Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Anadhani kwamba kwa hizi sababu basi CCM itaweza kuondoka wewe unasemaje?

Discussion in 'Jukwaa la Siasa' started by Lunyungu, Nov 1, 2007.

  1. Lunyungu

    Lunyungu JF-Expert Member

    #1
    Nov 1, 2007
    Joined: Aug 7, 2006
    Messages: 8,827
    Likes Received: 29
    Trophy Points: 135
    KATIKA historia ya mahusiano ya watawala na
    watawaliwa na hasa pale ambako yanawahusisha watu
    wenye historia moja na ambao wanatoka damu moja na
    hatma yao ni moja au watu ambao historia ya maisha yao
    imefungamana tangu enzi za enzi; endapo mahusiano hayo
    baina ya pande hizo mbili hayana budi kukomeshwa na
    kuvunjwa, basi sababu za kuvunja na kuyakomesha kwa
    njia ya kidemokrasia au ya kimapinduzi ni lazima
    zisemwe wazi, kwa ukweli na bayana.

    Kwa vile kuvunja uhusiano huo ni jambo ambalo
    litawaathiri watu wa pande zote hizo mbili, basi hoja
    za kwanini uhusiano huo uvunjwe hazina budi kuwekwa
    hadharani.

    Hili ni lazima lifanyike ili mahusiano hayo
    yatakapovunjwa kusitafutwe kisingizio kingine cha
    kuvunjika kwake. Kwa kutangaza hadharani sababu hizo
    basi hisia za chuki, uonevu, kisasi, uzandiki, au uovu
    wowote zitaweza kuepukwa.

    Mahusiano na watawala yaweza kuvunjwa

    Kuvunja mahusiano na watawala si jambo geni wala
    jepesi kufanywa. Jamii mbalimbali duniani zimeweza
    kushuhudia kuvunjwa kwa mahusiano yaliyodumu kwa muda
    mrefu kati ya watawala na watawaliwa.

    Mahusiano ya namna hiyo yameweza kuvunjwa Marekani na
    utawala wa Uingereza (waliandika Azimio la Uhuru),
    Ukraine (Mapinduzi ya “Chungwa”), Lebanon (Mapinduzi
    ya Mierezi), Georgia (Mapinduzi ya Waridi) na Kenya
    (Ushirikiano wa Upinde wa Mvua). Hivyo, si jambo geni
    na si la pekee kwa watu kuamua kuvunja uhusiano na
    watawala wao, hata kama ni ndugu zao.

    Dhamira ya kuing’oa CCM

    Kwa kuzingatia historia yetu ya mahusiano kati ya
    Watanzania na chama chetu tawala cha CCM, tunaweza
    kudhamiria kukiondoa madarakani ifikapo uchaguzi wa
    mwaka 2010 kwa kuchukua Bunge la Jamhuri na ifikapo
    2015 kuchukua kiti cha urais.

    Vyote viwili vikiwezekana mwaka 2010, basi azma ya
    kuanza hatua za kulibadili taifa letu na kujenga taifa
    jipya la kisasa, lenye kuheshimu katiba, na lenye
    kuhakikisha kuwa wana na mabinti wa Tanzania
    wanafurahia haki sawa na nafasi sawa katika nchi yao,
    itatimia. Kuiondoa CCM madarakani kutafanyika endapo
    mkataba na vyama vya upinzani utakubaliwa na vyama
    hivyo.

    Sababu za kuing’oa CCM madarakani

    Ni kutokana na dhamira hiyo basi, nimeamua kuainisha
    sababu ambazo zinatufanya sisi wana na mabinti wa
    Tanzania bila kujali itikadi zetu, hali zetu za
    maisha, vyeo na hadhi zetu na vitu vingine
    vinavyotutofautisha kama mtu mmoja mmoja kama vile
    rangi, kabila, au dini kuvunja mahusiano yanayotufunga
    sisi na Chama Cha Mapinduzi na kukiondoa madarakani
    kwa njia ya kidemokrasia, kwa nguvu ya sanduku la
    kura, kwa kutumia sheria na taratibu zilizopo.
    Tumeazimia kufanya hivyo kwa sababu zifuatazo:

    Chama Cha Mapinduzi kimeenda kinyume kabisa na katiba
    yake, iliyotangaza kuwa Azimio la Arusha ndiyo dira ya
    taifa letu na iliyoweka maono ya kitaifa na hata
    tafsiri ya azimio hilo iliyotolewa Zanzibar.
    Kwa kufanya hivyo serikali ya CCM imeiingiza nchi
    katika siasa za kibepari (zenye msingi wa unyonyaji)
    bila kuwaambia wananchi wenyewe wakati katiba ya chama
    hicho na ile ya nchi bado vinatamka wazi na bayana
    kuwa Tanzania ni nchi ya kijamaa, yenye kujenga ujamaa
    (usoshalisti) kwa misingi ya kujitegemea.

    Chama Cha Mapinduzi kimeruhusu viongozi wake kuvunja
    Azimio la Arusha na maelekezo yaliyotolewa na Rais
    mstaafu Ali Hassan Mwinyi kuhusu Azimio la Zanzibar
    kwenye Ukumbi wa Diamond Jubilee Aprili 25 mwaka 1991.
    Miongoni mwa mambo ambayo viongozi wa chama hicho
    wanajihusisha nayo licha ya kukatazwa na Azimio la
    Zanzibar (Likifafanua Azimio la Arusha) ni pamoja na
    kupangisha majumba, kuwa na shamba la zaidi ya hekta
    20, kupokea mishahara zaidi ya mmoja wakiwa wamevaa
    kofia zaidi ya mbili za serikali au chama.
    Chama hiki hivi karibuni kimefurahia kutimiza miaka 30
    tangu kuzaliwa kwake, na bila hata hofu wameshindwa
    kutaja kabisa miaka 40 ya Azimio la Arusha na hivyo
    kuthibitisha kuwa azimio hilo limekufa kiujanja na
    kuzikwa kinyemela. Kama CCM ingekuwa na wasema kweli
    angalau wangelisema kuwa Azimio la Arusha limekufa, na
    maelezo ya azimio hilo ya kule Zanzibar nayo yamekufa,
    kila mtu na lwake.

    Chama Cha Mapinduzi kwa kupitia Bunge la Jamhuri ya
    Muungano na wabunge wake ambao ndio wengi bungeni,
    kimeshindwa kuisimamia serikali ya Jamhuri ya Muungano
    na hivyo kuifanya isiwajibike kwa wananchi kama
    inavyopaswa.
    Ni Bunge lenye wingi wa wabunge wa CCM ambalo
    limeiacha serikali yake kuingia katika mikataba mibovu
    na isiyo na maslahi kwa nchi kama ile ya madini na
    nishati (mifano ya IPTL, Richmond, na Buzwagi iko
    mawazoni), na mikataba ya uendeshaji wa kampuni za
    Kitanzania kama ile ya Tanesco na Dawasco na mingine
    ya ubinafsishaji.

    Ni wabunge hao ambao wamegoma kutunga sheria ambayo
    ingewapa uwezo wa kuiangalia na hata kuitengua
    mikataba yoyote ambayo haina maslahi kwa taifa au
    yenye athari mbalimbali kwa wananchi, mazingira, na
    usalama wa taifa.

    Ni bunge hili ambalo licha ya vyanzo vingi vya kodi,
    limeshindwa kupitisha vyanzo vipya vya kodi ambavyo
    vingelifanya taifa letu kuwa na uchumi huru zaidi na
    si tegemezi. Bunge letu bado limeshindwa kubuni vyanzo
    vipya vya mapato ili hatimaye bajeti yetu iwe huru
    kutoka kwa wafadhili na wahisani.

    Ni Bunge hilo hilo la wingi wa wabunge wa CCM
    lililoshindwa kabisa kuikemea serikali hasa
    ilipojihusisha na ununuzi wa ndege ya kifahari ya rais
    pamoja na rada isiyokidhi mahitaji yetu, na yenye
    gharama kubwa.
    Bunge hili limeshindwa kumtaka rais kuruhusu ripoti ya
    Benki ya Dunia kupinga ununuzi wa rada hiyo kuwekwa
    hadharani ili wananchi wajue ni jinsi gani ununuzi huo
    ulikosa busara na sababu ya msingi.

    Serikali ya CCM imeshindwa kukemea viongozi wake
    waliotumia ofisi zao za umma vibaya na kuwavumilia kwa
    kuwalinda. Kitendo cha Serikali ya CCM kukubali na
    kutoa baraka yake kwa rais mstaafu kufanya shughuli
    binafsi Ikulu, na kuruhusu maafisa wake kuwa na hisa
    katika kampuni ambazo wao wana maslahi, na kitendo cha
    kutaka wananchi wapuuzie hoja zinazohoji utaratibu
    huo, ni kitendo kinachoonyesha ni jinsi gani chama
    hiki kimelewa madaraka. Kwa kufanya hicho CCM si tu
    imejenga misingi mibovu ya maadili, bali pia
    imeonyesha mfano mbaya kabisa kwa viongozi wa mbeleni.

    Chama Cha Mapinduzi kwa kupitia serikali zake,
    kimeshindwa kuipa sekta ya elimu mkazo na msisitizo
    unaostahili na hivyo kushindwa kuleta mabadiliko ya
    kielimu yanayotakiwa katika kuleta mageuzi makubwa ya
    kiuchumi na kijamii.
    Licha ya kuongeza idadi ya shule, madarasa, wanafunzi
    na vyuo, serikali ya CCM imeshindwa kuinua ubora wa
    elimu ya kati na ya juu na hivyo kushindwa kuandaa
    taifa la wasomi waliobobea, watafiti mahiri, na
    wachunguzi wa mambo waliofuzu.

    Badala yake wasomi wale wachache ambao Tanzania inao
    wameishia kuwa wanasiasa, na wale walioko katika
    taaluma maslahi yao ni duni sana na hivyo wengine
    kuamua kwenda nje ya nchi na wengine kutokujihusisha
    kabisa na mambo ya ndani ya maendeleo ya Tanzania.
    Hili linadumaza elimu ya kizazi kijacho cha wasomi.

    Matokeo yake ni kuwa Serikali ya CCM imeshindwa kubuni
    mikakati inayowezekana ya kuiinua Tanzania kitaaluma
    na kuipatia faida ya kiushindani katika soko la ajira
    za ndani na za kimataifa.

    Serikali ya Chama Cha Mapinduzi imeshindwa kujenga na
    kuendeleza sekta nzuri, ya kisasa, na iliyo endelevu
    ya afya na badala yake matatizo ya magonjwa ya
    milipuko yasiyo ya lazima bado yanaendelea kuua watu
    wetu na kudhalilisha utu wa Watanzania.
    Licha ya mafanikio kidogo ya hapa na pale ya ujenzi wa
    majengo ya hospitali na kliniki, Serikali ya CCM
    imeshindwa kupunguza kwa kiasi kikubwa maambukizi ya
    magonjwa makubwa, kupunguza vifo vya watoto na hasa
    kuhakikisha upatikanaji wa chanjo za watoto ambazo
    zimepungua kwa kiasi kikubwa sasa hivi.

    Ni serikali ya chama hicho ambayo imeshindwa kufanya
    sekta ya afya kuwa ya kisasa zaidi na inayowafikia
    watu wengi zaidi na kwa muda mfupi zaidi.

    Ni kutokana na kushindwa huku ndio maana Serikali ya
    CCM imejiwekea utaratibu wa kupeleka viongozi wake nje
    ya nchi huku watu wa kawaida wakiendelea kuhangaika
    kila kukicha kutafuta huduma bora za afya. Hata
    zinapotokea ajali, viongozi wao watapelekwa nje, na
    wale waliokuwa nao watatibiwa humu humu nchini.

    Kwa kukimbilia uwekezaji katika madini na utalii na
    kutokuweka mazingira mazuri ya uwekezaji katika sekta
    ya sfya, Serikali ya CCM inatengeneza taifa la watu
    dhaifu na walio goigoi na ambao afya zao ziko shakani.

    Licha ya kuendelea kuimba wimbo wa “Kilimo ndio uti wa
    mgongo wa taifa” na licha ya kutambua kuwa wananchi
    wetu wengi wameajiriwa katika kilimo, Serikali ya CCM
    imeshindwa kabisa kubadilisha kilimo chetu na
    kukifanya kuwa cha kisasa na kinachotosheleza mahitaji
    yetu na ziada.
    Serikali ya chama hiki imeshindwa kuongoza mapinduzi
    ya kilimo licha ya ahadi nyingi, ambayo yangesababisha
    tuachane na jembe la mkono na kuleta kilimo ambacho
    kimeanza kutumia mashine za kisasa, utaalamu wa
    kisasa, na taratibu za kisasa za kilimo na hivyo
    kukifanya kisiwe cha kujihifadhi tu bali kiwe cha
    kutosheleza mahitaji ya nyumbani na ziada. Wameshindwa
    kufanya hivi licha ya nchi yetu kuwa na Chuo Kikuu cha
    Kilimo na taasisi mbalimbali za utafiti wa mazao na
    mifugo ambazo zinafanya kazi chini ya uwezo wake
    kupita kiasi.

    Serikali ya CCM inaamini kuwa Tanzania pasipo CCM
    madarakani haiwezekani. Tabia ya baadhi ya viongozi wa
    chama hicho na vyombo ambavyo vimo kwenye mikono yao
    kuendelea kutishia wananchi kuwa endapo chama kingine
    kitashika madaraka basi nchi itaingia matatani na
    kutatokea machafuko makubwa ni tabia ya watu
    walioishiwa hoja na yenye lengo la kutishia watu.
    Vitisho hivyo vya mara kwa mara vinavyofanywa na
    baadhi ya viongozi hawa vina lengo la kutaka kuendelea
    kujikita zaidi madarakani kwa kutumia hofu na mbinu za
    vitisho. Kwa kuendeleza mbinu hizi zilizopotoka,
    serikali ya CCM inataka kuendeleza utawala wake kwa
    kuchezea hisia na vionjo vya wananchi kwa mbinu chafu
    za kuwatishia.

    Kwa makusudi kabisa wameamua kuziacha na kuzitupilia
    mbali fikra za Mwalimu Nyerere, fikra ambazo msingi
    wake ulikuwa ni “kujenga taifa la watu walio huru na
    sawa”, na taifa ambalo kila mtu ana “haki ya
    kutambuliwa na kuthaminiwa utu wake”. CCM wamejikuta
    wakibadili maana ya maendeleo kutoka maendeleo ya watu
    na kuwa maendeleo ya vitu.
    Kwa kufanya hivyo, wametilia mkazo umwagaji wa mapesa
    na vitu bila kuathiri maisha ya mtu wa kawaida.
    Matokeo yake ni tofauti ya maisha ikiendelea kuonekana
    kati ya watu na vitu, huku wachache wakiendelea
    kunufaika kwa vitu huku wengi wakiendelea kutaabika.

    Azimio

    Kwa kuzingatia sababu zote hizo na nyingine ambazo mtu
    mmoja mmoja anaweza kuwa nazo, tukitambua kuwa Chama
    Cha Mapinduzi kimepewa nafasi nyingi za kujirekebisha,
    na kimeshindwa kufanya hivyo na badala yake kuendelea
    kutawala bila kujali hisia na maslahi ya wananchi,
    tukifahamu kuwa nchi yetu haiwezi kusonga mbele na
    kupiga hatua ya haraka ya maendeleo kwa kadiri ya
    kwamba CCM bado iko madarakani, tunajikuta
    tunakabiliwa na uamuzi mmoja tu wa makusudi, wazi, na
    dhahiri, ambao tunaweza kuuchukua.

    Sisi wananchi wa Tanzania, tulio nyumbani na
    ughaibuni, tukiwa na vingi vinavyotutofautisha kama
    mtu mmoja mmoja, kama vile rangi, dini, nasaba,
    makabila, vyeo, hadhi, nk na ambao tuko ndani na nje
    ya CCM, ndani na nje ya upinzani na wale ambao
    hatufungamani na chama chochote au itikadi yoyote ya
    kisiasa tukiunganishwa na tunu za utii kwa nchi na
    uzalendo kwa taifa, na tukisukumwa na matamanio kuwa
    siku moja watoto na watoto wa watoto wetu wataikuta
    nchi hii iliyojaa fanaka na neema, tunajikuta
    tukitangaza mara moja na daima kuwa:

    Chama Cha Mapinduzi, ni lazima kiondolewe madarakani
    kwa kutumia njia za kidemokrasia na kwa kutumia nguvu
    ya sanduku la kura kwenye uchaguzi wa 2010 kwa
    kuwanyima wagombea wao kura za ubunge na uwakilishi
    mwingine wowote ule.

    Na pia tunakoelekea huko tutaanza kuwanyima kura za
    uwakilishi katika chaguzi ndogondogo zinazofanyika
    kuanzia sasa kama za madiwani, kama ishara ya
    kuonyesha kuwakataa kwetu na kukataa sera zao ambazo
    zimeifikisha nchi yetu hapa ilipo.

    Azimio hilo tunaliingia sisi kama mtu mmoja mmoja na
    kama jumuiya, tukijua kwa hakika kuwa kuondoka kwa CCM
    madarakani kunawezekana, na tukitambua kuwa kushindwa
    kuiondosha CCM madarakani ni kuendeleza utawala wa
    chama kisichojirudi na ambacho kimebadili sera zake za
    kujali wakulima na wafanyakazi wa nchi hii, na badala
    yake kukumbatia kundi la watu wachache wenye kujali
    maslahi binafsi zaidi kuliko ya taifa na mwongozo wa
    katiba.

    Tunaweza kuazimia hayo tukiwa na akili timamu, bila
    shurti, vitisho, ahadi ya cheo au madaraka, tukijua
    wazi kuwa kwa kuweka majina yetu hadharani tutakuwa
    tumeonyesha kitendo kikuu cha kutowakubali CCM.

    Tunaweza kufanya hivi kwa ajili ya mapenzi ya nchi
    zaidi kuliko kitu kingine chochote. Mungu atusaidie.

    Pindi azimio hili likikubalika na wananchi wengi,
    tutaweka hadharani mkataba na vyama vya upinzani ambao
    ni lazima waukubali wote au waukatae wote.

    Wakiukubali tutawapa Bunge mwaka 2010; wakiukataa
    tutawapa tena nafasi CCM lakini tutaendeleza mapambano
    ya kifikra hadi CCM ibadilike au chama kingine
    kiimarike na kuweza kuchukua nafasi ya CCM kwa
    kuzingatia misingi ya mkataba huo.

    Mungu ibariki Afrika, Mungu ibariki Tanzania.
     
  2. M

    MgonjwaUkimwi JF-Expert Member

    #2
    Nov 1, 2007
    Joined: Mar 10, 2006
    Messages: 1,141
    Likes Received: 322
    Trophy Points: 180
    Mada hii ni sawa na mada nyingine ambazo mara nyingi zimekuwa zikitoa tatizo na nadhalia ya suluhisho la matatizo yetu pasipo kutoa mchakato mzima wa utatuzi. Matokeo yake tupo na tutabaki pale pale, na ccm itabaki palepale ikiendeleza ufisadi. JF tutabaki pale pale tukibweka kila siku pasipo kuibadirisha nchi.

    CCM haitang'oka kwa wapinzani kukesha kwenye internet na kuanzisha utitili wa magazeti yanayopinga hata mazuri yanayofanywa na serikali. Huku ni kujidanganya na kuadaa watu.

    CCM haitaondoka madarakani kwa wapinzani kutembea kila mkoa wakitangaza mabaya ya ccm huku wakiacha kutangaza sera zao. Naam, nani hasiyeyajuwa mabaya ya ccm tangu ilipoundwa? Je ni asilimia ngapi huko vijijini wanajuwa sera au ilani za Chadema, Cuf, TLP, DP nk? Wapinzani wamekuwa kichekesho, wamekuwa waigizaji wanaovuta maelfu ya watu kuja kusikiliza orodha ya mafisadi badala ya kusikiliza sera zao. kwa mtaji huu, ccm tunayo, na tutakuwa nayo kwa karne kadhaa.

    CCM ipo madarakani si kwasababu inapendwa lah. Kwasababu haina mpinzani, wapinzani wamekuwa disappointment kwa wananchi. CUF wanasikika tu mara uchaguzi unapoisha wakilalamika kuibiwa kura, uchaguzi ukiisha wakapata maslahi ya muafaka huwasikii tena. Chadema wako busy na list ya mafisadi na kupoteza muda wao mwingi JF kujibu mada za ajabu ajabu zilizoanzishwa na watu walio nje ya nchi wasiopiga kura. Inasikitisha, inakasirisha, inahurumisha. Ufisadi na mabaya mengine yanayofanyika serikalini yamepoteza mwelekeo wa upinzani kuelekea uchaguzi wa 2010....na hii ni faida kwa ccm ambayo hapa tunaposema inafanya uchaguzi wakujiimarisha huku ikijuwa kwamba mfupa wa ufisadi umesha distruct chembe chembe zozote za juhudi za wapinzani kushika madaraka.

    Sasa ccm itaondoka vipi? Ili ni swali ambalo mara nyingi JF tumekuwa tukilikwepa. Mada nyingi juu ya kuiondoa ccm zimeishia kutoa sababu za kwanini ccm iondoke..kama wanavyofanya wapinzani. Katika kujibu swali hili ni vyema tukajuwa ni nani aiondoe ccm na kwa njia gani? Kwa kawaida tunategemea wapinzani ndio waiondoe ccm kwa njia halali za kidemokrasia.

    Njia hii inahitaji msambao wa upinzani katika ngome za cmm. Hili bado wapinzani wetu hawajalifanya, badala yake wanasambaza list za mafisadi. Vijiji vichache sana vina matawi ya wapinzani, licha ya takwimu kuonyesha kwamba nguvu haswa ya ccm iko vijijini. uhaba wa matawi ya wapinzani katika ngome za ccm ni ishara tosha kwamba upinzani hauna watu na kwamba kupigia kura upinzani kwa matarajio ya kuiondoa ccm ni sawa na kujaribu kuhamishia bahari kwenye kopo.

    Sambamba na hili, wapinzani wameshindwa kabisa kuwapa wananchi chaguo la sera. Ilani za ccm zimejaa vijijini, itakubidi utembee vijiji kadhaa kupata ilani ya cuf na Chadema. Siasa za vyama vingi bado haijaeleweka kwa wapinzani; mwananchi anakesha kuambiwa maovu ya ccm badala ya kuambiwa ubora atakaoupata atakapo amua kukipigia kura chama pinzani. Anakosa chaguo, na, "labda" anakosa mabadiriko ya kweli.

    Njia za kuindoa ccm ni; (i)upinzani lazima uwe na mikakati inayolenga long-term. Mikakati hii itilie mkazo sana juhudi za kusambaza matawi vijijini ambako ccm ndio ina nguzo. Kama upinzani utaendelea kukosa msambao vijijini basi jitihada za kuleta mapinduzi zitaendelea kurudi maili tisini na kenda nyuma kila mwaka. (ii) msambao wa sera za upinzani ufike vijijini ili utoe chaguo kwa wananchi. Kwa usahihi na urahisi mwananchi ajue ubora wa chama pinzani dhidi ya ccm. KUTANGAZA UBAYA WA CCM KAMWE HAKUHUSIANI NA KUTANGAZA UBORA WA UPINZANI. (iii)wapinzani lazima waonyeshe utashi na uelewa kwa wanananchi. Inasikitisha kuona viongozi wa upinzani wanaleta siasa za tunguli kila panapotokea ajali au kifo cha mwanasiasa wa ccm. Inasikitisha kuona kila jambo linaloamuliwa na serikali linapingwa na wapinzani. mishahara hisipopandishwa wapinzani wanalalamika, ikipandishwa bado wanalalamika. Mwananchi anawashangaa nakuwaona wapika majungu...UFIKE WAKATI WAPINZANI WAKUBALI KINACHOKUBALIKA NA WANANCHI NA KUSEMA KWAMBA KUWAPO KWA UPINZANI KUMEFANIKISHA MAENDELEO.

    Hitimisho ni kwamba mchakato wa wapinzani kuiondoa ccm lazima uangalia miaka 20 ijayo. Sera zao ndio zitakazowafanya wauzike kwa wananchi sio list za mafisadi. Watanzania wanajuwa mabaya ya ccm tangu uhuru lakini ni wachache sana wanajuwa ubora wa wapinzani.
     
  3. KadaMpinzani

    KadaMpinzani JF-Expert Member

    #3
    Nov 2, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    mbaya zaidi source ya hii habari ni freemedia, (tanzania daima)
    ambapo freemedia=Mbowe=Chadema. so am not even paying attention to this !
     
  4. Lunyungu

    Lunyungu JF-Expert Member

    #4
    Nov 2, 2007
    Joined: Aug 7, 2006
    Messages: 8,827
    Likes Received: 29
    Trophy Points: 135
    Ni kweli ndugu mgonjwa usemayo lakini Ilani za CCM kujaa huko kijijini kwenu ni kwa vitendo ama maneno na kwenye vitabu? Hivi unaweza kuwa mchambuzi namna hii then uje ukatae kwamba Chadema ama upinzani hawna sera kweli ?Kwa kuwa kuna wana Chadema na CUF hapa at least nitaachwa waje na Ilani yao na sera zao tuone kama hazijawa copied na CCM na wanajaribu kuzitumia lakini hawawezi maana si waasisi na CCM hairuhusu mambo yale kutendewa wananchi.

    Hivi kumbe kutetea kote bado unadhani wapinzani kuusema uozo wa CCM ni dhambi na kupoteza muda ? Ndoto yako ya miaka 20 ijayo CCM kuwa madarakani ondoa na ukiendelea na hili utakuwa unawadanganya wenzio huko mliko.

    Siku CCM itaacha kutumia usalama , polisi na kukimbia na masanduku ya kura na kuwahinga watu nguo na chumvi ndiyo itakuwa mwisho wao .haya wanafanyiana wenyewe kwa wenyewe hata Mangula kasema wewe unasemaje ? Au ndiyo ilani yenyewe hii unayo hubiri hapa ?

    Ufisadi unapashwa kukemewa na kila mtanzania mwenye nia njema maana huu unaweza kulitumbukiza Taifa katika vita au wewe unaona ni dhambi kubwa kwa kuwa wanao semwa no CCM ?
     
  5. Idimi

    Idimi JF-Expert Member

    #5
    Nov 2, 2007
    Joined: Mar 18, 2007
    Messages: 8,598
    Likes Received: 807
    Trophy Points: 280
    Tatizo la wakereketwa na makada wanamuona Mangula kama mpinzani, lakini wajue kuwa anajua anachokisema, kwani alishakifanya mwenyewe na ameona madhara yake. Sema shida moja ni kuwa itifaki zote hizi za masanduku na uchafu mwingine alisaidia kuufanikisha, kwa hiyo amesaidia kobomoa chama.
     
  6. Mzee Mwanakijiji

    Mzee Mwanakijiji Platinum Member

    #6
    Nov 2, 2007
    Joined: Mar 10, 2006
    Messages: 30,383
    Likes Received: 2,443
    Trophy Points: 280
    Nimeiweka kwenye pdf...
     

    Attached Files:

  7. M

    MgonjwaUkimwi JF-Expert Member

    #7
    Nov 2, 2007
    Joined: Mar 10, 2006
    Messages: 1,141
    Likes Received: 322
    Trophy Points: 180
    Iwe kwa maneno ama vitendo; matokeo ndio yana matter the most. Huko vijijini wananchi wanaichagua ccm, which tells me kwamba ccm inauzika kuliko wapinzani.

    Of course chadema watakuja watujibu hapa kwenye internet badala ya kwenda kujibu wananchi na kusambaza hizo sera zinakotakiwa. Chama cha internet.

    Sasa tatizo hapa liko wapi? At first unaonyesha kwamba ku-copy ni kosa, then unasema kwamba ata wakikopi hawawezi kuzitekeleza. Therefore, copying or not copying won't do harm to Chadema endapo watazianika sera zao hapa.

    Kupoteza muda, ndivyo nilivyoosema. Hiyo ya dhambi unaisema wewe. Kwa ufafanuzi zaidi ni kwamba wananchi wanayajuwa sana madhambi ya ccm, wala hawana haja ya kukumbushwa kila kukicha. Wananchi wanataka chama kinachouzika kwa sera sio kwa kutoa list ya mafisadi. Wapinzani are wasting precious time ambayo wangetumia kujijenga badala ya kubomoa ccm.

    Mzee mwenzangu, wewe ndo umeanzisha hii mada ukisema ccm itaondolewa. Labda nilikosea kuzani kwamba ulimaanisha ccm ingeondolewa kwa kura za wananchi. It seems sasa umepiga U-turn kwamba ccm haitaondolewa kwa kura maana polisi, mbio za masunduku ya kura, kanga, chumvi, na hayo aliyoyasema Mangula bado yako. Labda nikuulize, uliposema ccm itaondolewa ulikuwa na maana itaondolewa kwa njia ipi?


    Kweli kabisa, ufisadi unatakiwa kukemewa! Ila kukemea ufisadi hakutoshi kukifanya chadema kishinde uchaguzi. For your information wanaokemea ufisadi sio Chadema tu, tumeona ccm damu damu wakikemea ufisadi publicly. Upinzani need to do more than simply adding names to the list of shame....they should add their political ideology and number of followers in ccm's strongholds.
     
Loading...