Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ahmed Rajab: Nyerere na fitna za Upemba na Uunguja

Discussion in 'Jukwaa la Siasa' started by nngu007, Jun 14, 2012.

  1. nngu007

    nngu007 JF-Expert Member

    #1
    Jun 14, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    [​IMG]

    Ahmed Rajab | RAIA MWEMA | Toleo la 243 13 Jun 2012


    ALIPOFARIKI dunia Mwalimu Julius Nyerere Oktoba 14 mwaka 1999, gazeti laGuardian la Uingereza liliniomba niandike makala maalumu ya kuyatathmini maisha yake.

    Nilipokuwa naanza kuiandika tathmini hiyo iliyochapishwa siku ya pili yake, niliyakumbuka aliyowahi kuyasema Mwenyekiti Mao wa China kumhusu Josef Stalin, mtawala wa pili wa Muungano wa Sovieti baada ya Vladimir Lenin.

    Nami nikayatumia maneno hayohayo kuanzia makala yangu kwa kuandika: Julius Nyerere was "a great leader who made great mistakes," as one ruler once famously said of another.("Julius Nyerere alikuwa "kiongozi mkubwa (adhimu) aliyefanya makosa makubwa," chambilecho mtawala mmoja aliyewahi kumuelezea hivyo mtawala mwenzake.)


    Nyerere alifanya makosa ya kinadharia, ya kifikra na ya kiutendaji katika utekelezaji wa sera zake. Sikulidhukuru jina la Stalin kwa sababu sikutaka wasomaji wangu wafanye kosa la kudhania namfananisha Nyerere na Stalin. Siamini kama Nyerere alikuwa na uovu wa Stalin. Na kama ilivyokuwa kwa Stalin si yote ya Nyerere yaliyokuwa maovu. Alitenda mema yanayostahiki sifa.


    Watu wa kale wasema: "Kheri ya mja ni ulimi wake na shari ya mja ni huohuo." Kwa ulimi wake Nyerere aliwahi kutamka maneno ya maana na mengine ya kibahaluli.

    Baadhi ya maneno yake yalikuwa kama lulu na baadhi yalikuwa kama utumbo kama pale, kwa mfano, aliposema kuwa hakuna watu waitwao Waswahili. Nilimsikia akiyasema hayo alipotoa hotuba katika ukumbi wa London School of Economics alipokuwa ziarani London kabla ya kuuacha urais.


    Yote hayo yaonyesha kwamba Nyerere alikuwa mja, mtu kama watu wengine. Hakuwa Mungu, hakuwa malaika. Wala hakuwa mtume na hata hakuwa mpigaji ramli. Na si kila alichokitamka kilikuwa sahihi. Lakini binadamu yule alikuwa na ulimi uliowalaza wengi na kuwafanya waache kufikiri kwani alikuwa na kipaji cha kuwafanya waamini kwamba kila alilolisema lilikuwa la kweli kabisa na hivyo hapakuwa na haja ya kumfanya mtu mwengine alifikirie. Ilikuwa nadra kumpata mtu aliyethubutu kumpinga au kumkosoa, hasa kadamnasi. Walikuwapo waliochelea kukiona cha mtema kuni na wengine waliridhia kuwa vibarakalla vya kuitika tu ‘hewala bwana.'


    Moja ya makosa makubwa aliyoyafanya Nyerere kwa kusudi au kwa sadfa, ni hilo la kuwafanya wananchi wenzake waache kufikiri na wawe wanayafuata tu aliyokuwa akiyasema bila ya kuyazingatia au kuyapima.


    Miongoni mwa aliyowahi kuyasema Nyerere ni kuwa ati iwapo Zanzibar itaachana na Tanganyika basi Tanganyika kutakuwa shuwari lakini Wazanzibari wataanza kubaguana baina ya Wapemba na Waunguja na halafu wataendelea kutafutana asili zao.


    Tangu wiki iliyopita waandishi kadhaa wa Bara wamekuwa wakiyanukuu haya kana kwamba ni maneno yenye ukweli usiopingika. Hii ni fitna tu; na inatumiwa kuwatisha na kuwagawa Wazanzibari.


    Wakoloni walipowaona wanaowatawala wanaungana kuwapinga, basi walitumia mbinu ya kuwagawa wazidhoofishe nguvu zao ili waendelee kuwatawala.


    Mbinu kama hiyo inatumiwa siku hizi na baadhi ya viongozi wa CCM wa Bara pamoja na baadhi ya waandishi wa huko huko Bara ‘walioshtushwa' na mwamko wa kisiasa uliowafanya Wazanzibari wawe na ujasiri wa kuujadili kwa mapana na marefu Muungano wa Tanzania.


    Ujasiri huo umewafanya wengi wao waseme kwamba ama wanaupinga muundo wa sasa wa Muungano au hawautaki kabisa na wanataka Zanzibar iwe dola huru yenye mamlaka yake kamili.


    Huo si mwamko wa leo au wa jana; tumekuwa tukiugusia miaka nenda miaka rudi lakini tukionekana kuwa ni wazushi na wazandiki. Sasa mambo yanajidhihiri yenyewe. Matokeo yake ni kwamba waliokuwa wakijidanganya sasa wamegutuka na hawajui jinsi ya kulizuia hilo wimbi la uzalendo Wakizanzibari minghairi ya kutumia hoja finyu za kikabila na udini.


    Mmoja amefika hadi ya kuandika kuhusu ‘Waarabu' na ‘watu Weusi' kana kwamba hao wanaonasibishwa na uarabu ni wa rangi aina ya pekee iliyo tofauti kabisa na ya Wazanzibari wasio na asili ya Kiarabu. Mwandishi huyohuyo alitishwa na sura rahimu ya Sheikh Farid Hadi Ahmed, mmoja wa viongozi wakuu wa Uamsho.


    Aliandika kwamba baada ya kuiona picha ya Sheikh Farid yalimjia mawazo kwamba Uamsho si jumuiya ya kidini na wala si ya Wazanzibari na kwamba Sheikh Farid ametumwa (hakusema na nani) kuwafitinisha Wazanzibari. Alichotaka kusema mwandishi huyo ni kwamba kwa vile Sheikh Farid ana asili ya Kiarabu basi Uamsho inataka kuurejesha usultani.


    Ni uchambuzi uchwara, tena wenye kutumia lugha ya kibri. Unashtua kwa vile ni ‘uchambuzi' wa hatari unaofanana na simulizi za Wahutu wa Rwanda kabla ya mauaji ya kimbari ya mwaka 1994 nchini humo.


    Hizi fitna za ‘Upemba' na ‘Uunguja', za ‘ubwana' na ‘utwana' na za ‘ugaidi' wa Uamsho ni fitna zinazotiwa na watu walio maluuni. Lengo lao kubwa ni kuwapotosha Wazanzibari wauzime mjadala wa Muungano. Hawajali iwapo watalitimiza lengo hilo kwa kuyakiuka maadili ya uongozi au ya uandishi.


    Hila wanazotumia ni kwanza, kuwafitinisha Wazanzibari kwa kutia fitna za kikabila na za kidini. Kwa mfano, wanawatisha wahafidhina wa CCM/Zanzibar, wale wenye kusherehekea kaulimbiu ya ‘Mapinduzi Daima', kwa kuwaonya ya kuwa Uamsho ina "msukumo wa kiarabu" na kwamba kusudio lake ni hatimaye kuyapinga Mapinduzi na kuirejesha Zanzibar katika ‘utumwa'. Maneno ya kijinga kabisa.


    Hila yao ya pili ni kuwagonganisha vichwa Waunguja na Wapemba kwa kutumia hoja zisizo na mshiko wowote wa kimantiki. Wanasema wamewapata Wapemba wengi wenye kutaka Muungano uendelee kama ulivyo. Wamewahoji na matamshi yao kusambazwa na magazeti fulani nchini. Huu ni mfano mzuri wa propaganda ya kitoto.


    Hila yao ya tatu ni kutumia lugha kuparaganya mambo. Ingawa Uamsho ni jumuiya kamili wao badala yake wanasema kuwa hiki ni kikundi. Sio kundi bali ‘kikundi.' Na wanaishtumu jumuiya hiyo kuwa ‘inawatumia' baadhi ya vijana kufanya vitendo vya kihuni vya kuchoma moto makanisa. Hakuna ushahidi wa hili.


    Nne, wanajaribu kuwatisha Watanzania na hasa wakuu wa dunia hii kwa kuifananisha Jumuiya ya Uamsho na mitandao ya kigaidi ya Al-Qa'eda, Boko Haram na Al-Shabab.

    Bila ya shaka wenye kueneza fitna hii hawajui walisemalo na wanajikashifu si mbele ya Watanzania wenzao tu bali hata machoni mwa balozi za nchi za Magharibi.


    Sijui kama wanaelewa ya kuwa maofisa wa baadhi ya balozi za Magharibi wameshakutana na viongozi wa Uamsho katika juhudi zao za kuitathmini Jumuiya hiyo na wanayaelewa makusudio halisi ya Uamsho.


    Kwa hakika, kinyume na wanavyoandika baadhi ya waandishi wa Bara, Jumuiya ya Uamsho haikuzuka juzi. Imekuwako kwa muda wa takriban miaka 10 sasa. Jumuiya hii ni kama mwavuli ambao chini yake kuna jumuiya mbalimbali za Kiislamu, pamoja na ile ya maimamu.


    Uamsho imekuwa ikiendesha harakati zake kwa msaada wa taasisi za nchi za Magharibi. Ilikuwa miongoni mwa waangalizi rasmi wa Uchaguzi Mkuu uliopita na ripoti yake kuhusu uchaguzi huo ni ya kupigiwa mfano kwa maelezo yake ya kina.


    Kati ya wafadhili wa Jumuiya hiyo katika harakati hizo za kuangalia uchaguzi lilikuwa shirika la USAID la Marekani. Hata vizibao wanavovaa baadhi ya viongozi wa Uamsho na vikuza sauti vyao walipewa na Wamarekani wakati huo wa uchaguzi uliopita.


    Wenye kujuwa mambo watakwambia kwamba kuna tofauti kubwa kama ya mbingu na ardhi kati ya jumuiya ya Uamsho na mtandao wa Al-Qa'eda au kundi la al-Shabab. Huwezi kabisa kuzifananisha falsafa zao au makusidio yao. Hata Boko Haram nayo licha ya mbinu inazozitumia inatofautiana sana na al-Qa'eda.


    Huko Zanzibar mafatani hawa wana washirika wanaojulikana. Nao ni wale wanaochomwa na kuwapo kwa Serikali ya Umoja wa Kitaifa (SUK). Ndiyo maana wakaruka harakaharaka kuwatupia lawama za machafuko ya hivi karibuni viongozi wa CUF waliomo kwenye SUK na kutaka watimuliwe kutoka serikalini. Na ni wao waliohusika na vipeperushi vilivyotolewa wiki iliyopita kuwafitinisha Wapemba na Waunguja.


    Na ni haohao wenye kujaribu kuwachimba waasisi wakuu wa Maridhiano yaani Rais mstaafu Amani Abeid Karume na Maalim Seif Sharif Hamad.


    Inasikitisha kuwaona baadhi ya Wabara wenye kujigamba kuwa ni wasomi wakitaka mijadala ya kisiasa ipigwe marufuku katika majukwaa ya kidini. Hawaelewi kwamba ni dhima ya dini za Ukristo na Uislamu kuzungumzia na kuyatafutia ufumbuzi mambo yanayoyagusa maisha ya kila siku ya waumini wa dini hizo. Na mambo hayo yawe yepi kama si ya kisiasa?


    La kutisha ni kuwa ‘wasomi' hao wanamtaka Rais Jakaya Kikwete awachukulie hatua za kimabavu wakuu wenzake walio serikalini kwa kisingizio kuwa ati wanaunga mkono harakati za Uamsho.


    Ulimwengu haukufunga macho wala haukuziba masikio. Unawaona na kuwasikia. La ajabu ni kwamba wanasiasa na waandishi wenye kuchochea hisia kama hizo wamesahau ni nyakati gani tulizo nazo na ni ulimwengu gani tulio nao. Katika ulimwengu wao wa leo Wazanzibari wanasema hawakubali tena kugawanywa kwa propaganda za kikabila au za kidini.


    Inatisha kwamba kuna wanasiasa na waandishi waliosahau kwamba siku hizi kuna Mahakama ya Jinai ya Kimataifa (ICC) na mahakama nyingine mahsusi za kimataifa, mithili ya ile Mahakama Maalumu ya Sierra Leone. Mahakama kama ile ya Sierra Leone inaweza kuundwa mara moja na Umoja wa Mataifa kuwatia adabu wenye kupalilia fitna zinazoweza kuzusha mauaji ya kimbari.


    Ni hiyo Mahakama Maalumu ya Sierra Leone iliyomhukumu Charles Taylor, rais wa zamani wa Liberia, kifungo cha miaka 80 baada ya kupatikana na hatia ya kuishushia nakama Sierra Leone.


    Dhana waliyonayo baadhi ya wasomi na waandishi wa Bara ni kwamba viongozi wa Uamsho ni mijitu isiyosoma. Kuna mmoja aliyepandwa na jeuri na kuandika kwamba mbali na kujua kusoma Qur'an viongozi hao ni watu wasiojuwa kuandika wala kusoma.


    Ukweli ni kwamba viongozi wa Uamsho ni wasomi waliohitimu masomo ya chuo kikuu na wana shahada za juu za uzamili katika fani mbalimbali kama vile za uhandisi, sayansi na jiografia. Ni wasomi wa nyanja zote - za dini na dunia.


    Mfano mzuri ni Sheikh Msellem ambaye mbali na kuwa gwiji wa tafsiri ya Qur'an pia alisomea taaluma ya hali ya hewa.


    Baadhi yao walisoma katika Chuo Kikuu cha Dar es Salaam ambako walivutiwa na hotuba za kidini za Professor Malik, mtaalamu wa fani ya hesabati, ambazo ziliwashajiisha na kuwafanya wawe na mwamko wa Kiislamu. Wengine walisoma kwenye vyuo vikuu vya nje vikiwemo vile vya Sudan, Saudi Arabia na Qatar.


    Ni wazi kutokana na ripoti na taarifa zao kwamba baadhi ya wasomi na waandishi wetu wa Bara wanawadharau Wazanzibari. Nadhani hizo dharau zao ndizo zinazowafumba macho wasiweze kuona nani hasa aliyechochea fukuto hili la upinzani dhidi ya makandamizo ya walioshika hatamu za utawala wa Muungano.


    Maandishi yao yamebainisha wazi kwamba hawaamini ya kuwa Unguja na Pemba si majimbo wala koloni za Bara. Inakirihisha kuona namna wengi wao wanavyozitapika hadharani chuki zao (na udini uliowapamba) bila ya hata staha na uvumilivu wa kimaadili.

     
  2. nngu007

    nngu007 JF-Expert Member

    #2
    Jun 14, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Baadhi ya UAMSHO walisoma CHUO KIKUU CHA Dar-es-salaam, Mhadhiri wa Chuo kikuu wa Masuala ya Hisabati akaanza kuwapa Mwamko wa DINI ya kiislamu juu ya kusoma Qur'an lakini, MCHAKATO wowote wa amani hauhusishi hulka au tabia ya ulipizaji visasi. Kama kukiwa na ulipizaji visasi, hakika hakutakuwa na mshindi wala mshindwa.
     
  3. zomba

    zomba JF-Expert Member

    #3
    Jun 14, 2012
    Joined: Nov 27, 2007
    Messages: 17,082
    Likes Received: 9
    Trophy Points: 0
    Swadakta. Makala imetulia tuli.

    Haya wanaharakati za kuchonganisha watu njooni tuwasikie.

    Tunaomba link ya ilikokotolewa hii makala.
     
  4. J

    Jasusi JF-Expert Member

    #4
    Jun 14, 2012
    Joined: May 5, 2006
    Messages: 11,450
    Likes Received: 100
    Trophy Points: 145
    Moja ya makosa makubwa aliyoyafanya Nyerere kwa kusudi au kwa sadfa, ni hilo la kuwafanya wananchi wenzake waache kufikiri na wawe wanayafuata tu aliyokuwa akiyasema bila ya kuyazingatia au kuyapima.

    Ingekuwa bora kama mwandishi angeweza kufafanua zaidi nguvu aliyokuwa nayo Nyerere ya kuwafanya wananchi wenzake waache kufikiri. Hivi kweli Nyerere alitawala hata bongo zetu kiasi kwamba hatukuweza kufikiri wenyewe? Mbona tunampa hata sifa asizostahili?
     
  5. nngu007

    nngu007 JF-Expert Member

    #5
    Jun 14, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Wapenda Amani watajadili hii habari
     
  6. a

    abdul 28 JF-Expert Member

    #6
    Jun 14, 2012
    Joined: May 29, 2012
    Messages: 325
    Likes Received: 1
    Trophy Points: 0
    watanganyika hili kosa la ubagusi kuna siku litazama kwaooo
     
  7. T

    Taso JF-Expert Member

    #7
    Jun 14, 2012
    Joined: Jun 12, 2010
    Messages: 1,394
    Likes Received: 120
    Trophy Points: 160
    Sio kweli kwamba Nyerere alisema Muungano ukivunjika basi Unguja na Pemba zitabaguana lakini Bara watabaki shwari, uongo mkubwa! Na ukweli anaujua.

    Mwandishi unatia doa na aibu ukurasa wa makala za RAIA MWEMA. Kwa hiyo chochote anachoandika kuanzia hapo inabidi mtu uki dauti kwa sababu unajua una dili na mwandishi mwongo!

     
  8. T

    Tume ya Katiba JF-Expert Member

    #8
    Jun 14, 2012
    Joined: Apr 6, 2012
    Messages: 4,650
    Likes Received: 359
    Trophy Points: 180
    Asante sana Ahmed Rajab.

    Naona umemchambua vilivyo "Mwenye Heri"
     
  9. nngu007

    nngu007 JF-Expert Member

    #9
    Jun 14, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Sasa kwanini Halmashauri kuu Upande wa Zanzibar walimkataa Salim Ahmed Salim pendekezo la kuwa Rais wa Jamhuri ya

    Muungano wa Tanzania? Mbona walimpachika Majina Mengi yasiyostahili?
     
  10. S

    Sideeq JF-Expert Member

    #10
    Jun 14, 2012
    Joined: Dec 12, 2009
    Messages: 2,417
    Likes Received: 4
    Trophy Points: 0
    Zidumu fikra za Mwenyekiti!
     
  11. nngu007

    nngu007 JF-Expert Member

    #11
    Jun 14, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Sasa kwanini Halmashauri kuu Upande wa Zanzibar walimkataa Salim Ahmed Salim pendekezo la kuwa Rais wa Jamhuri ya

    Muungano wa Tanzania? Mbona walimpachika Majina Mengi yasiyostahili?

    Hiyo Mnaita nini? kama sio Ubaguzi ni nini? oh Ubagusi?
     
  12. S

    Same ORG JF-Expert Member

    #12
    Jun 14, 2012
    Joined: Jun 10, 2012
    Messages: 323
    Likes Received: 0
    Trophy Points: 0
    modes mukiiondosha hii na nyinyi mtakua hamuitakii mema nchi hii.
     
  13. Fredrick Sanga

    Fredrick Sanga JF-Expert Member

    #13
    Jun 14, 2012
    Joined: Jan 27, 2011
    Messages: 3,146
    Likes Received: 15
    Trophy Points: 135
    Ahmed Rajab nimemkubali
    Kuna wanaoitwa hawaambiliki (Wenye nchi na familia zao, the hogs)
    Kuna mungu mtu (Haambiliki)
    kuna wabudu watu wengine (Zidumu)
    Kuna wafitinishaji (Wakaanga mbuyu)
    Kuna wanafiki (Mbwa mwitu ndani ya ngozi ya kondoo) Mafisadi wanasiasa
    Kuna wafuata mkumbo (Magamba)

    Hii makala nimeipenda
    Twende katika serikali Tatu. Tanganyika, Zanzibar na Tanzania. Mambo ya muungano yaridhiwe na wananchi. Mabavu yatatuletea wahaini.
     
  14. Limbani

    Limbani JF-Expert Member

    #14
    Jun 14, 2012
    Joined: Apr 24, 2008
    Messages: 1,395
    Likes Received: 33
    Trophy Points: 145
    Yale yale!! Go Zanzibar go!! Kama kwenye Muungano hampati haki zenu, hamshurutishwi muwepo!!
     
  15. T

    TANGANYIKA01 Member

    #15
    Jun 14, 2012
    Joined: Apr 3, 2011
    Messages: 18
    Likes Received: 0
    Trophy Points: 0
    Ama kwa hakika makala imetulia sina haja ya kuongeza chochote labada kuweka wazi jambo moja ambalo kaka Ahmed Rajabu amelieleza but kwa uficho kidogo 'WATANGANYIKA SOTE TUNACHUKULIA LOLOTE LILILOSEMWA NA NYERERE BASI HILO HALIPINGIKI NI UKWELI TU YAANI NYERERE ANAENDELEA KUTAWALA HATA AKILI ZETU MPAKA LEO HII'

    Jambo jengine Ingekuwa makala hii imeandikwa na Mwanakijiji ambae kwa hakika uandishi wake haunivutii au pengine imeandikwa na mkristu mwenzangu yoyote isingepanda upinzani mkubwa hapa Lakini ilivokuwa imeandikwa na Ahmeid utaona ata awe amesoma kiasi gani ilivokuwa hajasoma Thiologia kama Wilbroad Slaa tutashuhudia mengi

    SISI SI WADINI, WADINI UAMSHO a.k.a BOKO HARAM.
     
  16. Yo Yo

    Yo Yo JF-Expert Member

    #16
    Jun 14, 2012
    Joined: May 31, 2008
    Messages: 11,245
    Likes Received: 39
    Trophy Points: 0
    nilikuwa namuaminia sana ahmed rajab sana kwenye makala zake.....ila nilikuwa na wasiwasi sana linapozungumziwa suala la udeen.....huwa anajivika upofu wa akili........mimi najua hampendi nyerere kwa sababu zipi......
    ahmed acha upofu wa akili......juzi tu itv walirusha hotuba za nyerere hakusema hivyo arifu......labda wewe umemsikia mwalimu mwingine sio jkn......alisema.....watanganyika wakileta chokochoko na kuwabagua wazanzibar na kuuvunja muungano basi tanganyika haitabaki salama....vivyo vivyo kwa wazanzibari wakileta choko choko na kuwabagua watanganyika na kuuvunja muungano na wao hawatabaki salama.....

    sasa bwana ahmed rajab......ulimsikia mwalimu yupi?
     
  17. zomba

    zomba JF-Expert Member

    #17
    Jun 14, 2012
    Joined: Nov 27, 2007
    Messages: 17,082
    Likes Received: 9
    Trophy Points: 0
    Unaongelewa Udikteta hapo kistaarabu, fungua ubongo wako.
     
  18. zomba

    zomba JF-Expert Member

    #18
    Jun 14, 2012
    Joined: Nov 27, 2007
    Messages: 17,082
    Likes Received: 9
    Trophy Points: 0
    Marehem Mwalim Mwenye Heri.
     
  19. kaburunye

    kaburunye JF-Expert Member

    #19
    Jun 14, 2012
    Joined: May 12, 2010
    Messages: 675
    Likes Received: 4
    Trophy Points: 0
    Wazanzibari kwa sasa wanaonekana wako pamoja kwa kuwa wana-fight against a common enemy aitwaye muungano au Tanganyika lakini "wakishashinda vita hii" na kuipata "nchi yao" hawataishia hapo.

    Watagundua kuwa Zanzibar siyo moja. Watatokea tena "wana uamsho" wengine wa kuidai pemba au Unguja. Kwa kuwa asilimia kama 99% ya wazanzibar ni waislamu hakutakuwa na hoja ya udini isipokuwa hoja kuu itakuwa ni ya u-pemba na u-unguja. Watataka kuwe na equal representation kila sehemu kati ya wapemba na waunguja (jambo ambalo si rahisi). This is too obvious. Watu wa pemba (CUF) wataona heri wajitenge na wa-Unguja (CCM).

    Kuna mambo ambayo kwa sasa hayasemwi na watu wanaoitaka Zanzibar huru lakini wataanza kuyasema muungano ukivunja. Tusubiri muungano uuvunjike tuone
     
  20. c

    chilubi JF-Expert Member

    #20
    Jun 14, 2012
    Joined: Sep 21, 2011
    Messages: 1,752
    Likes Received: 65
    Trophy Points: 145
    Nasema ivi, tangu nizaliwe zanzibar mpaka apa nlivokuwa hai sijawahi kusikia wazanzibari wenye asili ya kizanzibari wakibaguana, muungano na uvunjike kisha tuone wapi watu watabaguana. Ustaarabu wenyewe wabara wamefundishwa na hai wazanzibari, kujenga hawajui wamefumbuliwa mach. Kuna makabila 120, kuna wakiristo na waislam na mayahudi, kuna weupe na kuna weusi wenye asili ya kitanganyika, hebu twambieni kwanini pasiwe na machafuko ya kiubaguzi bara?

    FYI zanzibar kabla ya mapinduzi ilikua na umoja wa watu wake, waingereza wakataka kuweka differences kwa makusudi ya kuweka chuki, wakawa wanawapanga waarabu katika vyeo vya juu, wahindi na washirazi kati na weusi mwisho, hiyo ni mipango ya mwingereza kama hamjui, Mfalme alikuwa just pambo tu la kuwatuliza watu wasije wakawageukia wazungu, wakataarisha mipango yao ya ubaguzi kisha nchi wakaipa uhuru wakijua kuwa tayari ubaguzi upo, na kukawa na chama hasa ambacho kimejibaguwa afro shirazi party, huku chama za Zpp kikiwa cha kila mtu bila ya kupiga kampeni za uasili. Ubaguzi huo ililetwa na mwingereza na kibaraka chao Nyenyere Maharage!

    Lakini muda umefika, zanzibar huru itapatikana na hatibaguliwa mtu! Propaganda zenu ni old model, ata CIA hawatumii izo siku izi! :D
     
Loading...