Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM yamgwaya Mkono! Kamati ya Usalama na Maadili ya CCM yarudisha jina lake...

Discussion in 'Jukwaa la Siasa' started by nngu007, Sep 25, 2012.

  1. nngu007

    nngu007 JF-Expert Member

    #1
    Sep 25, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    25 September 2012

    For ref: http://www.jamiiforums.com/jukwaa-la-siasa/323454-nimrod-mkono-aitisha-ccm.html

    KAMATI ya Usalama na Maadili ya Chama Cha Mapinduzi (CCM), imerudisha jina la Mbunge wa Musoma Vijijini, Nimrod Mkono katika kinyang'anyiro cha uchaguzi kwenye Jumuiya ya Wazazi.

    Hatua hiyo imekuja siku chache baada ya jina la mbunge huyo kutupwa na Kamati ya Utekelezaji ya Jumuiya hiyo na kusema hadharani kwamba akiachwa moja kwa moja, patachimbika.

    "Hapatatosha (CCM)," alisema Mkono alipoulizwa na waandishi wa habari kuhusu kutoswa kwake katika mchujo wa awamu hiyo ya awali.

    Katika matokeo ya mchujo huo wa awali uliofanyika katika Ukumbi wa Karimjee, Dar es Salaam Mkono alishika nafasi ya mwisho kati ya wagombea 13, huku Abdallah Bulembo, Martha Mlata na John Barongo wakipitishwa.

    Hata hivyo, Mkono ambaye ni wakili maarufu nchini, alipinga kushindwa katika kinyang'anyiro hicho akisema bado mchakato wa uchaguzi unaendelea.

    Juzi, kamati hiyo iliyoketi mjini Dodoma chini ya Rais Jakaya Kikwete inadaiwa kuondoa jina la John Barongo ambaye alikuwa amependekezwa na Baraza Kuu la Wazazi kwenye nafasi ya tatu na kuingiza majina ya Mkono pamoja na Mbunge wa Bukoba Vijijini, Jason Rweikiza.

    Awali, ilielezwa kuwa mkono alipendekezwa na Baraza la Wazazi kwenye nafasi ya mwisho na Rweikiza nafasi ya sita. Lakini inadaiwa baada ya Mkono kupiga ‘mkwara' jina lake lilipelekwa kwenye Sekretarieti likiwa la nne.

    Taarifa kutoka ndani ya kikao hicho zinadai kuwa baadhi ya wagombea wamependekezwa kuondolewa kwenye kinyang'anyiro hicho, lengo likiwa ni kujenga mshikamano wa chama.

    Wengine wanaotajwa kupendekezwa kuenguliwa ni Mwenyekiti wa CCM Mkoa wa Shinyanga, Hamis Mgeja na hasimu wake, Mbunge wa Kahama, James Lembeli.

    Chanzo hicho kimesema Lembeli amependekezwa kuachwa na kamati hiyo kwa kile kilichodaiwa kuwa kupunguza idadi ya wabunge waliojitokeza kugombea nafasi mbalimbali ndani ya chama hicho.

    Hata hivyo, Katibu wa Itikadi na Uenezi, Nape Nnauye amekuwa akirejea kuwa hayo ni mapendekezo siyo uamuzi wa mwisho na kwamba, kikao pekee chenye mamlaka ya kuondoa jina la mgombea ni Halmashauri Kuu ya CCM.

    Kamati hiyo iliyomaliza kazi yake jana alfajiri, ilipendekeza majina ambayo yamepelekwa Kamati Kuu (CC) iliyoketi jana mjini hapo ambayo pamoja na mambo mengine, ina jukumu la kuyabariki kabla ya kupelekwa katika kikao cha Halmashauri Kuu (NEC) kupigiwa kura.

    Mabadiliko makubwa yaja CCM


    Akifungua mkutano wa Kamati Kuu (CC) jana, Mwenyekiti wa CCM, Rais Kikwete alisema kikao cha Kamati ya Usalama na Maadili kimechukua muda mrefu kwa sababu kilipitia kila jina la mgombea na mapendekezo yaliyotolewa na vikao husika na kwamba, watu watarajie mabadiliko makubwa.

    Rais Kikwete alisema Kamati ya Usalama na Maadili imelazimika kupangua mapendekezo mengi ambayo yalipelekwa na vikao vya kamati za siasa za wilaya na mikoa.

    Aliwaambia wajumbe wa Kamati Kuu kuwa kazi waliyofanya Kamati ya Maadili ilikuwa kubwa ya kupitia jina moja baada ya jingine na kujiridhisha kuhusu alama ambazo wagombea walipewa katika ngazi za chini.

    Alisema kamati hiyo imebadilisha alama hizo kwa wagombea wengi na kutoa alama nyingine kulingana na umakini wao mbele ya fomu na kwamba, kikubwa kilichokuwa kikitakiwa ni jinsi ya kuwatendea haki wote.

    Mwenyekiti huyo wa CCM alisema wagombea wengi wa safari hii ni wasomi na watu waliobobea katika taaluma mbalimbali.

    "Waliogombea nafasi za CCM pekee ni 2,853 na kwa nafasi za jumuiya ni 2,104 idadi inayoonyesha watu wanakikimbilia chama chetu. Kwa idadi kama hiyo unatakiwa kuwa makini zaidi katika kupitia majina yao na kujiridhisha kwa dhati kwa nini kapendekezwa huyu na huyu kaachwa?"

    Takukuru yautupia jicho uchaguzi CCM


    Mkurugenzi Mkuu wa Taasisi ya Kuzuia na Kupambana na Rushwa, (Takukuru), Dk Edward Hoseah amesema taasisi yake inafuatilia kwa karibu uchaguzi huo ili kubaini watu wanaotumia rushwa.

    Dk Hoseah alisema hayo jana wakati alikijibu hoja mbalimbali za washiriki wa kongamano la kujadili utekelezaji wa awamu ya pili ya mpango wa kupambana na rushwa nchini na mapendekezo yanayopaswa kuzingatiwa katika utekelezaji wa mpango wa awamu ya tatu (2012 – 2016).

    "Tatizo ni kwamba wagombea wengi wa nafasi ya uongozi wamekuwa wakijiandaa kutoa rushwa wakati wa uchaguzi na kwa bahati mbaya hata wananchi ambao ni wapiga kura ni kama wanajiandaa kupokea rushwa kila uchaguzi unapokaribia, hili ni tatizo kubwa," alisema Dk Hosseah na kuongeza:

    "Tunaendelea kufuatilia lakini ni kazi kubwa kwelikweli kwa mfano, sasa tunafuatilia uchaguzi wa ndani wa CCM na tunafanya hivi ili kuhakikisha kwamba hatupati viongozi wanaotokana na rushwa, maana tukiwa na viongozi wa aina hii hatuwezi kushinda vita hivi."

    Hata hivyo, alisema rushwa ni tatizo linalovigusa vyama vyote na kwamba lengo la taasisi yake ni kuwachukulia hatua wote wanaobainika kujihusisha na vitendo hivyo.

    Tuhuma za watendaji Tanesco

    Dk Hoseah alisema taasisi yake, imekamilisha uchunguzi wa tuhuma za rushwa dhidi ya watendaji wa Shirika la Umeme Tanzania (Tanesco) na kuzifikisha taarifa za uchunguzi huo kwenye mamlaka zinazohusika.

    "Kazi ya kuchunguza tuhuma dhidi ya watendaji wa Tanesco nimemaliza na tayari nimeshazikabidhi kwa mamlaka zinazohusika. Mimi siwezi kutoa nilichokiona katika taarifa ile kwa mujibu wa Sheria ya Takukuru Kifungu cha 37 ambacho kinanitaka nikimaliza kazi niwasilishe ripoti kwa mamlaka zinazohusika na si kutoa kilichopo ndani," alisema Dk Hoseah.

    Sheria ya Takukuru Kifungu cha 57, inaitaka taasisi hiyo baada ya kukamilisha uchunguzi wake, kuwasilisha jalada husika katika Ofisi ya Mkurugenzi Mkuu wa Mashtaka (DPP), ambayo ina mamlaka ya kuruhusu tuhuma husika kufikishwa mahakamani au la.

    Suala la DPP kuwa kikwazo cha mashtaka hayo jana pia liliibuka katika mkutano huo wa wadau ambao walionyesha shaka ya kufanikiwa kwa vita dhidi ya rushwa katika mazingira ambayo yanathibitisha kuwapo kwa vita ya maneno kati ya Ofisi za Takukuru na DPP.

    Hata hivyo, Dk Hoseah alikanusha kuwapo kwa mvutano baina ya ofisi hizo akisema ana wajibu wa kuujulisha umma hatua zinazofikiwa katika uchunguzi wa tuhuma mbalimbali na baada ya hapo kazi hubaki kwa DPP kutekeleza wajibu wake kwa mujibu wa sheria.

    Alisema taasisi yake imefanikiwa kuziba mianya ya upotevu wa fedha za umma akitoa mfano wa hatua zilizochukuliwa kati ya Januari na Julai mwaka huu na kuiwezesha Serikali kuokoa Sh7 bilioni ambazo zilikuwa zipotee kupitia mishahara hewa.

    Habari hii imeandikwa na Geofrey Nyang'oro Dar; Midraj Ibrahim na Habel Chidawali, Dodoma.
     
  2. nngu007

    nngu007 JF-Expert Member

    #2
    Sep 25, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Kwasababu ya kujua SIRI za VIONGOZI wa CCM kujulikana na Baadhi ya Wabunge na Haswa Mwanasheria

    Mkono CCM inaendeshwa BILA Demokrasia... Ni UBABE, KUJUANA kwahiyo it is a CULT
     
  3. jmushi1

    jmushi1 JF-Expert Member

    #3
    Sep 25, 2012
    Joined: Nov 2, 2007
    Messages: 16,047
    Likes Received: 41
    Trophy Points: 145
    DPP ni kibaraka wa rais,hakuna kesi itakayofunguliwa yenye kuhusu mafisadi kabla hajamwuliza rais maoni yake endapo kuna watu wake watakuwa wameguswa,ama hata yeye mwenyewe.Mfumo huu haufai hata kidogo,na hakuna haki itakayotendeka,hapo ni kiduku tu.

    JK ndo aliyemteua DPP na hakuna kesi inayofunguliwa bila idhini ya DPP.
     
  4. Havizya

    Havizya JF-Expert Member

    #4
    Sep 25, 2012
    Joined: Apr 3, 2012
    Messages: 1,466
    Likes Received: 39
    Trophy Points: 145
    Mkono ni mbabe kwa ccm, Nape au Kikwete mnabisha?? Ondoeni jina lake mkione cha moto, madudu yenu yote nje!!
     
  5. J

    Jasusi JF-Expert Member

    #5
    Sep 25, 2012
    Joined: May 5, 2006
    Messages: 11,450
    Likes Received: 100
    Trophy Points: 145
    Cheza na Mkono wewe? Aliwaambia CCM patachimbika. Naona imebidi wakuu wanywee.
     
  6. kookolikoo

    kookolikoo JF-Expert Member

    #6
    Sep 25, 2012
    Joined: Mar 9, 2012
    Messages: 2,511
    Likes Received: 6
    Trophy Points: 135
    madhara ya mkono kuondoka yangekuwa makubwa kwa ccm!
     
  7. marejesho

    marejesho JF-Expert Member

    #7
    Sep 25, 2012
    Joined: Jan 6, 2011
    Messages: 6,189
    Likes Received: 476
    Trophy Points: 180
    Aisee!wameona hapatatosha wakarudisha jina lake!
    Kwa mantiki hii mnyonge ataendelea kuwa mnyonge daima!
     
  8. Filipo

    Filipo JF-Expert Member

    #8
    Sep 25, 2012
    Joined: Jan 6, 2011
    Messages: 9,314
    Likes Received: 156
    Trophy Points: 160
    Hao ndio ccm bana! Mnyonge anyongwe na mbabe abebwe!
     
  9. Lyimo

    Lyimo JF-Expert Member

    #9
    Sep 25, 2012
    Joined: Mar 7, 2006
    Messages: 3,809
    Likes Received: 7
    Trophy Points: 135
    Kumbe kujua maovu ya viongozi ni mtaji mkubwa ndani ya CCM.
     
  10. Mkali Tozz

    Mkali Tozz JF-Expert Member

    #10
    Sep 25, 2012
    Joined: Aug 9, 2012
    Messages: 279
    Likes Received: 0
    Trophy Points: 0
    Hata huyo Nimrod sio muungwana, kama anayajua maovi tunayofanyiwa watanzania iweje ayafiche kwa ujira wa cheo?
     
  11. Amiliki

    Amiliki JF-Expert Member

    #11
    Sep 25, 2012
    Joined: May 6, 2011
    Messages: 2,087
    Likes Received: 7
    Trophy Points: 135
    Si kuondoka Mkuu, wanaogopa asije akamwaga ugali iwapo wangemmwagia ka-kitoweo chake.
     
  12. N

    NasDaz JF-Expert Member

    #12
    Sep 25, 2012
    Joined: May 6, 2009
    Messages: 11,339
    Likes Received: 1,568
    Trophy Points: 280
    Kama kuna kansa kuu nje ya ulingo wa siasa ndani ya nchi hii ni huyu Hosea na mwenzake Felesi( sina hakika kama hilo ndilo jina lake sahihi huyu DPP)! Hata anachokifanya Hossea hapo ni upuuzi mtupu wa kuendeleza vita vyake vya maneno na DPP ili kuonesha ndie chanzo cha kukwama kesi za rushwa ni huyu DPP! In short, wote DPP na Hossea ni kansa sugu.
     
  13. Nguruvi3

    Nguruvi3 Platinum Member

    #13
    Sep 25, 2012
    Joined: Jun 21, 2010
    Messages: 11,007
    Likes Received: 4,310
    Trophy Points: 280
    Kiduku, bongofleva, mchiriku alhasiri kila mtu aonekane anafanya kazi.
    Nani atamnyooshea kidole mkuu wa majeshi mstaafu kama ikitokea!

    Huu upuuzi wa kufanya kazi na magazeti ni wa kusikitisha sana. Kinachoudhi sana anayefanya hivyo ni PhD holder!
    Hosea bado hatujakusahau na taarifa ya Richmond sasa unakuja na single nyingine. Hakuna lolote unalofanya likaonekana zaidi ya kucheza na vyombo vya habari. Ukikaa kimya unatusaidia kuliko kuendelea kututia hasira.
     
  14. Return Of Undertaker

    Return Of Undertaker JF-Expert Member

    #14
    Sep 25, 2012
    Joined: Jun 12, 2012
    Messages: 1,119
    Likes Received: 163
    Trophy Points: 160
    Keshasema ccm haifi lazima wanakiweka hapo waendelee kuwepo wakitoka wamekufa
     
  15. Ritz

    Ritz JF-Expert Member

    #15
    Sep 25, 2012
    Joined: Jan 1, 2011
    Messages: 42,037
    Likes Received: 3,869
    Trophy Points: 280
    Mbona jina lake limeishawahi kukwatwa kwenye Jumuiya ya Wazazi.
     
  16. b

    bagwell Senior Member

    #16
    Sep 25, 2012
    Joined: Sep 19, 2012
    Messages: 113
    Likes Received: 0
    Trophy Points: 0
    Hiyo TAKUKURU inakwenda kufanya nini kwenye uchaguzi, mbona wao ndio wanaolula Rushwa wakubwa....
     
  17. nyabhingi

    nyabhingi JF-Expert Member

    #17
    Sep 25, 2012
    Joined: Oct 12, 2010
    Messages: 8,928
    Likes Received: 1,390
    Trophy Points: 280
    mbona wameshindwa kulikata sasa hivi baada ya kupiga mkwara,..labda kipindi hicho hakupiga biti
     
  18. Manyi

    Manyi JF-Expert Member

    #18
    Sep 25, 2012
    Joined: Dec 6, 2011
    Messages: 3,254
    Likes Received: 9
    Trophy Points: 135
    Ha ha haaa, ni ngumu sana kwa CCM kuvuana gambaz! Hizo ni ndoto!
     
  19. m

    malaka JF-Expert Member

    #19
    Sep 25, 2012
    Joined: Apr 5, 2012
    Messages: 1,317
    Likes Received: 4
    Trophy Points: 135
    Du yaani CCM ndio inazidi kujichimbia kaburi. Kumbe ukijua siri zao lazima uwaendeshe!! Safi sana Mkono.
     
  20. P

    Precise Pangolin JF-Expert Member

    #20
    Sep 25, 2012
    Joined: Jan 4, 2012
    Messages: 11,320
    Likes Received: 418
    Trophy Points: 180
    Nimrodi alikuwa na uwezo wa kuifuta CCM kwenye medani za siasa endapo jina lake lingekatwa Nimrod ni machine nyingine angevua ile kofia yake kama ya mganga wa kienyeji wangekoma
     
Loading...