Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM, Chadema wachapana makonde mbele ya waziri

Discussion in 'Jukwaa la Siasa' started by MziziMkavu, Feb 4, 2012.

  1. MziziMkavu

    MziziMkavu JF-Expert Member

    #1
    Feb 4, 2012
    Joined: Feb 3, 2009
    Messages: 38,553
    Likes Received: 2,832
    Trophy Points: 280
    [​IMG]
    Waziri wa Mambo ya Ndani ya Nchi, Shamshi Vuai Nahodha


    Ziara ya Waziri wa Mambo ya Ndani ya Nchi, Shamshi Vuai Nahodha, imekumbwa na vurugu mjini hapa Wilaya ya Mbozi mkoani Mbeya kufuatia vijana wanaosadikika kuwa ni wa Chama Cha Demokrasia na Maendeleo (Chadema) kuupokea msafara wake kwa bendera za chama hicho huku wakionyesha alama ya vidole viwili.
    Kutokana na hali hiyo, vijana wa Cham Cha Mapinduzi (CCM) (mabaunsa) waliamua kujibu mapigo kwa kuanza kutembeza mkong’oto wa nguvu kwa vijana wa Chadema hivyo kusababisha amani kutoweka kwa muda mfupi katika eneo hilo.
    Tukio hilo lilitokea jana majira ya saa 3:45 asubuhi katika eneo la njia panda ya kuingia forodhani na barabara kuu iendayo Sumbawanga wakati msafara wa waziri huyo ukielekea katika hoteli ya Al-Noor ambako alikwenda kwa ajili ya kusomewa taarifa ya Wilaya ya Mbozi.
    Baada ya msafara wa magari ya viongozi wa CCM, Polisi na Uhamiaji waliofuatana na waziri huyo kuingia mjini Tunduma vijana waliokuwa wamejipanga pembeni mwa barabara walianza kuzomea huku wakionyesha alama ya vidole viwili inayotumiwa na Chadema, mmoja wa vijana hao alikuwa na bendera moja ya chama hicho akipeperusha juu.
    Kufuatia hali hiyo, vijana wa CCM ambao waliokuwa wamevalia fulana nyeupe zilizoandikwa mgongoni CCM Imara waliwavamia vijana wa Chadema waliokuwa wakizomea msafara huo na kumkamata kijana mmoja aliyekuwa na bendera hiyo na kuanza kumpa kipigo.
    Baada ya vurugu hizo ambazo zilidumu kwa takribani dakika kumi, polisi waliokuwa wakilinda usalama wa msafara wa Waziri huyo waliingilia kati kwa kumtia nguvuni kijana aliyekuwa akipewa kipigo na vijana wa CCM ili kuokoa maisha yake ambayo yalikuwa hatarini na kumpeleka katika Kituo cha Polisi Tunduma.
    Kijana huyo ambaye jina lake halikuweza kujulikana mara moja wakati akipigwa na mabaunsa wa CCM, alichaniwa nguo zake huku akibebwa juu juu. Baada ya kufikishwa kituo cha polisi vurugu hizo zilisimama na polisi kutanda barabara yote kuanzia hoteli ya Al-Noor hadi ofisi za CCM kata ya Tunduma.
    Waziri Nahodha akizungumza na wananchi katika viwanja vya CCM Kata ya Tunduma, alisema hajafurahishwa na vurugu zilizotokea na kuwaagiza askari chini ya Kamanda wa Polisi Mkoa wa Mbeya, Advocate Nyombi, kuimarisha ulinzi katika mji wa Tunduma.
    Alisema wafanyabiashara wa soko mjini Tunduma wafanye biashara zao kwa amani kwa sababu biashara inayofanywa kwa amani inakuwa na tija.
    “Lipo jambo ambalo sikulipendelea sana leo (jana) wakati napita niliona hali ya utulivu siyo nzuri, nikiwa kama waziri mwenye dhamana siwezi kuona hali hii ikiendelea, naomba askari chini ya RPC (kamanda wa polisi mkoa) imarisheni ulinzi haraka,” alisema Nahodha.
    Alisema mji huo unatakiwa kuimarishwa ulinzi kwani zinafanyika biashara za aina mbalimbali za halali na haramu na kuna mkusanyiko wa watu kutoka nchi mbalimbali.
    Alisema wale wanaofanya biashara haramu watambue kuwa sasa likizo imekwisha, hivyo polisi wachukue hatua haraka kuanzia jana kwa kuimarisha ulinzi.
    Aliongeza kuwa wale wanaofanya biashara halali wasibughudhiwe waachwe waendelee kufanya kazi zao kwa utulivu na wale wanaofanya biashara ya kubadilisha fedha Benki Kuu ya Tanzania (BoT) iwawekee utaratibu mzuri ili kusitokee wizi wa watu kuibiwa fedha zao.
    Mwenyekiti wa CCM Kata ya Tunduma, Daniel Mwashuya, alisema mji huo ulishikandikana kuwa na amani, lakini sasa imewezekana kwani ndani ya chama wamejipanga kusaidia kuiimarisha.
    “Tunduma sasa ni safi, wana Tunduma wanataka amani, hawa wanaoleta vurugu katika mji wetu tutawaminya kwa ukucha, tunawaweza na kwa tukio la leo wengine wametimkia mabondeni,” alisema Mwashuya.
    Mji huo ambao upo mpakani kwa mara kadhaa umekuwa ukikubwa na vurugu zisizoisha hali ambayo imekuwa ikiharatisha usalama wa wakazi wake. Mara kadhaa wanaofanya vurugu hizo wamekuwa wakikimbilia upande wa pili wa nchi jirani ya Zambia.
    Akizungumzia kijana wa Chadema aliyekamatwa, Kamanda Nyombi alisema kuwa alipelekwa katika kituo cha Polisi cha Tunduma, ingawa hakueleza sababu za kukamatwa kwake.



    CHANZO: NIPASHE
     
  2. Kigogo

    Kigogo JF-Expert Member

    #2
    Feb 4, 2012
    Joined: Dec 14, 2007
    Messages: 19,245
    Likes Received: 35
    Trophy Points: 145
    hahaaaa natamani siku wabunge nao watwangane
     
  3. w

    wikolo JF-Expert Member

    #3
    Feb 4, 2012
    Joined: Oct 19, 2010
    Messages: 801
    Likes Received: 3
    Trophy Points: 35
    Hivi ni kwa nini waliokuwa wanampiga huyo kijana nao hawakukamatwa? Nasema hivyo kwa sababu naona waliamua kuchukua sheria mkononi na kwa mujibu wa sheria za nchi yetu, hilo nalo ni kosa.
     
  4. M

    Massenberg JF-Expert Member

    #4
    Feb 4, 2012
    Joined: Jun 4, 2011
    Messages: 923
    Likes Received: 677
    Trophy Points: 180
    Kwa mujibu wa habari hii:

    1 - Kwa nini mabaunsa wafanye kazi ya ulinzi wakati polisi walikuwepo?

    2 - Ni kosa la kisheria kwa raia mmoja kumpiga raia mwingine au raia kupigana. Kwa nini aliyepelekwa kituoni ni kijana aliyepigwa na si waliompiga?

    3 - Ukiangalia utaona kuwa hata waziri hafahamu utawala wa sheria; badala ya kuamuru wote waliohusika wakamatwe kwa mujibu wa sheria anabakia "kuomba" polisi waimarishe ulinzi haraka. Sheria inapovunjwa hakuna maombi, ni amri tu, ndiyo maana polisi wanaitwa law enforcers.

    4 - Yaleyale ya kila siku, ziara ya kiserikali halafu wananchi wanaipaka rangi ya siasa na kiongozi mhusika anaangalia tu, bila ya kujua nini cha kufanya.
     
  5. Ras Cutty

    Ras Cutty Member

    #5
    Feb 4, 2012
    Joined: Nov 12, 2010
    Messages: 42
    Likes Received: 1
    Trophy Points: 0
    Huyo kijana wa CDM hana kosa. Hao mabaunsa wa magamba ndio walioanzisha hizo vururgu.
     
  6. m

    mgeni wenu JF-Expert Member

    #6
    Feb 4, 2012
    Joined: Jan 2, 2012
    Messages: 3,670
    Likes Received: 613
    Trophy Points: 280
    Amani haiji kwa Nguvu
     
  7. Duble Chris

    Duble Chris JF-Expert Member

    #7
    Feb 4, 2012
    Joined: May 28, 2011
    Messages: 3,488
    Likes Received: 3
    Trophy Points: 135
    Hizi ndizo siasa za bongo yetu macho na masikio tu
     
  8. dubu

    dubu JF-Expert Member

    #8
    Feb 4, 2012
    Joined: Oct 18, 2011
    Messages: 3,022
    Likes Received: 299
    Trophy Points: 180
    huyo waziri atakua anafanya kazi za ccm sio za watanzania. hajui kama chadema ni chama cha siasa kama ilivyo ccm? kwanini abague? wazanzibar wana matatizo sana.
     
  9. S

    Samkyjr JF-Expert Member

    #9
    Feb 4, 2012
    Joined: Mar 21, 2011
    Messages: 363
    Likes Received: 0
    Trophy Points: 33
    Matatizo ya uvunjifu wa amani huanzishwa na mawaziri wenyewe kama waziri yupo kikazi kwanini misafara yao inapabwa na magari yenye bendera za ccm pia mabaunsa wenye mavazi ya ccm. Kama ni waziri wa JMT kwanini kwa nini msafara wake hauwi na ulinzi wa polisi? Ccm wanajua kabisa tunduma chadema wanawafuasi wengi na ni vijana kwahiyo waziri kwenda kwenye shughuri za kiserikali na vijana wengi wa ccm ambao si wakazi wa tunduma haikuwa sahihi.
     
  10. c

    cholo Member

    #10
    Feb 4, 2012
    Joined: Feb 3, 2012
    Messages: 97
    Likes Received: 0
    Trophy Points: 0
    ipo kiudaku
     
  11. Jile79

    Jile79 JF-Expert Member

    #11
    Feb 4, 2012
    Joined: May 28, 2009
    Messages: 8,765
    Likes Received: 116
    Trophy Points: 160
    Ccm na magamba wapo kupima kina cha maji ya mbeya " nawaambia mbeya maji marefu wachezee wadalisalama basi"
     
  12. M

    MWANALUGALI JF-Expert Member

    #12
    Feb 4, 2012
    Joined: Feb 1, 2010
    Messages: 601
    Likes Received: 0
    Trophy Points: 0
    Nadhani Masisiem wote wana upungufu wa ufahamu mwilini mwao! kwa nini hawawezi kutofautisha shughuli za kiserikali na za kichama? unaweza kukuta huyo nahodha alikuwa amevalia kijani!!!!
     
  13. jogi

    jogi JF-Expert Member

    #13
    Feb 4, 2012
    Joined: Sep 25, 2010
    Messages: 11,157
    Likes Received: 3,714
    Trophy Points: 280
    wajiandae wasio mabaunsa, tukio hilo litazaa uhasama mkubwa kwani limewaudhi vijana.
     
  14. nashy

    nashy JF-Expert Member

    #14
    Feb 4, 2012
    Joined: Jan 13, 2011
    Messages: 679
    Likes Received: 1
    Trophy Points: 35
    Siyo kuvaa tu kijani bali alikuwa akitumia magari ya serikali kwenye shughuli za chama
     
  15. j

    jigoku JF-Expert Member

    #15
    Feb 4, 2012
    Joined: Sep 9, 2011
    Messages: 2,302
    Likes Received: 61
    Trophy Points: 145
    Akili ya panzi kabisa,siku hizi waziri yuko kwenye ziara za kiserikali anatembea na mabaunsa wa CCM,hapo kilichofanyika ni kupandikiza chuki,hata mm nimechukizwa na kitendo cha huyo dogo kupigwa pasipo sababu,ni uonevu huo,ni hali ya kujidai kuwa CCM wako juu ya sheria,ole wenu nyie CCM na ufisadi wenu,hakika Mungu hajala,na siku zenu zinahesabika
     
  16. MachoMakavu

    MachoMakavu JF-Expert Member

    #16
    Feb 4, 2012
    Joined: Feb 6, 2008
    Messages: 369
    Likes Received: 0
    Trophy Points: 33
    Inaonekana huyu jamaa hakua kajipanga kwenye hii ziara yake
     
  17. Candid Scope

    Candid Scope JF-Expert Member

    #17
    Feb 4, 2012
    Joined: Nov 8, 2010
    Messages: 11,892
    Likes Received: 50
    Trophy Points: 145
    Mara kadhaa nimeongolea jambo la viongozi wa serikali na vyama vya siasa kutofautisha shughuli za kichama na kiserikali zinazohusu watanzania wote. Mlinirushia madongo na hasa wapenzi wa Chadema kwa kutoangalia athari zake. Lisemwalo lipo na kama halipo laja. Leo tunaanza kushuhudia athari zake. Ziara ya waziri huyo ni ya kiserikali au ya kichama? Iweje watu waendekeze uchama katika ziara hiyo? Je waziri ametambu kasiro na yaliyosababisha vurugu hizo?
     
  18. Maishamapya

    Maishamapya JF-Expert Member

    #18
    Feb 4, 2012
    Joined: Nov 3, 2010
    Messages: 1,280
    Likes Received: 0
    Trophy Points: 133
    Mkuu, nani alikurushia madongo mbona point hiyo iko wazi kabisa? Chaguzi nyingi zinahojiwa kwa sababu viongozi ama walitumia madaraka ya au walitumia mali ya umma (magari ya serikali) kwa shughuli za uchaguzi.
     
  19. Jumakidogo

    Jumakidogo R I P

    #19
    Feb 4, 2012
    Joined: Jul 16, 2009
    Messages: 1,859
    Likes Received: 9
    Trophy Points: 0
    Nilivyoelewa hapo ni kwamba. Polisi walimchukua huyo jamaa kwa ajili ya kuokoa maisha yake kutoka kwa wapigaji na si kama mtuhumiwa.
     
  20. Mwanajamii

    Mwanajamii JF-Expert Member

    #20
    Feb 4, 2012
    Joined: Mar 5, 2008
    Messages: 7,082
    Likes Received: 6
    Trophy Points: 0
    chadema ni chama cha wahuni,kwa nini wamzomee kiongozi?ustaarabu ni muhimu,ona sasa yaliyompata.
     
Loading...