Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM yadai wafadhili wao wameisusa CHADEMA na Wafadhili hao ni Consevative Party

Discussion in 'Jukwaa la Siasa' started by nngu007, Mar 21, 2012.

  1. nngu007

    nngu007 JF-Expert Member

    #1
    Mar 21, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    CHADEMA yapigwa kombora Arumeru

    CCM yadai wafadhili wao wameisusa

    Pamela Mollel, Arumeru

    C H A M A C h a M a p i n d u z i
    (CCM) kimesema siri ya Chama
    cha Demokrasia na Maendeleo
    (CHADEMA) kutembeza bakuli ya
    michango inatokana na wafadhili
    wake kukinyima fedha baada
    ya Serikali kukataa shinikizo
    lililotolewa na Waziri Mkuu wa
    Uingereza David Cameroon, la
    kutaka nchi zote rafiki na vyama
    vyote vya kisiasa kukubali ndoa ya
    jinsia moja.

    Hayo yalisemwa na mjini hapa
    jana na Mkuu wa Kampeni wa
    CCM Bw. Mwigulu Nchemba, kwa
    nyakati tofauti wakati akihutubia
    mikutano ya kampeni ya kumnadi
    mgombea wa chama hicho, Bw.
    Sioi Sumari.

    Bw. Nchemba aliipongeza
    Serikali ya Rais Jakaya Kikwete
    kwa msimamo wa kukataa shinikizo
    la Uingereza la kutaka ndoa za jinsia
    moja zisikubalike nchini.

    "CCM na Watanzania wote
    wanaunga mkono msimamo huo
    na hivyo tuko tayari kukosa misaada
    kuliko kukubali ndoa za jinsia
    moja," alisema.

    Aliwaambia wananchi kwamba
    siri ya CHADEMA kutembeza
    bakuli katika mikutano ya hadhara
    kwa wanachama wake ili wachangie
    kampeni ni kutokana na wafadhili
    wa chama chao Consevative cha
    Uingereza kinachoongozwa na
    Waziri Mkuu David Cameroon
    kukinyima fedha za misaada
    kutokana na Serikali ya Rais
    Kikwete kukataa kuunga mkono
    suala hilo.

    Alisema kuwa tangu chama
    hicho kianzishwe hakijawahi hata
    siku moja kutembeza bakuli na
    kuwakamua wanachama na wapenzi
    wake kwenye mikutano ya hadhara
    baada ya Serikali kukataa masharti
    ya ushoga na ndoa za jinsia moja
    kama ilivyokuwa imependekezwa
    na Uingereza sasa kimeibua mbinu
    hiyo ya kuwakamua wanachama na
    wafuasi wake.

    Aliongeza kuwa katika uchaguzi
    mdogo uliofanyika jimbo la Igunga,
    mkoani Tabora mwaka jana, chama
    hicho kilikuwa na fedha nyingi
    ambazo kilipewa msaada na ndio
    maana kiliweza kusumbua, lakini
    safari hii wamenyimwa ndio maana
    hata viongozi wao wa kitaifa
    ushiriki wao kwenye kampeni
    hizo za Arumeru Mashariki ni wa
    kusuasua.

    "Haiwezekani ghafla fedha
    w a l i z o k u w a w a k i z i f a n y i a
    mbwembwe kwenye uchaguzi
    wa Igunga zikawa hazipo na
    hapa wameshindwa kuonesha
    m b w e m b w e h i z o k u m b e
    wamenyimwa fedha kutoka kwa
    wafadhili sasa kazi waliyobakiza
    ni kuwakamua wanachama na
    wafuasi wao kwa kutembeza bakuli
    kwenye mikutano kama alivyofanya
    Mwenyekiti wa Taifa (Bw. Freeman
    Mbowe)," alisema Bw. Mwigulu.

    Aliwaambia wananchi kuwa
    wapinzani wameshindwa kueleza
    sera na matokeo yake wanaeneza
    propaganda za uongo, lugha za
    matusi na chuki.

    "Sisi tunaeleza ilani na sera za
    kumsaidia mwananchi kuboresha
    maisha sanjari na kutatua kero
    zilizopo hivyo mchagueni mgombea
    wa CCM ambaye sera za chama
    chake ndizo zinazotekelezwa na
    serikali iliyopo madarakani,"alisema


     
  2. Mr Rocky

    Mr Rocky JF-Expert Member

    #2
    Mar 21, 2012
    Joined: Oct 10, 2007
    Messages: 15,056
    Likes Received: 324
    Trophy Points: 180
    So hiyo inamsaidia vipi mwananchi wa kawaida
    Ambaye hana maji au barabara au shule au madawati au ajira
    Wao wenye chama na sera nzuri mbona wameshindwa kuiendeleza arumeru miaka yote imebaki na hoi
     
  3. CAMARADERIE

    CAMARADERIE JF-Expert Member

    #3
    Mar 21, 2012
    Joined: Mar 3, 2011
    Messages: 4,404
    Likes Received: 106
    Trophy Points: 160
    When brain's grey cells gets whiter this is the result...
     
  4. Mr Rocky

    Mr Rocky JF-Expert Member

    #4
    Mar 21, 2012
    Joined: Oct 10, 2007
    Messages: 15,056
    Likes Received: 324
    Trophy Points: 180
    Unaposhindwa kujua wananchi wanataka kusikia nini unakuja na mambo kama haya
     
  5. nngu007

    nngu007 JF-Expert Member

    #5
    Mar 21, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Mwingulu just take the CCM tie from your Neck you will be able to think straight...
     
  6. Mchaka Mchaka

    Mchaka Mchaka JF Bronze Member

    #6
    Mar 21, 2012
    Joined: Jul 20, 2010
    Messages: 4,532
    Likes Received: 20
    Trophy Points: 0
    Watanganyika amkeni muongo huyo! Hivi kwanini wanasiasa hawamwogopi mungu? Hapo wao walikuwa wanaomba DUDU au?
     
  7. PakaJimmy

    PakaJimmy JF-Expert Member

    #7
    Mar 21, 2012
    Joined: Apr 29, 2009
    Messages: 16,234
    Likes Received: 103
    Trophy Points: 160
    [TABLE="class: contentpaneopen"]
    [TR]
    [TD="class: contentheading, width: 100%"]‘Mpeni Sioi ubunge mumfute machozi'
    [/TD]
    [TD="class: buttonheading, width: 100%, align: right"] Send to a friend [/TD]
    [/TR]
    [/TABLE]
    [TABLE="class: contentpaneopen"]
    [TR]
    [TD="class: createdate"] Monday, 19 March 2012 09:23 [/TD]
    [/TR]
    [TR]
    [TD] 0digg

    [​IMG]Sioi Sumari akiwa amebebwa na wafuasi wa chama chake CCM

    Mwandishi Wetu, Arumeru
    WANANCHI wa Jimbo la Arumeru Mashariki, wameombwa kumchagua mgombea Ubunge wa Jimbo hilo kupitia CCM, Sioi Sumari ili kumfuta machozi yaliyotokana na kifo cha baba yake mzazi, Jeremiah Sumari ambaye alikuwa Mbunge wa Jimbo hilo.

    Mbali na hilo wananchi hao wameelezwa kuwa kwa kufanya hivyo, watakuwa wamejipatia baraka kwa Mungu kwani watamwezesha Sioi kupata mshahara utakaomwezesha kuendesha familia aliyoachiwa na baba yake.

    Mwito huo ulitolewa juzi katika Kijiji cha Migadini, Kata ya Mororoni na Mbunge wa Mtera(CCM), Livingstone Lusinde alipokuwa akimnadi mgombea huyo katika kampeni za uchaguzi mdogo zinazoendelea jimboni humo.

    Lusinde alisema wananchi hao wanastahili kuwa na moyo wa huruma kwa kumchagua kwa kura nyingi ili ajipatie mshahara wa kumwezesha kumudu familia aliyoachiwa na marehemu baba yake, ikiwa ni moja ya njia ya kumfuta machozi.

    "Mkimchagua Sioi mtapata baraka za Mungu kwa vile mtakuwa mmewezesha kutokea kwa mambo matatu… kwanza kura zenu zitamfuta machozi ya kufiwa na baba yake, pili mtamwezesha kupata mshahara utakaomwezesha kulea familia yake ambayo sasa haina baba," alisema Lusinde.

    Pia aliwaambia wananchi hao kwamba kumchagua Sioi kuwa mbunge wa jimbo hilo ni kumfurahisha Rais Jakaya Kikwete kwa kuwa huyo ndiye chaguo lake na ndiye aliyeongoza vikao vya Kamati Kuu iliyokutana mara mbili kupitisha jina lake kuwa mgombea wakati wa mchakato wa kura za maoni.

    Alisema katika kura hizo za maoni zilizofanyika mara mbili, zote Sioi alionekana kushinda na kuibuka kidedea.

    "Njia pekee ya kumfurahisha Rais ni kumchagua Sioi kwa kuwa ni chaguo lake, hakika mtamfurahisha na Sioi ataweza kutekeleza vyema ilani ya chama," alisema Lusinde.

    Kwa upande wake, Sioi alisema anayaelewa vyema matatizo yanayoikabili Kata ya Maroroni ikiwemo ukosefu wa mashamba ya uhakika, maji, barabara na zahanati hivyo akichaguliwa, atayatatua matatizo hayo mara moja.

    "Nawaombeni sana mnichague kuwa mbunge wenu ili kwa pamoja tuweze kushirikiana kutatua kero hizi ambazo kimsingi zote nazifahamu vyema na nafahamu pia hatua za kuchukua ili kuhakikisha tunaondokana nazo," alisema Sioi.

    Shabiki wa Chadema
    Katika tukio jingine hekima na busara za Mratibu Mkuu wa kampeni za CCM, Mwigulu Nchemba zilitumika kuepusha maafa kwa mwanachama mmoja wa Chadema, aliyevalia sare za chama hicho baada ya kufika kwenye mkutano wa CCM katika Kata ya Kikatiti.

    Wakati Mwigulu akihutubia mkutano huo, mwanachama huyo wa Chadema, ghafla alivamia mkutano huo na kuanza kupiga mayowe huku akitamka maneno ya "Peoples Power" (Nguvu ya umma).

    Hatua hiyo iliwakera wafuasi wa CCM ambao waliamua kumtia adabu kabla ya Mwigulu kuingilia kati kuwazuia akiwataka wamwache kwani alikuwa anapaswa kufundishwa sera za CCM.

    [/TD]
    [/TR]
    [/TABLE]
     
  8. E

    Elizabeth Dominic Platinum Member

    #8
    Mar 21, 2012
    Joined: Dec 7, 2007
    Messages: 4,543
    Likes Received: 27
    Trophy Points: 145
    Duuh! Yaani nimesoma huku nimeshika kichwa mbona hawakufunga mahusiano ya kibalozi, mbona our dear leader ametoka UK juzi juzi....
     
  9. Mr Rocky

    Mr Rocky JF-Expert Member

    #9
    Mar 21, 2012
    Joined: Oct 10, 2007
    Messages: 15,056
    Likes Received: 324
    Trophy Points: 180
    Dah mambo mengine haya sio hata ya kuongea jukwaani
    ni ya kwenye vijiwe vya kahawa na maeneo ambako wamekaa wanywa kahawa
    Watu wamekuja kukusikiliza sera zako na unawaambia nini wajikomboe na umaskini wanaelezwa mambo kama haya
     
  10. MANI

    MANI Platinum Member

    #10
    Mar 21, 2012
    Joined: Feb 22, 2010
    Messages: 5,858
    Likes Received: 878
    Trophy Points: 280

    Dalili ya mfa maji hiyo haachi kutapatapa.
     
  11. F

    FJM JF-Expert Member

    #11
    Mar 21, 2012
    Joined: Apr 11, 2011
    Messages: 8,091
    Likes Received: 76
    Trophy Points: 145
    Huyu Mwigulu anaumwa? Siamini kama mtu mwenye akili timamu anaweza kusema wa level ya juu kiasi hicho. Uingereza ndio wanaongoza kwa kuchangia bajeti ya serikali (General Budget Support). Approx. theluthi moja ya National budget ya Tanzania inatoka kwa Cameroon. Infact, Uingereza inazidi (kwa misaada hapa TZ) World Bank, IMF! Leo hii Cameroon akikataa kuandika cheque, serikali ya CCM itachemsha vibaya sana. Maajabu haya!
     
  12. CAMARADERIE

    CAMARADERIE JF-Expert Member

    #12
    Mar 21, 2012
    Joined: Mar 3, 2011
    Messages: 4,404
    Likes Received: 106
    Trophy Points: 160
    Cameron akutana na JK, aisifu Tanzania

    28 January 2012 09:12




    Fredy Azzah
    RAIS Jakaya Kikwete amekutana na Waziri Mkuu wa Uingereza, David Cameron na kufanya mazungumzo, huku kiongozi huyo wa Uingereza akisifia Tanzania kwa kupiga hatua katika sekta ya elimu na kilimo.


    Taarifa kwa vyombo vya habari iliyotolewa jana na kusainiwa na Mwandishi wa Habari Msaidizi wa Rais, Premiere Kibanga, Cameron alimweleza Rais Kikwete kuwa Tanzania ni mfano wa kuigwa kwa kuleta mabadiliko chanya kwenye sekta za kilimo na elimu barani Afrika.


    "Waziri Mkuu wa Uingereza David Cameron ametoa pongezi hizo kwa Rais Kikwete wakati wa mazungumzo yao jana (juzi) jioni hapa Davos, ambapo wote wawili wanahudhuria mkutano wa uchumi duniani wa kila mwaka, World Economic Forum (WEF)," inaeleza taarifa hiyo. Inasema katika mkutano huo masuala ya uchumi, ikiwamo athari zinazokabili uchumi duniani kwa sasa na jitihada mbalimbali zinazofanywa kuunusuru vitajadiliwa.


    "Afrika inapitia kipindi cha mabadiliko ambayo ni chanya, Tanzania ni mfano bora wa kuigwa katika hili," taarifa hiyo ilimnukuu Cameron akimweleza Rais Kikwete walipokutana juzi jioni. Inasema katika mazungumzo yao, Rais Kikwete amemweleza Cameron kuwa kilimo ni sekta kubwa na inayotegemewa na Watanzania wengi na kwamba, Serikali inalenga kujitosheleza kwa chakula ndani na nje ya nchi.


    Inasema Rais Kikwete na Cameron pia walizungumzia masuala mbalimbali yanayohusu siasa na usalama barani Afrika. Kwa mujibu wa taarifa hiyo, awali juzi asubuhi, Rais Kikwete alijumuika na viongozi wengine kutoka Ethiopia, Guinea-Conackry, Kenya na Afrika Kusini kuzungumzia mabadiliko mbalimbali ya uchumi na maendeleo barani Afrika.


    Taarifa hiyo inaeleza kuwa, mjadala huo uliongozwa na Waziri Mkuu wa zamani wa Uingereza, Gordon Brown, ambapo Rais Kikwete alisema bara la Afrika limepata athari mbalimbali zinazotokana na mabadiliko ya uchumi duniani. "Afrika ina mahitaji zaidi katika kutekeleza sera zinazolenga uchumi imara na kuwekeza katika sekta za elimu, utafiti, kilimo, viwanda na miundombinu," taarifa inamkariri Rais Kikwete.
     
  13. Dullo

    Dullo JF-Expert Member

    #13
    Mar 21, 2012
    Joined: Oct 24, 2009
    Messages: 252
    Likes Received: 0
    Trophy Points: 0
    [​IMG] Mkiambiwa hawa jamaa wameishiwa sera mnakataa, hapa wao walikuwa anataka kuchangiwa nywele wapeleke kwa mganga au fedha??? Mwigulu gonjwa ya akili, inaropoka tu hovyo kama mtu anayeharisha!!!! Hovyooooooooo!!
     
  14. only83

    only83 JF-Expert Member

    #14
    Mar 21, 2012
    Joined: Oct 15, 2010
    Messages: 5,020
    Likes Received: 59
    Trophy Points: 145
    Mwigulu kapime akili...hivi kuomba watu wakuchangie ni kwasababu ya wafadhili? Kwanini Mwigulu anakuwa na mawazo ya kimaskini hivi? Mawazo yake yamekaa kitegemezi kama mtumwa vile,hii dhana ya misaada imewaathiri sana CCM.Mimi nasema,hata kama ni kweli misaada imekoma,hii dhana ya CDM kuwataka wananchi,wapenzi na wanachama wake kuchangia ni dhana inayofaa kuigwa na hata watawala wetu.Nguvu ya wananchi maskini ikiwekwa pamoja ina uwezo wa kuangusha utawala dhalimu wa CCM.
     
  15. Donyongijape

    Donyongijape JF-Expert Member

    #15
    Mar 21, 2012
    Joined: May 28, 2010
    Messages: 1,397
    Likes Received: 36
    Trophy Points: 145
    mbona chadema mara nyingi tu inaendesha harambee kwenye mikutano yake?. hili halijaanzia arumeru. Mwigulu ni hopless sana.
     
  16. t

    timbilimu JF-Expert Member

    #16
    Mar 21, 2012
    Joined: Sep 2, 2010
    Messages: 4,661
    Likes Received: 49
    Trophy Points: 145
     
  17. CAMARADERIE

    CAMARADERIE JF-Expert Member

    #17
    Mar 21, 2012
    Joined: Mar 3, 2011
    Messages: 4,404
    Likes Received: 106
    Trophy Points: 160
    Ammh.......I cant see Mbowe here

    [​IMG]
     
  18. Losambo

    Losambo JF-Expert Member

    #18
    Mar 21, 2012
    Joined: Nov 8, 2011
    Messages: 2,625
    Likes Received: 8
    Trophy Points: 0
    View attachment 49837

    Nadhani kuchangia fedha kwa mtandao si hoja, hoja ni kutembeza bakuli!!!!!! Akili nyingine bana yaani kweli Mwigulu anatumia masaburi kufikiri katika hoja ndogo kama hizi, je kubwa si ndiyo ataingia chaka kabisa!!!!
     
  19. w

    wikolo JF-Expert Member

    #19
    Mar 21, 2012
    Joined: Oct 19, 2010
    Messages: 801
    Likes Received: 3
    Trophy Points: 35
    "Sisi tunaeleza ilani na sera za
    kumsaidia mwananchi kuboresha
    maisha sanjari na kutatua kero
    zilizopo hivyo mchagueni mgombea
    wa CCM ambaye sera za chama
    chake ndizo zinazotekelezwa na
    serikali iliyopo madarakani,"alisema


    Kwa hiyo kuelezea CDM wanakotoa hela za kampeni ndo ilani na sera za kumsaidia mwananchi? Watu wengine bwana sijui wanawachukulia vipi hao wananchi wanaokuwa wanawasikiliza mikutanoni!!
     
  20. Kibwagizo

    Kibwagizo Senior Member

    #20
    Mar 21, 2012
    Joined: Mar 21, 2012
    Messages: 132
    Likes Received: 0
    Trophy Points: 0
    Kumbe Chadema ndio wakombozi wa Watanzania kama Mwigulu anajuwa kuwa wako tayari kumpoteza mfadhili kwa mambo yasiyo na tija.Viva CDM.
     
Loading...