Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CAG apanga 'kuua' warsha serikalini

Discussion in 'Jukwaa la Siasa' started by Informer, Sep 16, 2012.

  1. Informer

    Informer JF-Expert Member

    #1
    Sep 16, 2012
    Joined: Jul 29, 2006
    Messages: 1,002
    Likes Received: 725
    Trophy Points: 280
    Imeandikwa na Halima Mlacha | HabariLeo | Sept 14, 2012


    MDHIBITI na Mkaguzi Mkuu wa Serikali (CAG), Ludovick Utouh amesema ameishauri Serikali kudhibiti warsha za mara kwa mara na zitakazokubalika ziwe na mitihani ambayo matokeo yake watapewa mabosi wa watahiniwa.

    Akizungumza katika semina ya waandishi wa habari kuhusu namna ya kuripoti masuala ya rushwa kutokana na ripoti za CAG, Utouh alisema tayari mfumo huo umeanza katika Ofisi ya Taifa ya Ukaguzi wa Hesabu za Serikali.

    Kwa mujibu wa Utouh, katika kila warsha hasa zinazozidi siku tano, washiriki wa warsha hizo watapaswa kufanya mtihani na matokeo ya mtihani kuhusu mada zilizojadiliwa, yatapelekwa kwa mabosi wa washiriki.

    Alifafanua kuwa, mabosi hao watatakiwa kutumia matokeo hayo katika kupandisha vyeo watumishi walioshiriki katika semina hizo au vinginevyo.

    Alisema katika ofisi yake ya NAOT wameanza kutumia mfumo huo ambapo warsha zote zinazozidi siku tano, washiriki hulazimika kupewa mitihani na matokeo ya mtihani huo huwasilishwa kwake.

    "Sisi tumeanza mfumo huu ambao unasaidia kutambua value for money,(thamani halisi) warsha yoyote inayozidi siku tano, washiriki hupewa mtihani na matokeo yao yaliyowasilishwa kwangu huyatumia kuwapromoti au kuwaadhibu," alisema.

    Alikuwa akijibu swali la mmoja wa washiriki wa warsha iliyoandaliwa na ofisi yake ambaye alitaka kujua hatua zilizochukuliwa na NAOT katika kudhibiti warsha za mara kwa mara za taasisi za Serikali zisizo na tija.

    Pamoja na hayo Utouh alibainisha wazi kuwa ofisi yake imekuwa ikifanyakazi kwa uhuru wa kutosha hasa ikilinganishwa na ofisi nyingine zinazofanyakazi kama hiyo ya ukaguzi duniani.

    "Na hii ni kutokana na ukweli wa Sheria iliyotumika kuanzisha NAOT ambayo inabainisha wazi kuwa ni kosa kama mtu au taasisi isipotoa ushirikiano wa kutupatia taarifa tunazozohitaji katika ukaguzi wetu," alisema.

    Lakini pia kutokana na uwezo na taaluma za wafanyakazi wa ofisi hiyo ya CAG, wamekuwa wakiaminika ndani na nje ya nchi ambapo hivi karibuni walifanya ukaguzi wa hesabu za Umoja wa Mataifa (UN) na Shirika la Maendeleo la UN (UNDP) ambalo hesabu zake ni kubwa zaidi ya bajeti ya Tanzania.

    Akizungumzia suala la magari ya gharama kubwa yanayotumiwa na Serikali, Utouh alisema moja ya kazi ya ofisi ni pamoja na kutoa ushauri kwa Serikali kuhusu namna ya kupunguza na kudhibiti matumizi ya fedha za Serikali.

    Alisema NAOT imekuwa ikiishauri Serikali kwa muda mrefu katika manunuzi yake ya magari ya Serikali kuzingatia ununuzi wa magari yenye gharama nafuu jambo ambalo kwa sasa limeanza kuzaa matunda.

    "Tulishawahi kukagua ununuzi wa magari na kubaini kuwa magari mengi ya Serikali yanayonunuliwa ni ya gharama kubwa na yanatumia mafuta mengi, tukaishauri Serikali kuwa magari ya aina hii si ya lazima," alisema.

    Aliongeza "Tuliwahoji, je kiongozi akiwa jijini Dar es Salaam anahitaji VX kutoka Mikocheni hadi katikati ya jiji? Suala la warsha za mara kwa mara limekuwa likipigiwa kelele hadi kufikia Waziri Mkuu Mizengo Pinda kuingilia kati na kupiga marufuku warsha na semina zisizo na tija.
     
  2. i

    iMind JF-Expert Member

    #2
    Sep 16, 2012
    Joined: Mar 27, 2011
    Messages: 1,839
    Likes Received: 262
    Trophy Points: 180
    CAG aliyasema haya akiwa kwenye warsha. Mwandishi wa habari aliandika habari hii akiwa kwenye warsha. Nina wasi wasi CAG anataka kugombea cheo cha kisiasa 2015
     
  3. Lokissa

    Lokissa JF-Expert Member

    #3
    Sep 16, 2012
    Joined: Nov 20, 2010
    Messages: 6,981
    Likes Received: 77
    Trophy Points: 145
    ni vema kwani wengine wanasign na kuchukua hela jioni bila hata kuhudhuria
    wau wengine hutumia warsha kuchati facebbok na kusoma email jioni anakamata mshiko
    ukimuuliza kaelewa nini anatoka mtupu.
    itapunguza pia warsha za kijinga na za kujitajirisha huko serikalini, big up CAG
     
  4. nngu007

    nngu007 JF-Expert Member

    #4
    Sep 16, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145

    Jamani, MIMI NI BOSI NIFANYE MTIHANI? kuliko kwanza nipate hicho kiinua MGONGO [per DM ya tumbo langu kwanza] Si Wengi tutafeli ?

    Warsha nyingi ni sisi kula sasa hii ya testi tena itatumaliza; Itanifanya nitafute mpango Mwingine wa KULA...
     
  5. Tram Almasi

    Tram Almasi JF-Expert Member

    #5
    Sep 16, 2012
    Joined: Feb 26, 2009
    Messages: 756
    Likes Received: 0
    Trophy Points: 33
    Mtihani? Hapo mambo yatakuwa magumu ss. Wenye kuzunguka TZ kuhudhuria kila kukicha,sasa naona kbs watazikacha.
     
  6. MD25

    MD25 JF-Expert Member

    #6
    Sep 16, 2012
    Joined: Jan 28, 2012
    Messages: 3,078
    Likes Received: 3
    Trophy Points: 135
    Nina wasiwasi na hii technique ya CAG kama itazaa matunda. Ukweli ni kwamba, watumishi wa umma wanatumia hizi washa kama namna ya kujiongezea kipato, kwani mishaara yao ni midogo... Kama KWELI wakiwabana kwenye hizi warsha na semina, kwa hakika Serikalini watabaki wale watumishi waliosoma kwa kuungaunga (kama Lukuvi), lakini sio competent individuals...
     
  7. Uliza_Bei

    Uliza_Bei JF-Expert Member

    #7
    Sep 16, 2012
    Joined: Feb 17, 2011
    Messages: 2,796
    Likes Received: 115
    Trophy Points: 160
    wazee vilaza wanaisha sisi kama ni mitihani tunazitaka warsha za kutosha japo nasi tule maana ufisadi hatumo
     
  8. m

    mpigauzi JF-Expert Member

    #8
    Sep 16, 2012
    Joined: Jul 17, 2012
    Messages: 275
    Likes Received: 1
    Trophy Points: 0
    Anaweza? Tusubiri. Kwani hata PM alishawahi kusema hilo lakini no implementation
     
Loading...