Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM yaweza kujirekebisha iking`olewa

Discussion in 'Jukwaa la Siasa' started by Mganga wa Jadi, Dec 29, 2008.

  1. Mganga wa Jadi

    Mganga wa Jadi JF-Expert Member

    #1
    Dec 29, 2008
    Joined: Mar 12, 2008
    Messages: 278
    Likes Received: 2
    Trophy Points: 35
    Mhadhiri wa Chuo Kikuu na mmoja wa wachambuzi wa masuala la kisiasa hapa nchini, Dk. Azaveli Lwaitama, amesema ingekuwa vema kama serikali ya Chama Cha Mapinduzi (CCM), ikawekwa nje ya madaraka ili kujifunza makosa.

    Aidha, aliwataka wananchi kuondokana na dhana kwamba, dola ni lazima iwe CCM na kutaka wavichague vyama vingine kwa madai kwamba CCM ya sasa si ile ya viongozi wa kinabii kama ilivyokuwa enzi za hayati Baba wa Taifa, Mwalimu Nyerere bali ni ya mabaperi.

    Akihitimisha kipindi cha Kipimajoto kilichorushwa juzi kupitia kituo cha ITV, Dk. Lwaitama alisema ili kuweza kukirekebisha chama tawala juu ya mambo yanayofanyika kwa sasa serikalini, ni kukiweka pembeni.

    ``CCM inaweza kujirekebisha ikiondolewa madarakani, kiwekwe pembeni ya serikali ili ijifunze kwa makosa iliyotenda,`` Dk Lwaitama alisema.

    Aliongeza kuwa japo si kweli kama dola na serikali ya CCM kwa ujumla wake inahusika na matukio ya kifisadi na rushwa iliyotikisa nchi, lakini baadhi ya watendaji wake wasio waaminifu wanapaswa kuwajibika.

    Mhadhiri huyo alisema ni lazima wananchi na jamii ikaondokana na dhana kwamba dola ni lazima iwe CCM na kutaka kuvichagua vyama vingine ili CCM ije kujifunza kuwa inapaswa kuwa ya wajenga nchi na sio wabomoaji.

    Kipindi hicho cha juzi kilikuwa kinajadili na kutathmini matukio yaliyojiri kwa mwaka mzima wa 2008, ambapo waligusia pia mauaji ya maalbino, sakata la EPA na Richmond, migomo ya walimu na wanafunzi na suala la mafuta.

    SOURCE: Nipashe
     
Loading...