Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

'Baadhi ya wabunge CCM wanafiki'

Discussion in 'Jukwaa la Siasa' started by Mtu wa Pwani, Jan 24, 2008.

  1. Mtu wa Pwani

    Mtu wa Pwani JF-Expert Member

    #1
    Jan 24, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    'Baadhi ya wabunge CCM wanafiki'
    Na Mwandishi Wetu

    MFANYABIASHARA maarufu wa Zanzibar, Bw. Mohammed Raza, amesema unafiki wa baadhi ya wabunge wa CCM katika kuzungumzia mambo yenye maslahi kwa umma, unatoa nafasi kwa wapinzani wanaozungumza ukweli kung'ara katika medani ya kisiasa.

    Bw. Raza ambaye pia ni kada wa CCM, amesema kashfa ya ufisadi iliyoikumba Benki Kuu ya Tanzania (BoT), ni mfano mzuri ambao baadhi ya wabunge wa CCM, walitaka kuifunika, lakini wa upinzani, wakaianika.

    Alisema hayo jana Dar es Salaam, alipokuwa akizungumza na Majira, kuhusu kashfa ya ufisadi wa mabilioni ya fedha, ulioikumba BoT.

    "Wabunge wa CCM wafike mahali pa kuzungumza ukweli kwa mambo yanayohusu maslahi ya umma, waache unafiki unaosababisha wapinzani kung'ara kisiasa kutokana na kuzungumza ukweli na mfano ni huu wa kashfa ya ufisadi ndani ya BoT," alisema Bw. Raza.

    Alisema wabunge wa CCM wana wajibu wa kumsaidia Rais Jakaya Kikwete, kwa kumweleza mambo ya ukweli yanayohusu wananchi na Taifa lao kwa jumla.

    "Wanapaswa (wabunge) kujua, kwamba uongo wao kwa wananchi, unakigharimu chama chetu kwa kukimbiwa na wanachama wanaotaka kusikia ukweli," alisisitiza.

    Katika mazungumzo yake, Bw. Raza alimpongeza Rais Kikwete kwa kuchukua hatua za ujasiri katika kushughulikia ufisadi ulioikumba BoT.


    "Rais Kikwete amefanya kitendo cha ujasiri mkubwa mno katika kushughulikia kashfa hii ya ufisadi ndani ya BoT, kwa hakika ameirejeshea Tanzania heshima yake," alinena Bw. Raza.

    Alisema kwa hatua hiyo, Rais Kikwete ameonesha jinsi Serikali yake inavyosikia vilio vya raia wake hasa katika mambo ya msingi.

    Mfanyabiashara huyo alisema hata hivyo, kashfa hiyo, isielekezwe kwa Dkt. Daud Balali peke yake, kwa sababu inahusisha watu wengi.

    Pia aliishauri Serikali kushughulikia matatizo ya kiuchumi, ili kuwawezesha wananchi kuishi maisha yanayoridhisha.

    "Hali ya maisha ya wananchi walio wengi ni mbaya kwa kweli na hilo linatokea wakati wachache wanaishi maisha ya kifahari sana," alisema.

    Kuhusu ghasia zilizoikumba Kenya, Bw. Raza alisema wakati umefika kwa Rais Mwai Kibaki, kujiuzulu ili kuirejesha nchi hiyo katika amani na utulivu.

    "Kibaki anajua kuwa mshindi katika uchaguzi wa Kenya ni Raila Odinga na chama chake cha ODM, iweje yeye sasa anataka kung'ang'ania kiti kile wakati hakushinda," alisema.

    Alisema litakuwa jambo la burasa kama Rais Kibaki kwa kuzingatia umri wake, ataamua kumpisha Bw. Odinga kuongoza Kenya, hatua ambayo alisema itamaliza mvutano na mauaji ya watu wasiokuwa na hatia.
     
  2. M

    Mwafrika wa Kike JF-Expert Member

    #2
    Jan 24, 2008
    Joined: Jul 5, 2007
    Messages: 5,195
    Likes Received: 7
    Trophy Points: 0
    Mtu wa Pwani,

    Huyu Raza anatafuta ugomvi na Kingunge Ngombale na vigogo wengine ndani ya ccm?

    CCM na ufisadi ni watoto mapacha, ukianza kupondea ufisadi ukiwa ndani ya ccm basi siku zako zinaanza kuhesabiwa.
     
  3. Kibunango

    Kibunango JF-Expert Member

    #3
    Jan 24, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Raza nimekusikia sana, Sidhani kama Kibaki anajua kuwa Raila ndie Mshindi...
     
  4. Mushobozi

    Mushobozi JF-Expert Member

    #4
    Jan 24, 2008
    Joined: Aug 20, 2007
    Messages: 534
    Likes Received: 3
    Trophy Points: 35
    sio baadhi, bali ni wote. nitajie wa sisiem asiyekuwa mnafiki. na ni wezi wakubwa ambao wanaona ufisadi ukiendelea ila wanaubariki kwa kuupigia kula. mimi hata mbunge wangu sina hamu naye na atakuwa na kibarua kigumu kuniridhisha ni jitihada gani alifanya baada ya ufisadi kuonekana unaendelea.
     
  5. BAK

    BAK JF-Expert Member

    #5
    Jan 24, 2008
    Joined: Feb 11, 2007
    Messages: 49,973
    Likes Received: 9,611
    Trophy Points: 280
    Wote tu ni wanafiki wakubwa kabisa si tu hawastahili kuwa wabunge bali hata mabalozi wa nyumba kumi kumi. Walichoweka mbele ni maslahi yao na ya CCM hata kama kufanya hivyo ni kuiangamiza Tanzania.
     
  6. Chakaza

    Chakaza JF-Expert Member

    #6
    Jan 24, 2008
    Joined: Mar 10, 2007
    Messages: 18,595
    Likes Received: 9,151
    Trophy Points: 280
    Hata Raza ndio walewale tuu,Hizo ni kauli za kutafuta pa 'kutokea'kisiasa.
     
  7. Mtu wa Pwani

    Mtu wa Pwani JF-Expert Member

    #7
    Jan 24, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    kwa kweli Raza siku hizi alikuwa kimya mda mrefu, huenda anajiandaa kwa uchaguzi wa 2010.

    si mnajua kuwa aligombea kule mkwajuni kwa swahiba wake komandooo na wakamnyima walau kura moja.

    sasa amewajengea kule sehemu ya hospitali yao na hivi mkuu anaonyesha jinsi alivyo mzalendo.

    ila sijui kama ushuru analipa vyema kwa mambo yake yanayopita bandarini na sijui ile kampuni yake ya zat jee haifanyi manuva kuiibia smz?
     
  8. Field Marshall ES

    Field Marshall ES JF-Expert Member

    #8
    Jan 25, 2008
    Joined: Apr 27, 2006
    Messages: 12,659
    Likes Received: 39
    Trophy Points: 0
    Maneno yake ni mazito sana,

    However, ni vigumu kuamini nia yake kwa sababu huyu pia alishirikiana na Salmin, kuiba uchaguzi wa mwaka 1995 kama alivyofanya Kibaki, lakini hakuona vibaya ila ameona sasa kwa sababu yuko nje ya mlo wa power au?
     
  9. M

    Mpanda Merikebu Senior Member

    #9
    Jan 25, 2008
    Joined: Dec 27, 2007
    Messages: 170
    Likes Received: 3
    Trophy Points: 35

    Hii inaprove usemi wa wahenga, "Mkuki kwa nguruwe, kwa binadamu mchungu" au "Nyani haoni shaurile". Naona memory ya Raza si nzuri kwani ni majuzi tu alishiriki kumsaidia kipenzi chake kumwibia Maalim kura!
     
  10. Bubu Msemaovyo

    Bubu Msemaovyo JF-Expert Member

    #10
    Jan 25, 2008
    Joined: May 9, 2007
    Messages: 3,436
    Likes Received: 17
    Trophy Points: 135
    Kibaki anajua fika kwamba Raila Odinga ni mshindi, dalili za kujua hilo ni matokeo ya viti vya wabunge. Katika hali ya kawaida na katika hali kama ilivyotokea Kenya isingekuwa rahisi mpiga kura akamchagua mbunge toka ODM na akamchagua Kibaki kuwa rais.
     
  11. Chakaza

    Chakaza JF-Expert Member

    #11
    Jan 25, 2008
    Joined: Mar 10, 2007
    Messages: 18,595
    Likes Received: 9,151
    Trophy Points: 280
    Memory yake ni nzuri tuu kama walivyo watawala wetu wengi hapa Tanzania. Ila wanalodhani wao ni kuwa sisi ndio ambao hatuna uwezo wa kutunza kumbukumbu ya yanayojiri ndani ya nchi yetu baada ya kutupa vitenge na T shirt.
     
  12. M

    Mr EWA JF-Expert Member

    #12
    Jan 25, 2008
    Joined: Mar 15, 2007
    Messages: 332
    Likes Received: 55
    Trophy Points: 45
    FMES,Heshima kwako mkuu!
    Naona umenisaidia sana kwani kinachotokea kenya ndicho kilichotokea Zanzibar,Lakini Raza hakuweza hata kutoa kauli ya kupinga.
     
  13. Shukurani

    Shukurani JF-Expert Member

    #13
    Jan 25, 2008
    Joined: Oct 23, 2007
    Messages: 253
    Likes Received: 0
    Trophy Points: 0
    Raza naye ni mnafiki tu na ni miongoni mwa mafisadi walionufaika na ufisadi wa CCM. Sioni mantiki ya kumpongeza rais anapotimiza wajibu wake. Kuna sabau ya kumwambia baba yako asante kwa kunipeleka shule? nafikiri hakuna kwani huo ni wajibu wake kama mzazi. Ni wajibu wa JK kama rais kulinda uchumi na kutokomeza rushwa katika taifa analolioongoza. Kwa hiyo Raza sioni mantiki ya pongezi zako. Nongempongeza rais kama angemsimamisha kazi Mramba na Meghji na kuwafuta kazi wakurugenzi na waasibu wote wanaoshughuklikia EPA account
     
  14. M

    Mitomingi Senior Member

    #14
    Jan 25, 2008
    Joined: Jan 15, 2008
    Messages: 130
    Likes Received: 0
    Trophy Points: 0
    Huyu ni raza kweli ama kuna mtu kamsemea maana yeye si msafi wa kusema haya
     
  15. Mtu wa Pwani

    Mtu wa Pwani JF-Expert Member

    #15
    Jan 25, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    hiyo ndio siasa ya kwetu, jina likififia unaweza ukatafuta nitoke vipi?

    huenda pia ndugu yetu Raza baada ya kukaa nje na kuwa mbali na mlango wa Ikulu tofauti na wakati wa Swahiba yake amejifunza kutubu na sasa yuko tayari kuwa mkweli na mzalendo.

    na nnaasikia kuna nyepesi siku hizi amekuwa CUF ila ni wachini chini kulinda maslahi yake ila weshamshtukia wenziwe
     
Loading...