Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Azimio la 2011 kuhusu kuchangia sherehe

Discussion in 'Mahusiano, mapenzi, urafiki' started by Mama Big, Dec 28, 2010.

  1. M

    Mama Big JF-Expert Member

    #1
    Dec 28, 2010
    Joined: Nov 3, 2010
    Messages: 488
    Likes Received: 1
    Trophy Points: 0
    Asalaam aleykum wana JF wenzangu jamani mwenzenu nimekuwa nafuatilia jinsi desturi ya kuchangia na kufanya sherehe kubwa inavyozidi kushika kasi, ikipelekea ule wigo wa kuomba michango kupanuka kiasi kwamba sasa hata mtu ambaye jina lako halijui vizuri anaweza kukuomba mchango. Aidha michango na sherehe hizi zimekuwa mzigo mkubwa sana kwa baadhi ya watu, ikiwa ni pamoja na wale wenye kipato kidogo wanaochangiwa na kulazimika kulipa michango hiyo kwa miaka mingi. Je, wajua kuwa kuna familia ambazo zimefikia kulazimisha ndugu wauze mashamba au mifugo mtaji ili kupata fedha za kuchangia sherehe?. Je, wajua kuwa kuna watu ambao zaidi ya nusu ya kipato chao wanatumia kuchangia sherehe na huku wakishindwa kulipia huduma muhimu kama shule, matibabu, lishe, nk. Na kuwawakati mwingine wewe au mimi (au wengine kama mimi na wewe) ndio wenyeviti na makatibu wa sherehe hiyo?. Na ni sisi tunaoona fahari ya kutumia milioni 30 au zaidi kwenye sherehe usiku mmoja?
    Kuna kijana mmoja jamaa yetu juzi juzi alipata shule Australia akawa anatafuta mchango wa dola 5,000 aende. Alipata 2,000 na amwekwama kwenda. Mwaka kesho akisema anaoa tutamchangia milioni 15-20!!!. Hii si hadithi, ni ukweli, na ni kielelezo cha ulimbukeni tuliofikia. Siku za karibuni nimetambua kuwa kuna kundi kubwa tu linasikitishwa na huu mwenendo, na
    hata kutambua kuwa tunaweza kuwa tunaandikiwa dhambi kubwa (na hukumu yatusubiri) kwa jinsi wengi wetu tunashindwa kusaidia mambo ya msingi lakini tunakuwa wepesi kutoa kwenye sherehe. Wengi wanaamini kuwa tumeshatumbukia kwenye lindi la mazoea ambapo hatuwezi kujitoa mpaka upepo uje ubadilike wenyewe!. Mimi nafikiri wasomi tuna jukumu muhimu la kuwa chachu ya mabadiliko pale ambapo mazoea yenye madhara yanavuka mipaka na kuweza hata kuwa chanzo cha ufukara na kuviza maendeleo. Ili kubadilisha hili jambo, lazima tuanzie mahali. Mimi napendeleza na kuanza kutekeleza. Kuanzia Januari 2011, nitapunguza michango ninayotoa. Nitatoa tu kwa mtu wa karibu sana, na nitachanga kidogo. Usishangae nikakuchangia 20,000/= kama ulitegemea 50,000/= kwa mfano. Kuanzia July 2011, nitaacha kabisa kuchangia sherehe. Badala yake nitakuwa nachangia elimu pale ambapo mzazi hayupo au mhusika kweli hana uwezo na pia nitachangia miradi mingine ya jamii na maendeleo.

    Je waniunga mkono? Kama ndiyo sambaza huu ujumbe kwa mtandao wako.
     
  2. bacha

    bacha JF-Expert Member

    #2
    Dec 28, 2010
    Joined: Aug 19, 2010
    Messages: 4,339
    Likes Received: 3
    Trophy Points: 135
    habari ya asubuhi mama kubwa?
     
  3. M

    Mama Big JF-Expert Member

    #3
    Dec 28, 2010
    Joined: Nov 3, 2010
    Messages: 488
    Likes Received: 1
    Trophy Points: 0
    Nzuri sana Bacha hofu na mashaka ni juu yako wewe ulie mbali na upeo wa macho yangu
     
  4. N

    Nasolwa JF-Expert Member

    #4
    Dec 28, 2010
    Joined: Jun 12, 2008
    Messages: 1,776
    Likes Received: 16
    Trophy Points: 135
    Mama big ina maana kuanzia July hutawachangia hata wale watu wako wa karibu au wale waliowahi kukuchangia zamani kwa hali na mali na sasa wanajiandaa kwa sherehe za Ubatizo, kipaimara, komunio, kitchen part, sendoff au harusi za watoto au watu wao wa karibu????????.Hii inaweza kuwa ngumu kidogo. Ila wazo la kupunguza kiwango pamoja na watu wanaostahili kuchangiwa linawezekana. Nadhani kama lengo la michango ni kumsaidia muhusika kufanikisha jukumu lililo mbele yake inabidi watu waelimishwe kwamba wawe tayari pia kuchangia hata na mambo mengine muhimu zaidi katika usitawi wa jamii kama Elimu na Afya.
     
Loading...