Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

BoT inakuja dawa ya wakopaji "makanjanja".

Discussion in 'Biashara, Uchumi na Ujasiriamali' started by Kimbori, Sep 29, 2012.

  1. Kimbori

    Kimbori JF-Expert Member

    #1
    Sep 29, 2012
    Joined: Feb 21, 2012
    Messages: 2,426
    Likes Received: 180
    Trophy Points: 160
    Serikali imeanzisha mfumo wa kuweka
    rekodi za wakopaji wa taasisi za fedha
    ili kudhibiti upotevu wa mikopo kupitia
    wateja wasio waaminifu.
    Pia mfumo huo utasaidia kupunguza
    masharti ya ukopaji ikiwemo utozaji wa riba kubwa.
    Mfumo huo wa kukusanya na
    kushirikishana taarifa na kumbukumbu
    za wakopaji wa benki na taasisi za
    mikopo midogo, ulizunduliwa jana Dar es
    Salaam na Benki Kuu (BoT), ambayo ndiyo itakayousimamia na kuufuatilia.
    Naibu Gavana wa BoT, Juma Reli,
    alizinduzi mfumo huo na kusema
    utasaidia kupata taarifa za wakopaji
    ambazo awali kukosekana kwake
    kulisababisha wateja wengi kukosa mikopo na pia kulazimisha vyombo vya
    fedha kuweka viwango vya juu vya riba.
    Reli alisema “kukosekana kwa taarifa za
    mkopaji na mwenendo wake wa kulipa
    deni kumesababisha benki zishindwe
    kutoa maamuzi sahihi ya kukopesha ama kutokukopesha wateja”.

    Hatua ya BoT imekuja wakati Tanzania
    ina mabenki ya biashara zaidi ya 49
    ambayo hutoa mikopa kwa wateja
    mbalimbali ambao taarifa na
    kumbukumbu za uadilifu wao kwenye kulipa madeni zilikuwa hazijulikani.
    Kwa upande wake Mkurugenzi wa
    Usimamizi wa Benki wa BoT, Agapiti
    Kobello , akizungumzia mfumo huo
    alisema benki za biashara na taasisi
    wakopeshaji zinawajibika kisheria kuwasilisha taarifa za wakopaji wao BoT
    ili kuwezesha ushirikishanaji na utoaji
    wa taarifa hizo kwa wadau wengine.
    Alisema lengo la kuanzisha mfumo huo ni
    kujenga uwajibikaji wa ulipaji mikopo
    na pia kuwawezesha wakopeshaji kuangalia historia za wateja na kupata
    taarifa sahihi za wateja waaaminifu na
    ‘matapeli’.

    Alisema benki hiyo ilitumia mkandarasa
    kuandaa mfumo huo ambao ulifanya
    majaribio ya benki 26 na kati ya hizo tisa zimewasilisha taarifa za wakopaji wake
    BoT na kusisitiza kuwa benki nyingine
    zinapewa mwezi mmoja kuwasilisha
    taarifa zao na zikishindwa hatua za
    kisheria zitafuata.
    Mfumo huo wa kukusanya na kushirikishaana takwimu mkeka
    (database) na kumbukumbu za wakopaji
    utatafuta taarifa za wakopaji kupitia
    makampuni ya simu, mashirika
    yanayotoa huduma kama TANESCO,
    wakala na mamlaka za serikali zinazoshughulikia vitambulisho , pasi za
    kusafiria, kusajili biashara na ripoti za
    mahakama.

    Katika uzinduzi huo, Miguel Llenas
    mwakilishi wa kampuni binafsi ya Dun &
    Bradstreet Credit Bureau Tanzania, iliyopewa kibali na BoT cha kukusanya
    takwimu mkeka za wakopaji,
    alizungumzia mafanikio ya mfumo huo
    yaliyopatikana nchini za Amerika Kusini.
    Alisema umewezesha taasisi za fedha
    kukusanya madeni kwa uhakika, kujua taarifa za wakopaji na wakopeshaji na
    kufahamu rekodi na mwenendo wa
    wateja mbalimbali na tabia zao za kulipa
    madeni. CHANZO: NIPASHE
     
Loading...