Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Baada ya Tundu Lissu kuwa-expose waanza kujitaja wenyewe...

Discussion in 'Jukwaa la Siasa' started by politiki, Oct 31, 2012.

  1. p

    politiki JF-Expert Member

    #1
    Oct 31, 2012
    Joined: Sep 2, 2010
    Messages: 2,313
    Likes Received: 32
    Trophy Points: 145
    Mbuge wa Viti Maalum (CCM), Sarah Msafiri, amekiri kwenda kuonana na Mkurugenzi Mkuu wa Shirika la Umeme Tanzania (Tanzania), kufuatilia mkataba wa Kampuni ya M/S Sharrifs Services & General Supply inayohusishwa kufanya biashara yenye utata ya matairi na shirika hilo.

    Sarah, alisema alifanya hivyo baada ya kuombwa na mwenye kampuni hiyo, Heri Sharrif, amsaidie kufuatilia mkataba wake Tanesco.

    Alidai mbele waandishi wa habari bungeni jana kuwa ameshitushwa na taarifa za kuhusishwa na kampuni hiyo, na inadaiwa aliisimamia malipo yenye utata kutoka Tanesco.

    Alidai kuwa hana mahusiano yo yote ya kibiashara na kampuni ya Sharrifs na kwamba siyo mmiliki na wala sio mkurugenzi, na hana hisa wala hajaajiriwa kwa kazi yo yote na Sharrifs.

    Lakini alisema: “ninachojua kuhusu kampuni ya Sharrifs ni kupitia mkurugenzi wake Heri ambaye mimi kama mbunge alikuja kwangu kunieleza matatizo yake kwamba aliomba zabuni Tanesco kupitia kampuni yake na wakashinda, wakapewa barua na Tanesco kujulishwa wameshinda kisha wakapewa barua ya kwenda kufanya majadiliano pande mbili yaani Tanesco na Sharrifs.”

    Alisema baada ya kukamilisha mchakato huo, walipewa mkataba ambao kimsingi unabeba makubaliano ya mazungumzo waliokaa pande zote mbili.

    “Kama mbunge ambaye nina wajibu wa kushughulikia kero za wananchi nilienda kwa Mkurugenzi Mkuu wa Tanesco na kumweleza madai hayo ya Sharrifs, nakumbuka alimwita Mkuu wa Idara ya Manunuzi ambaye alikiri kuifahamu Sharrifs na mkataba wake na mkataba wake alishaushughulikia na kuupeleka kwa mwanasheria wa shirika,” alisema.

    Alisema mwanasheria alipoitwa alikwenda na mkataba huo ukiwa umefungwa kwenye bahasha ya kaki na hapo ndipo mkurugenzi mkuu alipomhoji kwanini anakaa na nyaraka ambazo anatakiwa kuziwasilisha sehemu husika.

    “Tukiwa wote nilimpigia simu Heri na kumweleza kuwa nipo Tanesco na mkataba wake uko tayari kwa mwanasheria hivyo aje kuuchukua, lakini Heri alinijibu yeye yuko mbali ila kama kuna uwezekano nimchukulie ataupitia nyumbani kwani ni jirani yangu maeneo ninapoishi,” alidai.

    Hata hivyo, alidai hakuwa na haja ya kujua walichokubaliana kwenye mkataba kwani kwanza hayamhusu.

    Alidai kuwa tuhuma zinazoelekezwa kwake ni mkakati uliowekwa wa kummaliza kisiasa na kuchafua jina lake, mkakati ambao alisema umefanikiwa kwa kiasi fulani.

    Aliyataka magazeti yaliyoripoti habari hizo bila kumpa nafasi ya kumsikiliza yamwombe radhi haraka iwezekanavyo na kama yakishindwa basi atayafikisha mahakamani.

    Kuibuka kwa Sarah ambaye alikuwa mjumbe wa Kamati ya Kudumu ya Bunge ya Nishati na Madini iliyovunjwa na Spika Anne Makinda kumekuja baada ya Kikao cha Bunge la Bajeti 2012/13 kuibua tuhuma mbalimbali zikiwemo za baadhi ya wabunge ambao ni wajumbe wa Kamati hiyo kutuhumiwa kuomba rushwa kwa Katibu Mkuu wa Wizara ya Nishati na Madini.

    Tuhuma zingine kwao ni kuwepo kwa makampuni ya mafuta kuhonga wabunge wasipitishe Bajeti ya Wizara ya Nishati na Madini bungeni.

    Katika kikao hicho, Mbunge wa Singida Mashariki (Chadema), Tundu Lissu, alisema kwa mujibu wa Kanuni za Kudumu za Bunge na Sheria ya Maadili ya Viongozi wa Umma ya mwaka 1995, wabunge hao walipaswa kutaja maslahi yao kibiashara kwenye shirika hilo.

    “Sasa wabunge hawa hawajawahi kufanya hivyo na wameendelea kuwa wajumbe wa Kamati ya Nishati na Madini na wengine kufanya biashara na Tanesco,” alisema Lissu na kuwataja kuwa ni Munde Tambwe, Sarah Msafiri, Mariam Kisangi wa Viti Maalum, Yusuf Nassir (Korogwe Mjini) na Charles Mwijage Muleba Kaskazini.

    Lissu alifafanua kuwa Tambwe na Msafiri wana zabuni ya kuiuzia Tanesco magurudumu na kwamba hawajawahi kutangaza maslahi yao katika jambo hilo kwenye kamati zao.

    “Mwijage ni mtaalam mwelekezi wa Kampuni ya Puma Energy iliyopewa tenda na Maswi kuiuzia mafuta Tanesco, hivyo kama mjumbe wa Kamati ya Nishati ana mgongano wa kimaslahi. Nassir na Kisangi hawa wanafanya biashara ya mafuta wanamiliki vituo vya mafuta na wana mgongano,” alisema.

    Kuhusu Christopher ole Sendeka, Lissu alidai amekuwa akizipigia debe kampuni tatu zilizonyimwa zabuni ya kuiuzia mafuta Tanesco akiwashawishi wajumbe wa kamati kuwa serikali ilikiuka kanuni kuipa tenda Kampuni ya Puma Energy.

    Mwingine aliyetajwa ni Vicky Kamata wa Viti Maalum (CCM) ambaye alidaiwa kuwa na mgongano wa kimaslahi na Maswi.

    Baada ya kamati hiyo kuvunjwa, Spika Makinda aliunda Kamati Ndogo ya Haki, Maadili na Madaraka ya Bunge kuchunguza tuhuma hizo.

    Julai 28 mwaka huu, Spika Makinda alivunja Kamati ya Bunge ya Nishati na Madini kutokana na baadhi ya wajumbe wake kutuhumiwa kuhongwa na kampuni za mafuta nchini.

    Kamati hiyo iliyovunjwa ilikuwa ikiundwa na wajumbe zaidi ya 20 ambao ni pamoja na Mwenyekiti wake, Selemani Zedi na Makamu mwenyekiti, Diana Chilolo, Profesa Kulikoyela Kahigi, Yusufu Haji Khamisi, Mariam Kisangi, Catherine Magige, Dk. Anthony Mbassa, Abia Nyabakari, Charles Mwijage, Yusufu Nassir, Christopher Ole Sendeka na Dk. Festus Limbu.

    Wengine ni Shafin Sumar, Lucy Mayenga, Josephine Chagulla, Mwanamrisho Abama, David Silinde, Suleiman Masoud, Kisyeri Werema Chambiri, Munde Abdallah, Sara Msafiri, Vicky Kamata na Ali Mbaruk Salim.

    Kuvunjwa kwa kamati hiyo kulifuatia Mbunge wa Namtumbo (CCM), Vita Kawawa, kuomba Mwongozo wa Spika, akitaka jambo hilo lijadiliwe na Bunge na kupendekeza kuwa Kamati za Bunge zinazotuhumiwa kwa rushwa zivunjwe.

    Bunge likubali kuivunja na kuiunda upya Kamati ya Nishati na Madini na kamati na baada ya hoja hiyo kuungwa mkono, Spika Makinda alisimama na kukubali hoja hiyo ya Kawawa na kutangaza kuivunja Kamati ya Nishati na Madini.

    Spika Makinda alisema ameiagiza Kamati ya Haki, Kinga na Maadili ya Bunge kutengeneza kanuni za kuwadhibiti wabunge wenye tabia ya kupokea rushwa kutoka kwa watu mbalimbali ili kutimiza matakwa yao binafsi.

    Baadaye Spika aliunda kamati ndogo ya Haki, Maadili na Madaraka ambayo Mwenyekiti wake ni Ngwilizi. Wajumbe wengine ni John Chiligati (Manyoni-CCM); Gosbert Blandes (Karagwe-CCM); Riziki Omary (Viti Maalum-CUF) na Said Arfi (Mpanda Mjini-Chadema).

    Kitendo cha Sarah kuzungumza hadharani na kujitetea kimatafsiriwa kuwa ni kukiuka agizo la Bunge kwamba suala hilo lisijadiliwe na mtu au chombo chochote.

    Wiki iliyopita Naibu Spika, Job Ndugai, alisema ripoti Ngwilizi itawasilishwa bungeni iwapo Spika ataridhika taarifa hiyo kutolewa ndani ya Bunge.

    Alisema baada ya kukamlika kwa kazi hiyo, baadhi ya wananchi na wanasiasa wameanza kuizungumzia pamoja na vyombo vya habari kuchambua na kuchapisha maudhui ya taarifa hiyo kinyume cha sheria na kuingilia uhuru, haki na madaraka ya Bunge.

    Alisema sheria hiyo inamkataza mtu yoyote kuchambua na kuchapisha taarifa ya kamati kabla ya kuwasilisha bungeni.

    “Natoa rai kwa umma kuwa tuache Bunge lifanye kazi yake kwa mujibu wa Katiba, Sheria na Kanuni,” alisema Ndugai.

    Ngwilizi naye aliwahi kusema kuzuia kujadili suala hilo hadi ripoti itakapowasilishwa bungeni.
    Hadi jana wabunge hawakuelezwa chochote kama ripoti hiyo itawasilishwa na kujadiliwa katika mkutano uanoendelea.

    Hata hivyo, habari ambazo NIPASHE ilizipata, zinaeleza kuwa msimamo bado uko pale pale kwamba suala hilo litaamuliwa na Spika.

    Kumekuwepo na taarifa kuwa huenda ripoti hiyo isijadiliwe bungeni kwa ajili ya kulinda heshima ya serikali.

    Habari zinadai kuwa uamuzi huo unatokana na kuwepo kwa makundi mawili yanayokinzana. Kundi moja linalotaka ijadiliwe linataka ukweli wa tuhuma hizo ujulikane na haki itendeke kwa waliotuhumiwa.

    Kundi linalotaka isijadiliwe ni lile linaloiunga mkono serikali ambalo linaona kuwa kujadiliwa kwake kunaweza kuwatia hatiani viongozi waandamizi wa Wizara ya Nishati na Madini, Waziri Prof. Sospeter Muhongo na Katibu Mkuu, Eliakim Maswi.

    Vigogo hao wanadaiwa kuipatia Puma zabuni ya kuiizia serikali mafuta mazito ya muendesha mitambo ya kuzalisha umeme wa dharura kwa upendeleo na kukiuka Sheria ya Manunuzi ya Umma.



    CHANZO: NIPASHE

    MY TAKE:
    Mbunge kabla ya kutoa statement hi ilibidi aende akasome vizuri sheria ya maadili ya viongozi ya mwaka 1995 angeona kosa lake liko wapi.

     
  2. F

    Fitinamwiko JF-Expert Member

    #2
    Oct 31, 2012
    Joined: Aug 13, 2012
    Messages: 4,605
    Likes Received: 16
    Trophy Points: 135
    Lissu is smart guy, uwezo wake ni zaidi ya cabinet nzima ya JK pamoja na VP + Vasco
     
  3. s

    siyabonga Senior Member

    #3
    Oct 31, 2012
    Joined: Jan 25, 2012
    Messages: 125
    Likes Received: 0
    Trophy Points: 0
    .........Vick Kamata ana mgongano upi wa kimaslahi?
     
  4. Crucial Man

    Crucial Man JF-Expert Member

    #4
    Oct 31, 2012
    Joined: Jan 11, 2011
    Messages: 3,029
    Likes Received: 197
    Trophy Points: 160
    Mbona kajikanyaga sana huyo mama.yaani hapo kaweka mambo hadharani.
     
  5. sosoliso

    sosoliso JF-Expert Member

    #5
    Oct 31, 2012
    Joined: May 6, 2009
    Messages: 6,908
    Likes Received: 329
    Trophy Points: 180
    Yaani ningekuwa mie ndio mshauri wake huyo Sarah.. nicingemshauri kuita waandishi wa habari na kutoa "a cooked story" kama ile ambayo mwisho wa ciku ataiamini yeye tu.. Watanzania wengi wanauelewa ukweli sasa..
     
  6. p

    politiki JF-Expert Member

    #6
    Oct 31, 2012
    Joined: Sep 2, 2010
    Messages: 2,313
    Likes Received: 32
    Trophy Points: 145
    hapo ndio ujuwe kuwa amekamatwa wewe ukiwa kama mjumbe wa kamati ya nishati na madini ambayo ni kama unasimamia maslahi ya serikali halafu wakati huo huo ukiwakilisha maslahi ya kampuni binafsi(conflict of interest) ni kosa kisheria
    kisheria angetakiwa ayaeleze hayo kwanza kwa spika ambapo spika asingemteua kuwa ktk kamati hiyo kwa kuofia mgogano wa maslahi
     
  7. m

    mahoza JF-Expert Member

    #7
    Oct 31, 2012
    Joined: Mar 11, 2012
    Messages: 1,031
    Likes Received: 210
    Trophy Points: 160
    politiki Hivi hajaachia ngazi tu ya huo ubunge viti maalum. Au ni maalum kwa rushwa? Aibu zake mfa maji haachi kutapatapa. shame on her na hao wanaopanga hizo kamati niulize walikuwa hawafahamu kuwa hawa wajumbe wengi wanabiashara zao ambazo zitakiuka maadili? Ripoti iwekwe wazi watakaombuka waumbuke. Ndio tatizo la hii sirikali kulindana tumechoma sie.
     
    Last edited by a moderator: Jan 4, 2016
  8. m

    mahoza JF-Expert Member

    #8
    Oct 31, 2012
    Joined: Mar 11, 2012
    Messages: 1,031
    Likes Received: 210
    Trophy Points: 160
    Aibu zao wataeleza yote bila kuulizwa. minitu mingine inatia aibu hao wajumbe waacjie ubunge wote.
     
  9. Father of All

    Father of All JF-Expert Member

    #9
    Oct 31, 2012
    Joined: Feb 26, 2012
    Messages: 3,091
    Likes Received: 6
    Trophy Points: 135
    Wabunge watokanao na upendeleo au viti vya chup... hawana wa kuwakilisha zaidi ya matumbo yao. Tumepiga kelele tuondoe hivi viti lakini wakubwa hawataki kwa vile wanaweka watu wao hasa vimada na mambo mengine. Sasa mnaona? Kwenye kutoa maoni ya katiba tuazimie kupiga marufuku viti hivi vya aibu.
     
  10. OKW BOBAN SUNZU

    OKW BOBAN SUNZU JF-Expert Member

    #10
    Oct 31, 2012
    Joined: Aug 24, 2011
    Messages: 17,496
    Likes Received: 4,694
    Trophy Points: 280
    Jamani mnalaumu bure tu, hakujua kama ni kosa, wabunge wa Chama Cha Mapenzi(CCM) ni vilaza sana aisee
     
  11. M

    MC JF-Expert Member

    #11
    Oct 31, 2012
    Joined: Oct 5, 2007
    Messages: 740
    Likes Received: 12
    Trophy Points: 35
    Sarah, unadhalau ya hatari, huo utetezi usio na kichwa wala miguu kawaambie familia yako
     
  12. KYALOSANGI

    KYALOSANGI JF-Expert Member

    #12
    Oct 31, 2012
    Joined: Jan 21, 2011
    Messages: 1,705
    Likes Received: 309
    Trophy Points: 180
    AMEWEZESHWA NA SASA ANAWEZA.....!:evil::israel:
     
  13. The Listener

    The Listener JF-Expert Member

    #13
    Oct 31, 2012
    Joined: Feb 5, 2012
    Messages: 976
    Likes Received: 2
    Trophy Points: 35
    simba wamerejesha yaheeeee
     
  14. k

    kim jong un JF-Expert Member

    #14
    Oct 31, 2012
    Joined: Feb 3, 2012
    Messages: 460
    Likes Received: 55
    Trophy Points: 45
    Mgongano wa masilahi ya vick kamata sababu ni nyama na ana watoto wa mkulu. Na mkulu pamoja na mwanae wanamiliki kampun ya mafuta so nadhan wamemweke na Vick ili kulinda maslahi ya watoto wadogo wa mkulu ambao anao Vick
     
  15. KYALOSANGI

    KYALOSANGI JF-Expert Member

    #15
    Oct 31, 2012
    Joined: Jan 21, 2011
    Messages: 1,705
    Likes Received: 309
    Trophy Points: 180
    He makubwa watoto wa Mkulu wapo kwa Vick ameaadopt au anamsaidia kulea !
    Vick si ndio aliimba ule wimbo wa MFALME SULEIMAN !Kwa hiyo mfalme analelewa watoto sio!
     
  16. k

    kiluvya JF-Expert Member

    #16
    Oct 31, 2012
    Joined: Nov 18, 2010
    Messages: 1,108
    Likes Received: 127
    Trophy Points: 160
    Hahahahaha...kweli mfa maji...yaani utetezi wa kitoto sanaa, pole mbuge kilaza...walau ungekaa kimya
     
  17. asigwa

    asigwa JF-Expert Member

    #17
    Oct 31, 2012
    Joined: Sep 21, 2011
    Messages: 11,880
    Likes Received: 7,062
    Trophy Points: 280
    This is why LISSU out scores that old big guy WERREMA......
     
  18. Ben Saanane

    Ben Saanane Verified User

    #18
    Oct 31, 2012
    Joined: Jan 18, 2007
    Messages: 14,605
    Likes Received: 3,509
    Trophy Points: 280
    Ha ha haa,Yaani mjumbe wa kamati ya Nishati na madini anaenda TANESCO kumchukulia mkataba mfanyabiashara
     
  19. m

    marango Member

    #19
    Oct 31, 2012
    Joined: Oct 31, 2012
    Messages: 82
    Likes Received: 0
    Trophy Points: 0
    SafIiiiiii
     
  20. bhikola

    bhikola JF-Expert Member

    #20
    Oct 31, 2012
    Joined: Apr 2, 2012
    Messages: 436
    Likes Received: 46
    Trophy Points: 45
    dah mkuu naona umetokelezea na hoja nzitonzito! hapo nilipo bold hapo nafikiri hapajakaa vizuri, hata kama unapinga nafikiri ni busara kupinga kwa hoja zenye mashiko kuliko kashfa. nina mashaka na thinking yako katika jukwaa hili. ni mtazamo tu lakini, tusijenge chuki mkuu
     
Loading...