Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ataka serikali imkabidhi viwanda vyote Kilimanjaro

Discussion in 'Biashara, Uchumi na Ujasiriamali' started by nngu007, May 16, 2011.

  1. nngu007

    nngu007 JF-Expert Member

    #1
    May 16, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    [​IMG]

    Caption Meneja Mkuu wa Kiwanda cha Viberiti cha Kibo Match Group Ltd, cha mjini Moshi, Sheriff Babu akitoa taarifa kwa mbunge wa viti maalumu kupitia Chadema Lucy Owenya, ambaye pia ni Waziri Kivuli wa Viwanda, Biashara na Masoko aliyetembelea kiwanda hicho. (Picha na Daniel Mjema)

    Daniel Mjema, Moshi
    RAIA wa India, Sheriff Babu ameshangazwa na hatua ya viwanda vilivyojengwa kwa mabilioni ya dola za Marekani mkoani Kilimanjaro kufa wakati utafiti alioufanya unaonyesha vinaweza kufufuliwa na kuchangia uchumi wa nchi.

    Babu ambaye ni Meneja wa Kiwanda pekee cha viberiti nchini cha Kibo Match Group, cha mjini Moshi alitoa somo kwa serikali namna ya kuviwezesha viwanda hivyo kufufuliwa kama wawekezaji waliouziwa wana dhamira ya dhati ya kuvifufua.

    Raia huyo wa kigeni alisema kama atakabidhiwa viwanda hivyo ana uwezo wa kuvifufua na kuanza uzalishaji ndani ya mwaka mmoja ili mradi tu serikali ikubali nayo kubeba jukumu lake la kujenga mazingira mazuri ya uwekezaji.

    Moja ya mambo ambayo raia huyo wa India alitaka serikali ifanye ni kubadili sera ya uwekezaji ili msamaha wa kodi wa miaka mitano (tax holiday) wanaopewa wawekezaji wapya nchini ili uwanufaishe pia wale wanaotaka kufufua viwanda.

    "Kwa viwanda hivi vya mkoani Kilimanjaro, wala sihitaji msamaha wa kodi wa miaka mitano wanipe miaka miwili tu, viwanda vyote hivi vilivyokufa vitafufuka, nchi imelalia mabilioni ya dola hapa Kilimanjaro,"alisema kwa uchungu raia huyo wa India.
    Sharti lingine ni kwa serikali kutoa mtaji wa uanzishaji uzalishaji na kubeba mzigo wa madeni yote ya nyuma ya viwanda hivyo ikiwamo michango ya NSSF na mafao ya watumishi ili viweze kuanza upya katika mazingira ya sasa.

    Babu alikuwa akitoa taarifa ya changamoto zinazokikabili kiwanda cha viberiti cha Kibo Match kwa Waziri kivuli wa Viwanda, Biashara na Masoko, Lucy Owenya aliyetembelea viwanda kabla ya Bunge la bajeti mwezi ujao.

    Mbali na mapendekezo yake hayo, Babu alisema kama serikali haitakuwa na uwezo wa kutoa mtaji basi, iwezeshe kupitia Benki ya Rasilimali (TIB) viwanda vikopeshwe mkopo wenye masharti nafuu utakaolipwa kwa muda mrefu.

    Miongoni mwa viwanda alivyosema vinaweza kuanza uzalishaji sasa ni Interchem Pharm Limited (IPL) ambacho kina uwezo wa kuzalisha asilimia 60 ya mahitaji yote ya dawa nchini ambacho sasa kimefilisika na kimetangazwa kuuzwa kwa zabuni.

    Viwanda vingine ni Kilimanjaro Machine Tools (KMT), Pestside Industries na Kiwanda cha Magunia (TBC) ambacho baadhi ya mitambo yake imeondolewa kiwandani.
     
  2. Bujibuji

    Bujibuji JF-Expert Member

    #2
    May 16, 2011
    Joined: Feb 4, 2009
    Messages: 27,183
    Likes Received: 5,427
    Trophy Points: 280
    Huyu ********* lazima ana wehu kichwani mwake, si bure
     
  3. TANMO

    TANMO JF-Expert Member

    #3
    May 16, 2011
    Joined: Apr 12, 2008
    Messages: 8,767
    Likes Received: 70
    Trophy Points: 145
    Jamaa anaonekana kuwa na kibri kweli dhidi ya Serikali yetu "Mjinga".... Haya Bana!!
     
  4. ndenga

    ndenga JF-Expert Member

    #4
    May 16, 2011
    Joined: Dec 20, 2010
    Messages: 1,595
    Likes Received: 153
    Trophy Points: 160
    Nafikiri jamaa yuko sahihi kabisa. Kufufua viwanda vyetu tunaweza, ila inatokana na baadhi ya urasimu uliopo kwenye vyombo husika unashindwa ku-facilitate zoezi zima la ufufuaji wa hivi viwanda. Huwezi kuniambia kwamba Billioni 11 serikali ilizotenga zilishindwa kufufua kiwanza cha General tyre pale Arusha. Lakini kibaya zaidi hata haijulikani zitumikaje. Kuna haja ya serikali kuweka mikakati maalumu ya kufufua viwanda vyetu ikiwa ni pamoja kuweka mipango madhubuti ya kuvisimamia...
     
  5. itnojec

    itnojec JF-Expert Member

    #5
    May 16, 2011
    Joined: Mar 31, 2011
    Messages: 2,172
    Likes Received: 198
    Trophy Points: 160
    aliyosema ni kweli, inabidi apewe vyote
     
  6. M

    Malila JF-Expert Member

    #6
    May 16, 2011
    Joined: Dec 22, 2007
    Messages: 4,204
    Likes Received: 320
    Trophy Points: 180
    Jamaa kasema kweli kabisa kwamba viwanda vile vinaweza kufufuliwa. Suala la yy kufufua si baya kama inavyoonekana, cha msingi alichotoa ni kwamba hakuna nia ya dhati kwa serikali yetu kufufua viwanda.
     
  7. newmzalendo

    newmzalendo JF-Expert Member

    #7
    May 16, 2011
    Joined: Mar 23, 2009
    Messages: 1,339
    Likes Received: 31
    Trophy Points: 145
    Jamani,huyu mdosi ni mgeni na systems zetu za urasimu.
    kiwanda kinapigwa zengwe na mawaziri ilii kife,then wao wakipige bei wapate 10 % zao,mfano hai ni jinsi kiwanda cha sungura textiles pale gongo la mboto,shirika letu la ndege ATC aliyekuwa waziri mwenye dhamana ndio huyo huyo aliyekuwa na hisa nyingi tu ndani ya precision.Tuangalie kwa nini TTCL mobile inazorota nyuma ya akina vodacom ,simple shareholders wa vodacom ndio viongozi wa chama na serikali.

    wazo langu:Huyu mdosi wa india yuko sahihi na anao uchungu wa mali inavyopotea,asichokijua ni kuwa InJi hii ilimshinda Mrema Lyatonga enzi za siku7,nothing will happen mpaka wakulu wapate Ten parcent zao
     
  8. z

    zamlock JF-Expert Member

    #8
    May 16, 2011
    Joined: Dec 25, 2010
    Messages: 3,822
    Likes Received: 22
    Trophy Points: 135
    kila kitu kinawezekana ikiwa tutakuwa na maamzi mazuri mwaka 2015 kwenye sanduku la kura
     
  9. N

    Nonda JF-Expert Member

    #9
    May 16, 2011
    Joined: Nov 30, 2010
    Messages: 11,860
    Likes Received: 1,175
    Trophy Points: 280
    Inawezekana ana kibri lakini pia ameonesha udhaifu wa serikali yetu katika kufufua viwanda.

    Lakini ni vyema kuangalia perfomance ya hicho kiwanda cha Kibo kilichopo chini yake..kama kinafanyakazi vizuri na kimetoa ajira kwa wananchi basi tuichukulie kauli yake kama ni uamsho badala ya kibri.

    Serikali haina kipaumbele cha kuwawezesha wazawa kuwekeza katika viwanda,inapendelea wageni.
    Kama ameweza kwa Kibo basi ataweza kwa vyengine..lakini mbinu au masharti aliyoyatoa yanaweza kuisaidia serikali katika kuwawezesha wazawa ili viwanda hivyo vifufuliwe na hatimae kutoa ajira kwa watanzania na kusaidia katika ustawi wa mtanzania na Tanzania.
     
  10. babu M

    babu M JF-Expert Member

    #10
    May 17, 2011
    Joined: Mar 4, 2010
    Messages: 3,069
    Likes Received: 366
    Trophy Points: 180
    Hivi viwanda vimekufa kutoka na watu wachache wanataka tuendelee kuwa dump.

    Hilo wazo lake la mitaji au mikopo kila nikikumbuka Rites,Chavda and the like naishiwa nguvu.
     
Loading...