Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM Kumuangukia Rostam?

Discussion in 'Jukwaa la Siasa' started by nngu007, Jul 29, 2011.

  1. nngu007

    nngu007 JF-Expert Member

    #1
    Jul 29, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    [HR][/HR]
    [​IMG]

    Na Saed Kubenea - Imechapwa 27 July 2011


    [​IMG]



    RAIS Jakaya Kikwete sasa anapanga kumuangukia aliyekuwa Mbunge wa Igunga, Rostam Aziz, MwanaHALISI limeelezwa.

    Taarifa kutoka ndani ya Chama Cha Mapinduzi (CCM) zinasema tayari chama hicho kimepanga kumuita Rostam katika mkutano wa Kamati Kuu (CC) uliopangwa kufanyika 30 Julai 2011 kwa lengo la kumwangukia.

    Kada mmoja wa chama hicho aliye karibu na Rostam anasema kumekuwapo na shinikizo kutoka kwa baadhi ya viongozi wajuu wa CCM na serikali wakitaka Rais Kikwete awasiliane na Rostam ili amwombe kuhudhuria kikao cha CC kwa lengo la kumwomba msamaha ili hatimaye asaidie kampeni za uchaguzi mdogo katika jimbo la Igunga utakapotangazwa.

    “Ni kweli kuna mpango wa kumuita katika Kamati Kuu. Lengo ni kumuomba atusaidie kufanikisha kampeni za Igunga, ambako kwa kweli CCM kinakabiliwa na kibarua kigumu kutetea kiti hicho kutokana na kutokuwa na maandalizi ya uchaguzi katika kipindi hiki,” ameeleza mtoa taarifa wa gazeti hili.

    Kuibuka kwa taarifa hizi kumekuja wiki mbili baada ya mwanasiasa huyo kujiuzulu nyadhifa zake zote za uongozi ndani ya chama chicho kwa madai ya kuchoshwa na siasa uchwara. Mara baada Rostam kujivua nyadhifa hizo na kuandika barua kwa Spika wa Bunge la Jamhuri Anne Makinda na Rais Kikwete, akiwataarifu uamuzi wake huo aliokwishautangaza mbele ya vyombo vya habari, aliondoka nchini kuelekea Uswisi kwa kile kilichoitwa “safari ya mapumziko.”

    Rostam aliondoka tarehe 14 Julai 2011 saa 10.40 alasiri, kwa ndege Na. EK 725 ya Shirika la Ndege la Emirates la Nchi za Falme za Kiarabu, siku moja baada ya kutangaza kujiuzulu ubunge na ujumbe wa Halmashauri Kuu ya Taifa (NEC) ya chama chake.

    Kiongozi mmoja wa ngazi ya juu ndani ya CCM aliliambia gazeti hili: “Uamuzi wa Rostam kuachia nafasi zake zote za uongozi umelenga kupeleka ujumbe maalum kwa Rais Kikwete, kwamba hakufurahishwa na hatua yake ya kumtumia Nape Nnauye kumshambulia yeye na wenzake majukwaani.”

    Rostam alikuwa mbunge wa Igunga, mkoani Tabora tangu mwaka 1994 na mjumbe wa NEC kwa vipindi viwili.

    Hata hivyo, habari zinasema hata kama mkakati wa kumuita kada huyo kwenye CC utashindwa kufanikiwa, Rais Kikwete ataendelea kumuomba asaidie kampeni za uchaguzi mdogo wa Igunga.

    Tayari Makinda ameijulisha Tume ya Taifa ya Uchaguzi (NEC) kujiuzulu kwa Rostam, na hivyo kuwapo uwezekano mkubwa wa kufanyika uchaguzi wa jimbo hilo ndani ya kipindi cha miezi mitatu ijayo.

    MwanaHALISI limenukuu vyanzo kadhaa vya taarifa, akiwamo Waziri wa Nchi, Ofisi ya Rais (Mahusiano ya Umma), Steven Wasira, akitaka Rostam aitwe kusaidia kampeni za CCM.

    Wasira, ambaye alikuwa mstari wa mbele kutaka Rostam aondoke kwenye chama hicho, alimweleza mjumbe mmoja wa NEC, siku moja baada ya Rostam kujiuzulu, “…Kama tunataka kushinda Igunga, sharti tumuombe Rostam atusaidie. Nimeongea naye na amekubali kusaidia kampeni za Igunga.”

    Hata hivyo, wachambuzi wa mambo ya kisiasa wanasema hatua ya CCM kutaka kumuangukia mwanasiasa huyu anayekabiliwa na tuhuma za ufisadi kutazidi kukichafua chama hicho mbele ya wananchi na jumuiya ya kimataifa.

    Hata hivyo, zipo taarifa kuwa Rostam hataki kabisa kujihusisha na uchaguzi mdogo wa Igunga. Inaeleweka kuwa ndiye amekuwa nguzo ya CCM mkoani Tabora, kwa kutumia ushawishi wake na nguvu ya kipesa kuhakikisha wapinzani hawapiti.

    Hofu ya makada na viongozi wa CCM inatokana na ukweli kwamba Rostam aliwashtukiza, kwani walipokuwa wakimtaka aondoke kwenye NEC, hawakutarajia kwamba angejiondoa kwenye ubunge.

    Kutokana na hali hiyo, sasa wameanza kushikwa na ‘kigugumizi’ ch akuwachukulia hatua maka wengine wawili, Edward Lowassa na Andrew Chenge ambao, kama Rostam, wamekuwa wanashambuliwa na kuambiwa waondoke, kama njia ya utekelezaji wa dhana ya kujivua gamba.

    Lowassa na Chenge wanadai Katibu wa Itikadi na Uenezi, Nape Nnauye, anatumia vibaya dhana hiyo kuwashambulia.


    Habari zinasema Lowassa hatafuata nyayo za Rostam za kuachia ngazi, lakini kama chama kitaamua kumfukuza atajivua nafasi zote za uongozi ndani ya chama hicho, ukiwamo ubunge wa Monduli.


    Iwapo hilo litatokea, CCM kitakuwa kimejiingiza katika mgogoro kama wa Igunga.

    Kwa uchache, habari zinasema wabunge tisa wakiwamo waziri mmoja na manaibu mawaziri wawili wameapa kumfuata Lowassa. Majina ya mawaziri na manaibu mawaziri hao tunayahifadhi kwa sasa.

    Wakati Lowassa akiapa kutoachia ngazi, habari zinasema CCM inajiandaa kumlazimisha ajiuzulu.


    Aliyepangwa kuendesha kampeni ya kusimamia hatua hiyo ni Waziri Mkuu Mstaafu, Cleopa Msuya.


    Hata hivyo, wapo wanaodai iwapo Lowassa ataondolewa kwenye uongozi kutaibuka mgogoro ndani ya Bunge kwani ana ushawishi mkubwa miongoni mwa wabunge wengi wa CCM. Baadhi ya maswahiba zake ni wajumbe wa Kamati ya Uongozi ya Bunge.


    Kwa sasa Lowassa yuko safarini nje ya nchi kikazi. Anatarajiwa kurejea nchini kabla ya vikao vya chama vinavyotarajia kumjadili.


    Wakati hayo yakitendeka, mkutano wa Baraza Kuu la Umoja wa Vijana (UV-CCM), uliofanyika mwishoni mwa wiki iliyopita mjini Dodoma, ulimalizika kwa wajumbe wa pande za Lowassa na Kikwete kushambuliana.


    Wakati kundi la Kikwete likitaka chama kichukue hatua kwa kupongeza maamuzi ya NEC ya kujivua gamba, upande wa Lowassa ulipinga kwa madai kuwa dhana ya kujivua gamba imetafsiriwa vibaya, na inakiangamiza chama.


    Mtoa taarifa aliyekuwa ndani ya mkutano huo amemweleza mwandishi wa habari hizi kuwa mvutano huo uliishia kwa wajumbe “kumshambulia” kwa maneno makali Katibu Mkuu wa CCM, Wilson Mukama.


    Miongoni mwa wengi, mjumbe wa Baraza Kuu, John Nchimbi, alinukuliwa akimweleza Mukama amejiingiza katika vita ya makundi bila ya kujua.


    “Umekuja hapa kuponda kauli ya Mheshimiwa Lowassa juu ya serikali kushindwa kufanya maamuzi magumu, ukatoa mfano wa kesi ya City Water. Umesema kesi ile imegharimu serikali Sh.9 bilioni zikiwa gharama za kulipa wanasheria. Lakini mbona hukusema kiasi ambacho serikali imelipwa kutokana na kushinda shauri hilo mahakamani?” alihoji Nchimbi kwa sauti ya ukali.


    Alisema, “Acheni unafiki. Mtaangamiza chama. Kama wewe ni mkweli, mbona hujasema kama serikali ilishinda kesi ile na imelipwa mamilioni ya shilingi? Au kwa sababu, Mheshimiwa Lowassa amesema serikali haifanyi maamuzi magumu?”
    Nchimbi pia alisema Nape ni “mropokaji” anayevuruga chama.


    Wengine walioshupaliwa kwa kuchangia kukidhoofisha chama ni Samwel Sitta na Dk. Harrison Mwakyembe ambao ni miongoni mwa waasisi wa Chama cha Jamii (CCJ) huku wakiwa bado viongozi na wanachama wa CCM. Hata hivyo, CCJ kilinyimwa usajili wa kudumu.


    Aliyetoa hoja hiyo ni Hussen Bashe ambaye anajitambulisha ni kutoka kundi la Lowassa na Rostam. Habari zinasema kwamba Mukama alimwita Bashe na kumwomba agombee ubunge Igunga, lakini Bashe alimgomea kwa maelezo kuwa hana mizizi ya kisiasa katika jimbo hilo.
    “Nilitaka ubunge wa Nzega, si Igunga. Huko si kwetu.

    Siwezi kwenda Igunga kwa sababu nataka mshindwe ili tuheshimiane,” Bashe alinukuliwa akimweleza Mukama.

    Vile vile, vijana hao walimtaka Mukama aagize serikali imwondoe Sitta katika nyumba ya spika, kwa maelezo kwamba kitendo chake kyng’ang’ania nyumba hiyo huku akijua alishaachia uspika ni kinyume cha utaratibu, na kinagombanisha wananchi na serikali yao.
     
  2. F

    FUSO JF-Expert Member

    #2
    Jul 29, 2011
    Joined: Nov 19, 2010
    Messages: 9,767
    Likes Received: 319
    Trophy Points: 180
    too late, chama ndiyo kinamon'gonyoka as days counts off to Oct. 2015.
     
  3. nngu007

    nngu007 JF-Expert Member

    #3
    Jul 29, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Tatizo linaonyesha Kikwete hana Generosity, amesahau alikotoka Bila Rostam asingekuwa Rais... Kasahau sababu ya raha ya kufaidi Ndege, hajui baada ya Miaka 3 that's the end of it period.

    Sasa anamualika kwenye CC for what reason? Kujikomba?
     
  4. Saint Ivuga

    Saint Ivuga JF-Expert Member

    #4
    Jul 29, 2011
    Joined: Aug 21, 2008
    Messages: 31,208
    Likes Received: 5,773
    Trophy Points: 280
    YO YO yuko wapi jamani anichambulie hii heading
     
  5. mchakachuaji192

    mchakachuaji192 JF-Expert Member

    #5
    Jul 29, 2011
    Joined: Oct 19, 2010
    Messages: 341
    Likes Received: 3
    Trophy Points: 35
    Kazi mnayo wanamagamba
     
  6. Mungi

    Mungi JF Gold Member

    #6
    Jul 29, 2011
    Joined: Sep 23, 2010
    Messages: 16,944
    Likes Received: 352
    Trophy Points: 180
    hata angekuja Obama kuwapigia kampeni, awamu hii jimbo ni la CHADEMA.
     
  7. Nyani Ngabu

    Nyani Ngabu Platinum Member

    #7
    Jul 29, 2011
    Joined: May 15, 2006
    Messages: 65,178
    Likes Received: 16,156
    Trophy Points: 280


    Amuangukia au anapanga kumuangukia?







     
  8. Mr. Zero

    Mr. Zero JF-Expert Member

    #8
    Jul 29, 2011
    Joined: Jun 5, 2007
    Messages: 7,829
    Likes Received: 1,089
    Trophy Points: 280
    Dhu!!! Kazi kwelikweli!
     
  9. BAK

    BAK JF-Expert Member

    #9
    Jul 29, 2011
    Joined: Feb 11, 2007
    Messages: 50,077
    Likes Received: 9,784
    Trophy Points: 280
    ....Makubwa haya!!! Yaani ndani ya CCM hakuna mtu ambaye anayeaminika kuweza kusimamia kampeni za uchaguzi kule Igunga zaidi ya fisadi Rostam!!!! Kweli Chama kimeshika "utamu"
     
  10. Mungi

    Mungi JF Gold Member

    #10
    Jul 29, 2011
    Joined: Sep 23, 2010
    Messages: 16,944
    Likes Received: 352
    Trophy Points: 180
    Watu wa Igunga wanaishi maisha ya shida tokea wakati wa uhuru, utadhani ni wakimbizi ndani ya nchi yao
     
  11. BABU CHONDO

    BABU CHONDO JF-Expert Member

    #11
    Jul 29, 2011
    Joined: Jun 6, 2011
    Messages: 857
    Likes Received: 2
    Trophy Points: 35
    wamahanagaika tu hawana lolote
     
  12. Kobello

    Kobello JF-Expert Member

    #12
    Jul 29, 2011
    Joined: Feb 20, 2011
    Messages: 5,153
    Likes Received: 185
    Trophy Points: 160
    Hatuwataki hao!...bora tukose majimbo.
     
  13. U

    Uwezo Tunao JF-Expert Member

    #13
    Jul 29, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Watanzania mnaoishi Igunga, Tabora, katu msikubali KUPIGWA ROBA YA MBAO na CCM pamoja na Mhajemi huyu kwa mara ya pili.

    Giza nene nchini, kupotea kwa ajira kwa vijana, maisha kupanda gharama na kuwa machungu kiasi hiki kwa walalahoi tuliowengi chanzo chake ni kiroba cha mbao walichotupiga kama taifa chama hiki cha CCM pamoja huyu Mhajemi.

    Enough is enough, Wana-Igunga anzeni upya maisha yenu ya kisiasa na kujiletea maendeleo NJE YA NDOANO hiyo ya hapo awali. Taifa zima hivi sasa tunalia kwa kampuni hiyo ya CCM na huyu M-Irani.

     
  14. joramjason

    joramjason JF-Expert Member

    #14
    Jul 29, 2011
    Joined: Jul 15, 2011
    Messages: 417
    Likes Received: 8
    Trophy Points: 35
    Waache watafunane sie kama fisi tunaokota mifupa tu
     
  15. F

    FUSO JF-Expert Member

    #15
    Jul 29, 2011
    Joined: Nov 19, 2010
    Messages: 9,767
    Likes Received: 319
    Trophy Points: 180
    ni nafikiri wameenda mbali ya hapo sasa wanafumaniana.
     
  16. Chimunguru

    Chimunguru JF-Expert Member

    #16
    Jul 29, 2011
    Joined: May 3, 2009
    Messages: 9,816
    Likes Received: 177
    Trophy Points: 160
    Si mnaona Rais hawezi lolote hata ndani ya chama chake hana ushawishi mpaka amtegemee Rostam! kampeni aje awapigie rostam, basi jamaa ndo alikuwa RAIS, huyu m.k.w.e.r.e yupo pale kusafiri tuu
     
  17. Mtazamaji

    Mtazamaji JF-Expert Member

    #17
    Jul 29, 2011
    Joined: Feb 29, 2008
    Messages: 5,972
    Likes Received: 27
    Trophy Points: 0
    CCM sasa watafute mkulima maarufu huko igunga au mrina asali wamsimamishe. Wapeni na wakulima chance.

    Si ndio maana chama kina alama ya jembe.

    BTN

    katika kuvua magamba ile alama ya jembe kwenye bendera ya CCM ibadilishwe iwe trekta la ......
     
  18. B

    Bajabiri JF-Expert Member

    #18
    Jul 29, 2011
    Joined: Jan 1, 2011
    Messages: 9,755
    Likes Received: 15
    Trophy Points: 0
    SiHasa bhanaaa,,,,,,,yaani kj kawamimin hivihiv wenzake,kudadadeki
     
  19. Wambandwa

    Wambandwa JF-Expert Member

    #19
    Jul 29, 2011
    Joined: Dec 3, 2006
    Messages: 1,951
    Likes Received: 162
    Trophy Points: 160
    RA, dondandugu - kulitibu hadi mgonjwa afe.
    CCM na akili zao wakampa koba la pesa (treasurer) wakati huo na akawa na mtaji unaotutafuna hadi leo....
     
  20. Luteni

    Luteni JF-Expert Member

    #20
    Jul 29, 2011
    Joined: Jan 9, 2010
    Messages: 2,275
    Likes Received: 7
    Trophy Points: 0
    Hii sentensi ni nzito sana kwa wanaCCM hasa wanaoendesha siasa uchwara.
     
Loading...