Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Askari 12,000 wakwama kulipwa mshahara

Discussion in 'Habari na Hoja mchanganyiko' started by Kimbori, Oct 13, 2012.

  1. Kimbori

    Kimbori JF-Expert Member

    #1
    Oct 13, 2012
    Joined: Feb 21, 2012
    Messages: 2,426
    Likes Received: 181
    Trophy Points: 160
    HALI siyo shwari ndani ya Jeshi la Polisi nchini baada ya askari wake zaidi ya
    12,194 kukosa mishahara kutokana na
    mabadiliko ya mfumo wa malipo
    kwenye mtandao wa kompyuta, uliobadilishwa na Wizara ya Fedha.
    Mpaka sasa, jumla ya askari 27,398
    wamekwishalipwa kupitia benki baada ya kuwasilisha akaunti zao Benki ya NMB, lakini askari waliosalia ambao ni
    zaidi ya 12,194 bado hawajapata mishahara yao kutokana na ofisi za uhasibu ndani ya Jeshi la Polisi
    kushindwa kuandaa malipo.

    Habari zilizopatikana kutoka ndani ya
    Jeshi la Polisi na kuthibitishwa na baadhi ya Makamanda wa Polisi wa mikoa pamoja na Msemaji wa jeshi hilo, Adivera Senso, zinaeleza kwamba
    mishahara ya askari hao ilipaswa kuwa
    imelipwa tangu Septemba 23 mwaka huu, lakini hadi leo askari hao
    hawajalipwa. Mmoja wa wafanyakazi wa wizara hiyo
    alilidokeza Mwananchi kuwa tatizo hilo
    linatokana na Wizara ya Fedha kuipa zabuni kampuni moja kubadilisha mfumo huo wa malipo ambao pia uliwahusu
    wahasibu wote nchini. Alisema chini ya mfumo huo mpya wa
    Epicor-9 wahasibu wote waliopo ndani
    ya wizara hiyo walitakiwa kubadilisha
    utaratibu wa utoaji hundi na ulipaji na
    watumishi wote na kwamba mishahara
    yao lazima ianze kupitia Benki ya NMB. “Tatizo lilitokea baada ya Wizara ya
    Fedha kutoa mwongozo juu ya mfumo wa programu mpya ya kompyuta ya
    Epicory-9 ya uhasibu kubadilika kutoka
    programu ya zamani ya Epicor-7.
    Katika mabadiliko haya askari waliarifiwa kutumia Benki ya NMB, hivyo askari
    ambao walikuwa hawajafungua akaunti
    zao waliendelea kupokea malipo yao kwa wahasibu, lakini nao sasa
    mishahara imekwama,” alieleza
    mfanyakazi huyo.

    Mkoa wa Mwanza Kamanda wa Polisi Mkoa wa Mwanza,
    Liberatus Barlow alikiri kuwapo kwa tatizo hilo na kwamba sehemu kubwa ya askari ambao hawajalipwa mishahara yao imetokana na wao kuchelewa
    kuwasilisha akaunti zao za benki. “Tunalo hilo tatizo, ni kubwa lakini
    makao makuu wametuhakikishia kwamba wanalifanyia kazi. Ila limetokana na baadhi ya askari wetu kushindwa kutekeleza maagizo haraka,
    utaona hawa ambao hawajapokea mishahara ni sehemu ya askari
    wachache, lakini wale wenzao ambao
    walikamilisha utaratibu wa kufungua
    akaunti benki wamepokea mishahara
    yao,” alifafanua Kamanda Barlow.

    Mkoani Tabora Kwa upande wake, Kaimu Kamanda wa
    Polisi Mkoa wa Tabora, Edward Bukombe
    alisema hajapata malalamiko kutoka kwa askari ambao hawajalipwa kwa
    kuwa asilimia kubwa ya askari wake walishakamilisha utaratibu wa kulipiwa mishahara yao kupitia benki.
    Alisema hata kama tatizo hilo
    litakuwapo, basi athari yake itakuwa siyo kubwa ikilinganishwa na mikoa mingine ambako kuna idadi kubwa ya
    askari ambao hawajalipwa mishahara.

    Mkuu wa Ofisi ya Wizara ya Fedha
    mkoani Mwanza, Godfrey Kiabula
    alisema mkoa wake ulikuwa katika harakati za kuhakikisha malipo yanafanyika haraka na kwamba askari
    hao wataanza kulipwa leo. “Mie niko nje ya ofisi, lakini
    ninachofahamu ni kuwa utaratibu
    ulikuwa ukifanyika kuhakikisha
    wanalipa askari hao, nadhani watalipwa
    kuanzia kesho (leo),” alieleza ofisa huyo
    kwa simu.

    Mkoa wa Dar es Salaam Jijini Dar es Salaam pia inaelezwa kuwa
    hali siyo shwari baada ya askari wa Kikosi cha Kutuliza Ghasia (FFU), Ukonga
    kuwabana maofisa wa wizara hiyo juzi
    kuhusu malipo ya mishahara yao hali ambayo ilimlazimu Mkuu wa Jeshi la Polisi, Inspekta Jenerali wa Polisi (IGP)
    Said Mwema kuwaamuru wahasibu wa
    jeshi hilo kwenda Wizara ya Fedha
    kutafuta ufumbuzi wa askari hao
    waweze kulipwa.
    “Ninakwambia hapa kwetu hali ilikuwa mbaya, jana FFU walifanya vurugu
    tukalazimika kukimbia ofisi, na baada ya
    hali kutulia, IGP aliagiza twende Wizara
    ya Fedha kushughulikia mishahara ili
    askari walipwe,” alieleza mmoja wa maofisa wa polisi kutoka Idara ya Uhasibu.

    Katibu Mkuu wa Wizara ya Fedha Kwa upande wake, Katibu Mkuu wa Wizara ya Fedha, Ramadhan Khijha
    alipoulizwa kwa njia ya simu alisema kwa sasa hawezi kuzungumzia suala lolote kwa vile alikuwa katika kikao na
    kuomba kuwasiliana naye siku nyingine. “Kwa sasa niko kwenye kikao nipe nafasi kwanza, nitalifuatilia suala hili
    kujua ukubwa wa tatizo lenyewe.
    Siwezi kuzungumza lolote hapa nilipo,
    naomba tuwasiliane kesho," alisema na kukata simu.

    Msemaji wa Jeshi la Polisi nchini, Advera Senso alisema taarifa za askari wa FFU
    kufanya vurugu ni za upotoshaji na
    kwamba hana taarifa za IGP kutoa
    maagizo kwa wahasibu kwenda Wizara
    ya Fedha. “Nilikuwa kwenye vikao tangu asubuhi,
    sasa jambo hili siwezi kulieleza kwa
    sasa mpaka kuwasiliana na mikoani
    kujua ni askari wangapi ambao mpaka
    sasa hawajalipwa,” alisema.
    Chanzo: Mwananchi, October 13.
     
  2. A-town

    A-town JF-Expert Member

    #2
    Oct 13, 2012
    Joined: Oct 25, 2011
    Messages: 497
    Likes Received: 48
    Trophy Points: 45
    Wakija madukani na magengeni msiwakopeshe wauaji hao wakiwa na bunduki na vitu vizito wanajisahau kuwa wao ni binadamu kama wengine utasikia ua huyo pigaa.
     
  3. Saint Ivuga

    Saint Ivuga JF-Expert Member

    #3
    Oct 13, 2012
    Joined: Aug 21, 2008
    Messages: 31,174
    Likes Received: 5,716
    Trophy Points: 280
    mambo ya kina dr Ndalichako na baraza la mitihani na islamic knowledge
     
  4. M

    Manyiri Member

    #4
    Oct 14, 2012
    Joined: Oct 27, 2007
    Messages: 72
    Likes Received: 1
    Trophy Points: 15
    Serikali dhaifu jeshi dhaifu unategemea nini? eti hao ndo wanaotegemewa kulinda mali zetu wakati wao wana njaa hawajalipwa mishahara.Nasikia nawao ili fedha iingie benki lazima watoe rushwa kwa wahasibu wa makao makuu ya polisi DAR KAZI IPO NCHI HII.
     
  5. kivyako

    kivyako JF-Expert Member

    #5
    Oct 14, 2012
    Joined: Feb 2, 2012
    Messages: 4,648
    Likes Received: 521
    Trophy Points: 280
    Wazee wa kutumiwa km ped, wanakumbukwa siku kukiwa na mikutano ya CDM! inabidi wajitafakari.
     
Loading...