Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM WANATAKA TUMSUSIE POMBE MLEVI KWA FAIDA YA NANI?(Makala Dira Jumatatu)

Discussion in 'Jukwaa la Siasa' started by KAMBOTA, May 10, 2011.

  1. K

    KAMBOTA Senior Member

    #1
    May 10, 2011
    Joined: Mar 21, 2011
    Messages: 176
    Likes Received: 4
    Trophy Points: 0
    nape-mjumbe.jpg
    Na Nova Kambota,

    Pengine hakuna ubishi kuwa katika historia ya CCM kuanzia kuasisiwa
    kwake haijapata kuyumba kama sasa tena waziwazi kiasi kwamba wadadisi
    washaanza kuhoji kuwa CCM inaenda orijojo au inakufa kabisa? na
    wengine washaanza kutabiri kuwa CCM ipo mbioni kugeuka chama cha
    upinzani.
    Nashawishika kuamini kuwa CCM inazidi kubomoka kwa kasi ya ajabu ,
    imani yangu hii inapewa nguvu na udhaifu mkubwa unaoendelea kuonyeshwa
    na viongozi wapya wa CCM ikiwa ni muda mfupi tu tangu wapewe uongozi
    huo.
    Mara baada ya kile kilichoitwa "operation vua gamba" kuzinduliwa
    rasmi kule Dodoma kama kawaida ya CCM walianza kujitapa kuwa huo ni
    uamuzi mgumu lakini wenye kuhoji wakauliza mgumu kivipi?, kwa mbwembwe
    kubwa tena bila kuombwa kina Mukama, Nappe na Chiligati wakaanza
    kueneza tambo zao kuwa mafisadi watashughulikiwa kikwelikweli, wenye
    kuhoji wakauliza tena CCM imeanza lini kuchukia ufisadi?
    Kwa sauti ya kikada kina Nappe wakazidi kutamba kuwa CCM imeamua
    kujivua gamba huku vyanzo mbalimbali vikidai kuwa miongoni mwa watu
    waliotajwa kuwa magamba ni pamoja na Rostam Aziz, Edward Lowassa na
    Andrew Chenge hivyo ni lazima wajiondoe wenyewe kwenye nafasi za
    uongozi ama sivyo ndani ya siku tisini watatemwa! ilitia hamasa sana.
    Lakini kabla hata ya siku thelathini kuisha tayari viongozi hao
    wapya wa CCM wameanza kukana maneno yao,hivi karibuni Nappe Nauye
    sambamba na Wilson Mukama walikana waziwazi kupeana siku tisini badala
    yake wakadai siku miaishirini kabla hili halijaisha wakaibuka na hoja
    kuwa mpaka kikao kifuatacho kisha wakabuni falsafa ya aina yake kuwa
    mtu akioga basi ni mwili mzima sio viungo vichache tu,hwaeleweki!
    Sasa katika sintofahamu hii inayonogeshwa utamu na hao watuhumiwa
    wa ufisadi ambao tayari kuna taarifa kuwa wanaweza kumwaga mtama
    kwenye kuku wengi kisha mambo yakazidi kuchacha. Hali hii ya
    watuhumiwa wa ufisadi kutishia uhai wa chama imefanya kasi ya kina
    Nappe kupungua tena ni wazi kuwa badala ya chama kuwayumbisha hao
    watuhumiwa wa ufisadi sasa ni dhahiri kuwa CCM ndiyo inayumba na
    kuyumbishwa sana na maamuzi legelege.
    Udhaifu huu wa kimaamuzi umefanya viongozi wapya wa CCM kukimbia
    baadhi ya maswali au kuwakimbia waandishi wa habari, kila mwenye macho
    aliona jinsi Nappe Nauye au Mukama walivyojitokeza wiki iliyopita
    kufafanua kuwa wanahabari wanapotosha kuandika kuwa watuhumiwa wa
    ufisadi wamepewa siku 90, naam! hakuna ubishi kuwa Nappe na Mukama
    wanazungumza kwa woga tena wanatetemeka hata ukiangalia nyuso zao sasa
    utaona zile tambo zao zimekwisha kabisa, walipima kina cha maji sasa
    wameona sio saizi yao!
    Moja ya maswali yanayowachachafya viongozi hawa wa ccm ni lini
    barua za kuwatimua mafisadi zitaandikwa? na nani atazisaini? kwa maana
    tayari kuna taarifa kuwa kila mtu anaogopa kuzisaini mara zipo kwa
    Nape, mara zipo mezani kwa Msekwa, baadaye zipo kwa Mukama na sasa
    zinadaiwa zipo kwa mwenyekiti wa chama lakini swali ni lilelile nani
    atathubutu kuzisaini?
    Wenye kuona mbali washaanza kuhoji kwanini CCM inahofu sana
    kutekeleza maazimio yake? inamwogopa nani? kwani kwanini wananchi
    wanaichukia CCM? jibu ni rahisi tu kwasababu inalea mafisadi na
    ufisadi, suluhisho la tatizo ni nini? jibu pia ni rahisi alihitaji
    tuwe na PHD ni kuwa CCM iwatimue mafisadi wote pasipo huruma wala
    ngojangoja, sasa hizi porojo za mara waandishi wanapotosha, ooh sio
    siku 90 bali 120, mara jamani mbona mnatuchimba sana? tuacheni tujenge
    chama chetu zinatoka wapi?
    Mbona wakati ule kina Nappe walijiapiza kuwashughulikia mafisadi
    bila huruma? sasa mbona huruma imekuwa kubwa sana tena ya siku 120?
    kwanini? na huu mchezo wa kukimbia maswali na hoja za msingi umeanza
    lini? nani kawaambia kuwa watanzania wana haja na propaganda zao?
    wanataka tuwaachie chama chao, inachekesha sana! kwani mtanzania gani
    mjinga ambaye atamsusia mlevi pombe akidhani amemkomoa? bilashaka
    hakuna!
    CCM hatuwezi kuiacha hata kidogo kwasababu ni chama tawala na
    udhaifu wake unayumbisha nchi yetu pia kamwe kwa ulevi wao wasitegemee
    tutawaachia pombe, wakinywa je? lazima tuendelee kuhoji udhaifu huu wa
    CCM au ndio wanataka tuanze kuamini kuwa CCM imefichwa kwenye kwapa
    za mafisadi? lakini kusuasua huku labda CCM wameanza kubaini kuwa
    dhana ya ufisadi ndani ya CCM sio jambo la watu watatu bali ni mfumo
    rasmi ambao labda umecheklewa tu kutangazwa, Tungoje tuone!
    Nova Kambota ni mwandishi kijana wa Makala , ni mchambuzi na mtafiti
    wa maswala ya kisiasa pia ni mwanaharakati wa vijana anapatikana kwa
    anwani ya barua pepe; novakambota@gmail.com au tembelea blog yake ;
    www.novatzdream.blogspot.com
    Au mpigie kwa namba 0717-709618 au 0766-730256.
     
  2. Omuregi Wasu

    Omuregi Wasu JF-Expert Member

    #2
    May 11, 2011
    Joined: May 21, 2009
    Messages: 753
    Likes Received: 1
    Trophy Points: 35
    Poa sana kwa taarifa hii. Biblia imenena wazi Pepo awezi kumtoa pepo mwenzie.... Nami amin amin nawaambia Fisadi awezi kumfukuza fisadi mwenzie.
     
  3. Makene

    Makene JF-Expert Member

    #3
    May 11, 2011
    Joined: Nov 1, 2010
    Messages: 1,476
    Likes Received: 3
    Trophy Points: 135
    Huo usanii wa ccm siye tuliushitukia mapema na kukataa single yao ya kusaula magamba.
     
  4. Globu

    Globu JF-Expert Member

    #4
    May 11, 2011
    Joined: Jan 12, 2011
    Messages: 7,957
    Likes Received: 126
    Trophy Points: 160
    Wacha chama cha MAGAMBA kiende tu. Hakuna marefu yasiyo na mwisho.
     
  5. Mikael P Aweda

    Mikael P Aweda JF Gold Member

    #5
    May 11, 2011
    Joined: Dec 17, 2010
    Messages: 2,934
    Likes Received: 27
    Trophy Points: 0
    Hongera mkuu naomba makala hii uipeleke kwenye magazeti yanayoeleweka siyo uhuru.
     
  6. BornTown

    BornTown JF-Expert Member

    #6
    May 11, 2011
    Joined: May 7, 2008
    Messages: 1,702
    Likes Received: 89
    Trophy Points: 145
    Hahahaha... propaganda hizo ni "NGUVU YA SODA" hakuna jipya hapo kila mtu anataka kuonekana yeye ni bora kuanzia Mukama na wenzake wote hakuna atakaye nyooshea mafisadi kidole.

    Waendelee na nguvu ya soda yao waone moto wa NGUVU YA UMA inavyofanya kazi!
    Mapambano ndio kwanza yameanza..... mziki mnene unakuja lazima Magamba yangooke tu!!!!!!!!!!!!!:peace:
     
  7. THINKINGBEING

    THINKINGBEING JF-Expert Member

    #7
    May 11, 2011
    Joined: Aug 9, 2010
    Messages: 2,354
    Likes Received: 589
    Trophy Points: 280
    Kusubiri siku 90 ziishe ni zaidi ya kungoja tamthilia ya isidingo the need iishe.Huu ni mchezo wa kuigiza tu hamna chochote.
     
  8. tanga kwetu

    tanga kwetu JF-Expert Member

    #8
    May 11, 2011
    Joined: May 12, 2010
    Messages: 1,564
    Likes Received: 261
    Trophy Points: 180
    wenye akili zetu tulijua right from the day 1 kwamba ulikuwa ni mchezo wa kuigiza. Rebranding si strategy katika vyama vya kisiasa, sasa sijui nani kawaloga CCM wakai-apply!!! Kwa ufupi ni kwamba bila ufisadi (wa fedha za umma na kura) hakuna CCM so nani atakubali kujinyima ulaji CCM??? watawapata hao hao mabwege, wavivu wa ku-reason, rahisi kununulika (fulana, t-shirt, kofia, kilemba, kitenge na 5,000/-) sio mtu kama mimi!!!
     
  9. Dingswayo

    Dingswayo JF-Expert Member

    #9
    May 11, 2011
    Joined: May 26, 2009
    Messages: 3,974
    Likes Received: 13
    Trophy Points: 145
    Hapo umenena Mkuu. Hatuwezi kuiacha kuisema ccm kwa vile ndiyo ni chama tawala na kimeshikilia maisha ya Watanzania mikononi. Je! Utampa dereva aliyelewa chakari bus lenye abiria? La hasha. Kutokemea ulevi wake ni janga kwa abiria wote.
     
Loading...