Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Aluta Continua - Wananchi wafanya kweli

Discussion in 'Jukwaa la Siasa' started by Idimi, Oct 13, 2007.

  1. Idimi

    Idimi JF-Expert Member

    #1
    Oct 13, 2007
    Joined: Mar 18, 2007
    Messages: 8,596
    Likes Received: 806
    Trophy Points: 280
    Kutoka gazeti la Nipashe

    Serikali ya kijiji Nyankumbu yavuliwa uongozi

    2007-10-13 08:37:59
    Na Renatus Masuguliko, PST Geita

    Uongozi wa Serikali ya Kijiji cha Nyankumbu, Wilaya ya Geita akiwemo Mwenyekiti wake, John Lunyaba, wamevuliwa uongozi baada ya kukataliwa na Mkutano Mkuu wa Kijiji.

    Viongozi hao walikataliwa mbele ya uongozi wa wilaya kwa tuhuma za kushindwa kuwajibika na ubadhirifu wa zaidi ya Shilingi milioni moja.

    Ofisa Mtendaji wa Kata ya Kalangalala, Bw. Hamadai Husein, alisema hatua hiyo ni halali kwa vile taratibu zote za kisheria zilizingatiwa na kuwa Mkutano Mkuu wa kijiji ambao uliwashirikisha zaidi ya wanakijiji 500, una mamlaka ya kutoa uamuzi kama huo.

    Uamuzi wa kuivunja serikali ya kijiji, ulifikiwa baada ya kubainika kuwa, wajumbe wa serikali ya kijiji ambao ndio wenye mamlaka kisheria kusimamia utekelezaji wa kila siku na uendeshaji iikiwemo kusimamia na kulinda mali ya kijiji wamekuwa wanashirikiana naye na kumlinda badala ya kumwajibisha.

    Aliongeza kuwa hatua hiyo ilifikiwa mbele ya Bw. Jackson Sombe, mwakilishi wa Mkurugenzi Mtendaji wa Halmashauri ya Wilaya Bw. George Marco alisema ameridhia utaratibu uliotumika wa kuwang�oa madarakani viongozi hao.

    Awali, katika mkutano huo uliokuwa umeitishwa rasmi kujadili matatizo ya muda mrefu kuhusu uongozi wa kijiji hicho, kumekuwepo na malalamiko dhidi ya serikli ya kijiji hicho kutowajibika.

    Pia uongozi huo umedaiwa kushirikiana na Mwenyekiti wa kijiji na baadhi ya wajumbe kufuja fedha za kijiji.

    Kwa mujibu wa taarifa ya Mkaguzi wa Halmashauri ya wilaya iliyothibitishwa na Mkurugenzi Mtendaji wa wilaya, Bw. Dani Mollel, ilibainika kuwa, Mweyekiti wa kijiji anatuhumiwa kutafuna zaidi ya Shilingi milioni moja.

    Fedha hizo ni pamoja na zilizotokana na malipo ya boma la kijiji, viingilio, na mradi wa uchomaji tofali.
     
  2. M

    Mkandara Verified User

    #2
    Oct 13, 2007
    Joined: Mar 3, 2006
    Messages: 15,419
    Likes Received: 76
    Trophy Points: 145
    Haya sasa mbona hizi ni TUHUMA na zimehalalishwa bila ushahidi, tena basi na hukumu imeshatolewa na viongozi wanaodai ushahidi ktk maswala ya Taifa.
    Ni wakati gani haswa maamuzi ya wananchi huwekwa mbele ya uteuzi wa viongozi?
     
  3. Kasheshe

    Kasheshe JF-Expert Member

    #3
    Oct 13, 2007
    Joined: Jun 29, 2007
    Messages: 4,594
    Likes Received: 16
    Trophy Points: 135
    Heshima Kwako Mkuu;

    Ni zilikuwa tuhuma, zikapelekwa kwenye mamlaka husika (mkutano mkuu wa kijiji) na idadi ya wajumbe umeiona, nadhani watugtumiwa wakapewa muda wajitetee, kama katiba inavyotaka, wakasema hawawataki viongozi waliochaguliwa,,, Halmashauri ya Wilaya ikaweka baraka zake, In fact mimi nimeona hawa jamaa ni matured sana kuliko hao akina... This is good governance scenerio.... Kurusha mawe kwa namna yoyote ni uhuni tu!


    Maoni yako nayaheshimu mkuu, maana mimi na wewe ni sawa sawa na kichuguu na mlima kilimanjaro,,, uko juu mzee.. lakini niruhusu sehemu chache chache niwe tofauti nawe.
     
  4. Dua

    Dua JF-Expert Member

    #4
    Oct 13, 2007
    Joined: Nov 14, 2006
    Messages: 2,483
    Likes Received: 15
    Trophy Points: 135
    Duh Tanzania Tanzania................inaliwa na wenye meno makali, kweli wanaipenda kwa moyo kutokana na kuneemeka bila jasho, kutegemea jasho la wengine. Sasa wavuja jasho wameshituka na wao wanataka malipo yao halali. Kazi ipo!
     
  5. Madela Wa- Madilu

    Madela Wa- Madilu JF-Expert Member

    #5
    Oct 13, 2007
    Joined: Mar 24, 2007
    Messages: 3,070
    Likes Received: 17
    Trophy Points: 135
    Baada ya kutimuliwa kazi ni wakati wa kuwafungulia mashitaka ya wizi na ubadhirifu. Ili waonje tamu ya chungu
     
  6. Idimi

    Idimi JF-Expert Member

    #6
    Oct 14, 2007
    Joined: Mar 18, 2007
    Messages: 8,596
    Likes Received: 806
    Trophy Points: 280
    Heshima mbele mkuu Kilitime.
    Nakubaliana na wewe kwa asilimia 100 kuwa hawa Watanzania wenzetu wametumia katiba na taratibu halali kuwavua uongozi watuhumiwa. Kweli wao ni mature, kwa maana ya kwamba jinsi walivyowaweka madarakani viongozi wao ndivyo hivyo walivyowatoa. Nasema ni watuhumiwa kwa sababu hakuna mahakama iliyokaa kuwahukumu viongozi wao. Wangengoja mahakama huenda kesi hii ingechukua hata miaka kuhukumiwa, kwa mazingira ya vyombo vyetu vya kutoa haki. Kama demokrasia hii itaendelea hadi ngazi za wilaya na mikoa nina uhakika tutafika mbali, kwani sisi ndio tunaowaajiri, kwa hiyo tuna mamlaka ya kuwaondoa katika ajira viongozi wasiowajibika.

    Madilu, ni kweli kuwa sasa iwe ni wakati mwafaka kwa hawa watuhumiwa kupelekwa kunako mahakama ili wasafishwe ama wapatilizwe.
     
Loading...