Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Askofu mkuu wa kanisa la TAG atoa tamko kuhusu chokochoko za udini

Discussion in 'Habari na Hoja mchanganyiko' started by palalisote, Oct 15, 2012.

  1. palalisote

    palalisote JF-Expert Member

    #1
    Oct 15, 2012
    Joined: Aug 4, 2010
    Messages: 8,353
    Likes Received: 23
    Trophy Points: 0
    Oktoba 12 mwaka huu, matukio mabaya na yenye kutia doa sifa ya amani umoja na Utengemano wa Taifa la Tanzania, yalijitokeza huko Mbagala Jijini Dar es Salaam, wakati watu wenye jazba wanaoaminika kuwa ni Waislamu wenye msimamo mkali walipovamia makanisa saba ...na kuyachoma moto eti kwa kulipiza kisasi cha mtoto aliyekojolea kuran katika utani wa kitoto.

    Katika mkasa huo ambao ni kama muendelezo wa ghasia zingine zilizotokea kule Zanzibar miezi michache iliyopita na kuteketeza makanisa mbalimbali mbali na kuharibu mali za kanisa na zile za watu binafsi.

    Tukio la Mbagala limesababisha makanisa saba kuharibiwa vibaya, mali kuibiwa na hata kuhatarisha maisha ya watanzania na kuwafanya waishi kwa hofu na kupoteza matumaini.

    CHANZO CHA TUKIO

    Kwa mujibu wa walioshuhudia, Polisi na wahusika (Waislamu) chanzo cha ghasia hizo na mabishano ya kitoto baina ya watoto wa dini ya Kiislamu na kikristo, waliobishana kuwa ikiwa mtu atakojolea kuran na kuitemea mate atageuka mbuzi au nyoka.

    Lakini baada ya tukio hilo la kitoto watu walilikuza na kulipeleka kwenye misikiti na hivyo kuchocheza ghasia. Kimsingi tukio lenyewe ni jepesi sana ukilinganisha na matokeo yake. Ukweli kwamba waliofanya utani huo ni watoto na chanzo chake ni mabishano ya kitoto, unatia shaka kuwa huenda kuna hoja nyuma ya pazia ambayo isipotazamwa kwa makini inaweza kulete matokeo mabaya sana.

    Jambo linalonitia shaka ni kufanana kwa matukio ya kuchomwa moto kwa makanisa ya Zanziabar na ya Mbagala ambapo hakukuwa na uhusiano wa vyanzo vya ghasia na makanisa husika.

    Mfano; Ghasia za Zanzibar zilizopelekea kuangamizwa kwa makanisa zinaelezwa kuwa zilitokana na kikundi cha Kiislamu cha Uamsho wa Mihadhara, kilichokuwa kikiandamana kudai mjadala wa Muungano, lakini zikaishia kwenye uchomaji wa makanisa, hapa hauonekani uhusiano wa kanisa na Muungano; nalazimika kujiuliza kulikoni?

    Vivyo hivyo tukio la Mbagala halina uhusiano wa moja kwa moja na kanisa kwa kuwa hakuna ushahidi wala hata tetesi kuwa mtoto huyo alitumwa na kanisa lolote. Wahusika wa dini ya Kiislamu akiwepo Sheikh Mkuu wa Mkoa wa Dar es Salaam, analielezea tukio la kitoto kama lisilostahili hata mtu kufunguliwa mashtaka bali kuelekezwa tu. Ni vipi lisababishe uchomaji wa makanisa?

    MAKANISA YALIYOCHOMWA MOTO

    Katika ghasia hizo za aina yake, makanisa saba yamethibitishwa kuharibiwa kwa kuchomwa moto, kupasuliwa vioo, viti na kuibiwa vyombo vya muziki na jenereta. Makanisa hayo ni TAG Kizuiani, Agape, Kibonde maji, SDA Sabato, Mbagala Kizuiani, Katoliki Kristo Mfalme Mbagala Rangi Tatu, Anglican Mbagala Kizuiani, KKKT, Mbagala Zakhem na TAG, Shimo la Mchanga.

    Pamoja na majengo hayo kubomolewa kwa viwango tofauti mengine yakichomwa moto, pia wahusika waliiba Genereta, na vyombo vya muziki vya makanisa hayo na kuvunja magari na baadhi yao kuchomwa moto.

    Choko choko zilizinazoweza kuwa chanzo cha matukio hayo ni:

    Januari sita mwaka huu, kikundi kimoja kinachoitwa JUAKITA, kiliitisha kongamano la kujadili katiba mpya Tanzania, kwa upande wa Waislamu. Katika kongamano hilo lililofanyika kwenye Ukumbi wa Diamond Jubilee, Dar es Salaam kulitolewas kauli za kichozi kama:

    1. Lazima Rais ajaye atoke Zanzibar
    2. Kukabiliana na ukuaji wa kasi wa dini ya Kikristo
    3. Kupinga Muungano ili kuupa nguvu Uislamu
    4. Kupigana kufa na kupona kutetea maslahi yao wakati huu wa kuandaa katiba mpya.

    Kauli hizo zilitolewa na Sheikh Nasoro Mohamed, kutoka Zanzibar, ambaye alikuwa mgeni rasmi. Baadaye zikaandaliwa kanda za CD zilizosambaza ujumbe huo.

    Uchunguzi unaonesha kuwa uchochezi huu umekuwa ukiwaandaa watu kusubiri vijitukio vidogo tu ili kulipua ghasi. Tuliona jinsi makanisa yalivyochomwa kule Zanzibar. Kwa kuwakumbusha tu, Makanisa yaliyoangamizwa katika tukio hilo ni: EAGT, Elimu Pentecost na TAG, Anglikana, Katoliki na FPCT.

    Ni jambo la kusikitisha kuwa matukio haya yanatokea siku mbili tu kabla ya maadhimisho ya miaka 13, ya kifo cha Rais wa Kwanza, Mwl. Julius kambarege Nyerere. Leo hotuba na midahalo inarindima kila mahali kumuenzi Nyerere, lakini wengi wetu tukiwa tumejaa majozi baada ya nyumba zetu za ibada kuharibiwa katika matukio yanayoashiri hatari kubwa.

    Hofu yangu ni kuwa, roho hii ya ubaguzi wa kidini ambayo Baba wa Taifa hayati Mwl. Julius Kambarage Nyerere aliifananisha na dhambi ya kula nyama ya mtu, imekuwa ikiyatafuna mataifa ya Afrika kama ifuatavyo:

    1. Mwaka 2000, vuguvugu la kuanzishwa kwa utawala wa Kiislamu (Sharia), lilianza kwenye majimbo ya Kaskazini mwa Nigeria, miaka michache baadaye majimbo kadhaa yakajitangazia sheria hizo na tangu wakati huo kumekuwa na mapambano yasiyoisha. Takwimu zinaonesha kuwa katika miaka ya karibuni zaidi ya Wakristo 500 wameuawa kikatili na makanisa kuchomwa moto.
    2. Roho hii imekuwa ikienea kwa kasi katika maeneo mbali mbali ya Afrika ambapo imelikumba taifa la Mali, majimbo ya kaskazini tayari yametangaza kujitenga na kuna vuguvugu lenye kuhusisha mapigano ya silaha.
    3. Itakumbukwa kuwa miezi michache tu ilizopita vuguvugu hili la kudai utawala wa kidini liliibuka nchini Kenya ambapo watu wanaojiita wanaharakati walianzisha madai ya kutaka eneo la Pwani kujitenga na Jamhuri ya Kenya na kujitangazia taifa la Kiislamu.
    4. Katika tukio hilo inasemekana mtoto huyo alitengenezewa mabishano ya kitoto kuwa akichoma kurani atakuwa chizi naye akabisha kisha akapewa kiberiti na kurani akachoma tena walioandaa mzaha huo wakamkamata na kumpeleka mahakamani.

    Tukio linalofanana na hilo lilitokea tena Bagamoyo mkoani Pwani ambapo mtoto wa kike alishtakiwa na hata kuhukumiwa kifungo kwa madai ya kuchoma kuran lakini tukio lilikuwa katika mabishano ya midhaha ya kitoto.

    WITO WANGU

    Natoa wito kwa Wakristo wote nchini kujiepusha na mizaha inayoweza kutengeneza sababu za kulipuka kwa ghasi na kutengeneza mwanya wa watu wenye nia mbaya kutekeleza agenda zao zaria Ili kulinda amani umoja na utengemano wetu, nawasihi viongozi wa makanisa kuonya na kukemea waumini na watoto wetu wasishiriki kwa namna yoyote ile mizaha inayopelekea kuchoma au kuharibu vitabu au nyaraka za kidini.

    Nawasihi watanzania wote kwa ujula kujiepusha na mizaha ya kidini inayoweza kuchafua amani yetu, na pale jambo lolote lenye kukera linapotokea tujiepushe kuwa mawakala wa shetani wa kueneza chuki badala ya amani na upendo.

    USHAURI WANGU KWA SERIKALI NA VIONGOZI

    Nawashauri viongozi wa Serikali ambao leo wanatoa matamko na kushiriki midahalo ya kumuenzi Mwl. Nyerere kukumbuka kuwa huyo alikuwa na mapenzi makubwa na amani na umoja wa taifa. Kwa hiyo kumuenzi kwa vitendo ni kudumisha utawala bora, unaofuata sheria usio na chembe ya ubaguzi wa aina yoyote.

    Kulipuka majukwaani kumuenzi Nyerere bila kuilinda na kuitetea amani ya nchi ni kujidanganya.

    Ni wajibu wa kila Mtanzania kutii sheria na mamlaka kwa kuwa zimewekwa/kuruhusiwa na Mungu, hivyo kuziasi ni Kumuasi Mungu, yaani ni dhambi. Hivyo kila Mtanzania anastahili kukumbuka wajibu wake wa kutii mamlaka.

    Viongozi wenzangu wa dini wakumbuke kuwa wana wajibu mkubwa katika jamii, na jamii inawasikiliza hivyo ni vyema wakawa makini katika matamshi na maelekezo yao ili wasiwe chanzo cha kuchochea vurugu za kidini na uvunjaji wa amani.

    Pia ningependa kuwashauri viongozi wa serikali kusimama imara katika kusimamia sheria na haki, na kuepuka kauli au vitendo vitakavyofanya baadhi ya watanzania kudhani kuwa hawatendewi haki.

    Ni vema ieleweke kuwa matukio kama haya ya uvunjaji wa amani yasipodhibitiwa na kukomeshwa haraka yanaweza kuumba chuki ambayo inaweza kuibua mlipuko mkubwa na machungu kwa wananchi na matokeo yake yakawa mabaya kwa Taifa zima. Hekima na busara inatufundisha kuwa tusipoziba ufa tutajenga ukuta.

    Ni vyema wenye dhamana ya kuongoza wakakumbuka kuwa wanawajibu mbele ya Mungu aliyewaweka au kuwaruhusu kuingia madarakani na siku moja watatoa hesabu mbele zake.

    Ni vyema viongozi wa Serikali wakajizuia kufanya maamuzi yanayoashiria upendeleo kwa baadhi ya makundi ya kidini na kukiuka utawala wa sheria, mfano; kutii waandamanaji na kuwaachia bila mashrti watu waliokamatwa kwa mujibu wa sheria kuna jenga kiburi kwa makundi yenye kiu ya matumizi ya nguvu na kujenga hofu kwa pande zingine.

    Ni vyema mamlaka zikasiamama katika sheria na kufanya hukumu kulingana sheria badala ya kuamua mambo ya kisheria kisiasa.

    WITO MAALUMU KWA VIONGOZI WA DINI

    Nitumie nafasi hii kuwasihi vingozi wenzangu wa dini, kusimama imara katika kuombea taifa na kuhubiri kwa nguvu ili kukabiliana na giza la kiroho ambalo linatishia kuifunika nchi.

    Takwimu za karibuni kabisa za utafiti uliofanywa na taasisi ya Washnton DC iitwayo, Pew Research Centre, na kurushwa na Televisheni ya CNN, Katika kipindi chake cha Inside Africa, zilionesha kuwa watanzania asilimia 93, wanaamini mambo ya ushirikina na uchawi wakati Uganda ni asilimia 29 na Kenya ni asilimia 27 Tu. Mahali ambapo giza la kiroho limezingira kiasi hiki ni lazima matukio ya kishetani yashamiri tuchukue hatua.

    Mwisho, natoa wito kwa watanzania wenzangu tuulinde umoja, amani na utengamano wa taifa letu, tuikimbie dhambi ya ubaguzi kwa kuwa tukiiruhusu itatuangamiza sote. Tuliombee taifa letu na kukiwa na mbegu ya chuki tuimalize kwa njia ya majadiliano na vikao vya pamoja vinavyohusisha viongozi wa dini zote na serikali pia.


    Imetolewa leo 14/10/2012
    Na Dk. Barnabas Mtokambali
    Askofu Mkuu wa TAG



    Source: wavuti.com - wavuti
     
  2. R

    Rwechu Member

    #2
    Oct 15, 2012
    Joined: Mar 17, 2009
    Messages: 85
    Likes Received: 0
    Trophy Points: 13
    Ahsante Bishop bilashaka wahusika wamepata msg.
     
  3. m

    mnyinda JF-Expert Member

    #3
    Oct 15, 2012
    Joined: Sep 25, 2012
    Messages: 277
    Likes Received: 0
    Trophy Points: 0
    Mtikila aliwai kusema mkamwita mchochezi kuna mchochezi anashindaga?
     
  4. S

    Shamwile Member

    #4
    Oct 15, 2012
    Joined: Apr 11, 2011
    Messages: 27
    Likes Received: 0
    Trophy Points: 0
    Nashukuru sana Baba Askofu kwa ujumbe uliojaa hekima!
     
  5. Myakubanga

    Myakubanga JF-Expert Member

    #5
    Oct 15, 2012
    Joined: Oct 3, 2011
    Messages: 5,723
    Likes Received: 54
    Trophy Points: 145
    Tamko limejaa busara kama nini!
     
  6. u

    ungonella wa ukweli JF-Expert Member

    #6
    Oct 15, 2012
    Joined: Mar 27, 2012
    Messages: 4,227
    Likes Received: 0
    Trophy Points: 0
    Kweli wakristo wavumilivu, lakini ni vizuri kwa maslahi mapana ya taifa letu!
     
  7. m

    mnyinda JF-Expert Member

    #7
    Oct 15, 2012
    Joined: Sep 25, 2012
    Messages: 277
    Likes Received: 0
    Trophy Points: 0
    Ukweli askofu ametumia hekima,lakini viongozi wetu wameacha swala gumu linaloweza kuangamiza mchi kama tukiwa na asira wamebaki kusikitikia swala la kamanda aliyeuwawa mimi ninashindwa kuelewa nchi hii mbona viongizi hawaoni mbele?wasiri wa mambo ya ndani anatoa pole mwanza anashindwa kutoa pole mbagala
     
  8. p

    promi demana JF-Expert Member

    #8
    Oct 15, 2012
    Joined: Oct 9, 2012
    Messages: 309
    Likes Received: 0
    Trophy Points: 0
    Hili ni tamko la kisomi na sio kama matamko ya radio imaan na shehk ponda.
     
  9. k

    kukukakara JF-Expert Member

    #9
    Oct 15, 2012
    Joined: Jul 31, 2012
    Messages: 429
    Likes Received: 17
    Trophy Points: 35
    Ahsante bushop, ila kwa vile ni mkakati maalumu wa'kutumia watoto , ni ngumu kuthibiti. Wanajua watoto kwa akili zao za kitoto ni mawakala wazuri sana. Point kubwa hapa litafutwe jukwaa mjadala mpana wa kutoa vinyongo liandaliwe tena serikali igharimie - facilitate hilo haraka kama kweli ina nia ya kulinda wananchi wake. Kwa kitendo hicho tz itakuwa ya kwanza duniani kuona inajali amani na haifungii macho vihatarishi serious kama hiki.

    La hasha kama serikali inajua vinyongo vya ndugu zetu kutokana na sources zake iyashughulikie basi sio kuvundika hadi uozo utokeee jamani

    Kukamata watu na kuwafunga haijasaidia ktk migogoro ya jinsi hii!

    Ushauri mkubwa kwa serikali ni huo ulioutoa wa kutokuwa na double standard ktk kukabiliana na makundi hasa ya kiimani.
     
  10. Njowepo

    Njowepo JF-Expert Member

    #10
    Oct 15, 2012
    Joined: Feb 26, 2008
    Messages: 9,160
    Likes Received: 289
    Trophy Points: 180
    Ipo siku wakristu watalianzisha bse inaonekana dogo walimset
     
  11. O

    Otorong'ong'o JF-Expert Member

    #11
    Oct 15, 2012
    Joined: Aug 17, 2011
    Messages: 23,080
    Likes Received: 2,345
    Trophy Points: 280
    Ahsante Baba Askofu kwa kauli iliyojaa hekima...
     
  12. P

    Pure Number Member

    #12
    Oct 15, 2012
    Joined: Sep 7, 2012
    Messages: 34
    Likes Received: 0
    Trophy Points: 0
    Huyu askofu hatumii akili??kwahiyo matukio wanayofanya waislam ni ya kishetani??yeye amesahau serikali ilivyowafanyia waislam mwembe chai??mbona sisi hatukusema ni tukio la kishetani??na waliochoma makanisa znz si UAMSHO bali askari toka bara,na picha zao zipo wakiwa wameshika mizinga ya moto!!

    Kama dini yenu si ya kibaguzi kwa nini mkanushe madai ya waislam ktk katiba mpya??
    1.Kuoa mke zaidi ya mmoja mnapinga!hivi hamfikirii kiundani??ikitokea mkeo anamaradhi ya kudumu(ugumba)halafu wewe unataka mtoto au ndugu zako utamuacha mkeo au utaoa mwingine ili upate mtoto??au mkeo kapata HIV hautaoa mwingine ili akutimizie haja zako??kutooa mara ya pili kwa sababu kama hizo ndio zinapelekea wakristo wengi kutoka nje ya ndoa kwa kutafuta watoto au kutimiziwa haja zao za kimaumbile ambapo unafanya ZINAA eti kisa padre kakataza usioe tena??sasa mnapinga hilo ktk katiba mpya!hamuoni mnaroho mbaya na upendeleo?kwanini msitoe na nyie madai yenu kama hamna udini??

    2.Mwaka 1978 nyerere(Laana ya Mwenyezimungu iwe juu yake)aliwaahidi maaskofu kulipa kiapumbele kanisa katoliki TZ kuliko taasisi yoyote TZ.hamuoni yeye alionesha udini??hadi mnataka kumpa utakatifu kwa kuimarisha kanisa TZ??

    3.Sisemi saaaana bali padre Dr john c sivalon ktk kitabu chake 'KANISA KATOLIKI NA SIASA ZA TANZANIA BARA' ameelezea ucpendeleo wote na mipango ya kuimariasha kanisa Tz,,halafu leo mnataka usawa tz wakati nyerere ndie alieanzisha udini??

    Acheni chuki za kijinga!!
     
  13. P

    Penguine JF-Expert Member

    #13
    Oct 15, 2012
    Joined: Nov 29, 2009
    Messages: 952
    Likes Received: 168
    Trophy Points: 60
    That is “Goodnews."
     
  14. Mkirua

    Mkirua JF-Expert Member

    #14
    Oct 15, 2012
    Joined: Sep 9, 2010
    Messages: 5,658
    Likes Received: 5
    Trophy Points: 135
    Tatizo watakaposema basi hapatatosha.
     
  15. matumbo

    matumbo JF-Expert Member

    #15
    Oct 15, 2012
    Joined: Jul 9, 2011
    Messages: 7,206
    Likes Received: 45
    Trophy Points: 145
    watu kama wewe na wenzio tunawaombea kwa Mungu awasamehe hamjui mlitendalo...
     
  16. C

    Curriculum Specialist JF-Expert Member

    #16
    Oct 15, 2012
    Joined: Oct 8, 2007
    Messages: 2,737
    Likes Received: 2
    Trophy Points: 0
    Acha ujinga wewe, kwani kupata mtoto au kutopata si majaliwa ya Mungu, kwani una uhakika gani huyu mwingine utakaye muoa atakuzalia mtoto? Kwani matatizo ya ugumba ni ya wanawake tu? Ndio maana tunawashauri kila siku kuwa msiishie mdrasa tu someni na elimu dunia itapanua ufahamu wenu kidogo!
     
  17. P

    Pulpitis Senior Member

    #17
    Oct 15, 2012
    Joined: Jun 24, 2012
    Messages: 116
    Likes Received: 0
    Trophy Points: 0
    Aisee unatokwa povu jingi sana, udini utakufikisha pabaya, kwanza ata haujamuelewa Askofu alichoongea soma tena post, unaruhusu jazba zikuongoze sheikh bila kutimia akili japo kidogo tu, shule ulipita au ulisoma?
     
  18. K

    Kapwani JF-Expert Member

    #18
    Oct 15, 2012
    Joined: Nov 17, 2009
    Messages: 668
    Likes Received: 0
    Trophy Points: 0
    complitili non-sense

    mix with yours
     
  19. C

    Chintu JF-Expert Member

    #19
    Oct 15, 2012
    Joined: Feb 4, 2011
    Messages: 2,414
    Likes Received: 78
    Trophy Points: 145
    Kwa nini hamkusema ni tukio la kishetani. kama hamkusema nawatangulia kusema lile ni tukio la kishetani, tena sio hilo tu kuna mengi mengine kama kuwaweka ndani akina Juma Haji Duni bila mashtaka kwa miaka mitatu- ni ushetani, kuua waandamanaji wa CUF kwa kupinga kumuibia kura Seif Zanzbar mwaka 2000 ni ushetani, kuiba pesa benki kuu kupitia EPA ni ushetani, kuiba twiga wetu kuwauzia waarabu ni ushetani. Kuwatuma polisi kuua wananchi kwenye mikutano ya CHADEMA ni ushetani. Ushetani ni ushetani tu, uwe umetendwa na mkristo,mwislam au mpagani haijalishi.
     
  20. mgomba101

    mgomba101 JF-Expert Member

    #20
    Oct 15, 2012
    Joined: Oct 21, 2011
    Messages: 1,769
    Likes Received: 36
    Trophy Points: 145
    Hapo kwenye blue: IGP alikuwa Omari Mahita,mwislam mwenzenu.
     
Loading...