RealTz77
JF-Expert Member
- May 18, 2009
- 738
- 40
Nawasalimu wakuu woote wana JF. Mwenzenu nimepata kamshiko kama 8m sasa ninataka ninunue bajaj najua hapa mjini Dar zinatumika sana, naomba kwa yeyote mwenye uzoefu anisaidie ni Shs ngapi dereva anatakiwa alete kwa siku au week? Nashukuru naelewa humu ndani wapo wengi wanaofanya hii biashara. Je, is it worth?
Asanteni sana, nasubiri majibu hapo chini.
WADAU WENGINE WANAOHITAJI UELEWA WA BIASHARA HII
Ndgu wadau mimi n mkaz wa jiji la Mwanza ktk hali ya kutaka kujikwamua kiuchumi nimedhamiria kuanza biashara ya kusafirisha abiria kwa usafiri wa bajaji. Kwa hali hiyo kwa wenye uzoefu naomba msaada wa mambo yafuatayo:
1. Naomba kufahamu bei halisi ya kununua bajaji mpya.
2. Tahadhari muhimu za kuchukua/kuzngatia pindi naponunua bajaji mpya
3. Naomba kufahamu taratibu muhimu za kufuata kabla ya kuanza biashara hii.
4. Changamoto za biashara hii.
5. Ushaur juu ya mahali panapolipa zaid kwa wenye uzoefu na mazingira ya jiji la Mwanza
6. Ushauri kuhusu mengineyo.
Natanguliza shukran zangu kwa wote mtakao amua kutumia muda wenu kunisaidia kimawazo ktk harakat zangu hizi.
Habari zenu humu ndani,
Mimi ni mfanya biashara mdogo na sina muda mrefu tangu nianze biashara, najihusisha zaidi na biashara ya suti za kike ambazo naziuzia mkononi,sina duka ila natafuta wateja maofisini na sehemu mbalimbali nawapelekea, sasa nimepata hela kama 11millioni nafikiria kununua bajaji moja na bodaboda moja ili niziweke katika biashara sijui mnanishaurije katika hili je zinalipa?
Au ni biashara gani naweza kuanzisha ambayo itaniingizia faida nzuri?
mpango wangu ni kuwa nataka biashara ya suti ijiendeshe yenyewe na mtaji ukuwe kutokana na faida inayopatikana kwenye suti ndio maana hiyo hela nataka niifanyie biashara nyingine.
Sijui nimeeleweka?
Ahasanteni sana nathamini sana michango yenu.
MICHANGO YA WADAU
MAMBO YA MUHIMU KUZINGATIA
Hii biashara ni nzuri lakini ina changamoto zake kama zilivyo biashara nyingine. Kwa kifupi nikupa yale machache ambayo ni ya kuzingatia katika hii biashara.
1. Hakikisha chombo kinalala kwako, maana usipofanya hivyo madereva wa bajaj wana kawaida ya kukifanyisha chombo kazi kwa muda wa saa zote 24 za siku kwa utaratibu wa kuwaachia deiwaka. Halafu wewe anakuletea Tsh 15000 tu, wakati unaweza kukuta wametengeneza hadi Tsh 70,000 (Kama siku ikiwa nzuri sana) kwa siku.
2. Hakikisha unasimamia service na uwe na rekodi ya siku unayofanya service maana usipofanya hivyo, kuna uwezekano ukaambiwa kuna service imefanyika ilipe utoe hela wakati hakuna kilichofanyika. Hii inaweza kufanya chombo kikachoka haraka hadi ukashangazwa.
3. Kama huna utaalamu hata kidogo na mambo vyombo vya moto, sikushauri hata kidogo kununua bajaj zilizotumika maana utatumia hela nyingi sana kulipa mafundi na kununua spea. Ni vizuri ununue vyombo vipya na pia usikae navyo sana, fanyia kazi si kwa zaidi ya miaka miwili, uza na ununue vingine.
4. Usiwachekee kabisa hao madereva kwenye masuala ya hesabu maana hawachelewi kukuletea stori za biashara mbaya wakati wakipiga hela hawakuongezi hata sh 100 kwenye hesabu yako. Kama biashara mbaya weka deni, siku zijazo wajazie hiyo hesabu.
KUWA MAKINI. TAFUTA DEREVA MWAMINIFUNgoja nikujibu
1. Asilimia kubwa anapata dereva anakusanya 50000/= anakupa 20000/=
Kusema kwamba asilimia kubwa anapata Dereva na kumpangia hesabu anayopata yeye wakati yeye yupo njiani na wewe upo nyumbani.
Sasa we kwa akili yako ya kijani unafikiria kwamba anachokipata yeye na kwa juhudi zake kubwa za kufanyakazi katika mazingira magum ndio mgawe sawa?
We si umesign mkataba? Na mikataba yote kwa wazoefu wa Biashara na hesabu za Tajiri zinafahamika.
Hii ni sawa na Daladala, huwezi kusema eti wanachopata wafanyakazi kikubwa kuliko chako, wakati wenzio wote ndio wanavyofanya, mbona siku ya hasara hamsemi mgawe hasara pamoja.
Nakuonea huruma sana kwamba kasi ye maendelea ya dunia ya sasa katika biashara na maisha kwa ujumla imekuacha mbali sana.
2. Ni lazima umuachie makusanyo siku mbili tatu ili aifanyie service ya uhakika, ukiwa mbishi itafanywa tambala bovu. Service mara mbili kwa mwez, au moja, mbili ni bora zaidi
Hesabu inafahamika kwa wiki na kuna siku inaachwa. Na kwa kukushauri tu ni kwamba Services ya Bajaji ni miongoni mwa Services zinazotumia dakika kadhaa tu kumaliza.
3. Asilimia 90 Hazirejeshi bei ya manunuzi. Buni bisahara tofauti
Hapa ndio nimekuona kwamba umezaliwa kwa bahati mbaya na unaishi kwa makusudi. Bajaji, bodaboda zote zinarejesha pesa yake kwa asilimia 100.
Kuna mdada mmoja anazo Bodaboda 26, na alianza na mbili, na ndio ile miaka ya mwanzo zinaanza.
Lei hii akienda bank kuweka pesa ni heshima.Tena Mdada mdogo tu. Na alipohojiwa kwenye Tv anakuambia changamoto za kawaida sana kama ukijitoa.
Mzalendo. Wewe timiza ndoto zako, nunua mpe Driver upate hesabu yako na ndani ya mwaka pesa imerudi.
Na Bajaji unatumia zaidi ya mwaka mmoja. Kuchoka kwa chombo cha moto ni matunzo yako tu.
Inapotokea kasoro basi irekebishe mapema kabla haijawa kubwa.Muhim ni kutafuta sehem ambayo utamuambia Driver wako atakuwa akipeleka kwa ajili ya Service. Maana hivi ni kama Pikipiki tu,s asa baadhi ya Drivers hujifanya kufanya services kivyao na Oil hizi za mitaani zilizokuwa na kiwango duni sana.
Kila la Kheir and Stay blessed
UZOEFU WANGU
Mimi nafanya hiyo biashara, na mpk sasa ninazo mbili! inalipa sana hapa town ila kwa njia ya mkataba otherwise itakutesa kama huyo mkuu hapo aliyekua anachukua 15 kwa siku!
Ni hivi: mkataba huwa ni miez kumi na 8 (mwaka na nusu) na kwa siku kipande ni elfu 20 na anakupa kwa wik = laki na 40/- kwa mwez ( x 4 = 560,000/-) kwa mwaka na nusu itakua 560,000 x 18 = tshs 10080000/-
Kuhusu matengenezo huduma zote za kawaida anafanya dereva icpokua huduma kubwa kubwa tu ndo utahusika tena kwa kushea gharama na dereva!
Kuhusu ipi ni bora' kwa mkataba bora piagio siyo TVS
Kwann piagio? Kwasababu inanafas kubwa ya abiria kukaa na mizigo pia ukilinganisha na TVS
Tvs ni nzuri kwa mtu anaefanya biashara bila mkataba kwasababu ikimrudishia hela ni rahis kuiuza (inauzika kirahis/inasoko kubwa) na hii ni kwasababu ziliwah kuingia hapa bongo kabla ya piagio)
Uimara wa chombo uko mikonon mwa dereva! ila piagio sina shaka nazo kwenye uimara!
Nin faida ya kuingia mkataba?
1/ Bajaj haihitaj uangaliz mkubwa kwasabab dereva anajua baada ya miez kumi na 8 bajaj ni yake! ( hawez kuitumia roughLy)
2/ Ni win-win project yaan wote wanufaika dereva na boss pia hivyo bas haitakua kaz ngumu kumpata dereva
3/ Huduma za mara kwa mara hazitakuepo mana anakua anaiendesha kwa uangalifu mfano, hata *dei waka huwa hawatoi hawa madereva wa mikataba na kama ikitokea service anamaliza mwenyewe unLess iwe kubwa na pia mtashea gharama!
4/ Payback period ni kubwa kwa muda mfupi..
ANGALIZO>> usisahau kukatia BIMA bajaj yako tena BIMA kubwa! ili uondokane na stress inapokua barabarani!
NI BIASHARA YENYE FAIDA
Nakushauri ufanye hiyo biashara kwa kuwa ni profitable. Mimi pia ninafanya hiyo biashara na mpaka sasa ninazo mbili. Three-wheeler nzuri ni TVS King maana inadumu kwa muda mrefu na pia ni rahisi kupata spare zake na bei nafuu ukilinganisha na aina nyingine za Three-wheelers.
Mimi 'Bajaj' zangu kwa siku hesabu ni sh 20,000 each so kwa mwezi inanipa sh 600,000 kwa kila moja (hapo excluding services). Bajaj kwa mwezi zinafanya service mara mbili ili ziendelee kuwa na hali nzuri na esttimation ya service ni sh 22,000 so kwa mwezi gharama inakuwa sh 44,000-45,000.
Hakikisha unakuwa na kijana anayeeleweka maana huyu ndio a 'secret' ya mafanikio yako, chukua kijana mwenye 'commitment' hapo hutapata usumbufu sana. Pia hakikisha Bajaj yako ina vibali vyote ili usiwe unapoteza hesabu yako kwa kudanganya kuwa amekamatwa na traffic imebidi ampe hesabu yako, vibali ni SUMATRA, Insurance na Road licence (Road licence unalipia once tu maana serikali imetoa msamaha kwa Bajaj na pikipiki kwenye hili). I hope nimeweza kukusaidia kwa kiasi chake.
P.S Sehemu nyingine, mfano Africana njia ya chini hesabu ni sh 25,000 kwa siku so inategemea na location pia mkuu.
Nkondo 2
AINA ZA BAJAJI, CHANGAMOTO NA USHAURI
1. Naomba kufahamu bei halisi ya kununua bajaji mpya.
TVS-7.3M na RE BAJAJ-7M
2. Tahadhar muhimu za kuchukua/kuzngatia pindi naponunua bajaji mpya.
- Nunua mpya usichukue second hand
- Umesema unatokea Mwanza, kwa jiografia ya huo mji chukua RE-BAJAJ hizi zina nguvu lakini sio fuel efficiency, spare parts zake ni ghali compared to TVS KING
3. Naomba kufahamu taratibu muhimu za kufuata kabla ya kuanza biashara hii.
- Tafuta dereva mzuri, huyu kumpata unaweza fanya uchunguzi kupitia watu wanaoendesha naye
- Ikatie comprehensive insuarance tumia bima ya CRDB ni 6% ya bei ya chombo
- Itengee akaunti special hela itakapokuwa inaingia
4. Changamoto za biashara hii
- Uaminifu wa madereva(hesabu)
- Ajali barabarani
- Service on time kufanya
- Matumizi ya spare original
6. Ushaur kuhusu mengineyo
- Hakikisha unachukua hela kwa siku, usikubali uchukue hela kwa week mtasumbuana na dereva
- Siku ya service hakikisha unakuwepo wewe/muwakilishi kujiridhisha vifaa vinavyowekwa ni Genuine
- Kuna makampuni yana jishughulisha na kufanya service, usipende sana mafundi wa mitaani kuibiwa njenje
- mzuie/muonye dereva kukitoa chombo kukoroga/day waka
- Ukinunua chombo waweza kaa nacho miezi hata 6-8 then kitoe kwa dereva kama mkataba ili kisikusumbue saana
wick
FANYA YAFUATAYO UTAIPENDA BIASHARA YA BAJAJI
Bei halisi ya bajaji ni 7mil
Insuarence, Sumatra na mambo mengine mpaka bajaji inaingia barabarani laki 4.
Sasa cha kufanya ni kutafuta dereva mzuri na mwenye mke na mtoto/ watoto ambaye anajua umuhimu wa kazi na familia. Huu ni uangalizo tu, unaweza kupata dereva bachelor na akawa mchapaka kazi
Total hapo juu ni 7.4 mil
Ingia na huyo dereva mkataba unaosema akifikisha mara 2 ya hiyo fedha ambayo ni 14.8 mil, bajaji inakuwa ya kwake. Hutahusika na kitu chochote, awe anakuletea hesabu ya 150,000 kwa wiki
Less na 2 yrs atakuwa keshakuletea hiyo 14.8mil, tena madereva wengine watakuwa wanakuletea zaidi ya hiyo hesabu ili amalize deni mapema.
Ukishafikisha 7.4mil unaenda kununua bajaji nyingine au huyo dereva akimaliza mkataba wake unamnunulia nyingine mkataba unaanza upya, ile bajaji ya zamani anampa dereva wa kwake anakuwa anamletea hesabu dereva wako au option 2 anaiuza anaanza kazi na hiyo mpya.
Dereva akishajua mwisho wa siku chombo kinakuja kuwa chake anakitunza.
Hizi ndio tunavyofanya Dar.
