Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM yafika pabaya: Dk. Kigwangala, Bashe watishiana bastola Nzega!

Discussion in 'Jukwaa la Siasa' started by MAKOLE, Aug 29, 2012.

  1. MAKOLE

    MAKOLE JF-Expert Member

    #1
    Aug 29, 2012
    Joined: Feb 5, 2012
    Messages: 600
    Likes Received: 4
    Trophy Points: 35
    KATIKA kile kinachoonekana kama vita ya urais wa mwaka 2015, makundi yanayokinzana ndani ya Chama Cha Mapinduzi (CCM), yamedaiwa kuanza mkakati wa kujiimarisha kwa kutumia uchaguzi wa ndani unaoendelea sasa.

    Hatua hiyo vile vile inaelezwa kuwa ni mwendelezo wa visasi vya Uchaguzi Mkuu uliopita katika baadhi ya maeneo, ambapo wagombea wanaokubalika waliachwa na kuchukuliwa wengine.

    Mathalani katika Jimbo la Nzega, mkoani Tabora, visasi hivyo vimedumu baina ya Mbunge wa sasa, Dk. Hamis Kigwangala na kada aliyeenguliwa na Halmashauri Kuu ya Taifa, Hussein Bashe, akidaiwa si raia wa Tanzania.

    Wawili hawa juzi wanadaiwa kutishiana bastola katika ofisi ya CCM wilayani humo wakati wakirejesha fomu za kuomba kuwania nafasi mbalimbali.


    Taarifa kutoka vyanzo vyetu vya ndani ya chama hicho, zinaeleza kuwa miongoni mwa vigogo wanaotajwa kuutaka urais, makundi ya Waziri Mkuu wa zamani, Edward Lowassa na lile la Waziri wa Mambo ya Nje, Bernard Membe, ndiyo yanamsuguano mkali.

    Wakati uchaguzi wa ndani wa CCM ukizidi kupamba moto, makundi hayo yanadaiwa kuwa kila moja linahaha kuhakikisha wale wanaoliunga mkono wanaibuka kidedea katika nafasi za ujumbe wa Halmashauri Kuu, Mkutano Mkuu na jumuiya za Wanawake, Wazazi na Vijana kuanzia ngazi ya wilaya hadi taifa.

    Tanzania Daima limedokezwa kuwa katika kuweka mambo sawa, mmoja wa vigogo hao amebaini kutoungwa mkono na wenyeviti wanaomaliza muda wao katika mikoa ya Shinyanga, Mwanza, Dar es Salaam na Arusha, hivyo amesuka mkakati ili wasichaguliwe tena.

    "Mkakati huu mchafu na hatari kwa ustawi wa demokrasia unatumia mamilioni ya fedha, maarufu kama ‘mamilioni ya Gadaffi' na unaratibiwa na mmoja wa vigogo anayetajwa kuwa na lengo la kuwania urais mwaka 2015 kupitia CCM," kilisema chanzo chetu.

    Mabilioni hayo ya fedha yanadaiwa kuanza kumwagwa katika mikoa husika ikiwa ni lengo la kuhakikisha wenyeviti hao, Clement Mabina (Mwanza), Hamis Mgeja (Shinyanga), John Guninita (Dar es Salaam) na Ole Nangole wa Arusha hawarudi tena katika nafasi zao.

    Baadhi ya makada wa CCM waliozungumza na gazeti hili, wamewaomba wenyeviti wastaafu wa chama hicho, Ali Hassan Mwinyi na Benjamin Mkapa kuingilia kati na kumsadia Rais Jakaya Kikwete kudhibiti matumizi ya fedha katika uchaguzi.

    "Ili kuinusuru CCM katika anguko la kihistoria, tunawaomba sana Mwinyi na Mkapa waingilie kati kuhakikisha wanadhibiti kabisa matumizi ya fedha katika chaguzi zote za ndani," alisema kada mmoja.

    Chanzo chetu kimebaini kuwa kundi hilo limeanza kujipenyeza mikoani kuwachafua viongozi wa CCM wasiofungamana nao, hivyo kuandaa safu yao mpya.

    Kigwangala vs Bashe


    Kuhusu wawili hawa wanaowania ujumbe wa NEC Wilaya ya Nzega, taarifa zinasema kuwa tukio hilo la aibu lilitokea katika ofisi za CCM saa 09:30 alasiri baada ya Dk. Kigwangala kumwambia Katibu wa wa chama wa Wilaya, Kajoro Vyohoroka, asiipokee fomu ya Bashe kwani alikuwa amechelewa kuijaza na kuirejesha.

    Tanzania Daima lilitonywa kuwa baada ya Dk. Kigwangala kumwambia katibu maneno hayo, Bashe akatoa lugha ya matusi kwa mbunge huyo.

    "Kufuatia matusi hayo, Dk. Kigwangala alinyanyuka ghafla na kutaka kumpiga Bashe huku akimtishia kumtandika bastola...lakini baadhi ya wanachama wakawaamulia," kilisema chanzo chetu.

    Katibu wa CCM wa Wilaya ya Nzega, Vyohoroka, alikiri kutokea kwa tukio hilo ofisini kwake juzi na kwamba awali Dk. Kigwangala alikuwa akijaza fomu hiyo ofisini hapo na Bashe alikuwa ofisini kwa Mwenyekiti, Francis Shija.

    Alifafanua kuwa Bashe alirejesha fomu saa 09:50 na Dk. Kigwangala naye alirejesha saa 09:48 lakini kwa mshangao mbunge huyo alitamka kuwa fomu ya Bashe imechelewa hivyo isipokewe.

    Alisema kuwa baada ya hapo ndipo maneno makali yalipoanza hadi kufikia vitisho vya silaha.

    Bashe alizungumza na gazeti hili akisema kuwa Dk. Kigwangala alimtishia kwa bastola akidai fomu yake isipokewe kwani muda wa kurejesha ulikuwa umekwisha.

    "Si kweli kuwa muda ulikuwa umeisha, bali huyu ndugu yangu ana visa na chuki dhidi yangu, ni kweli alichomoa bastola yake lakini wanachama walituamua," alisema Bashe.

    Naye Dk. Kigwangala alikanusha akisema hakuna kitu cha namna hiyo, bali Bashe ni mzushi anayetaka kuyakuza mambo hayo.

    "Si kweli na hamna kitu cha namna hiyo…Bashe anataka kuyakuza tu, ni kweli katibu amembeba muda wa kurejesha fomu ulikuwa umekwisha," alisisitiza.

    Kamanda wa Polisi wa Mkoa wa Tabora, Anthony Rutta, aliliambia gazeti hili kuwa taarifa za tukio hilo anazo lakini atafuatilia kujua chanzo.

    Chanzo: Tanzania Daima
     
  2. idawa

    idawa JF-Expert Member

    #2
    Aug 29, 2012
    Joined: Jan 20, 2012
    Messages: 15,176
    Likes Received: 3,445
    Trophy Points: 280
    wamezozana humu jf wamekuta haitoshi bora kutishana live.! Sisi tupo likizo ya siku ya siku tano, ngoja tuendelee kuwachora.!
     
  3. Root

    Root JF-Expert Member

    #3
    Aug 29, 2012
    Joined: Jan 23, 2012
    Messages: 18,470
    Likes Received: 3,465
    Trophy Points: 280
    wauane wenyewe
     
  4. Angel Msoffe

    Angel Msoffe JF-Expert Member

    #4
    Aug 29, 2012
    Joined: Jun 21, 2011
    Messages: 6,800
    Likes Received: 63
    Trophy Points: 145
    Si wauane tu ili wapungue,
     
  5. m

    malaka JF-Expert Member

    #5
    Aug 29, 2012
    Joined: Apr 5, 2012
    Messages: 1,317
    Likes Received: 4
    Trophy Points: 135
    Hahahah. Raha. Ehe risasi au bomu la machozi. Ccm bana.
     
  6. Mzalendo80

    Mzalendo80 JF-Expert Member

    #6
    Aug 29, 2012
    Joined: Oct 30, 2010
    Messages: 2,339
    Likes Received: 1
    Trophy Points: 0
    Waacheni watishiane, CCM wanazosilaha nyingi sana kama tulivyoambiwa kuwa hazikusajiliwa zilipata baraza za Mwema zitumike na Jeshi la CCM baada ya kuona Policcm wanaanza kushindwa kazi.

     
  7. Mwana Mpotevu

    Mwana Mpotevu Platinum Member

    #7
    Aug 29, 2012
    Joined: Sep 7, 2011
    Messages: 3,268
    Likes Received: 86
    Trophy Points: 145
    isije ikawa wanagombea tu vile vitumbua jamani
     
  8. only83

    only83 JF-Expert Member

    #8
    Aug 29, 2012
    Joined: Oct 15, 2010
    Messages: 5,020
    Likes Received: 59
    Trophy Points: 145
    Hawa jamaa inapaswa kuwafatilia kwa umakini, watauana kweli.
     
  9. M

    MLERAI JF-Expert Member

    #9
    Aug 29, 2012
    Joined: Apr 4, 2012
    Messages: 669
    Likes Received: 23
    Trophy Points: 35
    Si wauwane turudi kwenye uchaguzi igunga na nzega si jirani.Kama mtu hana sifa analazimisha nini kuwa kiongozi
     
  10. sembuli

    sembuli JF-Expert Member

    #10
    Aug 29, 2012
    Joined: Feb 3, 2012
    Messages: 762
    Likes Received: 27
    Trophy Points: 45
    ni wa chama cha mapinduzi,chama cha kupinduana kwa hira ,majungu na silaha!
     
  11. Ruttashobolwa

    Ruttashobolwa JF-Expert Member

    #11
    Aug 29, 2012
    Joined: Feb 22, 2012
    Messages: 38,872
    Likes Received: 5,274
    Trophy Points: 280
    Hizo ni laana zina waandama maana wamezoe kuwatishia wananchi sasa wanataka kuuana wenyewe!
     
  12. P

    Precise Pangolin JF-Expert Member

    #12
    Aug 29, 2012
    Joined: Jan 4, 2012
    Messages: 11,318
    Likes Received: 417
    Trophy Points: 180
    Wameamua kupelekana mabwepande wao kwa wao
     
  13. N

    Ndyali JF-Expert Member

    #13
    Aug 29, 2012
    Joined: Nov 24, 2011
    Messages: 1,215
    Likes Received: 142
    Trophy Points: 160
    Mkuu only83, hivi kuna mtu yeyote mwenye akili timamu anyeweza kuyaonea huruma magamba yanapogombania ufisadi?
     
  14. chitambikwa

    chitambikwa JF-Expert Member

    #14
    Aug 29, 2012
    Joined: Nov 8, 2010
    Messages: 3,932
    Likes Received: 3
    Trophy Points: 0
    ccm wote wanajiruhusu kumiliki silaha.
     
  15. a

    afwe JF-Expert Member

    #15
    Aug 29, 2012
    Joined: Oct 29, 2010
    Messages: 4,053
    Likes Received: 92
    Trophy Points: 145
    Kuna wakati tuliandika kuhusu Dr. Kigwangala kuwa tuwe waangalifu kwani he is not that genuine to keep us discussing his behavior through JF. Ukweli wa mambo unazidi kujidhihirisha
     
  16. Songoro

    Songoro JF-Expert Member

    #16
    Aug 29, 2012
    Joined: May 27, 2009
    Messages: 4,140
    Likes Received: 11
    Trophy Points: 0
    Rais ajae hatatoka Kaskazini -Prince, Rais ajae atatoka Nyanda za juu kusini - Wilson Mukama,Baraza la mawaziri lapongeza kusimamishwa Management ya Tanzania Port Authority, Rais wa 2015 ni.............! Igunga hizo ni Trela picha linakuja soon!
     
  17. we gule

    we gule Senior Member

    #17
    Aug 29, 2012
    Joined: Jun 30, 2012
    Messages: 136
    Likes Received: 0
    Trophy Points: 0
    Wananzega hwbu nijuzeni hivi huyu Bashe aliisha ukana UAl-shababu mpaka anataka kugombea ujumbe wa NEC?
     
  18. MD25

    MD25 JF-Expert Member

    #18
    Aug 29, 2012
    Joined: Jan 28, 2012
    Messages: 3,078
    Likes Received: 4
    Trophy Points: 135
    Ni siasa tu? Au wamegongeana mademu au wake zao...
     
  19. only83

    only83 JF-Expert Member

    #19
    Aug 29, 2012
    Joined: Oct 15, 2010
    Messages: 5,020
    Likes Received: 59
    Trophy Points: 145
    Taarifa za sasa ni kuwa polisi mkoani Tabora wilaya ya Nzega imewaweka ndani yaani selo Hussein Bashe pamoja na
    Sango na wafuasi wengine wa Bashe baada ya bwana Sango kumtishia mbunge wa Nzega Kigwangala kwa bastola.

    Chanzo: KITUO CHA POLISI NZEGA
     
  20. Kimbunga

    Kimbunga Platinum Member

    #20
    Aug 29, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Toka siasa za maji taka hadi siasa za bunduki!
     
Loading...