Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

40 mbaroni kwa kuuza ardhi

Discussion in 'Jukwaa la Sheria (The Law Forum)' started by Rutashubanyuma, Jan 19, 2011.

  1. Rutashubanyuma

    Rutashubanyuma JF-Expert Member

    #1
    Jan 19, 2011
    Joined: Sep 24, 2010
    Messages: 61,413
    Likes Received: 491
    Trophy Points: 180
    40 mbaroni kwa kuuza ardhi


    na Julieth Mkireri, Pwani


    [​IMG] JESHI la Polisi mkoani Pwani limefanikiwa kuwatia mbaroni watuhumiwa zaidi ya 40 wanaodaiwa kuhusika katika zoezi zima la kuvamia na kugawana ardhi kinyume cha sheria wilayani Kibaha na Bagamoyo mkoani Pwani.
    Akizungumza na waandishi wa habari ofisini kwake kamanda wa Polisi mkoani hapa Absalom Mwakyoma alisema baadhi ya watuhumiwa hao tayari wamefikishwa mahakamani kujibu tuhuma na wengine kesi zao zinafanyiwa uchunguzi ili sheria ichukue mkondo wake.
    Mwakyoma alisema watu hao wamekuwa wakivamia ardhi ambazo tayari zina wamiliki halali huku wao wakidai kuwa mashamba hayo ni pori kisha wanakusanyana na kugawana kinyume cha sheria tena kwa bei nafuu.
    Aidha alisema wahusika wakuu wa zoezi hilo la kujigawia maeneo ni pamoja na wenyeviti wa mitaa na vijiji na viongozi wengine wa serikali za mitaa jambo ambalo ni kinyume cha utaratibu wa kumiliki ardhi.
    “Kinachonikera mimi ni mtu au kundi la watu kutochunguza kwanza ardhi wanayotaka kugawana inamilikiwa na nani…badala yake wao wanavamia tu na kuitana kugawana kiholela bila utaratibu wowote wa kupata ardhi hizo,” alisema Mwakyoma.
    Maeneo ambayo yamevamiwa na watuhumiwa hao ni Mapinga, Kerege na Vigwaza wilayani Bagamoyo. Mengine ni Kitomondo, Visiga Mbwawa na Miswe wilayani Kibaha, ambapo watuhumiwa wanadaiwa kutokea jijini Dar es Salaam katika maeneo ya Bunju, Kigamboni na Kibamba, Kimara na Mbezi.
    Hivi karibuni serikali ilikemea suala hilo na kuwataka watu wanaojihusisha na uvamizi wa ardhi za watu kufuata sheria na taratibu za kumiliki ardhi na sio kuvamia kiholela.
     
  2. Rutashubanyuma

    Rutashubanyuma JF-Expert Member

    #2
    Jan 19, 2011
    Joined: Sep 24, 2010
    Messages: 61,413
    Likes Received: 491
    Trophy Points: 180
    Mwanzo mzuri wa kujisafisha kwa jeshi la polisi............................................
     
Loading...