Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA kukumbuka waliouawa

Discussion in 'Habari na Hoja mchanganyiko' started by Imany John, Jan 5, 2012.

  1. Imany John

    Imany John Verified User

    #1
    Jan 5, 2012
    Joined: Jul 30, 2011
    Messages: 2,593
    Likes Received: 52
    Trophy Points: 145
    na Grace Macha, Arusha

    VIONGOZI wakuu wa kitaifa wa Chama cha Demokrasia na Maendeleo (CHADEMA), leo watawaongoza maelfu wa wakazi wa Jiji la Arusha katika kumbukumbu ya mwaka mmoja ya watu waliouawa kikatili na askari polisi, Januari 5, mwaka jana.

    Taarifa ya Katibu wa CHADEMA Mkoa wa Arusha, Amani Golugwa, ilisema jana kuwa viongozi karibu wote ngazi ya taifa, wabunge, wajumbe wa Kamati Kuu na Halmashauri Kuu ya chama hicho walikuwa wamewasili mkoani hapa tayari kushiriki kumbukumbu hiyo, huku mamia ya wanachama wakifanya maandalizi muhimu na mazito ya maadhimisho hayo.

    Habari za kuaminika zinasema kuwa viongozi hao watafanya makubwa katika viwanja vya NMC, Unga Ltd ambako watawataja waliouawa katika maandamano ya mwaka jana kama mashujaa wa demokrasia nchini.

    Imeelezwa kuwa Jeshi la Polisi limetoa baraka zote za mkutano huo, baada ya kile kilichoelezwa kuwa kuzuia maadhimisho hayo kungeweza kuleta hatari nyingine ya machafuko.

    Golugwa alisema wamewasiliana na Jeshi la Polisi ili kupata kibali cha mkutano huo wa hadhara ambapo Januari 3, mwaka huu waliandika barua yenye kumbukumbu namba CDM/WLY/PL/11/015 kwenda kwa Mkuu wa Polisi wa Wilaya (OCD) ya Arusha kumtaarifu juu ya mkutano huo.

    Katibu huyo alisema baada ya Jeshi la Polisi kupokea barua yao, Kamanda wa Polisi wa Mkoa wa Arusha, Thobias Andengenye, alimpigia simu kumtaka wakutane ofisini kwake jana saa 4:00 asubuhi kujadili suala hilo lakini alipofika hakumwona kwa madai kuwa RPC alikuwa ameitwa kwenye kikao cha dharura ofisini kwa mkuu wa mkoa.

    "Kupitia kwa mmoja wa wasaidizi wake, RPC ameniahidi kunipigia ili tukutane mara baada ya kumaliza kikao chake na RC na kulingana na mahitaji ya kisheria, sisi tunaendelea na maandalizi ya mkutano na shughuli zote tulizopanga kufanya kesho (leo) kwani tayari tumewaarifu polisi kama sheria inavyoagiza," alisema Golugwa.

    Hata hivyo, uchunguzi umebainisha kuwa jeshi hilo limejiweka tayari kukabiliana na lolote litakalotokea, kwani huenda hotuba za viongozi zitaweza kukumbusha machungu kwa ndugu wa marehemu na wale walioachwa vilema. Mbali na mkutano huo, viongozi waandamizi wa CHADEMA watawatembelea wajane wawili wa marehemu Ismail Oma na Dennis Shirima waliouawa kwa kupigwa risasi na polisi Januari 5, mwaka jana.

    Aidha, watawatembelea majeruhi 20 ambao chama kina taarifa zao sahihi na wale waliogharamiwa matibabu kwa msaada wa chama hicho kwa nia ya kuwajulia hali na kuzidi kuwatia moyo kuwa wako pamoja katika harakati za kudai mabadiliko.

    "Mwaka wa 2012 tunataka uwe mwaka wa kuifanya Arusha yetu iweze kufikia mabadiliko chanya ya kiuchumi, kisiasa na kijamii na zaidi sana kushughulikia kwa dhati suala la ajira kwa wasio na ajira," alisema katibu huyo.


    Chanzo: TANZANIA DAIMA
     
  2. Mvaa Tai

    Mvaa Tai JF-Expert Member

    #2
    Jan 5, 2012
    Joined: Aug 11, 2009
    Messages: 5,317
    Likes Received: 589
    Trophy Points: 280
    Kibali hakitatoka na watapigwa risasi kwa kufanya mkutano bila kibali......lol
     
  3. chapaa

    chapaa JF-Expert Member

    #3
    Jan 5, 2012
    Joined: Feb 19, 2008
    Messages: 2,343
    Likes Received: 1
    Trophy Points: 135
    watakuwa ni wap****vu kama watarusharisasi tena
     
Loading...