likes Received: 1
    Trophy Points: 0
    CHADEMA yamweka hatarini Kikwete

    • MBOWE: TUTAENDELEA KUKOMAA NAO HADI KIELEWEKA


    BAADA ya kuiteka miji na vijiji vya mikoa ya Mbeya, Rukwa na Katavi, Chama cha Demokrasia na Maendeleo (CHADEMA), jana kiliuteka mji wote wa Songea, mkoani Ruvuma kwa maandamano na mkutano wa hadhara, huku viongozi na wanasiasa kadhaa wa chama hicho wakionya kuwa Rais Jakaya Kikwete anaweza kung’olewa kabla ya mwaka 2015.

    Mwenyekiti wa CHADEMA, Freeman Mbowe, akihutubia maelfu ya wakazi wa mji wa Songea alisema sasa chama hicho kina uhakika wa kuchukua nchi wakati wowote ikiwa Rais Jakaya Kikwete hatachukua hatua za dharula kupunguza makali ya maisha na kuwapa wananchi uhuru wa kutengeneza katiba yao.

    Alisema hatua ya serikali ya CCM kunywea na kuanza kujadili Katiba mpya ambayo waliipinga wakati wa kampeni, ni dalili tosha kuwa umma wa Watanzania chini ya muongozo wa CHADEMA unaweza kujiletea neema muda wowote ukitaka.

    Alisema badala ya kusubiria miaka mitano CHADEMA tayari imeanza kazi ya makusudi ya kuishinikiza serikali na mamlaka husika kupunguza makali ya maisha kwa kuondoa kodi kwenye bidhaa na huduma muhimu, huku akionya kuwa serikali itakuwa hatarini kama haitaheshimu matakwa ya umma.

    “Utamaduni wa kusubiriana miaka mitano, ni janja yao ya nyani, sasa tumeamua tuwapige mtiti, tunapiga maandamano na mikutano ya nguvu. Tumegundua ukicheka na nyani unavuna mabua. Tumevuna umaskini kwa kuchekacheka na CCM kwa miaka 50. Sasa tunawakomalia hadi kieleweke,” alisema Mbowe na kushangiliwa.

    Alisisitiza kuwa CHADEMA inapenda sana amani lakini haiko tayari kuona amani ikitumika kama giza la kukandamiza watu wasidai haki na maslahi yao.

    Alibainisha kuwa CCM tayari imeshaonyesha udhaifu wa kisera na kihoja ndio maana imeamua kudandia propaganda za kidini na kikabila ili kujaribu kuigawa na kuidhohofisha CHADEMA, jambo ambalo alisema tayari limeshindwa.

    “Tunasema hatutatishwa na propaganda za kutugawa. Walisema CHADEMA ni chama cha Kichaga tukawapiga pembeni, walisema CHADEMA ni cha kidini nayo tumewapiga chini. Mchungaji Msigwa, Sugu, Chiku Abwao, Josephat Nyerere ni Wachagga? Hawana hoja. Hapa tuna Waislamu wengi, kuna Wakristo wengi, lakini tunaunganishwa na dhamira yetu ya kupigania maslahi ya nchi, tusikubali kugawanywa. CCM wanatumia sera ya kikoloni ya wagawe uwatawale, lakini hatutaruhusu hilo litokee. Tutakomaa hadi dakika ya mwisho,” alisema.

    Aliwataka wakazi wa Songea kuungana na Watanzania wa mikoa mingine katika kushinikiza kushushwa kwa gharama za maisha na kuhakikisha kunaandikwa katiba mpya.

    “Na tunawaambia kule bungeni, CCM wakiendelea kupandisha kodi za mafuta na bidhaa nyingine mbalimbali zinazosababisha maisha yawe magumu, haki ya Mungu nawaambia tutaandamana nchi nzima hadi kieleweke. Na huo ndio ujumbe wangu mkubwa kwenu,” alisema Mbowe na kushangiliwa.

    Naye Katibu Mkuu wa chama hicho, Dk. Slaa, akiwashukuru wakazi wa Songea kwa kura nyingi walizompa katika uchaguzi mkuu wa mwaka jana, alisema kwa hali ngumu ya maisha ilivyo na jinsi Watanzania wengi wanavyoichukia CCM, uko uwezekano mkubwa kwa wananchi kumng’oa Kikwete kabla ya mwaka 2015.

    Akitoa mfano alisema katika nchi nyingine ya Japan, wananchi wakiona kiongozi wao hatimizi ahadi, matakwa na maslahi yao humuondoa kwa kumpigia kura ya maoni kabla ya muda wake kukamilika.

    “Mjadala wa Katiba ya nchi hii ndio mwanzo wa kuwaondoa madarakani, Kikwete asipotimiza matakwa ya umma anaweza kung’oka kabla ya mwaka 2015. Walichakachua kura, lakini hawakujua kwamba tuna watu wengi nyuma yetu,” alisema Dk. Slaa.

    Alisema tangu kumalizika kwa uchaguzi mkuu wa mwaka jana, Rais Kikwete hajathubutu kufanya ziara hata moja ya kuwashukuru wananchi kwa sababu anajua fika hana wa kumshukuru kwani alichakachua kura.

    “Tungetaka wakati ule tungefanya vurugu kama Ivory Coast lakini nilikataa nikasema sitaki kwenda Ikulu kwa kumwaga damu. Leo mwenzangu tangu uchaguzi umalizike hajaja kushukuru wananchi, anajua hamkumchagua kwa hiyo hana wa kumshukuru. Amshukuru nani wakati alichakachua kura?” alihoji Dk.Slaa na kuacha umati mzima ukimshangilia.

    Alisema tangu awe Rais kwa kipindi kingine cha pili, Rais Kikwete amekuwa akifanya ziara za mara kwa mara nje ya nchi hususan Ulaya huku akiweka wazi kuwa mpaka sasa ndani ya kipindi cha miezi sita ameshakwenda nje ya nchi takriban mara 12.

    “Badala ya kuja kusikiliza matatizo yenu, yeye kila mwezi anakwenda Ulaya. Jana amekwenda tena Afrika Kusini …kule amewaambia kwamba Tanzania inapambana na umaskini. Hayo mambo alipaswa kuja kuwaeleza ninyi na sio watu wasiomhusu. Kwa mwezi anakwenda nje mara mbili na mpaka sasa ndani ya miezi sita ameenda nje mara 12,” alisema Dk. Slaa na kuongeza.

    “Akishindwa kuwapa wananchi elimu bure, tutamwondoa. Akishindwa kutupa nyumba bora za bati, tutamwondoa na akishindwa kushusha bei za bidhaa na huduma mbalimbali ili maisha yawe nafuu, tutamwondoa.

    Japan, waziri mkuu akishindwa kutekeleza wanayotaka wanamwondoa. Usalama wake wa Kikwete wa kufika miaka 5 ni kutimiza matakwa ya Watanzania,” alisema Dk. Slaa.

    Naye Naibu Katibu Mkuu wa chama hicho, Zitto Kabwe aliendelea kumtuhumu Waziri wa Fedha na Uchumi, Mustafa Mkullo, kuwa ni waziri wa madeni kwani tangu ateuliwe deni la taifa limekuwa likongezeka hadi kufikia trilioni 16 hivi sasa.

    Alisema kwa deni hilo sasa kila Mtanzania anadaiwa wastani wa sh laki tatu.

    “Mkulo ni Waziri wa Madeni asijaribu kabisa kushindana na mimi, tangu ameingia nchi yetu imekuwa ikikopa tu. Tunakopa kununua mafuta, tunakopa kununua vipuri, karatasi na tunakopa kulipa watu mishahara. Ndio maana tunasema katika bajeti mbadala tutataka waziri huyu awajibike,” alisema Zitto.

    Maandamano ya jana sawa na yale yaliyotangulia katika mikoa mingine yaliongozwa na Mwenyekiti wa chama hicho, Freeman Mbowe, Makamu mwenyekiti Said Issa Mohamed na Katibu Mkuu, Dk. Willbrod Slaa, yakianzia nje kidogo ya mji wa Songea katika eneo la Msamala.

    Kutoka eneo hilo maandamano hayo yalitembea kwa umbali wa takribani kilometa tano yakipitia barabara kuu inayopita katikati ya mji huu hadi katika viwanja vya shule ya msingi Kibulang’oma kata ya Lizaboni, kulikofanyika mkutano mkubwa wa hadhara.

    Maelfu kwa maelfu ya waandamanaji walijitokeza kuunga mkono maandamano hayo huku wakiimba nyimbo mbalimbali za mshikamano na za kukikejeli Chama cha Mapinduzi (CCM), kama “Kama sio juhudi Mafisadi presha inapanda, presha inashuka, CCM tumewashika pabaya.”
    Waandamanaji hao pia walibeba mabango yaliyokuwa na ujumbe wa aina mbalimbali kama “Ameshindwa Luteni Makamba sembuse wewe mgambo Mukama, CHADEMA okoa Ruvuma na ufisadi wa mbolea na CCM someni alama za nyakati, Watanzania hatuwataki.”
     
  2. Speaker

    Speaker JF-Expert Member

    #2
    May 13, 2011
    Joined: Aug 12, 2010
    Messages: 6,359
    Likes Received: 16
    Trophy Points: 135
    mmh,maneno yanatisha ingawa ndo ukweli wenyewe
     
  3. M

    MPG JF-Expert Member

    #3
    May 13, 2011
    Joined: May 12, 2011
    Messages: 483
    Likes Received: 0
    Trophy Points: 0
    Maandamanano yalikuwa makubwa sana na umati ulikuwa mkubwa hakika chadema chama tawala
     
  4. Mamzalendo

    Mamzalendo JF-Expert Member

    #4
    May 13, 2011
    Joined: Dec 29, 2010
    Messages: 1,664
    Likes Received: 3
    Trophy Points: 135
    Big up Chadema endeleeni kufumbua macho ya watanzania,tunahitaji huu muamko zaidi,
     
  5. Makene

    Makene JF-Expert Member

    #5
    May 13, 2011
    Joined: Nov 1, 2010
    Messages: 1,476
    Likes Received: 3
    Trophy Points: 135
    <br />
    <br />
    Sasa ccm ndio wanacheza nafasi ya upinzani, wakijihami dhidi ya mashambulizi ya CDM. Wamebaki kuhaha na inteligensia yao matope, na sera za uongo na uzushi zisizo na tija kwa walalahoi wa Tanzania.
     
  6. mashikolomageni

    mashikolomageni JF-Expert Member

    #6
    May 13, 2011
    Joined: Jan 5, 2010
    Messages: 1,562
    Likes Received: 2
    Trophy Points: 135
    Bravoo CDM kila la kheri tuko pamoja kuhakikisha hili gurudumu linasonga mbele
     
  7. Mufiyakicheko

    Mufiyakicheko JF-Expert Member

    #7
    May 13, 2011
    Joined: Mar 24, 2011
    Messages: 893
    Likes Received: 2
    Trophy Points: 0
    hapo patamu yetu macho
     
  8. b

    bagamoyo JF-Expert Member

    #8
    May 13, 2011
    Joined: Jan 14, 2010
    Messages: 3,100
    Likes Received: 746
    Trophy Points: 280
    Safi, lazima kukumbusha kuwa ofisi ya Magogoni ni yetu wananchi. Ukingangania kukaa Ikulu hakikisha unakuwa kichocheo cha kutatua kero zinazowakabili wananchi kwa sera bora, ubunifu na uongozi bora, ukishindwa hayo wananchi wana haki ya kukuondoa Magogoni kabla ya miaka 5 kuisha. Kwa nini wananchi wasubiri kiongozi amalize miaka 5 wakati haonyeshi jitihada na ubunifu wa kuwa kichocheo cha maisha bora?
     
  9. chuki

    chuki JF-Expert Member

    #9
    May 13, 2011
    Joined: Mar 10, 2011
    Messages: 2,690
    Likes Received: 12
    Trophy Points: 135
    Kelele za wapangaji hazizuii mwenye nyumbani. kulala wala tambo za chura hazizuii ng'ombe lunges maji. Kama slaa hataki kumwaga damu, atamtoaje Rais kabla ya 2015 bila kumwaga damu? Watanzania inabidi tumogope Slaa na Chadema Yalke kuliko ukoma.
     
  10. Globu

    Globu JF-Expert Member

    #10
    May 14, 2011
    Joined: Jan 12, 2011
    Messages: 7,957
    Likes Received: 126
    Trophy Points: 160
    Safi sana. Iwe kwa vitendo sio maneno matupu.
     
  11. Babkey

    Babkey JF-Expert Member

    #11
    May 14, 2011
    Joined: Dec 10, 2010
    Messages: 3,191
    Likes Received: 523
    Trophy Points: 280
    Huo mkwara balaa!!
     
  12. Augustine Moshi

    Augustine Moshi JF-Expert Member

    #12
    May 14, 2011
    Joined: Apr 22, 2006
    Messages: 2,080
    Likes Received: 139
    Trophy Points: 160
    Inawezekana wananchi kubadilisha serikali bila kumwaga damu. Mbona tuliingoa serikali ya mkoloni bila kupigana? Hata Misri na Tunisia wamebadilisha serikali bila kupigana.

    Huwezi kusema mtu akishachaguliwa Rais lazima akae miaka mitano hata kama anafanya madudu. Na kwenye katiba mpya lazima kuwe na kipengele cha kumpigia Rais vote of no confidence.

    Huwezi kutawala watu kwa nguvu. Wakikuchoka inabidi ujiuzulu. Uking'ang'ania kukaa basi unavunja amani.
     
  13. Omuregi Wasu

    Omuregi Wasu JF-Expert Member

    #13
    May 14, 2011
    Joined: May 21, 2009
    Messages: 753
    Likes Received: 1
    Trophy Points: 35
    Duhh! hayo maneno yaangaliwe vyema yasigeuke kilio kwa Chadema. Kuitoa serikali madarakani si kazi ndogo. Walishaonywa hivyo wasilalamike yakiwakuta. Siasa za kuahatarisha kitumbua cha mtu ni mbaya sana!!!

    Shinikizeni utendaji mzuri wa serikali bila kusema kuwa tutakung'oa madarakani. Msimuue ****** mapema kabla ya muda ingawa Daktari wake "Dr. Dr. Sheikh Yahaya" alishamtabilia kung'olewa na jeshi mwezi wa saba mwaka huu...... isiwe ikaunganishwa na maneno ya akina mbowe na kufanya mkuru aamue intelejensia iwaweke pabaya hadi mwezi wa saba upite
     
  14. Mulhat Mpunga

    Mulhat Mpunga JF-Expert Member

    #14
    May 14, 2011
    Joined: Oct 28, 2010
    Messages: 19,096
    Likes Received: 6,757
    Trophy Points: 280
    Sheikh yahaya!
     
  15. mfukunyunzi

    mfukunyunzi Senior Member

    #15
    May 14, 2011
    Joined: Mar 4, 2011
    Messages: 142
    Likes Received: 1
    Trophy Points: 0
    KIWAVI hiki, embu kisikilizeni mkisikie.
     
  16. Nyasirori

    Nyasirori Senior Member

    #16
    May 14, 2011
    Joined: May 3, 2009
    Messages: 123
    Likes Received: 13
    Trophy Points: 35
    Haya ya kuing'oa serikali madarakani yantamkwe na wananchi na si viongozi hao wa CDM. Wakisema wao inakuwa hatari sana. Huko Misri na Tunisia, waliamua wananchi kwa kuona wenyewe ugumu wa maisha na si viongozi wa upinzani. Wao waelemishe sababu za ugumu wa maisha na kueleza njia mbadala ya kujiokoa na ugumu huo kama alivyowahi kusema Zito. Sana sasa watoe pia na elimu ya Katiba kwa wananchi kwa kueleza hii ya sasa ina ubaya gani na inayokuja iweje.
    Hata hivyo binafsi nawapongeza kwa ujasiri walionao wa kuelemisha jamii na kuisukuma serikali iwahudumie wananchi.
     
  17. Jile79

    Jile79 JF-Expert Member

    #17
    May 14, 2011
    Joined: May 28, 2009
    Messages: 8,756
    Likes Received: 104
    Trophy Points: 160
    Nchi imesinzia sana hiii....watz ni watu wanaoongoza kwa kulalamika kwa maneno wkt mambo yako hovyo kabisa.....hii nchi naamnini itatuchukua miaka 15 kulalamika tu kwa maneno/mdomo na baada ya hapo ndipo tutakuwa na uwezo wa kuchukuwa hatua kwa vitendo ya kuamua kuandamana kushinikiza seruikali kutimiza wajibu wake...la sivyo tutaendelea kuumia moyoni tu kila siku na maisha yetu yataendelea kuwa magumu kupita kiasi km tusipochukuwa hatua za haraka na maksudi...................hatua hizo ni kuitoa ccm na kumng'oa kikwete as soon as possible
     
  18. ndetichia

    ndetichia JF-Expert Member

    #18
    May 14, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    MS na Mr Mak mpo wapi mbona leo siwaoni...
     
  19. Sizinga

    Sizinga JF-Expert Member

    #19
    May 14, 2011
    Joined: Oct 30, 2007
    Messages: 7,789
    Likes Received: 292
    Trophy Points: 180
    naasubiri kwa hamu wafike mtwara
     
  20. Yericko Nyerere

    Yericko Nyerere Verified User

    #20
    May 14, 2011
    Joined: Dec 22, 2010
    Messages: 15,242
    Likes Received: 1,444
    Trophy Points: 280
    Ieleweke kuwa CDM ni wawakilishi wa wanyonge! Yanayosemwa na CDM ndiyo sauti halisi ya mzalendo na mnyonge!
     
Loading...