Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM: Mafisadi waanikwe, warudishe fedha

Discussion in 'Habari na Hoja mchanganyiko' started by Mtu wa Pwani, Mar 12, 2008.

  1. Mtu wa Pwani

    Mtu wa Pwani JF-Expert Member

    #1
    Mar 12, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    ccm nayo haiko nyuma kulaani ufisadi

    CCM: Mafisadi waanikwe, warudishe fedha

    *Yataka Rais Kikwete asisakamwe na wanasiasa
    *Yaonya dhidi ya EPA kutumika kuleta mfarakano


    Na Mwandishi Wetu

    CHAMA Cha Mapinduzi (CCM) kimetaka fedha zote zilizochotwa na mafisadi katika Benki Kuu ya Tanzania (BoT) zirejeshwe sambamba na wahusika hao kubainishwa na kuchukuliwa hatua kali za kisheria.

    Taarifa ya CCM iliyotolewa jana kwa vyombo vya habari na kusainiwa na Katibu wa Halmashauri Kuu ya Taifa, Itikadi na Uenezi, Kapteni John Chiligati, imelaani taarifa zilizotolewa na gazeti moja (si Majira) hivi karibuni, zikimhusisha Rais Jakaya Kikwete na kashfa ya ufisadi wa fedha za Akaunti ya Madeni ya Nje (EPA), kwa kilichoelezwa kuwa ameshindwa kuwafikisha mahakamani watuhumiwa wa ufisadi huo.

    Kwa mujibu wa taarifa hiyo, gazeti hilo lilimkariri Mwenyekiti wa Chama cha Demokrasia na Maendeleo (CHADEMA), Bw. Freeman Mbowe, akisema Rais Kikwete anafanya uhuni kwa kutoamuru watuhumiwa hao wafikishwe mahakamani.

    CCM ilisema kashfa ya EPA imeanza kutumiwa kwa malengo ya kisiasa, ili kudhoofisha kazi nzuri inayofanywa na Rais Kikwete katika kushughulikia ufisadi na mafisadi, ili aonekane hajafanya jambo lolote la maana.

    Ilifafanua, kwamba Rais Kikwete ndiye aliyeamuru akaunti ya EPA ikaguliwe na wakaguzi kutoka nje ya nchi, kampuni ya Ernst and Young na kuutangazia umma matokeo ya ukaguzi huo na kuchukua hatua kadhaa za kuifanyia kazi taarifa hiyo, kwa maslahi ya nchi, ikiwamo kuteua timu ya kuchunguza kampuni zilizotajwa kwenye uchunguzi huo.

    "Mheshimiwa Rais aliagiza Tume ihakikishe kwanza fedha hizo zinarudi na pili wahusika wanachukuliwa hatua. Tume ilipewa muda wa miezi sita kumaliza hali hiyo. Hatua zote hizi Mheshimiwa Rais alizichukua akitetea maslahi ya nchi yetu na watu wake. Anastahili pongezi si lawama," ilieleza sehemu ya taarifa hiyo.

    CCM ilidai kuwa shutuma hizo ni hila za kisiasa zilizolenga kutumia kashfa ya EPA kuchafua jina la Rais Kikwete na kuwataka wananchi kukataa njama hizo zinazoendeshwa na baadhi ya wanasiasa wa vyama vya upinzani.

    "Rais ameonesha ujasiri mkubwa katika kushughulikia suala la EPA na atalihitimisha suala hili kwa ujasiri huo huo. Wananchi tumuunge mkono na tumpe nafasi akamilishe kazi hii," ilisisitiza taarifa hiyo.

    Imewataka Watanzania kujenga utamaduni wa kukosoana kwa lugha ya staha na uungwana si dharau na kejeli na kutaka viongozi wote wanaoendesha siasa za aina hiyo, wabezwe na kupuuzwa.

    Imewahakikishia wananchi kwamba Timu ya Rais iliyoundwa kushughulikia suala la EPA ikimaliza uchunguzi na kumpatia ripoti, atachukua hatua stahiki dhidi ya wote watakaobainika kuhusika na kashfa hiyo.

    "Wananchi wote wanaombwa wawe na subira na waendelee kushirikiana na Tume ya Rais hadi kazi ikamilike. Lengo la Rais ni kwamba fedha zote zilizochotwa kinyume cha sheria zirejeshwe na waliohusika wachukuliwe hatua za kisheria," ilisema.

    Aidha, CCM iliwaonya wanasiasa wanaotaka kuleta mfarakano baina ya wananchi na Rais kwa kutumia kashfa ya EPA, waache mara moja mchezo huo mchafu na kumwomba radhi Rais Kikwete kwani hastahili kupakwa matope kwa jambo analolisimamia kwa ujasiri mkubwa.


    source majira
     
  2. Kibunango

    Kibunango JF-Expert Member

    #2
    Mar 12, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Huyu ndie aliyekimbia skuli?
    Kheeeee heeeeee heeeee ...Eeeeh!
     
  3. M

    Mafuchila JF-Expert Member

    #3
    Mar 12, 2008
    Joined: Apr 29, 2006
    Messages: 752
    Likes Received: 22
    Trophy Points: 35
    Lakini bado hakumbuondolei integrity and credibility aliyonayo kuwaumbua mafisadi wanaoitwa maprofesa.
     
  4. BabaH

    BabaH JF-Expert Member

    #4
    Mar 12, 2008
    Joined: Jan 25, 2008
    Messages: 704
    Likes Received: 1
    Trophy Points: 35
    Kuna vielezo vyovyote vya kusema kakimbia shule??
    Na shule ya siku hizi sio lazima uwe darasani physical, mtandao unalaisisha kila kitu ndugu
    Pili shule haina nguvu katika kuwakosea watu wanapokosea, Kama ndo hivyo basi watu wengi hawana haja ya kuwakosoa viongozi kwa sababu shule zao ni ndogo mno

    Shule sio kigezo cha kuwa na mawazo mazito ya kukosoa Mafisadi
     
Loading...