Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA wamlipua Kikwete Bungeni

Discussion in 'Jukwaa la Siasa' started by Technician, Jun 14, 2011.

  1. Technician

    Technician JF-Expert Member

    #1
    Jun 14, 2011
    Joined: Mar 30, 2010
    Messages: 843
    Likes Received: 0
    Trophy Points: 0
    na Martin Malera, Dodoma

    CHAMA cha Demokrasia na Maendeleo (CHADEMA), kimelipua Rais Jakaya Kikwete kwa kusaini na kuidhinisha Mpango wa Maendeleo wa Miaka Mitano kabla ya kupitishwa na Bunge.

    Hoja hiyo iliibuliwa jana na Msemaji wa Kambi ya Upinzani, Ofisi ya Rais Mahusiano na Uratibu, Mchungaji Israel Natse wakati akitoa maoni ya kambi hiyo.

    "…Katiba ya Jamhuri ya Muungano wa Tanzania ibara ya 63 (3) (c) inasema kuwa majukumu ya Bunge ni "kujadili na kuidhinisha mpango wowote wa muda mrefu au wa muda mfupi unaokusudiwa kutekelezwa katika Jamhuri ya Muungano na kutunga sheria ya kusimamia utekelezaji wa mpango huo."

    Wakati ibara ya Katiba ikitamka hivyo, mpango huu tayari ulishasainiwa na Rais wa Jamhuri ya Muungano ya Tanzania tangu Juni 7, 2011 na kuwasilishwa bungeni siku inayofuata kama hati ya kuwasilisha mezani, bila kuelezwa ndani ya mpango wenyewe kama kilichowasilishwa ni rasimu.

    Aidha alisema kwa mujibu wa mpango wenyewe, Rais ameshashukuru wadau kwa maoni yao yaliyowezesha kukamilisha mpango na ameshalishukuru Bunge kwa mchango katika kukamilisha mpango husika.

    "Mheshimiwa Spika, wakati Rais akisema hivyo, kambi ya upinzani haijawahi kushirikishwa wala kushiriki kikao chochote cha Bunge kilichojadili na kupitisha mpango huu. Kwa hiyo, kambi ya upinzani inamtaka waziri aeleze ni kikao kipi cha Bunge na ni mkutano wa ngapi wa Bunge hili, uliowahi kujadili na kupitisha mpango huu wa maendeleo hata kumpelekea Rais kulishukuru Bunge kupitia dibaji yake iliyochapwa kwenye kitabu cha mpango huu?" alisema.

    Natse ambaye ni Mbunge wa Karatu, alisema kambi ya upinzani inalitaka Bunge lifanye kazi zake kikamilifu na serikali iwe na utamaduni wa kuheshimu hilo.

    "Tunaitaka serikali isiwe na utamaduni wa kuamini kuwa kila jambo litakalowasilishwa hapa bungeni basi Bunge litalipitisha tu. Tunaitaka serikali kuhakikisha kuwa maoni ya wabunge yanazingatiwa na kuingizwa kwenye mpango huu kikamilifu," alisema.

    Mbunge huyo pia alihoji lugha ya Kiingereza iliyotumika kuandaa mpango huu. Alisema mpango haulengi kufikishwa kwa Watanzania ambao wanapaswa kuutekeleza kwani lugha iliyotumika haifahamiki kwa zaidi ya asilimia 80 ya Watanzania wote.

    "Tunapenda kuikumbusha serikali kuwa hakuna taifa lolote lililowahi kuendelea kwa kutumia lugha ya kukopa hapa ulimwenguni. Baada ya mpango huo kupitishwa, tunaitaka serikali kuuandaa kwa lugha ya Kiswahili," alisema.

    Alisema mpango huu wa maendeleo hauna shabaha za ujumla za kuwezesha kujipima kama taifa kuhusu mafanikio yanayotarajiwa.

    Alipendekeza baadhi ya shabaha kuu za mpango huo kuwa ziwe kupunguza umaskini vijijini kutoka asilimia 37 ya sasa hadi asilimia 20. Nyingine ni za kumaliza tatizo la umeme kabisa na kuzalisha umeme wa ziada kwa asilimia 20.

    "Tuwe taifa linalozalisha gesi kwa wingi barani Afrika, kuhakikisha asilimia 80 ya Watanzania wanapata maji safi na salama na kuhakikisha kuwa barabara za vijijini zinapitika kwa wakati wote wa mwaka na mwisho kupunguza vifo vya akina mama na watoto," alipendekeza msemaji huyo.

    Kuhusu dhana ya utawala bora na na uwajibikaji, Mbunge huyo alisema Kambi ya Upinzani, imebaini kuwepo kwa mapungufu mengi na dosari kadhaa nzito zinazoweza kuathiri utekelezaji wake au kukwama kabisa.

    "Mipango ya aina hii si mipya katika nchi yetu. Tumeshakuwa na mipango ya maendeleo ya miaka mitano-mitano tangu mwanzoni mwa miaka ya 60, lakini hatimaye mingi ilisuasua au kukwama kabisa, kwa sababu mbalimbali, kubwa ikiwa ni kutokuwepo kwa uwajibikaji wa kutosha ndani na baina ya taasisi za serikali," alisema.

    Aliendelea kuuchambua mpango huo kwa kusema kuwa miongoni mwa mahitaji muhimu ya taifa letu ni Katiba mpya ambayo haimo kwenye mpango huo.

    "Kambi ya Upinzani, imeshangazwa na mpango huu wa maendeleo wa miaka mitano (2011/2012 - 2015/2016) kutolipa kipaumbele hata kidogo hitaji la katiba mpya wala kutenga fedha maalum kwa ajili ya mchakato huo nyeti, katika kuamua hatma mpya ya mwelekeo wa taifa letu," alisema.

    Alisema hata kama serikali itasema kuna fedha zimetengwa kwa ajili ya tume ya kurekebisha sheria kiasi cha sh milioni 945, bado kambi ya upinzani inataka kuona fedha za kugharimia mchakato wa katiba mpya zikitengwa na kuonyeshwa waziwazi.

    Kuhusu ukadiriaji wa gharama Kambi ya Upinzani imebaini kuwapo dosari kadhaa kuhusiana na gharama zilizokadiriwa kwa ajili ya utekelezaji wa mpango huu wa miaka mitano.

    Ilitaja moja ya dosari hizo kuwa ni gharama za jumla za kutekeleza mpango huu ambazo ni sh trilioni 42.98 kutowiana na uwezo halisi wa serikali kujipatia mapato yake.

    "Ili mpango huu utekelezeke serikali itapaswa kuwa na bajeti ya maendeleo inayozidi au isiyopungua sh trilioni 8.6 kila mwaka ndani ya kipindi chote cha miaka mitano cha utekelezaji wa mpango huu," alisema Natse.

    Alisema wakati serikali ikipaswa kuwa na sh trilioni 8.6 za maendeleo kila mwaka ili kutekeleza mpango huu, uzoefu unaonyesha kuwa ni vigumu kwa serikali kukusanya fedha za kutosha ili bajeti ya maendeleo iwe kubwa.
     
  2. J

    Jasho la Damu JF-Expert Member

    #2
    Jun 14, 2011
    Joined: Mar 10, 2011
    Messages: 958
    Likes Received: 7
    Trophy Points: 0
    hii habari ilishaletwa jana lete mpya.
     
  3. markach

    markach Senior Member

    #3
    Jun 14, 2011
    Joined: Oct 18, 2010
    Messages: 122
    Likes Received: 3
    Trophy Points: 35
    Asante sana kwa mchango mzuri, keep it up CDM
     
  4. FaizaFoxy

    FaizaFoxy JF-Expert Member

    #4
    Jun 14, 2011
    Joined: Apr 13, 2011
    Messages: 50,339
    Likes Received: 9,012
    Trophy Points: 280
    Mlitaka alete bungeni bila kusaini hoja yake? Mnanshangaza!
     
  5. ELNIN0

    ELNIN0 JF-Expert Member

    #5
    Jun 14, 2011
    Joined: Nov 26, 2009
    Messages: 3,616
    Likes Received: 66
    Trophy Points: 145
    Hakuna maendelea hapo ni bla bla tu... watu wanafikiria matumbo yao tu na si mtanzania maskini anayejifungulia njiani kwenye toroli la kubebea mchanga akiwa njiani kwenda kwenye zahanati isiyokuwa na dawa wala wauguzi - hii ni baada ya miaka 50 ya uhuru wetu. shame!!

    tumeshasikia mipango mingi sana, hebu mtu alete hata mmoja tu ambao ulifanikiwa. .
     
  6. Kigogo

    Kigogo JF-Expert Member

    #6
    Jun 14, 2011
    Joined: Dec 14, 2007
    Messages: 19,245
    Likes Received: 33
    Trophy Points: 145
    maushungi hayo!!! hovyoo
     
  7. GeniusBrain

    GeniusBrain JF-Expert Member

    #7
    Jun 14, 2011
    Joined: Nov 3, 2010
    Messages: 4,321
    Likes Received: 18
    Trophy Points: 135
    Bora aliisha saini kwani alijua CDM hawana jipya na ni wachache bungeni hawana lakufanya. Andaeni basi maandamano juu ya hilo
     
  8. KIMICHIO

    KIMICHIO JF-Expert Member

    #8
    Jun 14, 2011
    Joined: Aug 12, 2010
    Messages: 1,182
    Likes Received: 1
    Trophy Points: 133
    na wewe ya kwako ya jana iko wapi??
     
  9. 3D.

    3D. JF-Expert Member

    #9
    Jun 14, 2011
    Joined: Sep 7, 2010
    Messages: 1,022
    Likes Received: 2
    Trophy Points: 0
    Sometimes ni vizuri kutojibu hasa kama umeshafahamu tabia ya mtu. Haya yanayozungumzwa hapa ni mambo ya msingi. Tusivuruge mjadala.
     
  10. Dr wa ukweli

    Dr wa ukweli JF-Expert Member

    #10
    Jun 14, 2011
    Joined: Feb 28, 2011
    Messages: 888
    Likes Received: 8
    Trophy Points: 35
    magamba tunayajua humu jamvini tusiyajibu ni kuyapotezea tu! yasijepata ujiko kwa boss wao nape
     
  11. Mwangaza

    Mwangaza Senior Member

    #11
    Jun 14, 2011
    Joined: Feb 26, 2008
    Messages: 198
    Likes Received: 0
    Trophy Points: 33
    Hawa watu Nape anawatoa wapi ?? milembe au??

    Yaaan watu hajui hata taratibu za kutunga sheria! hata elimu ya urai ya dalasa la tano hawajapata?

    Ulishaona wapi mada ikapelekwa bungeni kujadiliwa imsha sihinwa na Rais, hiyo inakuwa sio mada/rasimu tena inakuwa ni sheria.

    Kiutaratibu inatakiwa ijadiriwe bungeni, ikishapitishwa na bunge ndio inahisiniwa na rais kuwa sheria/kanuni.

    Lkn...Rais na wasaidiz wake ...mmmmmmmmmmmmmmmmmmmmmh!

    Tutafika kweli..? kwa mwendo huu wa kuvunja vunja kanuni na taratibu??
     
  12. Raimundo

    Raimundo JF-Expert Member

    #12
    Jun 14, 2011
    Joined: May 23, 2009
    Messages: 10,237
    Likes Received: 4,894
    Trophy Points: 280
    They are paid according to the number of posts they post.
     
  13. CAMARADERIE

    CAMARADERIE JF-Expert Member

    #13
    Jun 14, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    [​IMG]
     
  14. i

    ilitalakimura Member

    #14
    Jun 14, 2011
    Joined: Apr 6, 2011
    Messages: 22
    Likes Received: 0
    Trophy Points: 0
    duh...hata hili la rais wako kutojua kanuni na sheria katika utendaji unashabikia!kuna haja ya kupitia upya mitaala inayotumiwa na taasisi za elimu nchini
     
  15. LordJustice1

    LordJustice1 JF-Expert Member

    #15
    Jun 14, 2011
    Joined: Jan 19, 2011
    Messages: 2,264
    Likes Received: 6
    Trophy Points: 0
    Sasa kama anadai Mpango ulishajadiliwa na Bunge aliuleta tena ili wabunge waangalie sahihi yake?
     
  16. LordJustice1

    LordJustice1 JF-Expert Member

    #16
    Jun 14, 2011
    Joined: Jan 19, 2011
    Messages: 2,264
    Likes Received: 6
    Trophy Points: 0
    Kweli kabisa, yaani JK utafikiri kasomea shule za Kata!
     
  17. k

    kibunda JF-Expert Member

    #17
    Jun 14, 2011
    Joined: Oct 28, 2010
    Messages: 399
    Likes Received: 1
    Trophy Points: 35
    Wanajaribu tu
     
  18. LordJustice1

    LordJustice1 JF-Expert Member

    #18
    Jun 14, 2011
    Joined: Jan 19, 2011
    Messages: 2,264
    Likes Received: 6
    Trophy Points: 0
    Hawa-beep ila wanatwanga!
     
  19. WISDOM SEEDS

    WISDOM SEEDS JF-Expert Member

    #19
    Jun 14, 2011
    Joined: Jun 1, 2011
    Messages: 780
    Likes Received: 0
    Trophy Points: 0
    Mh! Unatumia muda mwingi kwenye internet kwa ajili ya kubishana tu bila hoja! Kaazi kwelikweli
     
  20. M

    Mghaka JF-Expert Member

    #20
    Jun 14, 2011
    Joined: Apr 11, 2011
    Messages: 319
    Likes Received: 2
    Trophy Points: 35
    Welevu si kusikika au kuonekana unafanya juhudi bali ni kufanikisha na kuepuka kufanya mambo ambayo mchango wako unakutenga na uelevu. Mpango huu bungeni umewasilishwa ili ukafanyiwe nini?

    Tunajua anayewasilisha ni serikali ambaye mkuu wake ni Rais. Lakini inapotokea ameshukuru wadau mbalimbali ikiwa ni pamoja na Bunge kwa mchango wake nini kusudio lake? Kuwaziba midomo ili wapitishe bila kujadili, na kama anawashukuru kwa mchango wao anawapelekea wakafanye kitu gani. Na ikitokea wakarudisha serikalini kwa marekebisho. Mapenzi ya kisiasa yanakuziba jicho moja na uelevu.

    Tunakupenda na tunapenda kuendelea kuwa na wewe jamii forums lakini tunakuomba uitendee haki jamii forum.
     
Loading...