Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Afa baada ya kumaliza kuchimba kaburi la rafikiye

Discussion in 'Matangazo madogo' started by MziziMkavu, Dec 23, 2009.

  1. MziziMkavu

    MziziMkavu JF-Expert Member

    #1
    Dec 23, 2009
    Joined: Feb 3, 2009
    Messages: 38,553
    Likes Received: 2,825
    Trophy Points: 280
    KATIKA hali isiyo ya kawaida mtu mmoja aliyefahamika kwa jina la Ramadhani Kalinywa (35-40) mkazi wa Mlandizi amefariki dunia wakati akichimba kaburi la rafiki yake aliyetambulika kwa jina moja la Rajabu.

    Mkasa huo uliotokea Mlandizi Kibaha Pwani juzi, wakati marehemu Kalinywa akiwa na wenzake watatu wakichimba kaburi hilo.

    Akisimulia mkasa huo, mmoja wa waombolezaji, mkazi wa eneo hilo aliyejitambulisha kwa jina la Bw. Shaabani Mguta, alisema siku ya tukio marehemu Kalinywa akiwa na wenzake watatu aliowataja kwa majina ya Bw. Bosco Bosco, Bw. Mohamed Juma maarufu kwa jina la 'Mtanzania' na Bw. Juma Mabunduki, walipewa jukumu la kuchimba kaburi hilo baada marehemu Rajabu kufariki.

    Kabla ya kuanza kazi hiyo, waliomba pesa za kununulia gongo ili wanywe kwanza kabla ya kuanza kazi hiyo kwa maelezo kwamba marehemu kabla ya kifo chake, aliwaachia wosia kwamba akifa, watakaochimba kaburi lake, lazima wanywe kwanza pombe hiyo.

    Ombi hilo lilikataliwa na waombolezaji, ndipo walipoamua kuchangishana wao na kupata sh. 9,000 zilizowawezesha kununua lita tano za gongo.

    "Walifika eneo la msiba na kueleza kwamba marehemu rafiki yao (Rajabu) aliwaachia wosia kwamba akifa, kaburi lichimbwe na rafiki zake wa karibu na wote wawe wamekunywa gongo," alisema Bw. Mguta.

    Alisema marehemu Rajabu kabla ya kifo chake, alikuwa rafiki wa karibu wa marehemu Kalinywa na walishirikiana katika mambo mengi ikiwa pamoja na kunywa.

    Mwombolezaji mwingine aliyejitambulisha kwa jina la Bw. Hamis Koroboto aliliambia Majira kuwa kabla ya marafiki hao wa marehemu kwenda kuchimba kaburi, aliwaomba wanywe chai na kiporo cha ubwabwa kwanza lakini walikataa jambo hilo.

    "Walikuwa wakipokezana, anayetoka shimo anakwenda kuchukua gongo na kunywa huku akisubiri zamu ya kuingia tena kuendelea kuchimba," alisema Bw. Kiroboto.

    Alisema baada ya kukamilisha shughuli hiyo
    marehemu Kalinywa alikuwa wa kwanza kutoka na kujipumzisha juu ya kaburi lililokuwa pembeni yake.

    Baadaye wenzake walitoka na kujipumzisha kando na kutuma taarifa msibani kuwa kaburi limekamilika hivyo mwili wa marehemu Rajab uletwe kuzikwa.

    Alisema waombolezaji walipofika na mwili huo makaburini walikumbwa mshangao kukuta wachimba kaburi wote watatu wamelala fofofo na hawajitambui.

    "Tulipigwa butwaa ndipo tulijaribu kuwanyanyua kujua kilichowasibu, hatukuamini Kalinywa alikuwa amekufa na wenzake walikuwa taabani wakipumua kwa mbali," alisema Bw. Kiroboto.

    Alisema walichoamua ni kumzika kwanza marehemu Rajab na baada ya hapo waliuchukua mwili wa marehemu Kalinywa kuurejesha nyumbani kwa Rajabu kuanza msiba mpya.

    "Wakati tukizika wengine waliendelea kupewa huduma ya kwanza, kwa bahati nzuri walizinduka. Baada ya mazishi tulibeba mwili wa marehemu Kalinywa kurudisha nyumbani" alisema.

    Mmoja wa waombolezaji waliobaki nyumbani kwa marehemu Rajabu aliyejitambulisha kwa jina la Mzee Mcharazo, alisema baada ya waombolezaji hao kufika wakiwa na machela iliyochukua mwili wa Kalinywa, watu walitaharuki huku baadhi ya akina mama wakijaribu kukimbia kuhofia kulikoni kilichojiri makaburini hadi kurudi na mwili wa marehemu nyumbani.

    Habari zaidi kutoka kwa jamaa wa marehemu Kalinywa zilieleza kwamba baada ya mwili huo kuwekwa kwa muda nyumbani kwa msibani hapo ulipelekwa kijijini jirani cha Marangaranga Mzenga alikokuwa akiishi marehemu Kalinywa.

    Kamanda wa Polisi MKoa wa Pwani, Bw. Henry Salewi alipoulizwa kuhusiana na tukio hilo alisema amepata taarifa hizo na jeshi lake linaendelea kufuatilia kupata taarifa zaidi.
     
  2. Serendipity

    Serendipity JF-Expert Member

    #2
    Dec 23, 2009
    Joined: Jan 24, 2009
    Messages: 475
    Likes Received: 2
    Trophy Points: 35
    Hapa inabidi wamzike yeye kwanza!
     
  3. Sajenti

    Sajenti JF-Expert Member

    #3
    Dec 23, 2009
    Joined: Apr 24, 2008
    Messages: 3,677
    Likes Received: 11
    Trophy Points: 0
    .....Urafiki wa kweli
     
  4. PakaJimmy

    PakaJimmy JF-Expert Member

    #4
    Dec 23, 2009
    Joined: Apr 29, 2009
    Messages: 16,234
    Likes Received: 105
    Trophy Points: 160
    -MAISHA YA KUBANGAIZA..DHIKI ILIYOKITHIRI...UKOSEFU WA ELIMU...Ama kweli nawaonea huruma hawa watu..Inasikitisha!
     
  5. N

    Nasolwa JF-Expert Member

    #5
    Dec 23, 2009
    Joined: Jun 12, 2008
    Messages: 1,776
    Likes Received: 16
    Trophy Points: 135
    Mungu aziweke roho ya marehemu hao mahali pema peponi
     
  6. Pape

    Pape JF-Expert Member

    #6
    Dec 23, 2009
    Joined: Dec 11, 2008
    Messages: 5,536
    Likes Received: 13
    Trophy Points: 0
    Rip
     
  7. B

    Bumbwini Member

    #7
    Dec 23, 2009
    Joined: Dec 10, 2009
    Messages: 61
    Likes Received: 0
    Trophy Points: 0
    innalilahi wainna ilayhi raajiiun,afana audhubilahi mindhalika,mungu atunusuru kufa katika hali hiyo.
     
  8. Teamo

    Teamo JF-Expert Member

    #8
    Dec 23, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    DAH!raha ya milele uwape ee bwana!..NA MWANGA WA MILELE UWAANGAZIE.wapumzike kwa amani-AMINA
     
  9. Fidel80

    Fidel80 JF-Expert Member

    #9
    Dec 23, 2009
    Joined: May 3, 2008
    Messages: 21,983
    Likes Received: 49
    Trophy Points: 145
    Dah inasikitisha sana wamekufa pamoja na wangezikwa kaburi moja.
    Poleni jamani
     
  10. Zogwale

    Zogwale JF-Expert Member

    #10
    Dec 23, 2009
    Joined: Jul 10, 2008
    Messages: 11,470
    Likes Received: 592
    Trophy Points: 280
    Gongo lita 5 halafu unafanya kazi ya kutumia nguvu na mapafu. Sitetei mnywa gongo. Kukosa elimu na umaskini ni kifo. Hivi nyie mafisadi mnaokarabati nyumba kwa bilions of money mnafahamu kuwa kuna watanzania wanaishi katika hali ya kubahatisha?? Nina hasira.
     
  11. NGULI

    NGULI JF-Expert Member

    #11
    Dec 23, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Tanzania hatuna ma director wazuri kama hollwood tungeongoza kwa movie zenye hisia kali duniani.

    RIP
     
  12. Sipo

    Sipo JF-Expert Member

    #12
    Dec 23, 2009
    Joined: Jul 25, 2008
    Messages: 2,155
    Likes Received: 2
    Trophy Points: 0
    Poleni wafiwa wote
    Kifo ni kifo jamani na kila mmoja ana aina yake ya kifo
    RIP Rajabu na Kalinywa. Hakika nyie mlikuwa marafiki wa kweli
     
  13. Ng'wanza Madaso

    Ng'wanza Madaso JF-Expert Member

    #13
    Dec 23, 2009
    Joined: Oct 21, 2008
    Messages: 2,276
    Likes Received: 58
    Trophy Points: 145
    Tukimbilie wapi sisi maskini,sisi ndo tuwachague na sisi ndo tunyanyasike.R.I.P bwana Ramadhani Kalinywa
     
  14. Msanii

    Msanii JF-Expert Member

    #14
    Dec 23, 2009
    Joined: Jul 4, 2007
    Messages: 6,223
    Likes Received: 62
    Trophy Points: 145
    Mungu hapokei rushwa.
    kama waliamua kutenda dhambi wakidhani watarehemeka ujue wamecheza potea.
    Mungu awafariji wafiwa
    Amen
     
  15. Annina

    Annina JF-Expert Member

    #15
    Dec 23, 2009
    Joined: Nov 15, 2009
    Messages: 437
    Likes Received: 0
    Trophy Points: 33
    So sad... haya ndio maisha ya watanzania wengi

    RIP
     
  16. Annina

    Annina JF-Expert Member

    #16
    Dec 23, 2009
    Joined: Nov 15, 2009
    Messages: 437
    Likes Received: 0
    Trophy Points: 33
    ...Bwana kama wewe ungehesabu maovu yetu, nani angesimama...
     
Loading...