Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Babu Samunge adai kuhujumiwa, atabiri kufurika tena watu Samunge

Discussion in 'Habari na Hoja mchanganyiko' started by kamalaika, Oct 18, 2011.

  1. k

    kamalaika Senior Member

    #1
    Oct 18, 2011
    Joined: Mar 16, 2007
    Messages: 181
    Likes Received: 2
    Trophy Points: 35
    Monday, 17 October 2011 21:32
    Mussa Juma,Samunge

    MCHUNGAJI Mstaafu wa Kanisa la Kiinjili la Kilutheri (KKKT), Ambilikile Masapila(76) ambaye, amekuwa akitoa tiba ya kikombe katika kijiji cha Samunge, amesema wateja wamepungua kwenda kwake kwa kuwa amefanyiwa hujuma.

    Msongamano wa magari Samunge sasa umekwisha, kati ya mwezi Januari hadi Juni mwaka huu, magari zaidi ya 500 yalifika Samunge kwa siku na maelfu ya wagonjwa, lakini sasa chini ya magari 15 yanakwenda kwa babu kwa siku. Magari mengi yanatoka nje ya nchi.


    Tofauti na miezi kadhaa, unapofika Samunge sasa idadi ya watu imepungua sana, wafanyabiashara wengi wameondoka, bei za vyakula zimerejea hali ya kawaida na kumuona Mchungaji Masapila hakuna urasimu.

    Akizungumza katika mahojiano maalum jana, huku akiwa bado anaendelea kulindwa na Ofisa Usalama wa Taifa, Mchungaji Masapila alisema kupungua kwa idadi ya Watanzania wanaofika Samunge kumetokana pia na desturi ya watanzania kuoneana wivu na kuchafuana tofauti na nchi jirani.

    Mchungaji Masapila licha ya kukiri kupokea taarifa za baadhi ya watu kutopona baada ya kunywa kikombe cha tiba, alisema kuna kundi la watu lilijipanga kudhoofisha huduma yake.

    "Ni kweli kuna watu walikunywa kikombe hawajapona, lakini hii ni tiba ya kiimani zaidi, wengi walikiri hawakufuata masharti,"alisema Masapila.

    Mchungaji Masapila alisema licha ya kufanyiwa hujuma kuna sababu kadhaa ambazo zinachangia Watanzania wengi kutofurika Samunge kwa sasa.Anasema miongoni mwa sababu hizo ni kuwa watanzania wengi wenye uwezo wakiwamo viongozi wa Serikali wamekunywa kikombe tayari na hivyo wamebaki watu masikini ambao hawawezi kugharamia safari ya kufika Samunge.

    Mchungaji Masapila pia alisema baadhi ya magazeti yalipotosha tiba yake na kusababisha watu wengi kutokwenda Samunge.Awali gharama za usafiri kutoka Arusha mpaka Samunge zilikuwa kati ya Sh150,000 na 100,000 na sasa zimerejea hadi kati ya Sh50,000 na Sh20,000 pia gharama ya mahema Samunge ilikuwa kati ya Sh50,000 mpaka Sh10,000 na sasa imebaki kati ya Sh10,000 na Sh 5,000.

    Uwezo wa tiba yake
    Mchungaji Masapila bado alisisitiza tiba ya kikombe cha dawa inayotokana na mizizi ya mti wa Mugariga inatibu magonjwa sugu kwani Mungu hawezi kumwotesha tiba isiyo sahihi."Mimi naamini hii ni tiba kwani kuna ambao wamepona na wengine hawajapona na hii inatokana tu na kufuata masharti au imani yao,"alisema Masapila.


    Kikombe bado ni kimoja hakuna kurudia
    Mchungaji Masapila alisema watu ambao hawajapona, wamekuwa wakimpigia simu kutaka kurejea kupata kikombe kingine, lakini amewaeleza kuwa wanapaswa kunywa kikombe kimoja tu na ambao hawajapona wanafanyiwa maombi.

    "Kikombe nimeelezwa ni kimoja tu, sasa siwezi kusema vinginevyo labda nipate maelekezo mengine kutoka kwa Mungu, ila ambao wananipigia simu naomba majina yao nay a wagonjwa ili niwaombee,"alisema Masapila.


    Licha ya watu wachache kufika Samunge kwa sasa, mchungaji Masapila bado anaendelea na mpango wa ujenzi wa kituo kipya cha tiba ambacho alieleza kuoteshwa ahamie.

    Masapila alisema tayari amenunua vifaa vya kupeleka maji katika eneo lipya vyenye thamani ya Sh7 milioni.


    Atabiri kufurika tena watu Samunge
    Mchungaji Masapila alisema bado anaoneshwa kuna watu watafurika tena Samunge kama ilivyokuwa awali.
    "Hata mwanzo nilikuwa nawaeleza watu hapa kuwa wataona magari na mamia ya watu Samunge hawakuamini na wakaona pia wataona tena,"alisema Masapila.Hata hivyo, hakufafanua ni lini watu hao watafurika Samunge na watakwenda kutibiwa magonjwa gani.

    Anunua magari ya kusaidia tiba akamilisha ujenzi wa nyumba yake.Katika kuhakikisha tiba ambayo inatoa inaendelea kuwa endelevu, Mchungaji Masapila amenunua gari aina ya Isuzu na Toyota Landcrusser kwa ajili ya kufuata dawa porini."Ni kweli nimenunua magari mawili ili yatoe huduma kwa kuwa siku hizi dawa zinapatikana mbali,"alisema Masapila.

    Mchungaji Masapila ameishukuru Serikali kwa kuendelea kumuunga mkono na kumpa ulinzi jambo ambalo linaendelea kumpa moyo."Naishukuru sana serikali wakati wote wamenipa ushirikiano mkubwa na bado wanaendelea,"alisema Masapila.


    Source: Gazeti la Mwananchi
     
  2. nyabhingi

    nyabhingi JF-Expert Member

    #2
    Oct 18, 2011
    Joined: Oct 12, 2010
    Messages: 8,912
    Likes Received: 1,373
    Trophy Points: 280
    akaunti yake inasoma kati ya 600m au 500m..what would you want more???kama ameoteshwa na Mungu mawazo ya anahujumiwa yanatoka wapi??nina shaka na upako wake kama kweli kasema maneno haya...
     
  3. prakatatumba

    prakatatumba JF-Expert Member

    #3
    Oct 18, 2011
    Joined: Oct 17, 2011
    Messages: 1,340
    Likes Received: 5
    Trophy Points: 135
    Hana jipya,naye magamba muhujumu watanzania,kama watu wamekosa imani naye analazimisha waende,anataka kujitoa kwenye magazeti ili arudi kwenye ramani,jamaa mjanja huyu utasikia nimeoteshwa tena unaweza kurudia kikombe,aliyowadaka ndyo hao hao,aendelee kuwadanganya wageni,watanzania tupo kwenye mikakati ya kuwaondoa magamba,
     
  4. KALYOVATIPI

    KALYOVATIPI JF-Expert Member

    #4
    Oct 18, 2011
    Joined: Aug 11, 2011
    Messages: 1,418
    Likes Received: 6
    Trophy Points: 0
    babu katoka uzeeni kweli maisha usikate tamaa
     
  5. Mzee

    Mzee JF-Expert Member

    #5
    Oct 18, 2011
    Joined: Feb 2, 2011
    Messages: 11,592
    Likes Received: 1,319
    Trophy Points: 280
    Huyu mzee ni muuaji.
     
  6. Ms Judith

    Ms Judith JF-Expert Member

    #6
    Oct 18, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    utukufu na uweza vina Yeye aketiye juu ya Kiti cha Enzi na Mwana Kondoo

    Jina la Bwana Libarikiwe!
     
  7. FaizaFoxy

    FaizaFoxy JF-Expert Member

    #7
    Oct 18, 2011
    Joined: Apr 13, 2011
    Messages: 50,411
    Likes Received: 9,113
    Trophy Points: 280
    He made millions if not billions, he generated businesses for many others, anastahili sifa ya ufanya biashara lakini si ya tiba. Waliokwenda wengi wamekufa na hakuna hata mmoja aliyepona. Ukweli ubaki kuwa ukweli.
     
  8. G

    Gambus New Member

    #8
    Oct 18, 2011
    Joined: Oct 18, 2011
    Messages: 4
    Likes Received: 0
    Trophy Points: 0
    Mashaka yake yanaonyesha jinsi tiba yake ilivyo na utata!kama mungu yupo upande wake anatapatapa nini?hii inaonyesha jinsi alivyo muongo!
     
  9. SnowBall

    SnowBall JF-Expert Member

    #9
    Oct 18, 2011
    Joined: Sep 13, 2011
    Messages: 3,067
    Likes Received: 14
    Trophy Points: 135
    Babu alikuwa Mjasiriamali ...
    Tangu mwanzao mimi nilishastuka..tiba gani ya mwenyezi Mungu ..ina masharti kibaoooo..
    mfano ..alikuwa anasema watu wasivuruge foleni..lakini wakija mawaziri..ruksa..
    kashapiga mpunga..yeye atulie tu!!!..bahati haiji mara mbili!!!
     
  10. CAMARADERIE

    CAMARADERIE JF-Expert Member

    #10
    Oct 18, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Alimtoa mwanawe kafara huyu......
     
  11. mysteryman

    mysteryman JF-Expert Member

    #11
    Oct 18, 2011
    Joined: Aug 4, 2011
    Messages: 987
    Likes Received: 1
    Trophy Points: 0
    Hehehe babu kamiss jero jero hana lolote
     
  12. LiverpoolFC

    LiverpoolFC JF-Expert Member

    #12
    Oct 18, 2011
    Joined: Apr 12, 2011
    Messages: 10,956
    Likes Received: 78
    Trophy Points: 145
    Duh! Kumbe bado watu wanaendaga tu????
     
  13. Ziroseventytwo

    Ziroseventytwo JF-Expert Member

    #13
    Oct 18, 2011
    Joined: Mar 27, 2011
    Messages: 2,849
    Likes Received: 602
    Trophy Points: 280
    Tatizo la wabongo, ukitaka kumwibia mtangulizie neno "MUNGU" mfan6 mzuri ni huyu babu wa samunge. Na watu walioibiwa na "Deci" kwa kutumia mgongo wa kanisa!.wajinga ndo waliwao! Poleni
     
  14. Invarbrass

    Invarbrass JF-Expert Member

    #14
    Oct 18, 2011
    Joined: Feb 25, 2011
    Messages: 505
    Likes Received: 3
    Trophy Points: 35
    Wanamuonea wivu? ebo nilidhani wagonjwa wanamuitaji babu kumbe babu ndo awahitaji wagonjwa. Asante babu kwa kufunguka. Indeed time do tell.
     
Loading...