Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Bima gari ya Chenge ilikuwa ya mtu mwingine

Discussion in 'Jukwaa la Siasa' started by Msharika, Aug 24, 2010.

  1. M

    Msharika JF-Expert Member

    #1
    Aug 24, 2010
    Joined: May 15, 2009
    Messages: 934
    Likes Received: 2
    Trophy Points: 35
    'Bima gari ya Chenge ilikuwa ya mtu mwingine'
    Na Hidaya Kivatwa



    OFISA wa Kampuni moja ya Bima ya jijini Dar es Salaam, ameiambia Mahakama ya Wilaya ya Kinondoni kuwa stakabdhi ya bima aliyekuwa nayo waziri wa zamani wa Miondombinu, Andrew Chenge, ilikuwa ni ya mtu mwingine.

    Ofisa huyo wa Kampuni ya Scan Insurance and General Services Limited, Raygon Njeje alitoa madai hayo jana, alipokuwa akitoa ushahidi wake katika kesi kuhusu tuhuma kwamba Chenge, aliendesha gari bila kuzingatia sheria za usalama barabarani na hivyo kusababisha vifo vya watu wawili.

    Njeje ambaye ni wakala wa kampuni hiyo, pia aliiambia mahakama kuwa Chenge hajawahi kuwa mteja wake kama inavyoonyeshwa katika stakabadhi hiyo.

    Alidai kuwa stakabadhi hiyo iliyowasilishwa na Chenge, haikuwa ya gari lake na kwamba ilikuwa ya gari aina ya Toyota RAV4, iliyomesajiliwa kwa namba tofauti na ile ya kwake.

    Kwa mujibu wa ofisa huyo, gari hilo ni mali ya Evarist Bigurumba Sesa.
    Shahidi huyo alielezea kushangazwa kuhusu stakabadhi hiyo akielezea kuwa kumbukumbu za kampuni hiyo, iliyoko chini ya Kampuni Phoenix of Tanzania Insurance, zinaonyesha kuwa Chenge hayumo katika orodha ya watu waliowahi kukata bima.


    "Stakabadhi namba 1919156 ilisainiwa na mimi, lakini ilikuwa ni bima ya gari la Evarist Bigurumba Sesa na si la Chenge. Niliitoa kwa ajili ya matumizi ya miezi mitatu, kati ya Juni 29 mwaka 2007 hadi Septemba 28 mwaka 2007,"alisema Njeje.

    "Kamwe hatujawahi kuwa na mteja anayeitwa Chenge na hii stakabadhi siyo yake, ni ya mtu mwingine, kwani namba moja ya stakbadhi haiwezi kutumika mara mbili," alisisitiza.

    Ushahidi huo ulitolewa na wakala huyo wakati ambapo Ofisa wa Shirika la Bima la Taifa alikuwa ameiambia mahakama kwamba gari la Chenge, lilikuwa halina bima na hata kampuni iliyokuwa imetoa bima awali ilikuwa ni feki.

    Kesi hiyo iliharishwa hadi Septemba 7 mwaka huu, mahakama itakapotoa uamuzi wa ama mshtakiwa kuwa au kutokuwa na kesi ya kujibu.

    Mapema, wakili Simon Mponda anayemtetea Chenge, alikuwa amekanusha vipengele tisa vilivyosomwa mahakamani wakati kesi iliposomwa kwa mara ya kwanza.

    Chenge alishtakiwa kwa tuhuma za kutokuwa mwangalifu katika kufuata sheria za usalama barabarani na kusababisha vifo vya wanawake wawili, Victoria George na Beatrice Constatine, Machi 27, mwaka jana.
    Kwa mujibu wa hati ya mashtaka, Chenge alikuwa akiendesha gari aina ya Toyota Hillux Double Cabin na akawa amezidi upande wa njia ya magari ambayo alipaswa kupishana nayo.

    Inadaiwa kuwa katika mazingira hayo, aliigonga pikipiki aina ya Bajaj na kusababisha vifo vya wanawake hao.



    Source: Mwananchi
     
  2. Steve Dii

    Steve Dii JF-Expert Member

    #2
    Aug 24, 2010
    Joined: Jun 25, 2007
    Messages: 6,414
    Likes Received: 40
    Trophy Points: 145
    Mtu msomi aliyeshindwa kuonesha uzalendo wake kwa kutetea maslahi ya Taifa lake kwenye mikataba unadhani anaweza kuuonesha uzalendo huo kwa kampuni binafsi?!
     
  3. MANI

    MANI Platinum Member

    #3
    Aug 24, 2010
    Joined: Feb 22, 2010
    Messages: 5,863
    Likes Received: 881
    Trophy Points: 280
    Kwa hiyo aligushi hiyo bima aliokuwa anatemebelea? Na kugushi si kosa la jinai pia.
     
  4. N-handsome

    N-handsome JF-Expert Member

    #4
    Aug 24, 2010
    Joined: Jan 23, 2008
    Messages: 2,288
    Likes Received: 90
    Trophy Points: 145
    Hajatiwa hatiani bado
     
  5. dkims

    dkims Senior Member

    #5
    Aug 24, 2010
    Joined: Mar 25, 2010
    Messages: 147
    Likes Received: 2
    Trophy Points: 35
    usomi(sheria) na hela alizonazo havijamsaidia kitu,!jamaa wa ajabu hawa
     
  6. G

    Gagnija JF-Expert Member

    #6
    Aug 24, 2010
    Joined: Apr 28, 2006
    Messages: 5,548
    Likes Received: 57
    Trophy Points: 145
    Huyu si ndiye mkuu wa kamati ya maadili ya chama twawala?
     
  7. Zak Malang

    Zak Malang JF-Expert Member

    #7
    Aug 24, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Maadili katika CCM na serikali yake yalizikwa pamoja na Mwalimu Nyerere!
     
  8. kilemi

    kilemi JF-Expert Member

    #8
    Aug 24, 2010
    Joined: Mar 13, 2009
    Messages: 514
    Likes Received: 2
    Trophy Points: 35
    Mwananchi anayeikosesha serikali yake mapato, kwa kugushi hata bima za magari! Na bado anagombea ubunge akiahidi maendeleo kwa taifa!
     
  9. A

    Anold JF-Expert Member

    #9
    Aug 24, 2010
    Joined: Jul 15, 2010
    Messages: 1,010
    Likes Received: 17
    Trophy Points: 135
    Da! Mzee chenge asipojiangalia lazima ale mvua hapo. Yani alishindwa kusolve issue ya Bima wakati issue za namna hiyo zikitokea unakimbia fasta kukata.:A S 100: ('' Haloo watu wa bima limenikuta mwenzenu, Kateni ya miezi miwili nishagonga huku'' halafu kumbukeni kuandika tarehe za nyuma)
     
  10. D

    Dopas JF-Expert Member

    #10
    Aug 25, 2010
    Joined: Aug 14, 2010
    Messages: 1,149
    Likes Received: 13
    Trophy Points: 135
    Yaani pamoja na kuwa na vijisenti mabenki abroad anaona shida akiweka kiasi kisichozidi laki 3 katika maendeleo ya nchi-bima? Sishangai mafisadi wamempitisha tena kugombea, kwani wote si mamoja tu? Ila najiuliza jimboni kwake hakuna mwingine mwingine mwenye hadhi ya kuleta maendeleo ya nchi yetu? Nchi inaelekea kuzimu:A S-danger:
     
  11. Kaa la Moto

    Kaa la Moto JF-Expert Member

    #11
    Aug 25, 2010
    Joined: Apr 24, 2008
    Messages: 7,536
    Likes Received: 74
    Trophy Points: 145
    Subiri hukumu itasema hivi " Baada ya kupitia vielelezo vyote na kuzingatia ushahidi, nimeona mtuhumiwa Andrew Chenge hana hatia na hivyo namwachia huru. Walalamikaji mnayo haki ya kukata rufaa ndani ya siku 30."
    Hii ndio danganyika ilivyo bwana nyie subirini tu kama nasema uongo mtaniambia. Akiona noma hakimu atamwambia alipe faini shilingi milioni 1 na kwa sababu hilo ni kama tone katika bahari atalipa mara moja na kesi finished.
     
  12. KIMICHIO

    KIMICHIO JF-Expert Member

    #12
    Aug 25, 2010
    Joined: Aug 12, 2010
    Messages: 1,182
    Likes Received: 1
    Trophy Points: 133
    Mazingaombwe?
     
  13. MANI

    MANI Platinum Member

    #13
    Aug 25, 2010
    Joined: Feb 22, 2010
    Messages: 5,863
    Likes Received: 881
    Trophy Points: 280

    Ndivyo itakayokuwa.
     
  14. eliakeem

    eliakeem JF-Expert Member

    #14
    Aug 25, 2010
    Joined: May 29, 2009
    Messages: 1,593
    Likes Received: 74
    Trophy Points: 145

    Ni miongoni mwa watu ambao hawafai hata chembe kuwa viongozi wa nchi yetu. nasema hilo si tu kwa sababu ya kuwa na kesi ya kugonga, bali nikifuatilia mambo ambayo amefanya kuidhulumu nchi. zile bilioni katika kisiwa kule uingereza hajatolea maelezo ya kuridhisha. sasa sijui ni kawaida kwa watu wa ccMajambazi kuficha mijihela ughaibuni, ndo maana hata yeye chenge akaita vijisenti!!!!!?????
     
  15. BornTown

    BornTown JF-Expert Member

    #15
    Aug 25, 2010
    Joined: May 7, 2008
    Messages: 1,702
    Likes Received: 89
    Trophy Points: 145

    Hivi ulisomea uhakimu nn maana naona unamajibu yote kabisa :becky::becky::becky::becky::becky::becky: ila hukumu itatoka baada ya uchaguzi kuisha ili ashinde kwa kishindo kikubwa
     
  16. BornTown

    BornTown JF-Expert Member

    #16
    Aug 25, 2010
    Joined: May 7, 2008
    Messages: 1,702
    Likes Received: 89
    Trophy Points: 145
    "Ushahidi huo ulitolewa na wakala huyo wakati ambapo Ofisa wa Shirika la Bima la Taifa alikuwa ameiambia mahakama kwamba gari la Chenge, lilikuwa halina bima na hata kampuni iliyokuwa imetoa bima awali ilikuwa ni feki."

    sasa ikiwa mzee wa vijisenti anataka bima feki vipi kuhusu elimu yake ukute nayo ni feki ikiwa mwanasheria unapenda vitu feki basi ulakini wa taaluma yako nao nadhani ni feki kamwa feki hawezi kuwa orijino
     
Loading...