Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM Wauwana - Visu, risasi vyatumika

Discussion in 'Jukwaa la Siasa' started by Mwiba, Sep 8, 2009.

  1. Mwiba

    Mwiba JF-Expert Member

    #1
    Sep 8, 2009
    Joined: Oct 23, 2007
    Messages: 7,604
    Likes Received: 188
    Trophy Points: 160
    Kitimtim cha kura za maoni kwa ajili ya kupitisha wagombea wa CCM kwa ajili ya uchaguzi wa Serikali za Mitaa utakaofanyika Oktoba mwaka huu kimezua maafa wilayani hapa baada ya kada mmoja maarufu kuuawa huku mwingine akinusurika kimiujiza kutokana risasi kadhaa zilizomwagwa nje nje.

    Matukio hayo ya kusikitisha, yametokea hivi karibuni katika maeneo ya vijiji vya Nyambureti na Itururu, ambapo kada aliyeuawa ametajwa kwa jina la Justin Mkami almaarufu kama Msangi, mwenye umri wa miaka 41.

    Taarifa za kifo cha kada huyo wa CCM na ambazo zimethibitishwa leo asubuhi na Kamanda wa Polisi wa Mkoa wa Mara, Liberatus Barlow, zinasema marehemu ameuawa baada ya kuchomwa visu na kisha utumbo wake kutoka nje.

    Inaelezwa zaidi kuwa alifia katika Hospitali Teule ya Nyerere wilayani Serengeti ambako alikimbiziwa baada ya kuchomwa kisu wakati wa kampeni na mtu anayetajwa kwa jina la Hiriza Mairo.

    "Ni kweli kuna tukio kama hilo la mauaji linalohusiana na mambo ya chaguzi za siasa... na mtuhumiwa wa mauaji hayo aitwaye Mairo amekimbia na anaendelea kusakwa na polisi," akasema Kamanda Barlow.

    Akieleza zaidi, Kamanda Barlow amesema kuwa marehemu Justin alikutwa na mkasa huo wakati akiwa kwenye kampeni za mmoja wa wanaowania nafasi ya ugombea wa Mwenyekiti wa Kijiji.
    Akasema wakati akiendelea kumpigia debe mmoja wa wagombea hao, ndipo mtuhumiwa anadaiwa kumvaa na kumchoma visu vya tumboni, kitendo ambacho kilimsababishia umauti.

    "Uchunguzi zaidi kuhusiana na tukio hili unaendelea," akasema Kamanda Barlow.

    Aidha, Kamanda Barlow amesema kuwa katika tukio jingine linalohusiana na kura za maoni, Bw. Jospiter Karere, 48, Kaimu Mtendaji wa Kijiji cha Itururu, Tarafa ya Ikorongo wilayani Serengeti, amenusurika kuuawa baada ya risasi kadhaa kumwagwa.

    Akasema Karere alikumbana na mkasa huo wakati wa kampeni za kuwasaka wanaowania nafasi ya kugombea kwenye uchaguzi wa Serikali za Mitaa mwezi Oktoba.

    Hivi karibuni, vurugu pia ziliibuka katika kura za maoni Jijini Dar ambako wanachama kadhaa walijeruhiana na baadhi ya kadi za CCM kuchanwachanwa.

    CHANZO: ALASIRI
     
  2. MwalimuZawadi

    MwalimuZawadi JF-Expert Member

    #2
    Sep 8, 2009
    Joined: Sep 1, 2007
    Messages: 643
    Likes Received: 1
    Trophy Points: 0
    Kwa utaratibu huu uchanguzi mkuu wa 2010, tutaandika historia
     
  3. Jiwe Linaloishi

    Jiwe Linaloishi JF-Expert Member

    #3
    Sep 9, 2009
    Joined: May 24, 2008
    Messages: 3,685
    Likes Received: 18
    Trophy Points: 135
    hapo ni mwanzo tu bado NEC hawajaanza kuchinjana wakati wa ubunge na urais Yetu majicho
     
  4. M

    Magezi JF-Expert Member

    #4
    Sep 9, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135
    hapana hizi ni dalili za mabadiliko, msiogope, wa kufa watakufa lakini wapo watakao baki
     
  5. M

    Mwambashi Member

    #5
    Sep 9, 2009
    Joined: Jun 6, 2009
    Messages: 36
    Likes Received: 0
    Trophy Points: 0
    Hii inaonyesha wana CCM walivyo na uchu wa madaraka.
    Yetu macho, tusubiri tuone ya mwakani.
    Eee Mungu tunusuru.
     
  6. Kevo

    Kevo JF-Expert Member

    #6
    Sep 9, 2009
    Joined: Jun 12, 2008
    Messages: 1,333
    Likes Received: 10
    Trophy Points: 0
    Sitashangaa kama ni Mkoa wa Mara ila 2010 tusubirie mengi zaidi ya haya!
     
  7. Kibunango

    Kibunango JF-Expert Member

    #7
    Sep 9, 2009
    Joined: Aug 29, 2006
    Messages: 7,558
    Likes Received: 122
    Trophy Points: 160
    Mwiba mwiba...
     
  8. M

    Magezi JF-Expert Member

    #8
    Sep 9, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135

    jamani mwiba kakosea nini mkuu??
     
Loading...