Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Askofu Mokiwa akataa rushwa ya Sh11 milioni

Discussion in 'Jukwaa la Sheria (The Law Forum)' started by MziziMkavu, Oct 15, 2010.

  1. MziziMkavu

    MziziMkavu JF-Expert Member

    #1
    Oct 15, 2010
    Joined: Feb 3, 2009
    Messages: 38,560
    Likes Received: 2,842
    Trophy Points: 280
    SIKU 16 kabla ya kufanyika wananchi kupiga kura, askofu mkuu wa Kanisa la Anglikana, Dk Valentino Mokiwa amedai kuwa hivi karibuni alipelekewa rushwa ya Sh11 milioni na mtu asiyemfahamu ili asizungumze masuala ya uchaguzi.

    Dk Mokiwa alisema hayo kwenye tamasha la kuombea uchaguzi mkuu lililoandaliwa na Usharika wa Yombo wa Kanisa la Kiinjili la Kulutheri Tanzania (KKKT) Dar es Salaam jana.

    Alisema tukio hilo lilitokea siku moja baada ya watu wawili mmoja akiwa anamjua kwenda nyumbani kwake kwa lengo la kumsalimia ambapo alizungumza nao kisha wakaondoka.

    “Siku moja baadaye, mlinzi alinipigia simu akaniambia yule mgeni wa jana ameleta ….nikamwambia kwa nini ulichukua? sina ahadi na mtu yeyote kuniletea mzigo,” alisema Dk Mokiwa.

    Alifafanua kuwa taarifa hizo zilimlazimu aende nyumbani kwake ili kujua nini kimeletwa... na alipofungua alikuta fedha taslimu Sh11 milioni ambazo zilimtia wasiwasi.

    “Nikampigia yule ninayemfahamu nikamwambia njoo uchukue fedha za jamaa yake, akaniambia 'usiwe na wasiwasi', nikamwambia haiwezekani njoo akaja akachukua zile fedha,” alisema.

    Aliongeza kuwa alikumbuka maneno ya mtu yule wakati walipokwenda nyumbani kwake kuwa nyinyi (viongozi wa dini) mkizungumza nchi inatikisika, akaona ile ilikuwa ni rushwa ili anyamaze kuzungumzia masuala ya uchaguzi mkuu ujao.

    Alisema aliamua kukataa fedha hizo kwa sababu alikuwa na wasiwasi asije baadaye akaambiwa na yeye alipewa fedha za rushwa na kumalizia nyumba yake kwani ile kwake ilikuwa ni rushwa ili anyamaze.

    Akizungumzia hoja yake iliyopingwa na taasisi za serikali zinazohusiana na rushwa na uchaguzi kwa madai kuwa anahamasisha watu kupokea rushwa, Dk Mokiwa alisema:

    “Mimi sikuhamasisha rushwa ila nilikuwa nawapinga viongozi wabaya wanaotoa rushwa kwa wapiga kura. Sheria ya Gharama za Uchaguzi si mbaya, lakini wasimamizi wa sheria hiyo ndio wabaya,” alisema Dk Mokiwa.

    Alidai kuwa atafanya awezalo kuhakikisha kuwa viongozi wala rushwa hawaiongozi nchi hii kwa sababu mwaka huu rushwa imeenea na wakati huu wa kampeni rushwa ndio inaliwa sana na viongozi wasiokubalika ndio watoa rushwa.

    “Tunamuomba Mungu leo, tupate viongozi ambao hawajawahi kutuongoza nchi hii; viongozi watakaotuletea amani bila ya kuwepo polisi shirikishi kwa kuwa hapa tulipofika ni matokeo ya kuwapa ushirikiano viongozi wabovu,” alisema.

    Akizungumzia kauli ya vyombo vya usalama juu ya amani kulekea kwenye uchaguzi, Dk Mokiwa alisema ili kulinda amani iliyopo hakuna budi vyombo hivyo vikatenda kazi yake bila ya upendeleo katika kusimamia uchaguzi.

    “Nani alisema hakuna amani, tatizo ni vyombo hivi vinataka kuwalinda watu waendelee kuongoza wakati wananchi wamewachoka. Wanatakaiwa wawe fair katika usimamizi,” alisema.

    Chanzo: Gazeti la Mwananchi
     
  2. mayenga

    mayenga JF-Expert Member

    #2
    Oct 15, 2010
    Joined: Sep 6, 2009
    Messages: 3,412
    Likes Received: 205
    Trophy Points: 160
    hakika Mokiwa ni Mwana wa Mungu!
     
  3. Shapu

    Shapu JF-Expert Member

    #3
    Oct 15, 2010
    Joined: Jan 17, 2008
    Messages: 1,780
    Likes Received: 10
    Trophy Points: 135
    Ni kwanini huyu Askofu asimpeleke huyu jamaa TAKUKURU?
    Hayo si ndo makosa wanayoshughulikia? Naomba elekezo hapo.
     
  4. PakaJimmy

    PakaJimmy JF-Expert Member

    #4
    Oct 15, 2010
    Joined: Apr 29, 2009
    Messages: 16,234
    Likes Received: 105
    Trophy Points: 160
    Hukumu ya kukataa rushwa ni mbaya kuliko kwenda Takukuru, maana huenda kule angehonga na kuachiwa!
    Kwa tendo hilo la kukataa kwake, then jumuia yote ya kitanzania imejua mpango huo.
    Lakini inatakiwa mtu huyo atajwe ili ijulikane anamtumikia nani!
    Huu sasa ni ushenzi wa ccm uliokithiri, kama wanataka kuwanyamazisha hadi wachungaji wa kondoo kwa Rushwa?
    Tegemeo laolilikuwa kwamba kwa vile alisema watu wapokee rushwa na kuzila, then yeye mwenyewe angepokea rushwa hiyo...Maaskofu wana maono....fedha hizo zilikuwa na mkono uliofichama kwa nyuma, ambao ungetumika kumdhalilisha askofu huyo machachari, na kumwondolea uaminifu na heshima yake mbele ya KANISA na jamii!
    Hongera MOKIWA!
     
  5. Don Mangi

    Don Mangi JF-Expert Member

    #5
    Nov 2, 2010
    Joined: Nov 1, 2010
    Messages: 2,199
    Likes Received: 71
    Trophy Points: 145
    Kweli blessed Bishop Mokiwa. . .
     
  6. C

    Chupaku JF-Expert Member

    #6
    Nov 3, 2010
    Joined: Oct 15, 2008
    Messages: 948
    Likes Received: 45
    Trophy Points: 45
    Alipokea au hakupokea?
    Tutathibitishaje?
    Ila does it really matter now?
     
  7. m

    mbea Member

    #7
    Nov 3, 2010
    Joined: Oct 12, 2010
    Messages: 97
    Likes Received: 0
    Trophy Points: 0
    Aache kudanganya wajinga,yeye mwenyewe njaa tupu,halafu akatae 11miliion!
     
  8. Omutwale

    Omutwale JF-Expert Member

    #8
    Mar 23, 2011
    Joined: Feb 4, 2008
    Messages: 1,423
    Likes Received: 9
    Trophy Points: 135
    Wanajamvi,
    Samahani nauliza hivi Askofu Mokiwa amefikwa na nini? Mbona amepotea/amepotezwa kama Askofu Kilaini?
    Karibu kila kiongozi awe wa dini, siasa au Kijamii tayari amesema au kutoa tamko kuhusiana na tukio la Arusha, hali ya maisha na wimbo wa Taifa i.e BABU WA LOLIONDO. Lakini katika hayo yooote sijamsikia Askofu Mokiwa! Kulikoni? Mwenye taarifa na kilichomsibu Askofu Mokiwa, tafadhari anishirikishe.
     
  9. Nduka

    Nduka JF-Expert Member

    #9
    Mar 23, 2011
    Joined: Dec 3, 2008
    Messages: 8,327
    Likes Received: 516
    Trophy Points: 280
    Mbwe mbwe zao na matusi waliyo watukana viongozi na CCM wakitegemea padre Slaa angekuwa rais ndio zinazo mtesa. Wenzake wamenuna yeye amesusa kaaz kweli kweli.
     
  10. MaxShimba

    MaxShimba JF-Expert Member

    #10
    Mar 24, 2011
    Joined: Apr 11, 2008
    Messages: 35,808
    Likes Received: 94
    Trophy Points: 145
    Angekuwa Shehe hapo sahau, angelamba dume.
     
Loading...