Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Biashara ya Utumwa ililetwa na nani hapa kwetu?

Discussion in 'Habari na Hoja mchanganyiko' started by Fundi Mchundo, Feb 3, 2008.

  1. F

    Fundi Mchundo JF-Expert Member

    #1
    Feb 3, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Katika nchi nyingi za ulaya kukana kuwa palikuwa na Holocaust ni kosa la jinai. Wamefanya hivi kutokana kuwa na hofu ya kwamba kwa kukana ukweli huu kutaruhusu kupenyezwa tena imani na vitendo vya kibaguzi dhidi ya wayahudi. Hii ikiruhusiwa itapelekea kurudia hali iliyotawala katika miaka ya 30 ambapo jumuia ya kijerumani iliona ni haki kumdhalilisha, kumgandamiza na hatimaye kumuua myahudi. Hii hali wasingetaka irudiwe ndiyo maana wanakuwa wakali kuhusu mtu yeyote anayejaribu kuandika upya historia kufuta vitendo vya kikatili vilivyofanywa dhidi ya wayahudi na wale wengine waliioonekana hawana nafasi katika jamii ya kijerumani.

    Watu weusi tulikuwa na holocaust yetu. Kwa miaka mingi, mataifa ya wale ambao rangi zao zilikuwa nyeupe kulingana na sisi walikuja Afrika kutuvuna na kutupeleka kutumikishwa katika mashamba yao huko marekani ya kaskazini na kusini, carribean na kwa hapa nyumbani huko Pemba na Unguja. Wengine wetu walichukuliwa kwenda kuhudumia majumbani mwa wale waliojiona bora kuliko sisi huko ulaya, uarabuni n.k. Huko uarabuni wengi walihasiwa. Msingi wa hii biashara nzima ulikuwa ni kuwa mtu mweusi hastahili kuhesabiwa kama binadamu wengine. Yeye alikaribiana na wanyama hivyo ilikuwa halali kumuuza na kumliki kama ambavyo unaweza kummiliki ng'ombe au punda wako. Mama zetu walikuwa watu wa kuzalishwa wasio na haki yeyote juu ya miili yao. Yote haya yalikubalika katika jamii za wazungu na waarabu.

    Afrika ya magharibi biashara ilimilikiwa na mataifa ya Ulaya na yale ya kaskazini mwa Afrika. Wazungu waliwasafirisha watu weusi kupitia bahari ya Atlantiki na wale wa Afrika ya Kaskazini kuvuka jangwa la sahara. Hapa kwetu biashara ilimilikiwa na waarabu kutoka Oman ambao baada ya muda walifungua soko kubwa la watumwa unguja ambapo watu weusi waliosafirishwa kupitia bandari za Bagamoyo, Mikindani, Kilwa n.k. walipigwa mnada.

    Moja ya vitu walivyovifanya waingereza walipoingia Zanziba ni kumlazimisha Sultan kusimamisha hiyo haramu. Pale palipokuwa na soko la watumwa pakajengwa kanisa na pale palipokuwa na mlingoti wa kuwauzia hao watumwa pakawa ndiyo altare ya kanisa.

    Inakuwaje leo hii, mtanzania (Befair) anaweza kuamka na kudai kuwa biashara ya utumwa unguja iliendeshwa ndani ya makanisa kama alivyoandika mwandishi hapo juu kwenye sehemu ya Dini/Imani? Inakuwaje, mtanzania mwingine (Zomba) anakuja anatetea uwongo huo?

    Sasa kwa nini nimeileta hapa? Hapa kinachonitatiza si suala la dini, ni hilo la historia yangu. historia ya wale walionitangulia, waliokamatwa, kubebeshwa mizigo na hatimaye kuuzwa kama punda na hao waliojiona kuwa ni waungwana. Uandikishaji upya wa historia ndiyo mwanzo wa kuweka mizizi ya chuki katika sehemu moja ya jamii yetu. Kama hao, ambao ni wachache, ndio waliosababisha babu zetu kuuzwa kwa nini tusibebe mawe na kuwavurumusha? Kwa nini tusibomoe hilo kanisa lao na kuweka kitu kingine mbadala?

    Mawazo kama haya ya kichonganishi ndiyo yaliyowafikisha wenzetu huko Ireland, Rwanda, Yugoslavia ya zamani na sasa huko Kenya hapo walipo hivi sasa. Maneno ya kichochezi kama haya yanatakiwa kukemewa na wale wote wenye nia njema na taifa letu. Mimi sijui historia inafundishwa vipi huko Zanzibar. Lakini kama huu ni mfano wa matokeo ya mafunzo hayo, tuna matatizo makubwa mbele yetu. Ni imani yangu kwa dhati kuwa kuna vitu ambavyo inatubidi kama waafrika kusimama pamoja bila kujali itikadi au dini zetu. Hili ni mojawapo. Mungu atunusuru wote.
     
  2. Mtu wa Pwani

    Mtu wa Pwani JF-Expert Member

    #2
    Feb 4, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    mmh nia historia si dini?

    jamani mada kama hizi zitatugawanya na hazituunganishi.

    maana mkristo kukubali kuwa anahusika ni shughuli na waislam kukubali hilo ni shughuli

    cha kusaidia tafuta kanisa na si moja la tumekuja na hilo la mkunazini limejengwa wakati gani?

    na utumwa ulikuwapo wakati gani utapata majibu.

    ila kuiweka hapa kwa mawazo yangu ya kibungo nnaona kuna kitu watafuta si bure
     
  3. F

    Fundi Mchundo JF-Expert Member

    #3
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Amini usiamini mimi mada kama hii siipendi maana naona ni ya kichochezi. Lakini ninachoogopa zaidi ni kama imani kama hizi zinasambazwa athari yake itakuwa mbaya zaidi. Mimi sijawahi kufundishwa kuwa waislamu walisababisha utumwa bali waarabu ndiyo waliohusika. Hawa walianza hiyo biashara hata kabla uislamu haujaiingia uarabuni. Sijawahi kufundishwa mahali popote kuwa dini ya kiislamu ndiyo iliyowatuma kuingia kwenye hii biashara. Sijawahi kuambiwa kuwa misikiti ilitumika katika hii biashara. Ninachojua na kushudia hasa baada ya kwenda Bagamoyo na Mikindani na Kilwa ni kuwa biashara hii iliendeshwa na jamii zenye asili ya uarabuni zikishirikiana na baadhi ya makabila yetu. Leo mtu kukana na kujaribu kugeuza kibao na kudai watumwa waliuzwa makanisani (kanisa lililojengwa baada ya utumwa kupigwa marufuku) inatupeleka vibaya. Huyu naamini anataka kutumia dini kupandikiza mbegu ya chuki. Huyu, naamini anastahili kukemewa kwa sauti kali na watu wote wenye nia njema. Kama vile mimi nitastahili kukemewa kama nitasema utumwa uliletwa na waislamu nchini mwetu. Lakini kama kuna mwenzangu ana ushahidi kuwa biashara ya utumwa hapa kwetu iliendeshwa kweli na wakristu aseme na atoe mifano hai. Tunapoanza kutetea uovu kwa sababu aliyesema au aliyesema ni mwenzetu kikabila au kidini ndio mwanzo wa mwisho wa jamii yetu.
     
  4. zomba

    zomba JF-Expert Member

    #4
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Fundi Mchundo, mimi unanishangaza unapotowa thread mpya ya mada ambayo wewe mwenyewe ulikuwa unaijadili kwenye Dini/imani,sijuwi kwanini umekusudia kuchomowa na kuileta huku, simply nadhani hoja za kule zimekushinda na sasa unatafuta support na kuchonganisha watu wasiopitia kule, naomba irudishe hii mada kule kwani hoja hazijesha na mjadala unaendelea.
    http://www.jamboforums.com/forumdisplay.php?f=24
     
  5. F

    Fundi Mchundo JF-Expert Member

    #5
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Nimeitoa kule kwa sababu katika kivuli cha kuwa watu hawapiti kule hoja za kichonganishi kama hizi zimekuwa zikiendekezwa( Kanisa kutetea ubakaji ni nyingine kama hii). Kwani mlipoianzisha kule mlikusudia kuwachonganisha baadhi tu ya watu? Mnaogopa nini kama jumuia nzima ikiweza kuona tulichokuwa tunajadili? Si kila wakati ulikuwa unasema nianzishe thread yangu? Sasa nimeanzisha palipokuwa wazi zaidi na kama kweli unaamini ulichokuwa unachokisema, basi tetea msimamo wako.

    Nyinyi mnafanya masihara na hoja kama hizi lakini ni maneno ya kipuuzi kama haya ndiyo yaliopelekea ndugu zetu wakikuyu, wajaluo na wakalenjin kuanza kuchinjana. Chuki zilianza kupandikizwa zamani tu kwa kutumia historia. Unapotetea uongo dhahiri dhidi ya mwenzako kwa misingi ya dini nitaamini vipi kwamba siku utakapoamriwa na mwenzako kunidhuru hautafanya hivyo bila kuangalia kuwa tulikuwa tunacheza chandimu pamoja?

    Ninachopinga hapa ni upotoshaji wa historia kukidhi mahitaji ya kidini. Watu wote tunajua utumwa ulianzaje hapa kwetu, watu wote tunajua biashara ya utumwa ilipigwa marufuku lini nchini Zanziba (mwaka 1873 na Sultan Bharghash), wote tunajua Kanisa Kuu la Kianglikana Mkunazini lilijengwa lini (1873 hadi 1880), wote tunajua Kanisa la Kikatoliki Zanziba lilijengwa lini (msingi uliwekwa mwaka 1896 na misa ya kwanza ilifanyika krismasi 1898)! Sasa kwa nini wewe ambaye unadai ni ndugu yangu anapokuja mtu ambae anajaribu kuni'demonise' hauamki ukanitetea? Kwa nini unaona uzito kusema kuwa biashara ya utumwa haikufanyika kutoka kwenye kanisa la kianglikana mkunazini kwa sababu lilijengwa baada ya biashara hiyo kupigwa marufuku? Hii ni historia iliyo wazi na bado inakushinda kuizungumzia. Hapana, kuna haja ya kuung'oa mzizi wa fitina kabla haujaota matawi.

    Tukumbuke kuwa hii ni world wide web na unapotoa mada kama hizi ni kuwa umezileta kwa ulimwengu wote. Unapolumbana na Fundi, malumbano hayo yako wazi na yeyote mwenye access na internet. effect ya maneno yako ni kubwa kuliko unavyodhania. Tuwe waangalifu na kile tukisemacho.
     
  6. F

    Fundi Mchundo JF-Expert Member

    #6
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Kwa wale wanaotaka kupinga kuwa soko la watumwa kweli lilikuwepo Unguja hiyo hapo ni taarifa kutoka gazeti moja la wakati huo.
     
  7. zomba

    zomba JF-Expert Member

    #7
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Huo ni ubishi usio na mpango, mambo ya dini yawachw kule kwenye dini na imani.

    Mimi nimekuambia mara nyingi uanzishe thread mpya unapochanganya mada, sasa hii kama unataka ijibiwe hapa ungeihamisha na majibu yote uliyopewa kule, sio unakatakata unayoyataka wewe. kajibu hoja kule, wacha kuzunguka-zunguka wakati huna majibu kutoka kwenye biblia.
     
  8. F

    Fundi Mchundo JF-Expert Member

    #8
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Wewe ndiye unayetaka kuingiza dini humu. Hoja yangu hapa ni ndogo tuu: hiyo biashara ya utumwa ililetwa na nani hapa kwetu? Dini imeingiaje hapo? Kama haujui nani aliileta si unyamaze tu. Wasi wasi wako wa nini?
     
  9. zomba

    zomba JF-Expert Member

    #9
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Jibu la hilo pia ulishapewa kule. Lakini kwa kuwa unakazania kujibiwa tena ni hili hapa:

    1)Church apologises for slave trade
    Dr Rowan Williams
    Dr Rowan Williams says the apology is 'necessary'
    The Church of England has voted to apologise to the descendants of victims of the slave trade.

    An amendment "recognising the damage done" to those enslaved was backed overwhelmingly by the General Synod.
    link: http://news.bbc.co.uk/1/hi/uk/4694896.stm

    2)Church considers slavery payments
    Dr Rowan Williams on the Walk of Witness
    Dr Williams took part in a procession marking the bicentenary
    The Church of England is considering whether it should pay reparations for its role in the slave trade, the Archbishop of Canterbury has said.
    link: http://news.bbc.co.uk/1/hi/uk/6494243.stm

    3)The church's admission follows similar apologies by the late Pope John Paul II for the historic transgressions of the Roman Catholic church, its anti-semitism and the Inquisition.

    Speakers in the synod debate acknowledged that the church had played its part in justifying slavery during the long campaign by William Wilberforce and others such as the former slave ship captain turned minister John Newton, composer of the hymn Amazing Grace, to secure its abolition. Wilberforce brought bills before parliament for 20 successive years until legislation to abolish the trade was passed.
    link: http://www.guardian.co.uk/religion/S...705628,00.html


    Sasa ikiwa kanisa lenyewe linakubali lilijuhusisha na biashara ya utumwa wewe vipi unalitetea? mimi nakushangaa sana.

    Sasa bado unataka liendelee kujadiliwa hapa au utalirudisha kule? mimi naona liuhusiano mkubwa na dini na si kama unavyotaka kupinda-pinda.
     
  10. zomba

    zomba JF-Expert Member

    #10
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    haya umeridhika? au bado? Rudi kwenye bada ukatowe hoja, usikimbie, mpaka kieleweke "Utumwa ndani ya Biblia au Quran?" ndio mada ilyokuwa inajadiliwa sasa nini kinakukimbiza? maliza kule kwanza.
     
  11. F

    Fundi Mchundo JF-Expert Member

    #11
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Kwa hiyo kwa imani yako ni kuwa biashara ya utumwa hapa kwetu Tanganyika ililetwa na wazungu? Waarabu hawakuhusika kabisa na biashara hiyo?
     
  12. zomba

    zomba JF-Expert Member

    #12
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Na swali lako hilo pia lilishajibiwa soma :


    Haya rudi ukajibu mada, wacha kuruka-ruka.
     
  13. F

    Fundi Mchundo JF-Expert Member

    #13
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Sasa huyu atahesabika mwafrika au mwarabu? Kumbuka waswahili wengi walijihesabu kuwa wao ni waarabu kutokana na kuwa na damu ya kiarabu. Kwa mfano huko Zanziba mpaka sasa wale wanaoitwa waarabu wana damu za kiafrika. Salim Ahmed Salim akiwa ni mfano. Swali langu linabaki pale pale, je waarabu kutoka Omani walihusika na biashara ya utumwa Afrika mashariki? Lile Soko la watumwa unguja lilianzishwa chini ya mamlaka ya nani?
     
  14. F

    Fundi Mchundo JF-Expert Member

    #14
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Nilishajitoa kwenye kujadili mada zako za kichonganishi. Siwezi kupoteza wakati wangu kujadiliana na mtu anayedai kuwa biblia linaruhusu ubakaji! Kuna nini cha kujadili hapo? Hapa naongelea historia inayonihusu mimi kama mwafrika. Biashara ya utumwa ni sehemu kubwa ya historia yetu.
     
  15. F

    Fundi Mchundo JF-Expert Member

    #15
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Hii inahusiana nini na uarabu? Na mada hii? Au kwa vile jamaa jina lake lilikuwa Negrelli? Unaielewa kweli hiyo lugha unayoitumia?

    Bado unataka nijadiliane nawe wakati majibu yako ndiyo kama hivi!
     
  16. F

    Fundi Mchundo JF-Expert Member

    #16
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Biashara ya utumwa ilipigwa marufuku mwaka 1873. Kanisa hilo lilijengwa kati ya mwaka 1873 hadi 1880. Hayo mashimo unayozungumzia ni sehemu ya kumbukumbu kama vile kujenga altare palipokuwa mti walipofungiwa, kuchapwa na kunadiwa watumwa. Hayo mashimo hayajawahi kutumika kuhifadhia watumwa wakati wa uhai wa kanisa hilo. Huu ndio upotoshaji ninaouzungumzia.
     
  17. zomba

    zomba JF-Expert Member

    #17
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Hiyo post yako inakusuta na ku-confirm, kuwa utumwa hauna kabila. Si nilikwambia Tipu Tipu asikustuwe si mwarabu, sasa soma hyo paste yako mwanzo tuu, inasemaje.

    kuhusu usemi wako wa biblia kuruhusu ubakaji naomba rudi kwenye dini ukasome aya za biblia ulizopewa na useme zinaruhusu au zinakataza. Usililete hapa.

    Tatizo lako kubwa. unatafuta ku-blame vitu vya kufikirika na hutaki kuukubali ukweli, pindi utakapoanza kuwacha kujidanganya nafsi yako na kuuona ukweli kama ulivyo, ndio utaacha kublame hovyo.

    Huna cha kupinga ukweli uwe kwenye biblia au uwe kwenye historia. Huwezi kupindisha kitu.

    Q.2:42. Wala msichanganye kweli na uwongo na mkaificha kweli nanyi mnajua
     
  18. zomba

    zomba JF-Expert Member

    #18
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    unauhakika na unalolisema?
     
  19. zomba

    zomba JF-Expert Member

    #19
    Feb 4, 2008
    Joined: Nov 27, 2007
    Messages: 17,082
    Likes Received: 9
    Trophy Points: 0
    Hiyo nilikuwa nakuonyesha ni lini arabian peninsular na afrika imewachanishwa. Nilikuwa nakufahamisha kuwa ubaguzi wa Uafrika na Uarabu haukuwepo geographically mpka hapo ulipoanzishwa na wazungu1

    Tofauti ya Uafrika na uArabu haikuwepo kabisa kwenye hili bara linaloitwa Afrika (na lenyewe hilo ni neno la kiarabu). Nilikuwa najaribu kukufahamisha kuwa mpaka hii leo Wa-"Arabu" (linguistically) ni wengi zaidi Afrika (continent) kuliko Asia na niwengi kuliko unavyofikiria.

    Sijuwi umeelewa au unakurupuka tu?
     
  20. F

    Fundi Mchundo JF-Expert Member

    #20
    Feb 4, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Kwa hiyo unachotaka kusema ni kuwa bara la urabu na afrika vilikuwa vimeungana kabla ya huyo mzungu kujenga hiyo Suez Canal? Hiyo Red Sea kwa hiyo ilikuwa ziwa? Unataka kuwa sisi wote ni waarabu au waarabu wote ni waafrika?Unataka kuniambia kuwa hao ndugu zetu waliotokea Omani hawakujihusisha kabisa na biashara ya utumwa. Waliojihusisha walikuwa waafrika kama Tippu Tip? Tippu Tip ambaye baba yake alikuwa mswahili( mwenye damu ya kiarabu na mama muarabu kutoka ukoo wa kifalme). Si ndiyo maana nilikuleta hapa ili ujionyeshe ignorance yako!
     
Loading...