Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Askofu Mwamasika ajitosa kuwania ubunge

Discussion in 'Jukwaa la Siasa' started by ishuguy, Dec 5, 2009.

  1. i

    ishuguy Member

    #1
    Dec 5, 2009
    Joined: Nov 3, 2007
    Messages: 76
    Likes Received: 1
    Trophy Points: 15
    5th December 2009

    Baada ya Mbuge wa sasa wa Jimbo la Dodoma Mjini kupitia (CCM), Ephraim Madeje, kutangaza kuwa hatagombea tena ubunge katika Uchaguzi Mkuu wa mwakani, Askofu mstaafu wa Kanisa la Kiinjili la Kilutheri Tanzania (KKKT), Dk. Peter Mwamasika, ametangaza nia yake ya kugombea kiti hicho.

    Dk. Mwamasika, alisema jana kuwa alikuwa anatafuta jimbo ambalo angeweza kugombea nafasi ya ubunge na kwa kuwa Mbunge wa Dodoma Mjini ametangaza kutokugombea ni wazi sasa ana haki ya kuchukua nafasi hiyo.

    Alieleza kuwa pamoja na kuwa ni mstaafu katika nafasi ya uaskofu lakini bado ana uwezo wa kuwa mwanasiasa kwani hata kabla ya kushika nafasi ya uaskofu, alishawahi kuwa mbunge kwa tiketi ya Chama cha Mapinduzi (CCM) katika Jimbo la Iringa Vijijini.

    Askofu Mwamasika alisema kuwa ana kila sasabu ya kugombea Jimbo la Dodoma Mjini kutokana na wabunge wengi ambao wametangulia kutoleta maendeleo ya kweli katika jimbo hilo wakati lina rasilimali nyingi ambazo kama zikitumiwa vizuri, zinaweza kuwaondolea wananchi umasikini unaowakabili.

    Aliongeza kuwa pamoja na serikali kuanzisha mkakati wa Kilimo Kwanza, lakini mkakati huo unaonekana kuwa itakuwa vigumu kuutekeleza kwani wananchi bado hawajaweza kupatiwa elimu ya kilimo na kupewa pembejeo za kutosha.

    Askofu huyo mstaafu alisema kuwa inashangaza kuona wakazi wengi wa Dodoma wanaendelea kuwa ombaomba wakati wana utajiri mkubwa ambao unaweza kuwafanya kuishi maisha mazuri lakini kila mbunge ambaye ameshika nafasi hiyo amekuwa akijisahau na kuingia bungeni kama sehemu ya kujipatia maslahi yake binafsi.

    Askofu Mwamasika alifafanua kuwa ili wakazi wa Dodoma waweze kuishi maisha mazuri na wakubaliane na sera ya serikali ni lazima wawezeshwe katika kufufua kilimo cha zabibu na wapatiwe soko la uhakikika la zao hilo.
    Aidha, alisema kuwa Mkoa wa Dodoma una fursa nyingi na kiongozi ambaye anaongoza mji wa Dodoma anatakiwa kuwa mbunifu na mwenye uwezo wa kutafuta wafadhili ambao wanaweza kupeleka maendeleo katika jimbo hilo.

    Alisema katika uongozi wake wa miaka 20 ambayo ameitumikia Dayosisi ya Dodoma, ameweza kubadilisha maisha ya waumini wa kanisa hilo na sasa hakuna muumini ambaye hana maendeleo.

    Alibainisha kuwa kutokana na jitihada zake za kutafuta maendeleo ya watu wake, alifanya juhudi ya kujenga hospitali yenye hadhi ya rufaa na kuanzisha kiwanda cha maji ya A-Sante ambayo yanapatikana katika kijiji cha Ntyuka na kwamba wafanyakazi wa kiwanda hicho ni wenyeji wa kijiji hicho.

    Alisema kuwa mgombea wa nafasi ya ubunge anatakiwa kujitambua na kuelewa kuwa ni mtumishi wa watu badala ya kuwa mtawala na kuhakikisha anatetea maslahi ya wananchi.

    “Ni lazima kusimama kidete kuhakikisha nchi inafanikisha kuwawajibisha wale wote ambao wanaitwa mafisadi ambao mimi huwa nawaita wahujumu uchumi,” alisema Askofu Mwamasika, ambaye mara nyingi hukemea maovu katika jamii.

    Hata hivyo, alisema CCM inatakiwa kuonyesha ujasiri katika kuwawajibisha wale wote wenye tuhuma za kweli za vitendo vya ufisadi ili wananchi waweze kuwa na imani na serikali iliyoko madarakani.


    CHANZO:
    NIPASHE:

    Mheshimiwa Askofu anamalengo mazuri na inaonekana amejitahidi kufanya maendeleo kipindi cha uaskofu wake...
    swali la msingi mbona hajazunguzia alifanya nini alipokuwa mbunge wa Iringa Mjini maana ndo post inafanana na anayoitaka sasahivi...
    Asije akapata ubunge akapoteza malengo yake akatumbukia kwenye ufisadi..

    kila la heri askofu
     
  2. c

    chelsea Member

    #2
    Dec 5, 2009
    Joined: Oct 13, 2009
    Messages: 11
    Likes Received: 0
    Trophy Points: 0
    kila mtu ana uhuru wa kuingia kwenye politics but we need action sio promise za maisha bora kila siku
     
  3. M

    Mike 1234 JF-Expert Member

    #3
    Dec 5, 2009
    Joined: Feb 23, 2009
    Messages: 1,636
    Likes Received: 2
    Trophy Points: 0
    kazi kwake ila akumbuke dini inakataza rushwa sasa sijui hili atakabiliana nalo vipi! ila sikuhizi kuna kiongozi wa dini?si basi tu, ila hata mama wa misukule si yupo ndani ya nyumba hivyo atampa support
     
  4. Lole Gwakisa

    Lole Gwakisa JF-Expert Member

    #4
    Dec 5, 2009
    Joined: Nov 5, 2008
    Messages: 3,813
    Likes Received: 195
    Trophy Points: 160
    Hapa Askofu amechemsha,cheo cha Uaskofu kimaadili hakimruhusu kuingia katika siasa za majukwaani.
     
  5. Injinia

    Injinia JF-Expert Member

    #5
    Dec 5, 2009
    Joined: Feb 26, 2008
    Messages: 850
    Likes Received: 0
    Trophy Points: 0
    Yale yale. Ataweza kudeal na all the immorality and hooliganism huko bungeni hata akishinda? Mama Rwakatare kafanya nini hadi sasa?
     
  6. b

    bnhai JF-Expert Member

    #6
    Dec 5, 2009
    Joined: Jul 12, 2009
    Messages: 1,669
    Likes Received: 746
    Trophy Points: 280
    Hii ndio picha halisi ya wengi Tanzania. Kwavyovyote vile target yake ni kupitia CCM. Ndio picha halisi inapatikana. Maana viongozi wa dini wanapiga kelele kumbe mifukoni mwao wanakadi za vyama vingine. Viongozi wa dini wanaongoza waumini wa vyama mbalimbali vya siasa. Sasa km kiongozi ni muumini wa chama fulani, sijui anaweza kuwa objective kwa mwanachama mwingine? Katika hali kama hii kauli kama huyu ametumwa na MUNGU mchagueni zitakuwa na mantiki? Sasa ndiyo tunaona hali halisi ya watumishi wa Mungu.
     
  7. TIMING

    TIMING JF-Expert Member

    #7
    Dec 5, 2009
    Joined: Apr 12, 2008
    Messages: 21,797
    Likes Received: 53
    Trophy Points: 145
    Nakuunga mkono mkuu....

    Ila tusisahau huyu askofu amekuwa na mambo mengi ya kidunia kwa muda mrefu na hata kuna wakati wa ile vurugu ya ELCT alikuwa mmoja wao wale walioweka focus ya mkate kuliko neno!!!

    Haya yote ni ishara tu ya baadhi ya watu kutoelewa na kuthamini hadhi ya madaraja waliyopewa kusadia watu kuishi maisha aliyoagiza allah

    nafananisha hii na yule mkuu wa majeshi aliyeaibisha jeshi aligombea na kubwagwa katika hatua za awali

    another disappointing news today!
     
  8. b

    bnhai JF-Expert Member

    #8
    Dec 5, 2009
    Joined: Jul 12, 2009
    Messages: 1,669
    Likes Received: 746
    Trophy Points: 280
    Huyu bwana akikaa pembeni ataheshimika zaidi. Wamuangalie Desmond Tutu anavyoheshimika. Ukienda mbali zaidi utaona namna vyama vya upinzani vina kazi maana kwenye nyumba za ibada CCM inahubiriwa. Labda waraka unaweza kuwa mwanzo wa mabadiliko otherwise inawezekana kuwepo na uhusiano kati ya uongozi wa dini na uanachama wa chama cha siasa. Ikifika hapo waumini nao watachagua nyumba za ibada kutokana na kiongozi wa nyumba hiyo kuwa mwanachama wa chama fulani. Maana unaona Lwakatare yupo bungeni, Mwamasika etc. What next Mufti au kardinali?
     
  9. M

    Magezi JF-Expert Member

    #9
    Dec 5, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135
    Inasikitisha kuona watanzania wengi wanafikiri bila kuingia kwenye siasa hawawezi kuishi, wanataka pesa za bure za wananchi kwani hata bunge la tanzania ni kama hakuna bunge.
     
  10. MAMA POROJO

    MAMA POROJO JF-Expert Member

    #10
    Dec 6, 2009
    Joined: Nov 22, 2007
    Messages: 4,971
    Likes Received: 11
    Trophy Points: 135
    Ndiye aliwaambia watanzania kuwa JK ni chaguo la Mungu. Kumbe alikuwa anajiandalia njia ya kurudi kwenye siasa.
     
  11. p

    pekupeku Member

    #11
    Dec 7, 2009
    Joined: Dec 6, 2009
    Messages: 10
    Likes Received: 0
    Trophy Points: 0
    ukistaafu unatafuta madaraka sehemu nyingine lol.
    sasa taifa la vijana ndo litakuwa la kesho kila siku
     
  12. Njowepo

    Njowepo JF-Expert Member

    #12
    Dec 7, 2009
    Joined: Feb 26, 2008
    Messages: 9,171
    Likes Received: 292
    Trophy Points: 180
    politics ya Tz imekuwa shamba la bibi!
    Komaa Askofu unaweza kutoka kimtindo ila usije ukawa kimya kama mama rwakatale
     
  13. m

    mwanamasala JF-Expert Member

    #13
    Dec 7, 2009
    Joined: Jun 20, 2009
    Messages: 248
    Likes Received: 0
    Trophy Points: 0
    Huyu Askofu alishawahi kutembea na mke wa mtu,pale Dom,miaka ya 1990s,akasababisha ndoa iharibike.Kwa hiyo asijifanye kuwa yeye ni msafi.Mme mtu ilibidi amuachie 'askofu'.Ndio hypocricy ambayo tunayo.
     
  14. G

    Geza Ulole JF-Expert Member

    #14
    Dec 7, 2009
    Joined: Oct 31, 2009
    Messages: 8,094
    Likes Received: 1,325
    Trophy Points: 280
    Akili yake haijakaa sawa huyu
     
  15. Kinyambiss

    Kinyambiss JF-Expert Member

    #15
    Dec 8, 2009
    Joined: Dec 2, 2007
    Messages: 1,373
    Likes Received: 2
    Trophy Points: 135
    Hawa maaskofu wengine njaa kali..lol
     
  16. J

    JokaKuu Platinum Member

    #16
    Dec 8, 2009
    Joined: Jul 31, 2006
    Messages: 10,783
    Likes Received: 986
    Trophy Points: 280
    ..amestaafu Uaskofu.

    ..mwacheni ajaribu kwani ni haki yake.
     
  17. Mzito Kabwela

    Mzito Kabwela JF-Expert Member

    #17
    Dec 8, 2009
    Joined: Nov 28, 2009
    Messages: 17,172
    Likes Received: 1,329
    Trophy Points: 280
    Atagombea kwa tiketi ya chama gani?
     
  18. MwanaFalsafa1

    MwanaFalsafa1 JF-Expert Member

    #18
    Dec 8, 2009
    Joined: Feb 26, 2008
    Messages: 5,566
    Likes Received: 15
    Trophy Points: 135
    Mimi sipendezwi sana na viongozi wa dini kugombea nafasi za kisiasa. Naona kama ni a very big contradiction. Sijui but my gut feeling tells me huyu nae ni wale wale tu.
     
  19. Tumain

    Tumain JF-Expert Member

    #19
    Dec 8, 2009
    Joined: Jun 28, 2009
    Messages: 3,158
    Likes Received: 6
    Trophy Points: 0
    Well said
    Katiba inaruhusu kila mwananchi kuchagua na kuchaguliwa

    Ni mtazamo tu ambao watu wanao, kuhusu viongozi wa dini nafikiri ni high time waruhusiwe wote masheikh, wachangaji, walimu wa madrasa (kama mimi) tuingie huko labda tutawasaidia hawa wasio na dini hasa uadilifu
     
Loading...