Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Chadema yakwamisha bajeti ya Jiji Arusha

Discussion in 'Jukwaa la Siasa' started by Rutashubanyuma, Apr 9, 2011.

  1. Rutashubanyuma

    Rutashubanyuma JF-Expert Member

    #1
    Apr 9, 2011
    Joined: Sep 24, 2010
    Messages: 61,428
    Likes Received: 492
    Trophy Points: 180
    Chadema yakwamisha bajeti ya Jiji Arusha

    Imeandikwa na Na Prisca Libaga, Maelezo, Arusha; Tarehe: 8th April 2011 @ 23:59 Imesomwa na watu: 138; Jumla ya maoni: 0








    MALUMBANO ya kisiasa bado yanaendelea kulitesa Jiji la Arusha, kwa kikao maalumu cha Baraza la Madiwani kukwama kupitisha bajeti ya Jiji hilo kwa Mwaka wa Fedha 2011/12.

    Hali hiyo ilitokea Ijumaa baada ya madiwani 11 wa Chadema kukataa kusaini kitabu cha mahudhurio ya kikao hicho kilichatarajiwa kupitisha bajeti hiyo, licha ya wajumbe wawili wa TLP kusaini kitabu cha mahudhurio.

    Akizungumzia hali hiyo, Kaimu Mkurugenzi wa Jiji la Arusha, Estomih Chang'a, alisema wajumbe 14 wa CCM walisaini kitabu hicho.

    Hata hivyo, Chang'a alifafanua kwamba kutokana na kushindwa kufikiwa kwa idadi ya theluthi mbili ya wajumbe, kikao hicho kililazimika kuvunjika.

    Chang'a alielezea masikitiko yake kuhusu hatua ya wajumbe wa Chadema kukwamisha maendeleo ya wananchi kwa maslahi yao kisiasa, badala ya kujali zaidi maslahi ya wananchi.

    Kaimu Mkurugenzi huyo alisema Jiji linasubiri mwongozo wa waziri mwenye dhamana na serikali za mitaa (TAMISEMI), George Mkuchika, wa namna ya kuendesha halmashauri katika hali hiyo yenye mvutano wa kisiasa.

    Alisema Jiji la Arusha lina wajumbe wapatao 32 hivyo akidi inayotakiwa ili kikao hicho kifanyike wajumbe 21, hata hivyo katika kikao cha jana wajumbe 16 tu ndio waliojisajili.

    Kaimu Mkurugenzi huyo alisema pamoja na madiwani hao kugoma kupitisha bajeti hiyo, mchakato wake ulishaanza katika ngazi ya kata na kupitishwa na kamati za maendeleo za kata (WDC) kwa mujibu wa sheria ya fedha ya serikali za mitaa namba 9 ya mwaka 1982 kifungu namba 43(1).

    Kifungu kicho kinaitaka kila halmashauri kuhakikisha inapitisha bajeti yake miezi miwili kabla ya mwaka mpya wa fedha kuanza, kwa ajili ya mwaka wa fedha unaofuata.

    Alisema katika Jiji la Arusha, mchakato wa bajeti hiyo ulifuata taratibu zote kuanzia ngazi ya kata na pia kujadiliwa na kamati za huduma kwenye halmashauri.

    Bajeti hiyo ilikwishajadiliwa na kamati ya uchumi ya halmashauri, kamati ya mipango miji na mazingira na kamati kuu yaani ya fedha ambayo juzi ilipitisha bajeti hiyo.

    Kwa mujibu wa Mweka Hazina wa Jiji la Arusha, George Kitunga, kwa mwaka 2011/12 zinatarajiwa kutumika zaidi ya Sh bilioni 48.14 kati ya fedha hizi Sh bilioni 5.65 zinatoka katika vyanzo mbalimbali vya Jiji hilo.

    Aidha, Kitunga alieleza kwamba Sh bilioni 24.98 ni ruzuku kutoka Serikali Kuu, Sh bilioni 17.4 kutoka mashirika ya maendeleo na mchango wa wananchi ni Sh milioni 96.

    Kuhusu matumizi ya Jiji hilo kwa mwaka 2011/12, Sh bilioni 17.78, sawa na asilimia 37 ni kwa ajili ya mishahara, Sh bilioni 5.74, sawa na asilimia 12 matumizi ya kawaida.

    Mweka Hazina huyo alifafanua kwamba Sh bilioni 24.6 sawa na asilimia 51 zitatumika kwa maendeleo ya wananchi kupitia miradi mikubwa ya elimu na barabara, zitakazojengwa kwa kiwango cha lami.

    Mgogoro wa kisiasa Arusha ulianzia wakati wa uchaguzi mkuu mwaka 2010 na baadaye kuhamishia katika uchaguzi wa meya wa Jiji ambao baadaye ulisababisha mauaji ya watu watatu wakati wa maandamano yaliyoandaliwa na Chadema kupinga Gaudence Lyimo wa CCM kuwa Meya, licha ya kushinda katika uchaguzi uliosusiwa na wajumbe wa chama hicho cha upinzani.
     
  2. Rutashubanyuma

    Rutashubanyuma JF-Expert Member

    #2
    Apr 9, 2011
    Joined: Sep 24, 2010
    Messages: 61,428
    Likes Received: 492
    Trophy Points: 180
    Hivi aliyekwamisha ni Chadema au dhuluma ya kura ya Umeya??????????????????
     
  3. Architect E.M

    Architect E.M JF-Expert Member

    #3
    Apr 9, 2011
    Joined: Nov 15, 2010
    Messages: 785
    Likes Received: 66
    Trophy Points: 45
    ndo hapo sasa, juilize how much bogus is ccm...
     
  4. Ozzie

    Ozzie JF-Expert Member

    #4
    Apr 9, 2011
    Joined: Oct 9, 2007
    Messages: 3,236
    Likes Received: 16
    Trophy Points: 135
    Kumbe sasa theluthi tatu haiwezi kutimia? Wachakachukue kama kwenye uchaguzi.
     
  5. Ms Judith

    Ms Judith JF-Expert Member

    #5
    Apr 9, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    kama akidi ilitimia kwenye uchaguzi wa meya, kwa nini sasa isitimie? hili nalo si swali la mtoto wa darasa la saba tu?
     
  6. MartinDavid

    MartinDavid JF-Expert Member

    #6
    Apr 9, 2011
    Joined: May 22, 2009
    Messages: 854
    Likes Received: 18
    Trophy Points: 35
    Wafanye uchaguzi wa meya upya halafu tutafanya kazi..

    Mkuchika hana la kusema kwani hata spika ameshindwa kutoa tamko kuhusu uongo wa waziri mkuu.
     
  7. LordJustice1

    LordJustice1 JF-Expert Member

    #7
    Apr 9, 2011
    Joined: Jan 19, 2011
    Messages: 2,264
    Likes Received: 6
    Trophy Points: 0
    Ni theluthi mbili, sio theluthi tatu!
     
  8. The Son of Man

    The Son of Man JF-Expert Member

    #8
    Apr 9, 2011
    Joined: Feb 9, 2010
    Messages: 10,964
    Likes Received: 362
    Trophy Points: 180
    Walokwamisha ni ccm na c cdm!
     
  9. N

    Nakei Member

    #9
    Apr 9, 2011
    Joined: Nov 10, 2010
    Messages: 44
    Likes Received: 0
    Trophy Points: 13
    Mji wa Arusha barabara ni mbovu sana, kama CHADEMA ni chama cha wananchi wapitishe hiyo bajeti alafu wahakikishe hizo hela zinatumika ipasavyo kama jamaa watatumia ubabe wawaambie wananchi.
     
  10. m

    mozze Senior Member

    #10
    Apr 9, 2011
    Joined: Aug 27, 2010
    Messages: 185
    Likes Received: 0
    Trophy Points: 0
    Kumbe ni kweli Uchaguzi ulikuwa batili, sasa Waziri mkuu ajiuzulu kuwajibika kwa kulidanganya taifa. Kama kutokuwepo madiwani 11 wa Chadema kunakwamisha budget uchaguzi ulikuwaje halali?
    Sasa ukweli unasimama!
     
  11. andrewk

    andrewk JF-Expert Member

    #11
    Apr 9, 2011
    Joined: Apr 13, 2010
    Messages: 3,026
    Likes Received: 19
    Trophy Points: 135
    Njanja ya nyani kula nyam mbichi yamewakuta sasa
     
  12. K

    KWELIMT Member

    #12
    Apr 9, 2011
    Joined: Feb 16, 2011
    Messages: 89
    Likes Received: 2
    Trophy Points: 0
    Namshangaa sana Chang'a anasubiri maelekezo ya MKUCHIKA kuhusu nini?Wakati

    wanashabikia uchaguzi haramu wa meya hawakujua impact ya huo mchezo wao?

    Wapigie magoti mrudie uchaguzi wa meya ili mambo yaende sawia.Matatizo ya Arusha yatamalizwa na wana Arusha hao hao.


    kuna usemi flani wa wahenga unasema "SAGA A KOLOROKA"- - -"KICHWA SI KISIGIGINO"ambacho alwayas inaangalia nyuma.
     
Loading...