Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCJ yadai kuhujumiwa Pemba

Discussion in 'Habari na Hoja mchanganyiko' started by MziziMkavu, Mar 25, 2010.

  1. MziziMkavu

    MziziMkavu JF-Expert Member

    #1
    Mar 25, 2010
    Joined: Feb 3, 2009
    Messages: 38,560
    Likes Received: 2,842
    Trophy Points: 280
    [​IMG]
    Mwenyekiti wa CCJ, Richard Kiyabo.



    Daftari lenye orodha ya majina ya wanachama wapya 450 wa Chama Cha Jamii (CCJ) Mkoa wa Kaskazini Pemba, linadaiwa kupotea katika mazingira ya kutatanisha kisiwani humo, huku uongozi wa taifa wa chama hicho ukiita tukio hilo kuwa ni hujuma.
    Katibu Mwenezi wa CCJ, Dickson Amos, alisema jana kuwa orodha ya majina iliyokuwamo kwenye daftari hilo ni ya wanachama ambao walikusudiwa kufanyiwa uhakiki ili kupata usajili wa kudumu.
    “Kuna hujuma zinafanywa dhidi yetu. Leo (jana) tumepigiwa simu kutoka Pemba. Daftari lenye orodha ya majina ya wanachama, ambao walitakiwa wafanyiwe uhakiki limepotea Mkoa wa Kaskazini Pemba katika mazingira ya kutatanisha,” alisema Amos.
    Alisema kabla ya hujuma hiyo kufanyika, walipanga uhakiki wa wanachama uanzie kufanyika katika Mkoa wa Kaskazini Pemba na kisha uendelee katika mikoa mingine ya Tanzania Bara na Zanzibar.
    Taarifa za tukio hilo zimetolewa siku moja baada ya chama hicho juzi kushindwa kuwasilisha kwa Msajili wa Vyama vya Siasa nchini maombi ya kupatiwa usajili wa kudumu kama kilivyokuwa kimetangaza awali.
    Mwenyekiti wa CCJ, Richard Kiyabo, alikaririwa akisema jana kuwa hali hiyo ilitokana na hitilafu zilizotokea katika fomu za majina ya wanachama 2,000 ‘waliovunwa’ katika mikoa 10 ya Tanzania Bara na Zanzibar, ambapo mtu aliyepewa jukumu la kuzikusanya kutoka mikoa hiyo, alichukua fomu zilizorudufiwa badala ya halisi.
    Wakati hayo yakijiri, baadhi ya vigogo wa Chama Cha Mapinduzi (CCM) wanadaiwa kukutana juzi katika moja ya ofisi za chama hicho jijini Dar es Salaam na kujadili namna ya kufanya ili kukwamisha CCJ isipate usajili wa kudumu.



    CHANZO: NIPASHE
     
  2. Pengo

    Pengo JF-Expert Member

    #2
    Mar 25, 2010
    Joined: Oct 15, 2009
    Messages: 581
    Likes Received: 2
    Trophy Points: 0
    Kwavile hao ni wanachama wenu,andikeni tena majina yao
     
Loading...