tpaul
JF-Expert Member
- Feb 3, 2008
- 21,802
- 18,225
UTANGULIZI
Baada ya Mh Magufuli kutinga ndani ya Whitehouse ya Magogoni, hata angali hajamteua Waziri Mkuu, alifanya kitendo ambacho watanzania tulikuwa tunakitarajia kutoka kwa kiongozi yeyote makini na ambaye anazingatia viwango vya utendaji kazi. Dr Magufuli alitembea kwa miguu kutoka nyumba nyeupe hadi ofisi za BoT ambako alikutana na utoro wa watumishi wazembe wasiozingatia falsafa ya Hapa Kazi Tu!
Baada ya siku chache aliibukia ndani ya Muhimbili ambako alikutana na madudu ya ajabu sana....eti CT Scan na MRI zimeharibika kwa muda wa miezi sita iliyopita lakini hakuna anayejali. Kilichowapata wahusika kila mmoja anakijua.
MADA
Sasa nirejee kwenye mada......
Mh Dr Joseph John Magufuli Pombe, kila mtanzania ameona kazi yako na anaridhishwa na utendaji kazi wako uliotukuka, ijapokuwa hujakikalia sana kiti cha enzi cha Magogoni. Mh Rais nakuomba uache kudeal na vidagaa sasa uwageukie hawa nyangumi wanaolitafuna na kuliguguna taifa kama fisi mwenye njaa:
Mosi, kuna jamaa mmoja aliyekuwa akiishi hapo ulipo leo, aliwahi kutamka kwamba anawafahamu fika wauza sembe na mahali wanapokaa. Sasa nikuombe Rais wangu, kwa heshima na taadhima umtake huyu mtu atutajie hao wauza unga ni wepi na wapo mahali gani ili wapate kushughulikiwa na serikali yako makini. Hatuwezi kukubali kuona kizazi cha watanzania kikiangamia kuwa kubwia sembe wakati kuna mtanzania mmoja anawafahamu hao wauza sembe na hataki kuwataja. Nakuomba utumie mamlaka uliyonayo kumtaka huyu mtu atuoneshe walipo hawa wauza sembe ili kuokoa kizazi cha vijana wanaoangamizwa na sembe kila kukicha. Falsafa yako ya Hapa Kazi Tu haiwezi kuzaa matunda endapo tutaacha nguvukazi iharibiwe na sembe pasipo kuchukua hatua.
Mh Rais, umeingia ikulu na kukuta senti zote za watanzania zimekombwa na manyang'au hadi ukoko. Hadi harufu ya senti zilizokuwemo kwenye jungu kuu imenuswa yote na mafisadi hawa ili kuficha ushahidi. Hujakuta hata harufu ya senti kwenye jungu la watanzania. Kana kwamba hii haitoshi, kiongozi wa ukombaji wa senti hizo aliwahi kurejeshewa fedha za watanzania kutoka kwa wezi waliotukuka kisha akazichukua fedha zile akazitia mifukoni mwake na kuwaachia wezi waende zao. Mpaka leo hakuna mtanzania hata mmoja, ukiwamo wewe Mh Rais, anayejua mahali zile pesa zilipo na wale waizi waliozirejesha ni kina nani. Sasa kwa kuwa unalo rungu la madaraka Mh Rais, nakuomba umuamuru mhusika arejeshe fedha za watanzania na umshinikize awataje wale wezi ili uwashughulikie ipasavyo. Hayuwezi kukubali kuona hazina yetu imebaki tupu huku fedha zetu bado hazijarejeshwa.
Pili, Waswahili walisema ?Kikulacho ki nguoni mwako?. Hawakukosea hata kidogo. Mh Rais, kuna mtu mmoja mfupi hivi, mnene na mwenye upara. Huyu jamaa aliwahi kukalia kiti cha enzi ulichokalia sasa. Bwana huyu bila haya wala soni aliamua kwa makusudi kabisa kujitwalia mgodi wetu kwa bei ya thamani ya beberu moja la mbuzi. Hili suala sio siri hata kidogo. Linafahamika kwa watanzania wote, ukiwamo wewe. Ijapokuwa inasemekana mtu huyu ndiye aliyekuokotea dodo chini ya mwarobaini, nakuomba ufumbe macho, kama ilivyo kawaida yako, umuambie wazi wazi bila kificho arejeshe mgodi wa watanzania chini ya miliki yao. Huyu jamaa alipokuja hapo ulipo alijifanya mstaarabu sana kumbe ustaarabu wake si mali kitu. Mwambie arejeshe mgodi wetu wa nishati kwa wananchi haraka iwezekanavyo.
Tatu, kuna jitu moja linalojiita joka la kurembua macho, kwa ushirikiano wa karibu kabisa na yule mama yetu wa senti za matembele na waaizi wengine kibao waliohusika kukomba pesa zetu kutoka kwenye ile benki yetu ya kikristo. Huyu nyoka nasikia hata wewe sumu yake unaiogopa sana. Nimeambia kwamba wakati unapita huko porini, ulikwepa kusogelea kwenye shimo lake asije akakugonga na meno yake yenye sumu kali kama pilipili. Pia usisahau kwamba hili joka la mdimu liliwahi kuwatia hasara watanzania kwa kuchakachua fedha za kununulia ule mtambo wa kijeshi kutoka kule kwa malkia na kisha kuficha fedha zile haramu kwenye kisiwa cha mbali. Nakuomba Mh Rais, ushughulike na hili joka haraka iwezekanavyo kabla halijaliangamiza taifa na sumu kali. Zile senti lilizokomba kutoka kwenye shirika letu la stima na darabuni ya ndege kutoka kwa malkia zirejeshwe kwenye hazina yetu haraka iwezekanavyo. Haiwezekani kila siku hili joka liwe linatamba kwa ujuzi wake wa vifungu huku wananchi wakilia njaa. Ikiwezekana hivyo vifungu linavyoringia vitenguliwe ili litiwe hatiani misa ya kwanza.
Aidha wale waizi wote waliochota senti zetu kutoka kule kwa wamisionari nao washughulikiwe mara moja bila kuwaangalia usoni. Najua kwamba Mh Rais inakuuma sana na kukuumiza kichwa baada ya kukuta jungu kuu la watanzania halina chembe ya ukoko. Basi ni wakati muafaka wa kuwashugulikia hawa majambazi ili kurejesha heshima ya jungu kuu la taifa.
Nne, kuna watu fulani ambao walizembea uzembe wa makusudi na kuliingiza taifa hili hasara ya mabilioni ya shilingi. Hawa nao usiwaache. Unakumbuka ile monowali ya kichina iliyokuwa na kitoweo ulichokigawa kwa wananchi ili kuboresha afya zao? Baada ya wewe kutekeleza wajibu wako Mh Rais, kuna hawa wazembe ambao walikuwa wamekalia kiti cha maamuzi wakafanya uzembe na kutoa uamuzi kwamba jamhuri irejeshe ile monowari pamoja na kile kitoweo ulichotugawia kutoka kwa maharamia waliokuja kuvuna kitoweo kwenye shamba la bibi. Hawa wahusika wasakwe na wachukuliwe hatua kwa kulitia taifa hasara. Kila mtanzania ni shahidi. Wale maharamia hawakuwa na haki hata chembe ya kuingia shambani kwa bibi na kuvuna kitoweo kama watakavyo. Maharamia wale ilipaswa watupwe segerea ili liwe fundisho kwa wengine. Kwa bahati mbaya waamuzi waliohusika kuwapeleka segerea wanajua walichokifanya hadi kulitia taifa hasara badala ya kuwafunga maharamia wale.
HITIMISHO
Ndugu wanajukwa, nisiwachoshe sana na hadithi zangu za Alfu Lela Ulela. Sasa nirejeshe kikuza sauti kwenu. Je, nyie mwaona ni halali kwamba hawa nyagumi waachwe bila kushugulikiwa wakati mambo yakienda mrama? Mimi nasema hapana. Nataka hawa nyangumi tuwamulike kwa tochi kali ili nchi hii ipate heshima inayostahili. Kama kuna nyangumi mwingine niliyemshau kwenye orodha yangu, muweke humu tumumulike kwa tochi kali ili Mh Magufuli amuone na kumshughulikia ipsavyo.
Nawasilisha.
:yield:
Baada ya Mh Magufuli kutinga ndani ya Whitehouse ya Magogoni, hata angali hajamteua Waziri Mkuu, alifanya kitendo ambacho watanzania tulikuwa tunakitarajia kutoka kwa kiongozi yeyote makini na ambaye anazingatia viwango vya utendaji kazi. Dr Magufuli alitembea kwa miguu kutoka nyumba nyeupe hadi ofisi za BoT ambako alikutana na utoro wa watumishi wazembe wasiozingatia falsafa ya Hapa Kazi Tu!
Baada ya siku chache aliibukia ndani ya Muhimbili ambako alikutana na madudu ya ajabu sana....eti CT Scan na MRI zimeharibika kwa muda wa miezi sita iliyopita lakini hakuna anayejali. Kilichowapata wahusika kila mmoja anakijua.
MADA
Sasa nirejee kwenye mada......
Mh Dr Joseph John Magufuli Pombe, kila mtanzania ameona kazi yako na anaridhishwa na utendaji kazi wako uliotukuka, ijapokuwa hujakikalia sana kiti cha enzi cha Magogoni. Mh Rais nakuomba uache kudeal na vidagaa sasa uwageukie hawa nyangumi wanaolitafuna na kuliguguna taifa kama fisi mwenye njaa:
Mosi, kuna jamaa mmoja aliyekuwa akiishi hapo ulipo leo, aliwahi kutamka kwamba anawafahamu fika wauza sembe na mahali wanapokaa. Sasa nikuombe Rais wangu, kwa heshima na taadhima umtake huyu mtu atutajie hao wauza unga ni wepi na wapo mahali gani ili wapate kushughulikiwa na serikali yako makini. Hatuwezi kukubali kuona kizazi cha watanzania kikiangamia kuwa kubwia sembe wakati kuna mtanzania mmoja anawafahamu hao wauza sembe na hataki kuwataja. Nakuomba utumie mamlaka uliyonayo kumtaka huyu mtu atuoneshe walipo hawa wauza sembe ili kuokoa kizazi cha vijana wanaoangamizwa na sembe kila kukicha. Falsafa yako ya Hapa Kazi Tu haiwezi kuzaa matunda endapo tutaacha nguvukazi iharibiwe na sembe pasipo kuchukua hatua.
Mh Rais, umeingia ikulu na kukuta senti zote za watanzania zimekombwa na manyang'au hadi ukoko. Hadi harufu ya senti zilizokuwemo kwenye jungu kuu imenuswa yote na mafisadi hawa ili kuficha ushahidi. Hujakuta hata harufu ya senti kwenye jungu la watanzania. Kana kwamba hii haitoshi, kiongozi wa ukombaji wa senti hizo aliwahi kurejeshewa fedha za watanzania kutoka kwa wezi waliotukuka kisha akazichukua fedha zile akazitia mifukoni mwake na kuwaachia wezi waende zao. Mpaka leo hakuna mtanzania hata mmoja, ukiwamo wewe Mh Rais, anayejua mahali zile pesa zilipo na wale waizi waliozirejesha ni kina nani. Sasa kwa kuwa unalo rungu la madaraka Mh Rais, nakuomba umuamuru mhusika arejeshe fedha za watanzania na umshinikize awataje wale wezi ili uwashughulikie ipasavyo. Hayuwezi kukubali kuona hazina yetu imebaki tupu huku fedha zetu bado hazijarejeshwa.
Pili, Waswahili walisema ?Kikulacho ki nguoni mwako?. Hawakukosea hata kidogo. Mh Rais, kuna mtu mmoja mfupi hivi, mnene na mwenye upara. Huyu jamaa aliwahi kukalia kiti cha enzi ulichokalia sasa. Bwana huyu bila haya wala soni aliamua kwa makusudi kabisa kujitwalia mgodi wetu kwa bei ya thamani ya beberu moja la mbuzi. Hili suala sio siri hata kidogo. Linafahamika kwa watanzania wote, ukiwamo wewe. Ijapokuwa inasemekana mtu huyu ndiye aliyekuokotea dodo chini ya mwarobaini, nakuomba ufumbe macho, kama ilivyo kawaida yako, umuambie wazi wazi bila kificho arejeshe mgodi wa watanzania chini ya miliki yao. Huyu jamaa alipokuja hapo ulipo alijifanya mstaarabu sana kumbe ustaarabu wake si mali kitu. Mwambie arejeshe mgodi wetu wa nishati kwa wananchi haraka iwezekanavyo.
Tatu, kuna jitu moja linalojiita joka la kurembua macho, kwa ushirikiano wa karibu kabisa na yule mama yetu wa senti za matembele na waaizi wengine kibao waliohusika kukomba pesa zetu kutoka kwenye ile benki yetu ya kikristo. Huyu nyoka nasikia hata wewe sumu yake unaiogopa sana. Nimeambia kwamba wakati unapita huko porini, ulikwepa kusogelea kwenye shimo lake asije akakugonga na meno yake yenye sumu kali kama pilipili. Pia usisahau kwamba hili joka la mdimu liliwahi kuwatia hasara watanzania kwa kuchakachua fedha za kununulia ule mtambo wa kijeshi kutoka kule kwa malkia na kisha kuficha fedha zile haramu kwenye kisiwa cha mbali. Nakuomba Mh Rais, ushughulike na hili joka haraka iwezekanavyo kabla halijaliangamiza taifa na sumu kali. Zile senti lilizokomba kutoka kwenye shirika letu la stima na darabuni ya ndege kutoka kwa malkia zirejeshwe kwenye hazina yetu haraka iwezekanavyo. Haiwezekani kila siku hili joka liwe linatamba kwa ujuzi wake wa vifungu huku wananchi wakilia njaa. Ikiwezekana hivyo vifungu linavyoringia vitenguliwe ili litiwe hatiani misa ya kwanza.
Aidha wale waizi wote waliochota senti zetu kutoka kule kwa wamisionari nao washughulikiwe mara moja bila kuwaangalia usoni. Najua kwamba Mh Rais inakuuma sana na kukuumiza kichwa baada ya kukuta jungu kuu la watanzania halina chembe ya ukoko. Basi ni wakati muafaka wa kuwashugulikia hawa majambazi ili kurejesha heshima ya jungu kuu la taifa.
Nne, kuna watu fulani ambao walizembea uzembe wa makusudi na kuliingiza taifa hili hasara ya mabilioni ya shilingi. Hawa nao usiwaache. Unakumbuka ile monowali ya kichina iliyokuwa na kitoweo ulichokigawa kwa wananchi ili kuboresha afya zao? Baada ya wewe kutekeleza wajibu wako Mh Rais, kuna hawa wazembe ambao walikuwa wamekalia kiti cha maamuzi wakafanya uzembe na kutoa uamuzi kwamba jamhuri irejeshe ile monowari pamoja na kile kitoweo ulichotugawia kutoka kwa maharamia waliokuja kuvuna kitoweo kwenye shamba la bibi. Hawa wahusika wasakwe na wachukuliwe hatua kwa kulitia taifa hasara. Kila mtanzania ni shahidi. Wale maharamia hawakuwa na haki hata chembe ya kuingia shambani kwa bibi na kuvuna kitoweo kama watakavyo. Maharamia wale ilipaswa watupwe segerea ili liwe fundisho kwa wengine. Kwa bahati mbaya waamuzi waliohusika kuwapeleka segerea wanajua walichokifanya hadi kulitia taifa hasara badala ya kuwafunga maharamia wale.
HITIMISHO
Ndugu wanajukwa, nisiwachoshe sana na hadithi zangu za Alfu Lela Ulela. Sasa nirejeshe kikuza sauti kwenu. Je, nyie mwaona ni halali kwamba hawa nyagumi waachwe bila kushugulikiwa wakati mambo yakienda mrama? Mimi nasema hapana. Nataka hawa nyangumi tuwamulike kwa tochi kali ili nchi hii ipate heshima inayostahili. Kama kuna nyangumi mwingine niliyemshau kwenye orodha yangu, muweke humu tumumulike kwa tochi kali ili Mh Magufuli amuone na kumshughulikia ipsavyo.
Nawasilisha.
:yield:
