Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ametoweka!

Discussion in 'Jukwaa la Lugha' started by Mzee Mwanakijiji, Oct 23, 2008.

  1. Mzee Mwanakijiji

    Mzee Mwanakijiji Platinum Member

    #1
    Oct 23, 2008
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Napiga hodi watani, wa kijiji naingia,
    Ngojea niketi chini, swali kuwaulizia,
    Nilonalo mtimani, beti ninalitungia,
    Ndege niliyemnasa, mtegoni katoweka

    Ni ndege niliyemwinda, asubuhi na jioni,
    Ndege mwenyewe si kinda, nilipomuona mtini,
    Na ndipo nilimpenda, nikatamani moyoni,
    Ndege niliyemnasa, mtegoni katoweka

    Mtego nikauweka, na punje nikamwagia,
    Ndege pweke akaruka, mtegoni kashukia,
    Mara puh! Kanasika, Miguu kajifungia,
    Ndege niliyemnasa, mtegoni katoweka.

    Ndipo nikafanya hima, kukimbilia nyumbani,
    Kumtaarifu mama, ndege yuko mtegoni,
    Kwamba ninaleta nyama, ya chakula cha jioni,
    Ndege niliyemnasa, mtegoni katoweka

    Mama kanipa pongezi, mwanangu sasa kakua,
    Yakamtoka machozi, na kicheko cha kishua,
    Mwenyewe nikala pozi, huku nikijishaua,
    Ndege niliyemnasa, mtegoni katoweka.

    Baba kaniangalia, kaniona mimi chizi,
    Ndipo kaniulizia, huyo ndege wa ulozi,
    Mtego nimeachia, ni nani wangu mlinzi,
    Ndege niliyemnasa, mtegoni katoweka.

    Kwa haraka nikatoka, kumuwahi ndege wangu,
    Mara pale nikafika, nikapatwa na uchungu,
    Mtego umevunjika, au umepigwa rungu!
    Ndege niliyemnasa, mtegoni katoweka.

    Mwili ukatetemeka, hasira zikanishika,
    Nilidhani nimefika, kumbe nimekamatika,
    Na ndipo nikaondoka, na kichwa nimekishika,
    Ndege niliyemnasa, mtegoni katoweka.

    Nilipokuwa njiani, nikamwona Shaabani,
    Ana ndege mkononi, ni yule nilotamani,
    Kamkuta kichakani, ndege yuko taabani,
    Ndege niliyemnasa, mtegoni katoweka.

    Sijui nifanye nini, nimpate ndege wangu,
    Shaabani haniamini, huyo ndege ndiye wangu,
    Ananicheka kihuni, wa kwake siye wa kwangu,
    Ndege niliyemnasa, mtegoni katoweka!


    Na. M. M. Mwanakijiji (Sauti ya Shamba)
     
  2. Gamba la Nyoka

    Gamba la Nyoka JF-Expert Member

    #2
    Oct 24, 2008
    Joined: May 1, 2007
    Messages: 4,550
    Likes Received: 2,537
    Trophy Points: 280
    Ni shole au njiwa, kunguru au mwewe?
    asopenda kufungiwa,vya bure aletewe
    kakunjua zake mbawa, enda kuishi mwenyewe
    Huyo ndege ndege gani, hapa kwetu duniani?

    si bata migulu baja,ni kipanga wa angani?
    kumjua nina haja,huyu ndege ndege gani?
    huyu ni ndege mjanja,vya bure havitamani
    Huyo ndege ndege gani, hapa kwetu duniani?
     
  3. A

    AmaniGK JF-Expert Member

    #3
    Oct 24, 2008
    Joined: Jan 10, 2008
    Messages: 1,100
    Likes Received: 17
    Trophy Points: 135
    Kosa moja ulotenda, kamwe sitokuthamini
    Wamkamata halafu wenda,Wamwacha mtegoni
    Umeniacha njia panda,ulichofanya kitu gani
    Ungemtoa mtegoni na kwenda naye nyumbani

    Mtego ukishanasa,wawindaji wafahamu
    Hakuna cheza sakasa,Unatoa kwanza damu
    Hebu wewe ona sasa,Umepoteza wa hamu
    Ungemtoa mtegoni,na kwenda naye nyumbani

    Sina shida na Shabani,Silaha zake ni sumu
    Kitoweo mtegoni,Hakukilazia damu
    Akae subiri nani,ajipate kazi ngumu?
    Ungemtoa mtegoni,na kwenda naye nyumbani
     
  4. P

    Pascal Mayalla JF-Expert Member

    #4
    Oct 24, 2008
    Joined: Sep 22, 2008
    Messages: 20,559
    Likes Received: 6,187
    Trophy Points: 280
    Pole sana pole tena, Mzee Mwanakijiji,
    Usicheze cheze tena, kama mtu wa kijiji,
    Bali ujipange tena, kwa kubadili kijiji,
    Kupoteza ndege wako, ni pole Mwanakijiji.

    Ni pole Mwanakijiji, kupoteza ndege wako,
    Tegemeo la vijiji, ni ndege kama wa kwako,
    Usiwe kama wa jiji, kutega kivyako vyako.
    Kupoteza ndege wako, ni pole Mwanakiji.

    Wewe kama muwindaji, ni kama mvuvi kinda,
    Tena sio mtegaji, ndo mana wamekukwinda,
    Bora uwe mpangaji, wa mambo unapowinda,
    Kupoteza ndege wako, ni pole mwanakijiji.

    Na hapa ninaishia, ndege mwingine tafuta,
    Utamu utaishia, kwa ndege mwenye mafuta,
    Nawe usijeishia, tukaja kukutafuta
    Kupoteza ndege wako, ni pole Mwanakijiji.
     
  5. Che Kalizozele

    Che Kalizozele JF-Expert Member

    #5
    Oct 24, 2008
    Joined: Jul 20, 2008
    Messages: 778
    Likes Received: 4
    Trophy Points: 0
    Nimeipenda hii wakuu,inafurahisha.Mnanikumbusha malenga wetu kipindi hicho bado nasikiliza RTD.Nitajipanga nami nijitokeze.Asanteni sana hasa mwanakijiji kwani usema wenye kujua tatizo ni kuanza.Ijumaa njema.
     
  6. B

    Binti Mtulivu New Member

    #6
    Oct 24, 2008
    Joined: Oct 24, 2008
    Messages: 2
    Likes Received: 0
    Trophy Points: 0
    Ndege huyo ndege gani? mwenye rangi ya kijani?
    Anazua tafrani, pindi ajapo nyumbani
    Tunahitaji imani,wakwe kumuamini
    Huyo ndege kaondoka,Kurudi majaaliwa
     
  7. Mzee Mwanakijiji

    Mzee Mwanakijiji Platinum Member

    #7
    Oct 24, 2008
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    safi sana.!!!
     
  8. Mzozo wa Mizozo

    Mzozo wa Mizozo JF-Expert Member

    #8
    Oct 24, 2008
    Joined: May 26, 2008
    Messages: 427
    Likes Received: 0
    Trophy Points: 0
    Dah Hii kiboko wakuu..mbona mmetengeneza sana siku yangu jioni ya Leo... Amani sikujua kama na wewe hauvumi lakini umo...

    Tuendeleze hili.
     
  9. P

    PUNJE JF-Expert Member

    #9
    Oct 24, 2008
    Joined: Jul 30, 2008
    Messages: 303
    Likes Received: 39
    Trophy Points: 45
    .............mmmhhh!!!! mmenikunaa hassaa, baada ya uchovu wa kutwaa nzima yaleo!!ASANTENI SANA!!
     
Loading...