Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM yaanza kumeguka

Discussion in 'Uchaguzi Tanzania' started by Zak Malang, Nov 5, 2010.

  1. Zak Malang

    Zak Malang JF-Expert Member

    #1
    Nov 5, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    CCM yaanza kumeguka

    • Katibu UWT Maswa atimuliwa

    SIKU tano baada ya kumalizika uchaguzi wa rais, wabunge na madiwani, huku Chama cha Demokrasia na Maendeleo (CHADEMA) kikinyakua majimbo mawili ya ubunge ya Maswa Mashariki na Maswa Magharibi, Mkoa wa Simiyu, viongozi wa Chama Cha Mapinduzi (CCM), wilayani humo wameanza kutimuana kwa madai kuwa walikisaliti chama hicho.

    Habari za kuaminika kutoka ndani ya CCM na kuthibitishwa na mmoja wa viongozi wa juu wilayani humo, zinasema tayari Katibu wa Umoja wa Wanawake (UWT) Wilaya ya Maswa, Nuru Mselemo ametimuliwa kwa madai ya kuiunga mkono CHADEMA.

    Akizungumza na Tanzania Daima kwa sharti la kutoandikwa gazetini (jina tunalo) kiongozi huyo, alisema tayari katibu huyo wa UWT amekabidhiwa barua ya kuondolewa katika nafasi hiyo na kuamriwa kuripoti kwa Katibu wa UWT Mkoa wa Shinyanga ili aweze kupangiwa kazi nyingine.

    “Baada ya CHADEMA kuibuka na ushindi katika majimbo mawili ya Maswa Mashariki na Maswa Magharibi, Katibu wa UWT ametimuliwa kwa madai ya kukisaliti chama wakati wa mchakato wa Uchaguzi Mkuu huku akitoa siri kwa viongozi wa upinzani,” kilisema chanzo hicho.

    Taarifa zaidi zinadai kuwa, hata wakati wa kampeni alikataa kushiriki kukipigia debe chama hicho kwa kile kinachoelezwa kuwa kutokuwa na uhusiano mzuri na viongozi wa ngazi za juu wa CCM wilayani, akiwamo Mwenyekiti, Peter Bunyongoli, ambaye alikuwa anagombea ubunge katika Jimbo la Maswa Mashariki sambamba na Katibu Uenezi na Siasa, Jeremiah Shigala.

    Akizungumza kwa simu na Tanzania Daima kuhusu madai dhidi yake, Nuru alikiri kupata barua hiyo ya uhamisho lakini kuhusu tuhuma hizo alisema hazina ukweli wowote bali ni chuki binafsi zinazofanywa na viongozi hao.

    “Madai hayo hayana msingi wowote, hizo ni chuki binafsi dhidi yangu zinazofanywa na viongozi hao kama ni suala la kampeni mimi nilipangiwa katika eneo la Maswa Magharibi, sasa mtu anaposema sikushiriki kampeni huyo ana chuki zake, suala si kulaumiana, ni kuona tumekosea wapi ili kujipanga katika kipindi kijacho na si kuanza kushikana uchawi kwa sasa,” alisema Nuru.

    Naye Katibu wa UWT Mkoa wa Shinyanga, Naomi Mayunga, akizungumza kwa njia ya simu, alisema hana taarifa zozote za kutimuliwa kwa katibu huyo.

    [FONT=&quot]Chanzo: T. Daima[/FONT]
     
  2. Lu-ma-ga

    Lu-ma-ga JF-Expert Member

    #2
    Nov 5, 2010
    Joined: Sep 21, 2010
    Messages: 2,415
    Likes Received: 3
    Trophy Points: 0
    Chama kitamfia mikononi kikwete.Kawaida ya wasukuma wakishasema yaya gete ujue ndiyo mwisho wa jambo. Hapo Maswa CCM wajue ni kwa heri amini usiamini Maswa kwa sasa ni hati miliki ya chadema kama ilivyo bariadi kwa UDP.SHIBUDA ALIMUONYA KIKWETE KUWA CCM ITAMFIA MIKONONI sasa kifo kinaanzia Maswa, Meatu na Bukombe, Bariadi(UDP), shinyanga(hapa madiwani wengi ni chadema).
    SIKU HIZI SHINYANGA WANAITA CCM ni mahameni( makazi ya zamani)
     
  3. Ng'wanangwa

    Ng'wanangwa JF-Expert Member

    #3
    Nov 5, 2010
    Joined: Aug 28, 2010
    Messages: 9,435
    Likes Received: 174
    Trophy Points: 160
    mdizenha tuja!!


    huko CCM wasahau.

    Na huu mtindo wa "kulinda kura mwaka 2015 itakuwa mara 100 kwa wasukuma". Mwaka huu ulikuwa kama haueleweki-eleweki hivi.

    Kama hawaamini wamuulize JK alivyojaribu kumuokoa Masha.
     
  4. Cassava

    Cassava JF-Expert Member

    #4
    Nov 5, 2010
    Joined: Oct 11, 2010
    Messages: 282
    Likes Received: 4
    Trophy Points: 35
    kama kulinda kwa kweli wanajua, ila mpaka 2015 itakuja mbinu mpya, subili utaona.
     
  5. Sir R

    Sir R JF-Expert Member

    #5
    Nov 5, 2010
    Joined: Oct 23, 2009
    Messages: 2,177
    Likes Received: 2
    Trophy Points: 135
    CCM hawawezi kuwa wa moja,

    Lowasa camp wanamwandaa Chenge kuwa spika na Sitta camp wanamwandaa Sitta kuwa spika.

    Vita ndiyo imeanza, watatekeleza ahadi ya CCM na JK saa ngapi,

    Wajiandaa vizuri 2015 kushindwa
     
Loading...