Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

A light touch: Dakika kumi!

Discussion in 'Jukwaa la Siasa' started by Mzee Mwanakijiji, Mar 30, 2009.

  1. Mzee Mwanakijiji

    Mzee Mwanakijiji Platinum Member

    #1
    Mar 30, 2009
    Joined: Mar 10, 2006
    Messages: 30,391
    Likes Received: 2,447
    Trophy Points: 280
    Katika pita pita ya kanzi mitaa ya uarabuni kalikutana na mazungumzo yafuatayo kwenye Benki moja yenye makao makuu Canada.

    Mfanyakazi:"Habari za leo kanzi?"

    Ka-nzi: "Nzuri tu habari za hapa Dubai"

    Mfanyakazi: "kwema tu, naona mambo ya tanzania siyo mabaya bwana"

    Ka-nzi: "Kwanini tena, wenzio tunabangaiza tu"

    Mfanyakazi: "Hivi wenzetu mnabiashara gani siku hizi Tanzania?"

    Ka-nzi: "Una maana gani?"

    Mfanyakazi: "Naona hela nyingi kweli inatoka huko kwenu bwana" akajibu huku anamtazama nzi anavyosafisha mikono yake kwenye mbawa zake kujihakikisha kuwa yeye ni msafi.

    Ka-Nzi: "Una maana gani hela nyingi"? kakauliza kwa udadisi.

    Mfanyakazi: "Wiki hizi mbili zimepitia hapa fedha karibu dola miliioni 30 hivi kutoka Tanzania"

    Ka-nzi: "Zimepita kama maji yanavyopita mtoni yakaenda zake au zimepita zikatuwama?" kakagangamala kuuliza.

    Mfanyakazi: "Zimepita kama maji mtoni, zimeingie na baada ya muda zikatoweka kwenda akaunti mbalimbali na hii si mara ya kwanza"

    Ka-nzi: "Wanajulikana waliopitisha au ni mizimu ya watu wa kale?"

    Mfanyakazi: "Wanajulikana sana tu, wanakuja hapa mara kwa mara na kutumia watu wao hapa"

    Ka-Nzi: "Ni kina nani hao?" Ka nzi kakauliza. Jamaa hakutoa jibu. Akanyanyuka kupekua kabati lake la kisasa lililoupande wa kushoto wa kiti chake. Dirisha la ofisi yake liliangalia upande wa barabara maarufu ya Sheikh Zayed. Alirudi na makaratasi kadhaa hivi ambayo yamshikanishwa pamoja kwa pini. Akayaweka mezani.

    Ka-nzi: "ni watu ambao naweza kuwajua ukiwataja?" aliuliza.

    Mfanyakazi:"theluthi mbili unawajua kwani mnao huko huko" alikuwa anaangalia yale makaratasi huku akitingisha kichwa. Alipomaliza akarudia tena "ndiyo karibu asilimia 75 ni watu wenu huko huko". Aliyaweka mezani. Akamuangalia nzi machoni. Kwa haya nzi akapepesa macho yake kwingine.

    Mfanyakazi akachukua simu yake na kubonyeza namba fulani na mara baada ya upande wa pili kujibu akazungumza maneno kadhaa kwa lugha ya Kiarabu, na baada ya kumaliza akamgeukia kanzi.

    Mfanyakazi: "natoka mara moja nisubiri hapa, nitarudi kama dakika kumi hivi". Akanyanyuka kwa ghafla akiyaacha yale makaratasi mezani. Akafunga mlango nyuma yake na kumuacha kanzi mle ndani. Kuna dirisha kubwa la kioo kwenye ofisi ya "mfanyakazi" lakini likiwa limewekwa vioo vyeusi vinavyozuia walio nje kuona waliyomo ndani, lakini wa ndani kuweza kuona kinachoaendelea.

    Ka nzi kakaa pale. Kakabakia kujiuliza swali. "Ni kina nani hao".

    * * *

    Baada ya dakika kumi, mfanyakazi alirudi.

    "Samahani, kulikuwa na jambo nashughulikia." Alisema na kuyaangalia makaratasii yake aliyokuwa ameyaacha mezani.

    "hamna neno, miye ni mtu wa subira" alisema ka nzi.

    "Aisee natumaini hukuchungulia haya makaratasi maana wakijue nimefungwa." aliyakusanya haraka na kuyarudisha kwenye kabati lake na kutia "komeo".

    Ka nzi: "usiwe na wasiwasi mkuu". Hakukanusha.

    "Kama nilivyokuambia, kuna mzungunguko wa ajabu sana wa fedha za kigeni kutoka Tanzania, ni mamilioni ya dola na watu ni karibu wale wale tu". alisema mfanyakazi.

    "Sidhani kama watu wengi wanajua hilo" kanzi kalikiri.

    "Wengi wanafikiri ni biashara tu, Dubai hapa ndiyo Uswisi, watu wanahamisha na kufunga maakaunti yao Geneva wanakuja hapa, ndiyo kitovu siiku hizi cha offshore banking na wanauhusiano wa karibu sana na Costa Rica, Cayman Islands n.k" alisema mfanyakazi na kama aliyebadili mawazo akakoma hapo hapo.

    "Well, tuyaache hayo, habari za familia lakini" aliuliza.

    Ka nzi: "Ni nzuri tu, ila magonjwa magonjwa tu kila kukicha"

    Wakaendelea kuzungumza mambo ya familia zao huku wakikumbushana maisha yao ya ujana kabla "mfanyakazi" hajapata nafasi ya kwenda Dubai kikazi akitokea Canada. Urafiki wao umekuwa wa muda mrefu na wa pekee, mmoja akiwa ni Mtanzania mwenye asili ya Uhindi na mwingine ana asili ya Uarabuni. Walisoma pamoja shule ya Popatlal Tanga. Walisoma miaka ile ya sabini chini ya mwalimu mkuu mashuhuri Chaudry.

    Walipomaliza kukumbushana walikubaliana kuonana nyumbani kwa "mfanyakazi" kwa maakuli ya jioni kwani ka"nzi" alikuwa aendelee na msafara wake maeneo ya Oman katika biashgara zake za "njugu na korosho".

    Kanzi aliondoka akisindikizwa hadi kwenye lift na 'mfanyakazi'. Waliachana kwa kutakiana heri.

    Alipoingia kwenye lift, ka nzi alishika mfuko wake wa nyuma. Alikuwa amekunja nakala za "makaratasi". Alijisemea moyoni "namna hii tumekwisha!". Kichwa kilikuwa kinamzunguka. Alipofika hotelini tu, hakuchelewa alichukua simu yake na kubonyeza makao makuu ya ANTI-UFISADISM INTERNATIONAL HQ".

    Sauti iliyopokea upande wa pili ilikuwa ni ya kike, nyororo na yenye mvuto wote wa haiba na yenye kuweza kufamfanya simba acheze sindimba na nyoka acheze "mugongo mugoongo".

    Kanzi: "Mwanakijiji please!"....


    The END...
     
  2. Z

    Zion Train JF-Expert Member

    #2
    Mar 30, 2009
    Joined: Jun 5, 2008
    Messages: 503
    Likes Received: 1
    Trophy Points: 35
    ebwana wee
     
  3. 911

    911 JF-Expert Member

    #3
    Mar 30, 2009
    Joined: Aug 22, 2008
    Messages: 660
    Likes Received: 62
    Trophy Points: 45
    Waitin for the coming episode....
     
  4. Z

    Zion Train JF-Expert Member

    #4
    Mar 30, 2009
    Joined: Jun 5, 2008
    Messages: 503
    Likes Received: 1
    Trophy Points: 35
    sijui hiyo task force iliundwa baada ya kugundua ka nzi kamendoka na nakala ya makaratasi,mungu akalinde aka ka nzi!
     
  5. Susuviri

    Susuviri JF-Expert Member

    #5
    Mar 30, 2009
    Joined: Oct 6, 2007
    Messages: 3,586
    Likes Received: 64
    Trophy Points: 145
    Mzee Mwnkjj, usije ukawa umetoa data nyingi sana ka-nzi wakakashtukia or are you the master of misinformation?:
    Lakini hapo utakuwa umewapatia lazima kesho utaona hata humu JF wataongezeka wapiga debe wa mafisadi.... kwikwikwiiii!
     
  6. Mwazange

    Mwazange JF-Expert Member

    #6
    Mar 30, 2009
    Joined: Nov 16, 2007
    Messages: 1,044
    Likes Received: 3
    Trophy Points: 135
    Yaani umetoa hints ambazo wenye kuchemsha bongo wataunganisha nukta, hususan wale waliopitia kwa mzee Chaudry (longest serving HeadMaster in Tanzania) miaka hiyoo .....halafu kanzi kalikaa wiki moja hapo 'uarabuni' nini?? :confused: :confused::confused:
     
  7. Shalom

    Shalom JF-Expert Member

    #7
    Mar 30, 2009
    Joined: Jun 17, 2007
    Messages: 1,315
    Likes Received: 2
    Trophy Points: 0
    Du ndiyo maana halisi amesema kuwa kuna majambazi yanayokuwinda kumbe ni kwa ajiri ya hako kanzi ah haa! Du vijana wa mafisadi wakiongozwa na mzee wa masters Gembe wana hali ngumu sana ya kupata posho. Lazima watakuwa wanapanga njama za kukanyamazisha kanzi ili masters wamalizie ooh oh!
     
  8. H

    Hauxtable JF-Expert Member

    #8
    Mar 30, 2009
    Joined: Nov 5, 2007
    Messages: 379
    Likes Received: 6
    Trophy Points: 35
     
  9. P

    Phillemon Mikael JF Gold Member

    #9
    Mar 30, 2009
    Joined: Nov 5, 2006
    Messages: 7,714
    Likes Received: 974
    Trophy Points: 280
    siku hizi muungWAna kila akisafiri ni lazima alale dubai...
     
  10. Mzee Mwanakijiji

    Mzee Mwanakijiji Platinum Member

    #10
    Mar 30, 2009
    Joined: Mar 10, 2006
    Messages: 30,391
    Likes Received: 2,447
    Trophy Points: 280
    koh koh koh! I'm so tempted to nyambulishaling hilo neno "alale" in the context of Dubai.. but my guts tell me not to. Ila lina ukweli sana.
     
  11. G

    Game Theory JF-Expert Member

    #11
    Mar 30, 2009
    Joined: Sep 5, 2006
    Messages: 8,575
    Likes Received: 44
    Trophy Points: 0
    huko kusafiri si mpaka mtu uwe na travel documents au?
     
  12. Nono

    Nono JF-Expert Member

    #12
    Mar 30, 2009
    Joined: Feb 11, 2008
    Messages: 1,255
    Likes Received: 57
    Trophy Points: 145
    Asante MKJJ, tunasubiri hizo ..... kwa hamu.
     
  13. P

    Pascal Mayalla JF-Expert Member

    #13
    Mar 30, 2009
    Joined: Sep 22, 2008
    Messages: 20,549
    Likes Received: 6,159
    Trophy Points: 280
    MMKJ you are extraodinaire!.
    I have been reading people with ESP (Extra Sensory Perception) na wenye PSI-Powers ( ParaPsychology Inspiration), nikidhani ni wazungu tuu na hizo ni hadithi tuu!.
    PSI na ESP ni mambo ya Teleknesis, Telepathy, Precognition, Preamonition, Deja vu, Claivoyance and the sort.
    Sasa naanza kuamini na wengine tunao miongoni mwetu and they posess such powers not by chance but for a purpose!.
    Big Up MMKJ!.
     
  14. Dark City

    Dark City JF-Expert Member

    #14
    Mar 31, 2009
    Joined: Oct 18, 2008
    Messages: 16,275
    Likes Received: 115
    Trophy Points: 160
    Habari zingine zinaumiza vichwa. Unapokuwa umetoka kukimbizana na kibarua utamani kitu kimoja tu, maji ya baridi yakupoze joto la Dar isiyo na umeme!! Sasa unapkuna na hadithi kama hii, unasikia maumivu ya kicha yakianza taaratibu...!
     
  15. J

    Jasusi JF-Expert Member

    #15
    Mar 31, 2009
    Joined: May 5, 2006
    Messages: 11,450
    Likes Received: 99
    Trophy Points: 145
    kalagabaho!
     
  16. Fidel80

    Fidel80 JF-Expert Member

    #16
    Mar 31, 2009
    Joined: May 3, 2008
    Messages: 21,983
    Likes Received: 49
    Trophy Points: 145
    Mkuu PM pale si ndo kituo cha Emirates anaunganisha pipa.
     
  17. K

    Kwame Nkrumah JF-Expert Member

    #17
    Mar 31, 2009
    Joined: Dec 2, 2008
    Messages: 884
    Likes Received: 1
    Trophy Points: 35
    kwa namna hii ina maana kuna vi- Kagodas kadhaa vinatokea kwa mwaka....
     
  18. Fidel80

    Fidel80 JF-Expert Member

    #18
    Mar 31, 2009
    Joined: May 3, 2008
    Messages: 21,983
    Likes Received: 49
    Trophy Points: 145
    Mkuu ulikuwa hujui?
    Toka tumpoteze mzee Julius saizi kila mtu anajilimbikizia mali yaani Miafrika sijui tukoje.
     
  19. Shadow

    Shadow JF-Expert Member

    #19
    Mar 31, 2009
    Joined: May 19, 2008
    Messages: 2,890
    Likes Received: 57
    Trophy Points: 145
  20. BAK

    BAK JF-Expert Member

    #20
    Mar 31, 2009
    Joined: Feb 11, 2007
    Messages: 50,059
    Likes Received: 9,763
    Trophy Points: 280
    Nakwambia wapiga debe wa mafisadi wamevamia JF kwa fujo! Lakini tutakula nao sahani moja tu hakuna kurudi nyuma mpaka kieleweke. Alutta Continua!
     
Loading...