Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA yakerwa na tamko la Kamati Kuu ya CCM!

Discussion in 'Jukwaa la Siasa' started by n00b, Nov 24, 2011.

  1. n00b

    n00b JF-Expert Member

    #1
    Nov 24, 2011
    Joined: Apr 10, 2008
    Messages: 947
    Likes Received: 90
    Trophy Points: 45
    CHAMA CHA DEMOKRASIA NA MAENDELEO (CHADEMA)
    KURUGENZI YA HABARI NA UENEZI –MAKAO MAKUU
    TAMKO KWA UMMA WA WATANZANIA

    YAH: KAMATI KUU YA CCM KUMWAGIZA RAIS KIKWETE AKUTANE NA VYAMA VINGINE VYA SIASA

    Kurugenzi ya Habari na Uenezi imeshangazwa na tamko lililotolewa jana na Katibu wa Itikadi na Uenezi wa CCM ndugu Nape Nnauye kuwa "Kamati Kuu ya CCM imemwagiza Mwenyekiti wa Chama hicho, Rais Jakaya Kikwete akutane na vyama vyote vya siasa badala ya CHADEMA peke yake" aliendelea Kusema kuwa …… "Pamoja na kukubali akutane na CHADEMA, tumetahadharisha kuwa lazima kushirikisha wajumbe wengine kutoka kwenye vyama vyenye uwakilishi ndani ya Bunge isiwe CHADEMA pekee".

    Awali ya yote tunapenda kusisitiza kuwa maridhiano ya kitaifa juu ya mchakato wa kuweza kufikia kupata katiba mpya ni suala ambalo ni la muhimu sana kwa mustakabali wa taifa letu na haswa kama muafaka huo utafikiwa kwa nia njema ya kujenga na kuimarisha mshikamano miongoni mwa watanzania bila kujali dini, rangi, kabila ama itikadi za vyama vyao.

    Tamko la Kamati Kuu ya CCM linaonyesha muendelezo wa matamko ambayo wamekuwa wakiyatoa kila mara wanapokutana, mathalani kikao kilichopita kiliiagiza serikali kuwa bei ya mafuta ya taa lazima ishuke, kitu ambacho mpaka leo hakijafanyiwa kazi na hii inaonyesha jinsi ambavyo Kamati kuu hiyo isivyokuwa na msimamo juu ya maamuzi yake na maagizo yake inayotoa kwa viongozi wa kiserikali.

    Tamko hili, limetushangaza kwani limeonyesha wazi kuwa kuna hofu miongoni mwa viongozi na wajumbe wa Kamati Kuu ya CCM kuwa sheria iliyopitishwa na wabunge wa CCM kwa kushirikiana na wale wa CUF haina muafaka wa kitaifa na hivyo wanamwagiza Rais kukutana na makundi mengine ili kupata maoni kabla ya kuisaini sheria hiyo.

    CHADEMA tuliandika barua kwa Rais naye alikubali kukutana nasi, kitendo cha Kamati Kuu ya CCM kutoa tamko hili ni dhahiri kuwa kamati kuu ya CCM imejitwalia madaraka ya kuwa wasemaji wa vyama vingine vyenye uwakilishi Bungeni ambao mpaka leo hatujawasikia wakitoa tamko juu ya suala hilo. Tunajiuliza hivi Kamati Kuu ya CCM leo imekuwa ndio wasemaji wa vyama vyenye uwakilishi Bungeni ukiiondoa CHADEMA?

    Pili, Vyama vyenye uwakilishi Bungeni ukiiondoa CHADEMA NA NCCR-Mageuzi waliopinga muswada huu, vyama vingine mathalani CUF, CCM na TLP wao waliunga mkono kupitishwa kwa muswada huu, sasa Kamati Kuu ya CCM inataka wakakutane na Rais ili kujadili kitu gani? Wakati walikuwa ni sehemu ya maamuzi ambayo CHADEMA na wadau mbalimbali wanayalalamikia na ndio maana tukataka kuwasilisha malalamiko yetu kwa Rais.

    Tunapenda kuikumbusha Kamati Kuu ya CCM kuwa CHADEMA iliomba kukutana na Rais wa Nchi na sio kama Mwenyekiti wa chama, iwapo Rais atakubaliana na agizo hili la Kamati Kuu ya CCM itakuwa dhahiri kuwa ni muendelezo wa ushahidi kuwa viongozi wa Kiserikali wamekuwa wakitimiza majukumu yao kutokana na shinikizo la Chama hata kwenye masuala ambayo ni muhimu kwa mustakabali wa taifa letu kama suala hili la Katiba lilivyo.

    Mwisho, Tungependa kumshauri Rais kuwa pamoja na kukutana na CHADEMA atenge muda ili aweze kukutana na makundi mengine mbalimbali ya kijamii yenye maoni na malalamiko kabla ya kusaini sheria iliyopitishwa na Bunge kwa maslahi ya taifa letu na ili kuweza kuleta utengamano wa kitaifa .
    Imetolewa na

    ……………………
    Erasto Tumbo
    Mkurugenzi wa Habari na Uenezi
    24 Novemba 2011.

     
  2. Sordo

    Sordo JF-Expert Member

    #2
    Nov 24, 2011
    Joined: Nov 14, 2011
    Messages: 397
    Likes Received: 1
    Trophy Points: 0
    Peoles power daima! well crafted!
     
  3. sifongo

    sifongo JF-Expert Member

    #3
    Nov 24, 2011
    Joined: Jun 5, 2011
    Messages: 4,069
    Likes Received: 896
    Trophy Points: 280
    aaaaaah!ccm we, nitakimiss sana hiki chama kikifa.
     
  4. Kigogo

    Kigogo JF-Expert Member

    #4
    Nov 24, 2011
    Joined: Dec 14, 2007
    Messages: 19,245
    Likes Received: 35
    Trophy Points: 145
    hawa jamaa wako makini sana mweee
     
  5. STEIN

    STEIN JF-Expert Member

    #5
    Nov 24, 2011
    Joined: Aug 29, 2010
    Messages: 1,762
    Likes Received: 1
    Trophy Points: 135
    peeeeeeeeeeeeeeeeeeeeeeeeepleeeeeeeeeeeeeeeeeeeeeeeeeeeeeeeeesssssssssssssssssss poooooooooooweeeeeeeeeeer,

    CDM wana akili sana, hawa jamaa wa CCM ni vilaza nadhani ndiyo maana wanatoa rasilimali za waTZ burbure maaana hawaelewi ni wazito wa akili,
     
  6. ndyoko

    ndyoko JF-Expert Member

    #6
    Nov 24, 2011
    Joined: Nov 2, 2010
    Messages: 4,708
    Likes Received: 39
    Trophy Points: 145
    Na hapo ndo cdm inapojipambanua kama chama makini na chenye maono ya mbali ktk kuiletea nchi hii maendeleo.
     
  7. Mulama

    Mulama JF-Expert Member

    #7
    Nov 24, 2011
    Joined: Apr 16, 2011
    Messages: 1,827
    Likes Received: 239
    Trophy Points: 160
    Huu ni ushaidi dhahiri kuwa kamati ya ccm haimuamini mweneykiti wake, wana wasiwasi asipopata wapiga chapuo kutoka kwa wafuasi na vibaraka wao walijificha kwenye vyama vingine vya upinzani, anaweza kuzidiwa hoja na hivyo kuwasariti.

    Si mmeona hata alipoitisha mkutano wa kile anachosema kuzungumza na wazee wa dar si ni wana ccm tu?! wanajua wazi kuwa mawazo thabiti kutoka upande wa nje ya ccm yana nguvu sana na hivyo kutaka nguvu ya pamoja kupingana nayo.
     
  8. Mess

    Mess JF-Expert Member

    #8
    Nov 24, 2011
    Joined: Mar 2, 2009
    Messages: 666
    Likes Received: 2
    Trophy Points: 0
    well written, bravo bravo bravo ! Sasa pata bahati ya kukutana na writings za CCM utatoka nanmmaswali mengi kuliko majibu.
     
  9. Feedback

    Feedback JF-Expert Member

    #9
    Nov 24, 2011
    Joined: Mar 14, 2011
    Messages: 7,901
    Likes Received: 239
    Trophy Points: 160
    Hii ya CCM kukurupuka ni sawa na kumuona jamaa anaelekea Ubungo ukamfuata wakati wewe ulikuwa huna mpango wa kwenda huko.

    Chadema ina sababu zake wanapinga mswada kusainiwa, sasa CCM na CUF watakwenda na hoja gani, kama hoja yao ni kuupinga mswada sawa waende makao makuu ya Chadema waone ni kwa namna gani wataunganisha hoja lakini kama wana hoja tofauti na Chadema waombe siku nyingine wakutane na rais hawakatazwi.

    Hii ni sawa na fujo za kisiasa, ni sawa na kusikia BAKWATA wanataka kumuona raisi nayo Jumuiya ya Kikirsto Tanzania CCT wakaomba waingie gari moja.
     
  10. Puppy

    Puppy JF-Expert Member

    #10
    Nov 24, 2011
    Joined: Oct 6, 2011
    Messages: 1,885
    Likes Received: 191
    Trophy Points: 160
    Naaaam..
     
  11. mama D

    mama D JF-Expert Member

    #11
    Nov 24, 2011
    Joined: Nov 22, 2010
    Messages: 1,755
    Likes Received: 21
    Trophy Points: 135
    walikolalia..............ndio chadema wameamkia huko!!

    anatakiwa raisi peke yake kama alivyoongea na wanaojiita wazee wa dsm ndo akaongee na cdm

    ila asipotoa excuse ya alshabab, atatafuta wasemaji wakuu yeye atakaa kucheka tu
     
  12. Mtumishi Wetu

    Mtumishi Wetu JF-Expert Member

    #12
    Nov 24, 2011
    Joined: Oct 12, 2010
    Messages: 4,373
    Likes Received: 150
    Trophy Points: 160
    Huo ni msimamo makini wa CDM kutokubali kuchanganywa na CCM maana wao walisha kubali na kupitisha hiyo rasimu, sasa papara za nini wasubiri waone mziki wa CDM pindi wakikutana na Rais wa nchi!!!!!
     
  13. Rejao

    Rejao JF-Expert Member

    #13
    Nov 24, 2011
    Joined: May 4, 2010
    Messages: 9,223
    Likes Received: 146
    Trophy Points: 160
    CDM mmepigwa bao la kisigino. Naona mmeishiwa nguvu kabisa. Hapo ndio mjuie CCM kuna vichwa vinafanya kazi!
     
  14. Wa Kwilondo

    Wa Kwilondo JF-Expert Member

    #14
    Nov 24, 2011
    Joined: Sep 15, 2007
    Messages: 1,085
    Likes Received: 132
    Trophy Points: 160
    Nawaomba Cdm wawashirikishe wabunge wa nccr siyo chama at least mwakilishi mmoja wale waliopinga mswaada. Maana chama kama chama hawasomeki mpaka leo Mbatia kashikwa na kigugumizi mpaka leo.
     
  15. zumbemkuu

    zumbemkuu JF Bronze Member

    #15
    Nov 24, 2011
    Joined: Sep 11, 2010
    Messages: 8,790
    Likes Received: 255
    Trophy Points: 180
    hahahahahaha! yaani matamko ya CCM utafikiri ya mwendawazimu.
     
  16. ntamaholo

    ntamaholo JF-Expert Member

    #16
    Nov 24, 2011
    Joined: Aug 30, 2011
    Messages: 8,447
    Likes Received: 895
    Trophy Points: 280
    kwa nini asiwe msemaji wa hivyo vyama wakati ni vyake? utamtenganisha Mrema na CCM? Utamtenganisha Cheyo na CCM? Utamtenganisha Hamad Rashid na wenzie na CCM? Lazima awasemee ili kuwakumbusha wajibu wao kwa mjibu wa CCM
     
  17. Daudi Mchambuzi

    Daudi Mchambuzi JF-Expert Member

    #17
    Nov 24, 2011
    Joined: Nov 25, 2010
    Messages: 21,245
    Likes Received: 11,594
    Trophy Points: 280
    kuna hofu miongoni mwa viongozi na wajumbe wa Kamati Kuu ya CCM kuwa sheria iliyopitishwa na wabunge wa CCM kwa kushirikiana na wale wa CUF haina muafaka wa kitaifa na hivyo wanamwagiza Rais kukutana na makundi mengine ili kupata maoni kabla ya kuisaini sheria hiyo.

     
  18. GeniusBrain

    GeniusBrain JF-Expert Member

    #18
    Nov 24, 2011
    Joined: Nov 3, 2010
    Messages: 4,321
    Likes Received: 18
    Trophy Points: 135
    CCM kuna vichwa hatari, jamaa hakutegemea kupigwa bao la kisigino. Mpira umeisha na sasa wanatafuta ushindi wa mezani wa kuonana na JK ikulu, huu ni ushindi wa mezani. Ushindi wa dkk 90 wameshindwa bungeni!
     
  19. ntamaholo

    ntamaholo JF-Expert Member

    #19
    Nov 24, 2011
    Joined: Aug 30, 2011
    Messages: 8,447
    Likes Received: 895
    Trophy Points: 280
    naunga mkono hoja, kwani nao walipinga kupitishwa kwa muswaada huo, some time wale unaoendana nao kimawazo, usiendelee kuwatenga
     
  20. zumbemkuu

    zumbemkuu JF Bronze Member

    #20
    Nov 24, 2011
    Joined: Sep 11, 2010
    Messages: 8,790
    Likes Received: 255
    Trophy Points: 180
    mkuu embu jaribu kuweka na hiyo sentesi yako kwa kidhungu tuone inakuwaje.
    kama ni mimi ningesema ''this is ward english school, hehehehehehe! which ward did you learn? hohoho, hahahahahaha, kumbe na mimi nimo. dah! aisee kingereza ni issue.
     
Loading...